لماذا لايملك السودان قمر صناعي

[ود المسالمة]

كنت امس اشاهد احد القنوان السودانية وشاهدت لقاء مع مضوي الترابي
وتحدث عن كيفية هروب المرتزقة من الكمائن التي وضعت لها وقال بالحرف الواحد بان
مرتزقة خليل تلقوا مساعدات من احد الدول التي تملك اقمار صناعية في المنطقة وذلك
بتحديد مواقع كمائن الجيش وارسال المعلومة لخليل وبهذه المعلومة تمكن من الافلات من
الكمائن والدخول الي امدرمان
سؤالي هو لماذا لايملك السودان قمر صناعي يساعدنا في تحديد اماكن المياه تحت الارض
وتحدد الاراضي الزراعية وتراقب الاقمار الصناعية الاخري التي استباحت الفضاء
السوداني دون رقيب اتمني ان تشرع الجهات المسئولة عن الاتصالات في السودان في
الشروع بعمل قمر صناعي للسودان ليس واحد فقط ولكن اكبر كمية ممكنة حتي نتمكن
من مراقبة حدودنا الواسعة الشاسعة

[كابو]

اذا خلصت النيات
اخي ود المسالمة فسوف نحدث المعجزات
لكن الاختلاسات ما بتخلينا نعمل الحاجات

[احسان]

[grade="FFA500 FF6347 008000 4B0082"]والله السودان دى كل ما يتقدم شبر

بيرجع عشرة ورا

عشان كدا ما نحلم

حتى باقل من ذلك

لكن نتمنى ان يكون لينا قمر صناعي

مشكور ود المسالمة [/grade]

[أبعاج]

أرجو أن يتحقق الحلم ويكون لنا قمرا صناعيا فى المستقبل القريب أن شاء الله

[كابو]

آآآآآآآآآآآآميييييييين يا ابعاج

[ود المسالمة]

حتي امس انا كنت مقتنع بان السودان يملك قمر صناعي لاني قبل كم سنة
قريت في احد الصحف بان السودان يسعي لارسال قمر صناعي لذلك
كنت مقتنع بوجود قمر صناعي سوداني ولكن لما سمعت تصريح مضوي
الترابي شعرت بحزن شديد لاننا لانملك هذه التقنية وللعلم تكلفته ما عالية
شديد وممكن علمائنا يقومون بتصميمه والمهندسين بالتركيب تبقي مشكلة
ارساله للفضاء واعتقد دي ممكن عن طريق الدول الصديقة وانشاء الله
المسئولين يكونوا انتبهوا لحاجة امن البلد لمثل هذه التقنية

[روقة]

كله في الطريق ورحلة المليون كيل تبدا بخطوة يا اخوتي

[ود المسالمة]

[QUOTE=روقة;156576]كله في الطريق ورحلة المليون كيل تبدا بخطوة يا اخوتي[/QUOTE]
اخي روقه السودان نال استقلاله عام 1956 مفروض رحلة المليون د ي نكون بديناها من زمان
تعرف السودان كانت لدية اجهزة حديثة ولكن نقول شنو للسياسية وناس عثمان عبدالله[/color]

[sunni]

العزيز ود المسالمة،،

أحييك على وطنيتك،، ما عيب انه الإنسان يكون طموح،، ولكن العبرة بالأفعال.
الأقمار الصناعية أشكال وأنواع،، وكل تصميم لهدف معين،، وإذا كانت الدنيا قامت ولم تقعد حتى الآن لما طلعت بترولك،، فهل تعتقد انه ح يسمحوا للسودان بعمل منشأة زي دي؟؟ علماً إنها تقع ضمن أصعب وأدق التقنيات، وهي ما تسمى بالأقمار التجسسية. فكل ما يمتلكه العرب جميعا وبلا إستثناء حتى هذه اللحظة، ما هي إلا أقمار إعلامية لبث القنوات الفضائية فقط،، وحتى دي، مستغل 99.99% منها في هشك بشك.

