الجامعات والجكس

[المياسة]

::

شجون


هو: السلام عليكم

هي: وعليكم السلام

هو: انت موش البرنسيسه صاحبه اللقب الجديده

هي بي خلعه: برنسيسه شنو ولقب شنو؟

انت الظاهر جديده في الجامعه ،،، عندنا في الجامعه هنا كل سنه بختارو واحده
شان تكون برنسيسه الجامعه وبختاروها بي واصفات معينه زوق وجمال وحلا وفهم وايييييك حاجات تانيه حامياني،،،،،وانا لما شفتك من بعيد قلت اكيييد انت صاحبه اللقب الجديد شان كده جيت اسلم واتعرف واخد الرضا منك

طبعا راسها ببداء يكبر ويدور ويتطاول زي كوره السله:D

هي بعد ماابتسمت ابتسامه خفيفه: لا والله انا ما البرنسيسه انا برلومه جديده ويادوب سجلته ونزلت

هو الولد المفتح: اي انا اساسا من قربت ليك عرفتك ما البرنسيسه لانو الصفات الفيك اكتر من صفات البرنسيسه وكده صفااات كوين عدييييييل كده


هي: بالغتا ياهناي دمك زي العثل


هنا خلاس المكنه قسمت تديها ابنص هاااادي وتسوق علي راحتك

تمشي اي ركن وتدفن دقن وونسه دقاااااااقه وكده

ليكون حضرتك بتتكلم عن نفسك:017:

[saare]

ازيكم يا شباب الجامعة

[امدرمانية]

أول حاجة سلام للكل.......

ياشباب رأيكم شنو نجي نعيد أيام الجامعات.... والضهب والجكس الفي الجامعة والحنك كان معاهو كيف..
طبعا بإفتراض إنك برلوم جدييييد..... كرت كرتونة ماناقش اي حاجة وداخل علي عالم جديد عليك:D

طيب ياجماعة نبدأها ليكم من ماطلعتها البيت وإنت قاشر الشكة للفؤاد....المشط في الجيب الخلف... جيت السوق العربي شأن تركب.. والسوق طبعا يعجبك زحمة ذي الزحمة وغبار بي الطريقة الصحيحة.... وصلت الموقف وراء الجامع الكبير وإنت وشك يلعن قفاك...... من الكتاحة والسخانة...... لقيت الموقف ذي كل مره.... زحمة ألف..... أها جات الحافلة وهاك ياجري ويامدافره..... أها تقوم تتحرفن وتدخل بالشباك.... وتقعد في مقعد وتخت كتبك في المقعد الجنبك الولد مفتح يعني مشرك وكده:D
أها في نص الزحمة دي وإنت رأسك شغال ذي مروحة الطربيزة تتلفت يمين وشمال .... تقوم تشوف ليك شحرورة حليونه طبعا لقب شحرورة لي الناس الماعارفنو كنا بنقولو للقطعة النضيفة في الجامعة:D
أها تقوم بي حركة مفتحين تأشر ليها إنو انا حاجز ليك جنبي هنا... وجات الشحرورة تتقدل وقعدت جنبك طبعا في اللحظة دي إنت خلاص كلامك كلو طار.. خصوصا بعد ماإبتسمت ليك وقالت ليك thanks
أها إنت داير تحنك لكن وين المدخل شأن تخش بيهو...دايرين مدخل الحنك ياجماعة؟

يالله في إنتظار مدخل للحنك السنين..

الحلاوه دي كلها بنركب مواصلات:D

[حبوبة]

انا خليني اتفرج ساااااااااااااي !!
والله ما بعرف اجيب زي كلامكم الحلو ده ..!

