توطين المصريين في الـسودان

[asool22]

[align=center]توطين مـلايين الـمصريين فـي السودان ، واسـتهلاك مـياه الـسودان الـجوفية

بالاضـافة لـفائض حـصة الـسودان لم تـعد مـن اسـرار الـدولة الـمصرية كـما كـانت حـتى عـهد قـريب!!!

قـناة اليوم وفي برنامج الـقاهرة الـيوم تـبث الخبرفـي بـرنامج إسـتضافت فـيه كـل مـن:
1\ مـصطفى الـجندى... عـضو مـجلس الـشعب الـمصري.
2\ د. مـحمد غـندور.. رئـيس مـركز الـبحوث الـزراعية.
3\ حـمدي الـطحان.... رئـيس الـمجموعة الـبرلمانية للـتكامل الـمصري - الـسوداني.

كـما اسـتضاف الـبرنامج عـبر الـهاتف:

1\ اللـواء أحـمد سـعيد صـوان... مـحافظ الـدقـهلية ( مـحافظة الـدقـهلية هـي سـلة غـذاء مـصر!!)
2\ شـريف الـخريبي.... رجـل أعـمال
3\ مـحمد ثـروت.... فـنان

قال جمال مبارك: سنتّجه للسودان لتوفير إمدادات مصر الزراعية

مصر هبة النيل ولولا النيل لكانت مصر صحراء جرداء قاحلة لايسكنها طير ولا بشر ، تعاني مصر من
ازدياد سكاني كبير جدا وكله يتركز علي ضفتي النيل ، المساحة الزراعية ضيقة جدا لاتفي الا بالقليل
مما تحتاجه مصر "المؤمنة" اتجهت مصر الي الصحراء للسكن والزراعة ، اوصلت النيل حتي الي
الصحراء في محاولة لزيادة الرقعة الزراعية مثل مشروع توشكي الزراعي الضخم الذي دار حوله جدل
كثير في مصر نفسها بين الخبراء حول جدوي ونجاح هذه المشروع الطموح ، السودان به حوالي 200
مليون فدان صالحة للزراعة لايستغل منها سوي 40 مليون فدان في احسن الاحوال اي حوالي 20% فقط
وتصبح 160 مليون فدان بور لايوجد من يزرعها لاسباب عديدة ومختلفة منها قلة الامكانيات وقلة عدد
السكان في السودان بالمقارنة مع مساحته الشاسعة المترامية الاطراف وهي 2.5 مليون كم مربع بينما عدد
سكانه حوالي 40 مليون نسمة فقط

السودان يجاور سبعة دول افريقية غير عربية ومعظمها فقيرة ولاتمتلك الا القليل من الموارد فلذلك ليس
من المستغرب ملاحظة تدفق الهجرات من هذه الدول الي السودان بعد ظهور البترول وبدء عملية التنمية
والتطور وجذب رؤس الاموال الي السودان وهو ما حدي بحكومتنا الحالية دعوة المصريين للتوجه جنوبا
مخافة ان يغلب الجنس الافريقي علي العربي –غير الاصلي- في السودان وخلق التوازن المطلوب

السودان بلد زراعي في المقام الاول وان اسعار السلع الزراعية اخذت في الارتفاع بصورة غير عادية
بعد ان دخلت كثير من المنتجات الزراعية في عملية الطاقة كبديل للبترول الذي اصبحت اسعاره عالية جدا

المصرين لا محالة قادمون رضينا ام ابينا وكثير من المصريين كانوا يعتبرون ان الملك فاروق كان ملك
مصر والسودان معا ، اللواء محمد نجيب حاكم مصر السابق كان قد حضر الي السودان خصيصا لحضور
استقلال السودان من داخل البرلمان واعلان الاتحاد مع مصر الي ان حزب الامة والجنوبيين في البرلمان
حالوا دون ذلك مما اضطر اللواء محمد نجيب العودة الي مصر دون تحقيق الهدف الطموح لمصر


[youtube]fQxbRY5Tt8s&eurl[/youtube]



[youtube]5xcMkEDNtmY&eurll[/youtube][/align][/size]

[M.Hadad]

خلال 18يوم اشتري ارض علي النيل الابيض وفي الخرطوم؟؟ وين الاجراءات انا لو عاوز اشتري من الحكومه قطعه ارض وانا السوداني باخداكتر من شهرين؟؟؟؟؟؟؟؟؟

