الحجرالاسود

[ودالعاص]

كرويات الصبر البيضاء قبل يقرب حميات الغلب السوداء اتلمت وغمت وغزت اجسادك وبت تهضرب وفى هضريبك امور تعزيبك بين النخله ومجرى النسمه اتساقت طائر فتفت وحتحت ريشو قصادك وكان دا حبيبك وقمت تجقلب بين القيفه وباب النهر دبيب الريح من دبش القهر اتلوى اتلبد ولدغ الشيمه الشيمه انكفت البحر انخج الذبد انعج الطين انحترب ظهرت عقرب ورفعت شاره اندفعت فاره تجاه المركب وقعت ساره على صنقوررواسى قريبك وقام منوهدب وكابسو الجندب وكان دى امجادك بين الميدنا والرصاد انجرحت غيمة الغيمة الطيبه حامله حلال من الق البسمه الفى الاطفال من عرق النسمه الفى العمال والناس الفال جاتا شظايا اذان الوقت الواقع بين تعزيبك وسرقت زادك مدة ايدك تالا القبله طشاشا يصيبك تسبى نديهتك تفقد جيهتك تهتف تقضف تنسف تنزف دانات داعات الهوس الدينى الطينى الجينى قوافل اورادك تلقى قصادك سد ترابى كور همباتة نخى ونخاسة وكل الساسه الباعو نصيبك باستشهادك عاد انشاء الله تكون الجنة ميعادك الا الحاصل ديل حسادك بعض يقول الله لاعادك وبعض ان لاقى طريقه يجيبك تانى عشان الموت يصتادك يا مجلوب فى سوق الاخرى ويا متمقلب تحت جهادك فر جوادك ومات الطائر وكرش الغيمة انبعجت طمت وعينيك غمت تقدر تكشر حمرة عينك تنكش سيفك تابى جفيرك دابك تقوى يابنى ادم تفقد مرة مريرة ضميرك تكسب ثروة وتلقى العلم تحت سريرك تروى وترضع زاتك من لزاتك وحلوة الحلوة ومن ما تبلع يوت تضرع صدقة لعمرك وباقى حياتك حجه وعمره تسال ربك يغفر ذنبك يمسح سفك خيرات شعبك اصلها كانت عتره فى دربك لما تعبت وخانك حزبك كانت هفوه فى لحظة سهوة عن الانسان والحال الاسوى ودابك فقتا وجاتك نخوة وجيت تكفر يارب اغفراغفر عبدك خاسر شى ماتسوى يا البتخادع حتى فى الله وين الشهرة المال والجاة وين السطو الجشع القسو يا متلبك فى الادران الحجر الاسود ماهو البروه وماهو مكاوى الكعبه تجيها حين ينكرفس ثوب التقوى والمشروع الدينى الخالص مامحتاج لدراسة جدوى مافى خرط للجنه تودى وماخطط ممهوده برشوة يا من قال يارب من قلبو رد الخالق دائما ايوا.
واعلم انوسقتة مع انك واقف فوق اسمنت وتحتك عملة وهم واقفين فى البرد الناشف وجاهم زاحف قوز الرمله الاملاغ العيش الشاظف وفى ظلمات الزمن العاصف قاسى عبور اليم يانملة واسى غلابة الدنيا الكنت بتتعب غنيا عشان يرتاحو الكجنو حنك وصاروا نفيرك وقت حصادك هرب هرب خيرات بلدك بره سيبك باوعية البلد القطت مابيشفيك الدم النقط الااليم البدا يتلقط واحد واحد يا مجلوبة فى حوش وصريف بيت راكوبه وحوش صريف وسقفو يناهد احسن بى كفى وكفك والساعد نضارى الطفل الواعد من تخويف تسويف موزيف نلقى الوطن الحلم مو الطارد والا الموت الواحد.