الفرجة في جنس ده ذاتو بتوديك في خبر كان يابتي
دة حين ده مستوى ده أفي عليكم ياوليداتي وتستاهل الكعة وأكتر يا بطوط باين عليك شرامي

انتو تاريكم ترمو الشباك للصيد
ما قا صدين محنة وريد
عينكم علي الفي الإيد
ولم تبيعك تعمل شهيد

خسارتك يابا ياالصنديد
أخوي فارس قبايل العيد
دخري الحارة يوم الضيق
كفاك والا أزيد

والله بجاكرك يا بطيط

أيام الجامعة كانت إبداع والما قراها في السودان ..... ..... ضااااع

[محمد عثمان محمد حسان]

الحنك كالاتي :
بتشجعي الهلال ولا المريخ

[saare]

لالا المريخ وتدخلو في الكلام الكتير

[دحدوح المريخابى]

انت شكلك كنت برلوم فرحان
وبكاااااااااااااااااااااااااااى كمااااااااااااااااااااااااااان

[اميرة بكلمتي]

بجد احلي ايااااااااام هي ايام الجاااااامعه
وزحمة المواااصلات
وايام المطر وانعدام المواصلات ...وفكرته حنمشي البيت مشي دي خليها سااااااي ...
انا حصلت مااااي مواااقف كتيره مابقدر احكيها بس اخر موقف
كان ...في يوم سخااااانه ولاحقه لي لاب ومتأخره ومااااافي مواصلات نهاااائي كل ماتجي حافله وافكلر
بس امشي عليها بلقاها اتملت .....في الاخر لقيت لى ولد صغير يعني انا اديتو سابعه او ثامنه بالكتير
لقيتو بينط من الشباك اديتو دفاتري وقلته ليهو احجز لي جنبك .......
ولقيت ليك الولد دا الطريق كلو عايز يفتح معاي موضوع .... استغربته صغير بجد .....

[hmustafa44]

والله الحنان كابى منكم كب
يلا اوريكم الحنك كيف
اول ما تجى تقعد تقول ليها والله انا شبهتك على تونة بنت جيرانه اصلها دخلت جامعة السودان السنة دى دراسات مستمرة وبرلومة جديدة لكن ما مشكلة انت وتونة واحد مافى فرق بينكم .
- ما مشكلة !
= انتى برضو برلومة فى السودان ؟.
- لا أبدا انا بدرس كمبيوتر فى معهد الأحبة فى السوق العربى .
= أيوه والله فيهو أستاذ / أحمد ده عنده حاسوب رهييييييييييييب وزول بفهم ببراحة وبدخل ليك الدرس فى مخك بكل سهولة وبساطة .
- أستاذ / أحمد - أستاذ / أحمد - أستاذ أحمد - أبدا والله ما بعرفه .
= ما مشكلة أها انتى واصلة لحدى السوق الشعبى ؟
- لا أبدا أنا نازلة بانت .
= صدفة غيربة والله أنا ذاتى نازل بانت 000 ممكن نغشى يوسف للاقاشى ونشتري سندوتشات .
- لا شكرا انا ما بحب الاقاشى .
= خلاص نشرب بارد .
- لا شكرا والله انا ماشة الداخلية عشان بعدين المساء طالعة مشوار .
= ممكن رقم تلفزنك ؟
- ممكن 999 .
خلاص ح اتصل بيك بعد المغرب .
وهكذا دواليك

[waya]

اللذاذه ,, في القزازة
والعصير .. بيتي
وأن ما كانش من فرج الله

على الجكسي

















يفتح الله ,,

[البساط الارباب]

حليل زمن الصبا...اهو طلعنا من الجامعه بخفي حنين لاحبيبه ولاجكسنا تمام كنا عاملين فيها بنحب... واي واحد مادرس في السودان مااستمتع ..بلاش الناس العاملين فيه درسوا خارج السودان... وجدعوا وعاملين حركات.. جربنا في السودان وخارجة.. والله فرق كبير...في الغربه تحس بانك مامن البلد وكلام كتير بس في السودان بيحقك..