الفدان بي 100 دولار؟؟؟؟؟؟؟؟؟؟؟؟؟؟؟؟؟؟؟؟ حتي المذيع المصري استنكرها

اشترو 5,000 فدان يعني بي 500,000 دولار؟ وحكومنا الرشيده عرضت عليهم 30,000 فدان؟ والله دي همله

مساحه الاراضي الصالحه للزراعه في السودان 250 مليون فدان (نفس حجم مساحه مصر) عجبي

فدان الارض في مصر 50,000 جنيه مصري يعني 10,000دولار وايجارو بي 5,000 جنيه مصري يعني بي الف دولار ونحن نديو ليهم بي 100 دولار

قال المذيع بالحرف " نتوسع في الرقعه الزراعيه بتاعتنا علي حساب اخواننا في السودان" ياللسفاله
ولم يكتفي هنا بل وقال "خلونا نعرف كيف نستغل الكنز السوداني" شوف ابن الـ

يعني الخلاصه المصريين قبلو علينا عشان يستنزفو مواردنا وبابخس الاثمان

انتو ده قانون استثمار يرغب الاجانب ولا عشان يطفش السودانيين؟

ده مشروع استيطاني واحتلال رسمي وكمان سباق علي الحاجه دي يعني خايفيين الصينيين يجو السودان وياخدو 2 مليون فدان؟ دي قصه جديده كمان ولا شنو؟؟ نحن بقينا مزبله البشريه؟؟؟؟؟

والله صدقتو اوروبا احتلت امريكا بالبشر وده حاليا اليحصل لينا
افتونا يا ناس الاستثمار انتو بايعننا بابخس الاثمان ليه؟
والفايده شنو وما تقولو تطور لانو كل الدخل حيمشي للـ ..... الناس البتتكلم فوق دي
اذا ما عاوزين السودان يكون للسودانيين بيعو بنشوف لينا حته تانيه نقعد فيها بس استحاله تقدرو تمسو سودانيتنا

سؤال برئ جدا
ليه لما اكون ماشي مصر لازم اعمل تاشيره وكرت حمي صفراء ولما المصري يكون خاشي السودان بيدخل ساكت؟؟؟؟؟؟؟؟ تكون وكاله من غير بواب ولا اتفاقيه التكامل دي اتجاه واحد بس؟
واتفاقيه مياه النيل حيحصل فيها شنو بعد استغلال المصريين لحصه السودان وارضه

[هلوية]

شكراً asool22علي الموضوع المهم والخطير. . .

مع إحترامنا للجميع إلا إنو السودانيين والمصريين في إختلاف جوهري في الطباع وأسلوب التعامل و ما أظن إنو يكون في تعايش وإنسجام إذا نفذ ت المشاريع دي . . وشخصياً عن تجربة جابو لي مصرية معاي في المكتب وكنت غايبة يوم . . جيت لقيت أقلامي وحاجاتي كلها شالتا عندها قلت ليها يعني لو غبت يومين كان شلتي التربيزة زاتا . . ودي بسيييطة جداً قدام الحاجات التانية . . . وده ما سلوك واحدة الأغلبية كدة . . . وبعدين السودان ده بلد متعدد الأعراق ما أظن من حق أي جهة إنها تعدل التركيبة دي بالقوة يعني يجيبو لينا مصريين ولا فلسطينيين ولا أفارقة . . لأنو نحن ما ناقصين أصلاً . . الفينا مكفينا

[فجر]

المشكله ان الحكومه بتيع البلد حته حته شويه للمصرين ومرة للسعودين والكويتين وغيرهم كتير
بحجه اهم حينمو البلد ده استعمار بس بمزاجنا صدقونى حيجى يوم واحنا السودانيين القاعدين فى بلادنا حيطلبوا مننا اقامات ومش بعيد تاشيرات واذن ورسوم عشان ندخل بلادنا
وبعدين هما عاملين حجه الاستثمار احنا حنستثمر كيف اذا كان هما مضيقنها على اولاد البلد وفتحنها للاغراب بس المشكله ان احنا عندتا ناس مابيعاينوا لابعد من ارنبه نخرتهم ده اذا وصلوا النخره اصلا
ما اقول غير الله يستر ويصبرنا على ما بلانا

[M.Hadad]