ولا يغير الله ما بقوم حتى يغيروا ما بأنفسهم

يديك العافية

[ود المسالمة]

شكرا اخي السني علي المرور للعلم انا موافقك الراي بان الغرب لن يسمح لنا بالحصول
هذه التقنية حتي انهم كانوا رافضين تزويد السودان ببرنامج الصرفات الالية ولكن السودان حصل عليها
بعد تعب شديد وللعلم السودان مراقب مراقبة شيده لكي لا يحصل علي التكنلوجيا العالية التقنية
وفي مرات كثيرة تعرضت البواخر السودانية للتفتيش في عرض البحار ولكن نحمد الله
بان هنالك عقول سودانية تمكنت من تنفيذ اشياء كثيره ومهمة ساعدت في النهضة الصناعية
الحديثة في السودان

[ود المسالمة]

امس شاهدت وزير الدفاع في التلفزيون السوداني وتحدث عن عدم وجود قمر صناعي
سوداني وفهمت من كلامة بانه لايمكن الحصول علي هذه التقنية في الوقت الحاضر
ولكن عندما ساله المزيع لماذا لم يتم استعمال موقع قوقل لم اسمع الجواب لانشغالي في
في تلك اللحظة المهم واوضح وزير الدفاع كيف كان الهجوم وكيف كان الدفاع وافاد
بوجود لواء كامل واطواف خارج مدينة امدرمان تمكنت قوات خليل من تخطيها بسبب
المسلعدات التي تلقتها من الاقمار الصناعية والتي حددت لها مواقع الجيش والاطواف
المتحركة وتحدث عن تحرك وحدات لدارفور وشمال كردفان والشمالية لمواجهة
القوات الغازية وتحدث انهاء القتال وسحق قوات خليل والجيش التشادي خلال
ساعتين فقط والله اكبر والعزة للسودان عاش السودان حرا مستقلا موحدا

[روقة]

الله أكبر ... والبلد محروسة .

[سعوديه وافتخر]

يارب يكون في السودان اقمار صناعيه

[ادروب كايرو]

اقولوليك حاجة لكن بين الاخوات مافى زعل بصراحة انا مريت باجنب موضوعك دا كذا مرة بكون مستعجل وكل ما امر بيضحكنى
يا ود المسالمة نحن رغم المسطحات والموارد المائية ومصادر الطاقة الضخمة ومساحات اراضينا وجودته ودرجة الخصوبة العالية نحن موية شرابنا فى تلتله وكهربتنا واستخداماته البسيطة الضرورية اليومية فى تلتله و واكلنا فى تلتله
قالو العافية درجات يا ود المسالمة انتا قـفـزت قفزة ممكن تخلينا ناخد جايزة الاوليمبياد فى مسابقة الوثب الطويل نحن وين والكلام ده وين نحن الواطه ما سوينا بها شى مويتنا ما سوينا بها شى طيران يا داااب طلعنا والطيارة اخير كان اخدت ليك كارو رجفة واصوات عجيبة لمن تصل روحك تطلع

باقى الكلام كوبى بست السنى واللهى اى حرف قالو فى محلو كفى ووفى لكن كلاموا فى حالة اننا قادرين لكن ناس يقيموا معرض للاسلحة واحتفال با دحر المعتدين يعرضوا قنابل ومشاكل وتانى يوم ولا تالت يوم حاجات تنفجر وتقتل الناس سوء حفظ وتخزين تقول لى صواريخ واقمار صناعية
هااااااايكااااا
انا ما متشائم لكن بحاول اخد الموضوع باحقيقته بكل ابعاده حتى لو كانت توجع فى النهاية هى الحقيقة وانشاء الله الكلام ده يسويه اولادنا
اخيراً بعد كلامى البايخ ده بحيك على وطنيتك وانتمائك وتمنياتك الطيبة لبلدك واهلك وروح الروعه تقبل بصدر رحب ودى وتقديرى المرفقين بمرورى وطيات كلماتى

[ابوبكر]

اعتقد أنو الغرب لن يسمح للسودان بامتلاك قمر صناعي لي أي غرض من الأغراض حتى يتم اخضاعه بالكامل للهيمنة والسيطرة الغربية وحتى لو تمت هذه الهيمنة والسيطرة لن يحصل السودان على تلك التقنيات المتطورة وحتى ابسط التقنيات في مجالات اخرى تعد انسانية في المقام الأول لن يستطيع السودان الحصول عليها ناهيك عن امتلاك قمر صناعي يكون خاصاً بالسودان . لكن على السودان المحاولة لأمتلاك هذه التقنية بكافة السبل