امثال ومصطلحات من لغتنا الدارجه

[كلو تمام]

الحياة مليئة بالحجارة فلا تتعثر بها بل إجمعها وابن بها
سلما تصعد به نحو النجاح

[دعاش كردفان]

[align=center]اسمع كلاما ببكيك ما تسمع كلاما بضحكك
الماعندو كبير يشتريلو كبير
سمحه أم رده بلا عده
سمح القول فى خشم سيدو[/align][/b]

[M.Hadad]

امثال ومصطلحات من لغتنا الدارجه

[the golden boy]

الباب البيجيب الريح سدو واستريح

[عزيز]

ِالزول إن اباك من غير سبب ما تسكو ...
امسحو من خارطة ضميرك حكو ....
جامل البجاملك والبدكك دكو ..........
الناس زي الهدوم فيها الراقي وفيها ام جكو .........

[bitadlan]

بليلة مباشر ولا ضبيحة مكاشر

اريتو غناي كان غنيتو للعود ______ كان في البرد ينفعني واقود

[ياسر احمد غيبش]

1_المعضي دبيب بخاف من جره الحبل
2_الخدام لقام
3_الفقوس بقوم لمعندو سنو :كنايه عن انبات الفقوس وهو التبش ان يقوم للشخص عام السنون وهو لايأكله
4_المال ضل ضحه
5_الخيل عارن والحمير بارن
6_عسلي دفق لي في دقيقي
7_الجفلن خلهن اقرع الواقفات
8_فلان رقع ماله
9_جميلا في الرجال تلقي جميلا في النسوان المي خطي مجراه
10_الضاق اللحم قناص والضاق العسل ماخطه الفاس

[بهجة]

كل الامثال التى زكرت هى واقع نعيشة واليكم بض الامثال

*****

ودالبدرى سمين
العترة بتصلح المشى
ارجى سفية وماترجى عاطل
اسمع كلام الكبير ولو كان عوير

[عيون المها2008]

تمر الفكي شايلو ومشتهي

[سمح السوق]

[a7la1=00CC99]الجمرة بتحرق الواطيها
الصبر على المر الامر منه
تمرق من بيتك حزين تلقى الفرح وين
ام جركم ما تكل خريفين[/a7la1]

[فرحة العسولا]

التسوى تلقا

[محمدالرشيدمحمداحمد]

شكرا كلمات
وهذه بعض امثال اهلنا:-

كراع البقر جيابا
البرقص مابقتي دقنو
العاونو في قبر ابوه دسها المحافير
بجي الخريف واللواري تقيف
لالوبنا ولا تمر الناس
بليلة مباشر ولا ضبيحة مكاشر
السايقة واصلة
السواي مو حداث
سفراً با الليد ما بعيد
الصابقك علي الباب قول له يا ارباب
نجام با دقنو
الكلب يهوي والجمال ماشات

[بت مدني]

مشكور عالموضوع بس اتمنى لو تترجم لينا الامثال دي عشان نحن نستعمله ..

[المهلهل]

اُمُ جُركُمُ ما بتأكل درتين

[محمد القدار]

امثال جملية يا كلمات ومنتظرين الجديد

[الأمير حسن مختار]

موضوعٌ به حكم وفوائد جمة نحتاجها كسودانيين وتعليمها وتوريثها للأجيال كنوع من التراث السوداني الأصيل الخالد الناصع الرائع التليد..

[نفسيات]

والله يا شباب امثالنا السودانية كتيرة لكن فى امثال محتاجة لى شرح
واى واحد بيشوف المثل صعب ممكن يوضح معناه عشان الناس تستفيد اكتر
تسلمو

[kholoud]

أمثـــــــــــــال روعه والله شكرا لكم جميعا

[ادهم]

التسويها بايدك تغلب اجاويدك
********
الباب البجيب الريح سدو واستريح
********
الماشاف البحر تخلعوا الترعة
********

المال تلتوا ولا كتلتوا
********

القلم ما بزيل بلم
********
القرد في عين امه غزال
وبرضو الحبيب فى عين حبيبو غزال حتى لو كان قرد
********
سمح الغنا في خشم سيدو
********
الولادة صغرة والمشي صباح
********
قلبي على جناى وقلب جناي على حجر
********
درب السلامة للحول قريب
********
تعيس الحظ يلاقي العضمة في الفشفاش
********
البيرقص ما بيغطي دقنو
********
بليلة مبشر ولا زبيحة مكشر
********
الما كلوا الدبيب يخاف من جر الحبل
********
الخير في الملعون زي الشرة في القندول
********
الجمرة تحرق الواطيها
********
المايهدي الكريم تعبان
********
البفكك من اكل التوم قل اكلو
********
الراجل افجخي بصلة قبل ما يبقي اصلة
********
رزقاً تكوسلوا ورزقا يكوسلك

[السودانى الاصيل]

مشكووووووووووور ادهم باشا وهاك دا

ادقو فى البربندى والحمار فى شندى

تاباها مملحه وتجى كايس ليها بى مويه

اكان جريت جرى الوحوش غير رزقك ما بتحوش

وجاييك تانى