وبعدين هما عاملين حجه الاستثمار احنا حنستثمر كيف اذا كان هما مضيقنها على اولاد البلد وفتحنها للاغراب بس المشكله ان احنا عندتا ناس مابيعاينوا لابعد من ارنبه نخرتهم ده اذا وصلوا النخره اصلا
ما اقول غير الله يستر ويصبرنا على ما بلانا

والله جبتي المفيد يا فجر
يسلم فمك

ابوبكر اجمع هنا سريع واشرح لينا الحاصل ده
ورينا فهم ناس الاستثمار شنو في الكلام ده

[asool22]

[align=center]الـمؤامرات الـمصرية لابـتلاع الـسودان
الموضوع خطير خطير ...
السودان مستهدف تماما فى ارضه وثرواته

لماذا توطين مصريين..؟
الافضل للحكومة ان تستجلب مزراعين من السودان نفسه.
.لماذا لا تعطى هذه الاراضى للتمردين...فى العديد من انحاء السودان.
..ليزرعو فيها بدلا من القتال..؟
واذا لم تكن هذه الفكرة جيدة.
.لماذا لا ترحم المزراع السودانى نفسه من الرسوم..وتقدم له معينات الزراعة باسعار مخفضة..
تكامل مع مصر..؟
السودانيين عجزوا عن الاتفاق والتكامل فيما بينهم..كيف لهم..التوافق مع الاجنبى..؟
قدمنا لمصر الكثير..
حلفا..
وحلايب..

دايراين شنو..تانى..؟[/align][/size]

[M.Hadad]

قال المذيع خلونا نعرف كيف نستغل الكنز السوداني

وقال الاخر اوروبا احتلت امريكا الشماليه بالبشر

نحن الان نواجه احتلال رسمي

وروني الفرق بينهم وبين المستعمر شنو؟

المستعمر بياخد احسن الحاجات وبابخس الاثمان بعكس المواطن وده الحاصل هسي

سؤال تاني
هو اليهود اتمكنوا من الفلسطينيين كيف؟

مش بنفس الطريقه؟

وزاره الاستثمار عفوا قصدي الاستعمار خلاص غلبكم انو السوداني يستمتع بخيرات بلادو قلتو تدوها لي ناس ينهبوها؟ واي ناس المصريين؟؟؟؟؟؟؟؟؟؟؟؟؟

ياحليل الحر الباع نفسو عشان يبقي عبد

[abdintod]

ألاخ timbrilly.com

أويدك تماماً في ماقلته بخصوص الاحتلال بالبشر

كنت قد قراءت قبل فترة في موقع عراقي عن تجربة صدام لتوطين المصريين

في العراق وأرجع الكاتب أسباب فشل التجربة للفساد الاخلاقي للمصريين وذكر ضمن

ما ذكر أطماع مصر في إحتلال العراق عن طريق البشر

وهذا ما يفسر سر مئات الجثث المصرية التي كانت تأتي من العراق

أكاد أجزم أن التجربة المصرية في السودان لن تمر بسلام

وألف تباً علي هولاء التجار الفاشلون الفاسدون الذين يحكمونا

[ود المسالمة]

المفروض موضوع توطين المصريين والفلسطنيين في السودان يطرح
في انتخابات علي الشعب والصندوق يقول كلمته
واعتقد باننا نختلف اختلاف كامل مع المصريين والفلسطنيين في شي
وذي ما قالوا الاخوان انا اليوم لو طلبت ارض زراعية تضع امامي كل
عراقيل الدنيا
والمسئولين لو عاوزين نهضة زراعية عندنا كم خريج من كلية الزراعة لو كل
خريج ادوه مزرعة ما كنا الان بنصدر طماطم وخيار وقمح للدول العربية ليه
ليه يفكروا في توطين ناس من الخارج ولدينا الاف الخريجين عاوزين توطين
لدينا الاف العطالة محتاجين يشتغلوا
هسع انا عاوز لي ارض زراعية في مشروع غرب امدرمان امشي وين
واسال منو
وانا متاكد ل جي حلبي بيدوها ليه قبل تاشيرة الدخول للسودان

[ادروب كايرو]