[husseinmms]

اقول السمحة لو تسمح .. أحسن نمشى في زاوية وركن ضلمه
تقول بسمح .. تقوم السمحه تتلملم وتتخمخم .. وانا اتراجف
و ادقش الماشي آب سورى .. وجنب السلم آب سورى
هناك في الزاوية نتقعد ... وأقول ليك وغايتو الزول والحاصل و في الواقع
ياخ ما قادر اقول ليك
تقول ليه هايا دا فيها شنو و معانا منو ما تخجل وتتعقد
أنا أخجل واتعقد
أقول ليك في صوت لا يراوع يفوق رقه ومزيكه من فضلك وبترجاك ترجعي لي الاستيكة

[ابراهيم محمد]

والله طبعاً مافي أحلي من أيام الجامعة والجكس ولو ما الجكس ما كنا واصلنا في الجامعة وانتو عارفين الجكس العامل المساعد لعملية الفهم في المدرج نسرين بيميمك ونادرين بشمالك وانت تكون صاحب الحنك السنين والله ايام جميلة يا اهلنا ياريت تعود لازم تعود انتوعارف يا بطوطة كنت بقرة في النيلين لكن مكسر في الاهلية وقربت أموت هناك واحد قال لي لومت حمدالنيل ما قريبة ههههههههههههه هههههههههااااااااااييييييييييي

[بت الاحفاد]

صباحكم ورد يا جكس انا جديده وصراحه عجبتنى مواضيعكم شديد طيب؟
بما انو انا بت نفترض انو الحته تقيله وعملت رايحه من الكلام دا كلو.......... الحنك بكون كيف؟

[ضـــوء القـــمــر]

بجد احلي ايااااااااام هي ايام الجاااااامعه
وزحمة المواااصلات
وايام المطر وانعدام المواصلات ...وفكرته حنمشي البيت مشي دي خليها سااااااي ...
انا حصلت مااااي مواااقف كتيره مابقدر احكيها بس اخر موقف
كان ...في يوم سخااااانه ولاحقه لي لاب ومتأخره ومااااافي مواصلات نهاااائي كل ماتجي حافله وافكلر
بس امشي عليها بلقاها اتملت .....في الاخر لقيت لى ولد صغير يعني انا اديتو سابعه او ثامنه بالكتير
لقيتو بينط من الشباك اديتو دفاتري وقلته ليهو احجز لي جنبك .......
ولقيت ليك الولد دا الطريق كلو عايز يفتح معاي موضوع .... استغربته صغير بجد .....

هههههههههههههههههههههههههههههههههههههههههههه
لكين يارنيم صدقي عندو حق الولد ده (كــــارثة)
كان تقولي ليهو مـــامـــا كيــــف

[ضـــوء القـــمــر]

اقول السمحة لو تسمح .. أحسن نمشى في زاوية وركن ضلمه
تقول بسمح .. تقوم السمحه تتلملم وتتخمخم .. وانا اتراجف
و ادقش الماشي آب سورى .. وجنب السلم آب سورى
هناك في الزاوية نتقعد ... وأقول ليك وغايتو الزول والحاصل و في الواقع
ياخ ما قادر اقول ليك
تقول ليه هايا دا فيها شنو و معانا منو ما تخجل وتتعقد
أنا أخجل واتعقد
أقول ليك في صوت لا يراوع يفوق رقه ومزيكه من فضلك وبترجاك ترجعي لي الاستيكة

مبااااااااااااااااالغة لكين هاك دى

قالت ليا: لو سمحت عندك منديل
قلت بس الحلوة دى اسمها هديل
ولا يكونوا سموها غدير اوحتى للورد عبير
قلتا ليها ممكن امشى معاك للباب يا الاسمك للحروف ترتيل
وبدينا المشوار ياخي طريق القاعه من غيرها طويل
ذي ماشي وماماشي وانا واحد تاني وبقى ليا بديل

[husseinmms]

يا عزيزي انت مش ضوء القمر انت القمر ذاتو

[بت الاحفاد]

يا جكس برضو ماقولتو لى لو الحته عملت تقيله وابت ترد حتعملو شنو؟

[ابازركو]

تقول ليها والله انا شبهتك إخلق من الشبه اربعين وتخش في الموضوع ولا مش كدة يادكتورة

[عطبراوية]

يا استارو حنك بتعرفي فلان دا بقي حنك ميت ساي شوف الجديد شنو اما يا اسامة حنك الكبكبة دا كويس معاو كمان حبة مسكنة لمن تتمكن