كرموا المبدعين وهم أحياء

[ابراهيم الصغير]

سلام
ياشبابانا داير اطرح موضوع إتمني تشاركوني فيه وتنبهوني إذاشايفين اني جانبت الصواب
نحن الشعب السوداني دائمابنكرم ونهتم بي بالمبدعين مننا بعد مايكونوا مامحتاجين اصلا للتكريم والاهتمام ويكونوا مشوا لغفور رحيم.....
الي من كرمهم قبل ان يولدوا وفضلهم علي كثير ممن خلق تفضيلا....
نسمع بشاعر، اوفنان، او اديب، اوسياسي قدم خدمة للوطن صادق....
او مبدع في اي مجال....
نسمع بيه مريض، او او يعاني....
نشوفو حضور بيننا...
نشوف اعمالو تحكي عنه...
وكل دا مايخلينا نديهومساحة خمسة دقائق في تفكيرنا..
وبمجرد ما انتقل لربه كل (الميديا) تشتغل عنو
والمواطنين العاديين يتناقلوا خبر وفاته ويحزنو وياداب الناس تبدا تتكلم عنو
نعم......
الميت يحتاج شهادتنا..
يحتاج نذكرو بالخير...
بس قبل مايموت برضو كان محتاج لينا..
محتاج نكرمو عشان يبدع لينا اكتر في حياتو..
عشان حاجات كتير......
اخوتي شاركوني النقاش
اتفقوا معي....
او اختلفو....
قوموني اذا كان راي غير صائب..
فانا بكم (انسان كويس)