واللهى يا جماعه اوضاع ومواقف غريبة
مثيرة ومحزنة
زى ما قال ود المسالمة اعتقد ان القضية اكبر من انها تعمم وتطبق بقرار حكومى ومن حق الشعب انه يدلى برئيه ويبت فى القضية
ثانياً فى السودان اعداد كبيرة فعلا من خريجى كليات الزراعة تسلب طموحاتهم تصغر وتصغر وبيكون اعظم امالهم واحلامهم مشتل صغير يزاولوا فيه عمل ومجال ضيعوه فوقه سنين من اعمارهم فى التحصيل العلمى والدراسة وحتى المشاتل بيواجهو صعاب وكسر همم وعراقيل لا تحتمل علشان يحصلوا على تصاريحه

ما عارف كيف تظلم وتصادر على احلام اصحاب الحق ويعطى الحق غريب مجاملة ومنظرة ؟!!
طيب على الاقل يعاملوا زى ابناء البلد
طيب تأجر باجور رمزية ويكون لهم حق الانتفاع ما قلنا حاجة الارض قاعدة ومصلحتنا قاعدة
لكن السودان تباع قطاعى وتجزئة ويجنى على ابناء البلد من ابناء اصلهم ووطنهم شئ سخيف جدا جدا

اعتقد ان دى خطوة فى مسلسل تدهور الاحوال والانحطاط الفكرى والسلوكى فى مجتمعنا

وبعدين يا جماعه انا عمرى كلو فى مصر بجاى الاولوية لابناء البلد وانا غريب وافد وان كانت فى بعض المميزات للجالية السودانية والفلسطينية لكن ما كدا
وكمان لمن امشى السودان كان لقراية اتعامل مغترب خلينا القراية فى السودان
لكن ابسط حقوق المواطنة ما انوله لمن ارجع بلدى ويتعامل الغريب احسن منى
كدااااااا كتييييييييييييير وشئ ما محتمل
راجع لشنو انا وطن وبلد وانتماء

حروف الابجدية كلها عاجزة انها توصف القضية لانها غاية وقمة فى القبح والظلم والاستهانة بمصلحة شعب وارض وجناية على اجيال جايه كل ذنبها انها تنتمى لتراب السودان وما بتعرف ليها غيره موطن

[أبعاج]

الاخ الغالي asool22 لك التحيه
بس المصيبه الادهى والامر
والتى ارجو من كل السودانين يفطنوا ليها !
البلد اى (( السودان )) اتملت مصريين والبشير اداهم الحقوق الاربعه السكن والتملك والاقامه والجنسيه
والله العظيم شفتهم فى البحر مجموعه من الشباب المصريين بيتريقوا على الاسر السودانيه القاعده جنب النيل
وشفت ولد مصريين فى السودان بيقول لولد سودانى (( يا عب )) اى والله العطيم سمعته بأذنى واستغربت لهذا الشىء
والبلد اتملت من كل الملل (( سوريين * عراقيين * مصريين * وفلسطينين )) وكمان ماشين مع بناتنا عينك يا تاجر تلقى عراقى فى المطعم معاهو سودانيه بيأكلوا سواء او مصرى او فلسطينى !!
يعنى حاجة تفقع المراره (( الكلام ده كله فى الخرطوم ))
ويمكن ملاحظة الاعداد الهائله منهم اذا فتحت تلفزيزن السودان فى صلاة الجمعه(( نحن بره والمصارى احتلوا بلدنا ))
ولمن ترجع السودان فى الاجازه حتقول اخير الغربه(( احسن من الواحد يتهان فى بلدو))

[M.Hadad]

ولمن ترجع السودان فى الاجازه حتقول اخير الغربه(( احسن من الواحد يتهان فى بلدو))

هنا بقت المشكله وشكل الناس ماشه علي كده

[مودة]

السلام عليكم ورحمة الله

فرضاً لو سلمنا انو دي اتفاقية تكامل اوتبادل بين مصر والسودان <<<< بالنسبة لي انا شايفاها استعباط واستنكاح مصرين
اي اتفاقية بين بلدين بتكون المنفعة متبادلة للطرفين

السودان اعطي المصريين حقوق يكاد السوداني صاحب البلد مفتقرها

طيب مقابل شنو ؟؟؟


النقطة التانية :

صحيح في اراضي زراعية كبيرة في السودان وممكن تستثمر بس من غير مبايعة لييه ما تكون الأرض مؤجرة لفترة معينة يستفيد منها المصري ونحفظ ماء وجهنا وكرامتنا بدال ما نبيع اراضينا وبعدين نقعد نبكي على اللبن الاتسكب

زي ما عملو الفلسطينين باعو اراضيهم لليهود

والمصري ما بفرق عن اليهودي في طباعو

[SNGAM]

الاخوة الكرام ارجو ان تناقشو الموضوع بموضوعية من كل الجوانب وبعدين تحصرو الايجابيات واللسبيات وانا فى اعتقادى لاتوجد مشكلة لان السودانين الى فى مصر عددهم كبير رجعو السودانين اللى فى الخليج واللى فى مصر بعدين دافعو عن وطنكم هذا الزمن الى صار العالم قرية لا فرق بين مصر والسودان والدول الاخرىالمهم ان تكون هناك قوانين تحفظ حقوق المواطن مهما كان وضعة عندها نتكلم عن الوطنية والسودان


SNGAM[ /color]

[M.Hadad]

الاخوة الكرام ارجو ان تناقشو الموضوع بموضوعية من كل الجوانب وبعدين تحصرو الايجابيات واللسبيات وانا فى اعتقادى لاتوجد مشكلة لان السودانين الى فى مصر عددهم كبير رجعو السودانين اللى فى الخليج واللى فى مصر بعدين دافعو عن وطنكم هذا الزمن الى صار العالم قرية لا فرق بين مصر والسودان والدول الاخرىالمهم ان تكون هناك قوانين تحفظ حقوق المواطن مهما كان وضعة عندها نتكلم عن الوطنية والسودان


SNGAM[ /color]

[align=center]الاخ سنجام فعلا عدد السودانيين الفي مصر كبير لكن هناك حقوقهم شنو؟؟؟؟؟؟؟؟؟؟؟؟
ولا شي
المصريين في السودان حقوقهم شنو؟؟؟؟؟؟؟؟
ده اذا انت فعلا بتقول انها ما فارقه وكمثال
انت كسوداني ما بتدخل مصر بدون تاشيره في السفاره وكرت حمي صفرا وووووو
لكن المصري بس يركب الطياره وبعد ما يصل السودان وفي المطار يعملو ليو دخول؟؟؟؟؟؟؟؟؟
التسهيلات الاخدوها المصريين في السودان نحن كسودانيين ما لاقينها
وارجو قبل ما تقول كلامك ده ان تشاهد البرنامج الحواري الجابو الاخ عسول وبعد كده نحن منتظرين رايك[/align][/size]
كل شي زي المواطن السوداني واكتر

[أبعاج]

ارجعو شويه للوراء عندما بنى المصريين السد العالى .. وأغرقوا حلفا والقرى المجاوره لها !!!
أدونا شنو المصريين غير حفنه فلوس لاتساوى ثمن قطعه أرض فى حلفا الان
لم يعطونا ولاكيلو واط واحد من الكهرباء بتاعة السد !! بل أعطوا سوريا منها وحرمونا !!! زرعوا بمياه السد لعالى ولم يكن لنا نصيب فى أى شىء !! ورغم أنهم لولا غرقوا حلفا لما أقاموا السد
وفى حرب الخليج أنكرونا وحرضوا علينا الامم
وعندما قاطعهم العالم العربى كله !! فتحنا لهم صدورنا وسفاراتنا فى الدول العربيه !لم نلقى أى مساعده منهم سوى الصمت الرهيب !! وعنما جاعوا لجأؤا الينا !1 وقالوا أن السودان عمقهم الاستراتيجى !! سبحان الله اى عمق هذا الذى يتكلمون عنه !!؟؟ هذا بلدنا السودان وليس صعيد مصر ياسادتى

[هلوية]

كيف لدولة كانت بالأمس القريب مستعمر . . . واليوم صديقة وشقيقة . . . أفيقوا يرحمكم الله . . .

العلمين الإنجليزي والمصري يرتفعان فوق أطلال القصر الحكومي ، الخرطوم 4 سبتمبر 1898 يرمزان إلي نجاح الجهود المشتركة في إسقاط دولة المهدية .

رحم الله الشهداء. . .

[ادروب كايرو]

شنو يا جماعه حركة التعبئة دى
هو من ناحية اهتمام مصر بالسودان ففعلا السودان بيمثل عمق استراتيجى لمصر ومن ناحية مصداقية كلام مصر عن مكانة السودان فالشعور واضح من كلمات المواطن البسيط فى الشارع ان السودان ومصر واحد

نحنا ما هنحل الموضوع باننا نزرع مشاعر سلبية تجاه مصر وسياسته او اى بلد اخر
من البديهى والعقلانية ان تلجاء مصر للسودان لعلاج مشاكلها الاقتصادية والاجتماعيه
العيب فينا نحنا نحنا البنتخاذل نحن البنفرط فى ارضنا وارض اجيال جاية
العيب فى النظرة الدونية للمسئولين وضعاف النفوس المتولين مناصب اتخاذ القرار فى بلدنا لان كل تفكيرهم منصب فى الذات ولا يتعدى اصبع قدميهم
العيب فى صمتنا وقلة حيلتنا اللامبالاة والسلبية السطت على اسلوب حياتنا
العيب ان الاذمة الاستهانة بمصالح ابناء البلد ما كان زاد لثورة لتصحيح الاوضاع وتقويم المسار

مصر ما اجبرتنا او ضربتنا على يدنا لاتخاذ مثل هذه القرارات

الاتفاقيات الاربع بين مصر والسودان مثلا تم الوصول ليها عند حضور مجموعه من الوزراء وكبار المسئولين السودانين لمصر وعند تطبيق بنودها بحذافيرها فى السودان لم يطبق منها الا القليل
هل العيب فى مصر لاء العيب فى الدبلوماسية السودانية لان الهدف كان المصلحة المتبادلة وعند تفعيل الاتفاقية يجب تفعيلها من الطرفين العيب فى اسلوب تقليل قيمة ومكانة السودان العيب فى مبداء المحاباة الانتهجته حكومتنا واتخذت منه شعار حتى ولو كان المجنى عليه هوه السودانى

مصر رغم قوة وجبروت نظم حكمها البيسميه البعض حكم دكتاتورى بتخطط لمصلحة ابنائه بتوسع اعماله ومصالحه لمستقبل ابنائه فهل العيب فينا ام فى مصر

ثانيا رداَ على سنجام مصر بتكن للسودان شعور طيب واقمنا بها عمر استقبلتنا بكل حفاوة وكرم
لكن هل نعامل كابناء البلد هل جنينا على ابنا البلد
وكان التميز بصالحنا
السودانى له مميزات بالمعاملة وتسهيلات لكن ما بهذا الكرم والسخاء الساذج والمصلحة الاولى والاخيرة هيه المواطن وابن البلد

دى ابسط حقوق المواطن بوطنه

[sara elmasry]

اولا السلام عليكم
الموضوع اللى انا عوزه اتكلم فيه النهارده هو رد على موضوع توطين المصريين فى السودان
لو تسمحوا انا عوزه اوضح لكم حاجه ان كل البلاد العربيه اخوات دينيا وانسانيا ولازم نكون ايد واحده
وكون ان مصر تلجا للسودان بالنسبه لموضوع الاراضى فده منقدرش نسمييه استعمار ولا اى حاجه الموضوع ابسط من كده بكتير لان احنا عندنا ازمه كبيره جدا فى الزراعه بسبب الانفجار السكانى ومن اشد الازمات اللى مصر اتعرضت ليها الفتره اللى فاتت هى مشكله القمح ومعنى الاقمح يعنى رغيف العيش ولازمه ديه ممكن تؤدى لكارثه فعلا وذى ما حضرتكم قولتوا ان عندكم 200 مليون فدان صالحه للزراع لايستغل منها غير 40 مليون فدان لاى اسباب سواء كانت قله الايدى العامله او قله الامكانيات وانا مش شيفه ان فيها اى استعمار ولا حاجه المفروض يكون فى تعاون اكتر من كده
وانا على فكره مش شيفه ى اختلاف بينا وبين السودان فى الطباع او الجوهر وكمان العادات والتقاليد متشابهه مع بعض كتير جدا
وزى ما فى مصريين كتير فى السودان فى سودانيين كتير فى مصر الموضوع بسيط وعادى جدا
وانا اعتقد ان الحكومه السودانيهاسعار الاراضى يعنى مصر ملهاش علاقه بموضوع الاسعار رخيصه او غاليه ولا احنا فى اشد الحاجه للاراضى ممكن نشتريها باى ثمن لان استصلاح الاراضى كده كده بيحتاج فلوس كتيره وعماله اكتر فالموضوع مش فارق كتير
وبعدين مع احترامى للجميع طبعا مصطلح احتلال البشر غير صحيح لان كل انسان ربنا عامله رزق واكيد لازمياخده سواء فى بلده او فى غير بلده وربنا هو اللى بيقسم الارزاق
وعلى فكره زى ما مصر فيها شباب مستهتر وقليل الادب ففى بلاد كتير ممكن تلاقى فيها الكويس والوحش وبعدين انا شيفه ان مفيش اى مشكله لما سودانيه تتجوز مصرى او العكس انا عن نفسى خطيبى سودانى وهو شخصيه محترمه وانا فخوره بيه جدا
واخيرا مصر مش زى اليهود احنا كلنا مسلمين ذى بعض وعيب لما نقول كده
والخلاف لا يفسد للود قضيه
وشكرا

[M.Hadad]

شنو يا جماعه حركة التعبئة دى
هو من ناحية اهتمام مصر بالسودان ففعلا السودان بيمثل عمق استراتيجى لمصر ومن ناحية مصداقية كلام مصر عن مكانة السودان فالشعور واضح من كلمات المواطن البسيط فى الشارع ان السودان ومصر واحد

نحنا ما هنحل الموضوع باننا نزرع مشاعر سلبية تجاه مصر وسياسته او اى بلد اخر
من البديهى والعقلانية ان تلجاء مصر للسودان لعلاج مشاكلها الاقتصادية والاجتماعيه
العيب فينا نحنا نحنا البنتخاذل نحن البنفرط فى ارضنا وارض اجيال جاية
العيب فى النظرة الدونية للمسئولين وضعاف النفوس المتولين مناصب اتخاذ القرار فى بلدنا لان كل تفكيرهم منصب فى الذات ولا يتعدى اصبع قدميهم
العيب فى صمتنا وقلة حيلتنا اللامبالاة والسلبية السطت على اسلوب حياتنا
العيب ان الاذمة الاستهانة بمصالح ابناء البلد ما كان زاد لثورة لتصحيح الاوضاع وتقويم المسار

مصر ما اجبرتنا او ضربتنا على يدنا لاتخاذ مثل هذه القرارات

الاتفاقيات الاربع بين مصر والسودان مثلا تم الوصول ليها عند حضور مجموعه من الوزراء وكبار المسئولين السودانين لمصر وعند تطبيق بنودها بحذافيرها فى السودان لم يطبق منها الا القليل
هل العيب فى مصر لاء العيب فى الدبلوماسية السودانية لان الهدف كان المصلحة المتبادلة وعند تفعيل الاتفاقية يجب تفعيلها من الطرفين العيب فى اسلوب تقليل قيمة ومكانة السودان العيب فى مبداء المحاباة الانتهجته حكومتنا واتخذت منه شعار حتى ولو كان المجنى عليه هوه السودانى

مصر رغم قوة وجبروت نظم حكمها البيسميه البعض حكم دكتاتورى بتخطط لمصلحة ابنائه بتوسع اعماله ومصالحه لمستقبل ابنائه فهل العيب فينا ام فى مصر

ثانيا رداَ على سنجام مصر بتكن للسودان شعور طيب واقمنا بها عمر استقبلتنا بكل حفاوة وكرم
لكن هل نعامل كابناء البلد هل جنينا على ابنا البلد
وكان التميز بصالحنا
السودانى له مميزات بالمعاملة وتسهيلات لكن ما بهذا الكرم والسخاء الساذج والمصلحة الاولى والاخيرة هيه المواطن وابن البلد

دى ابسط حقوق المواطن بوطنه

اخي ادروب الرجاء مراجعه المقابله مره اخري قبل الحديث

وبعدين كيف السودان عمق استراتيجي اقنعني بي دي وشوف انت صورت السودان باي صوره؟؟
وصدقت في ان العيب في الدبلوماسيه السودانيه التي سمحت للمصريين بالاستيلاء علي كل ما ارادوه من سوداننا والمصريين الاستغلو ضعاف النفوس لتحقيق مأربهم ديل ملائكه منزلين علي السودان ولا شنو؟؟

لو راجعت الحوار حتلقي السخط منصب اولا علي من مهد لهم هذا الدرب وثانيا علي طريقتهم واستهتارهم بنا وبوطننا وتمثيله بتابع لها
قال عمق قال

وبعدين المصريين اصدقائنا واحبائنا والقلبهم علينا ديل مش كانو محتليننا قبل كده ولا انا غلطان؟؟؟؟؟؟؟؟؟
واخيرا عمر السودان ومصر ما حيبقو واحد مهما كان
منتظر ردك علي ما قلت