منتدى عربي فيه موضوع عن السودان يسجل اعلى زيارة وصوره من موقعكم هذا فلهم الشكر والتقد

[aymen12000]

منتدى عربي سعودي فيه موضوع عن السودان وهذا الموضوع سجل أعلى معدل زيارات والجميل في المسألةأن الصور كلها من منتدانا الرائع هذا. يعني منتدانا ولله الحمد في طريقه ليصبح مرجع للصور السودانية وشكرنا الجزيل للمشرف الغالي

منتدى نسائم الإيمان شاهد هنا

[waya]

فعلا والله شئ يدعو للفخر والاعتزاز

12000تشكرات

[M.Hadad]

عفوا بقدر ما الحاجه دي بتدعوني للفخر والاعتزاز بالصور و بمنتدانا بقدر ما احبطتني التعليقات عن السودان
طيب نعرف الناس كيف بيهو؟؟
نشترك في كل المنتديات وننزل صور ومواضيع عن السودان؟؟؟؟؟؟؟؟؟؟؟؟؟؟

ده حياخد عمرنا كلو وما حنتم جزء بسيط من الحاجه دي
طيب العمل شنو؟؟؟

هل من ناصح

[ابن الخطاب]

والله تمبر فعلا" كلامك صاح العرب قايليننا عايشين في صحراء

والله يعين

وتشكر يا أيمن

[sunni]

العيب يا شباب ما في أخوانا الخليجيين. العيب في وسائل الإعلام والنهج السوداني المنغلق. فطول الفترة السابقة ما كان عندنا إعلام يوضح شي عن السودان البلد المترامي،، انا شخصياً إحتكيت بغير سودانيين كتير جدا. ولأنه السودان بلد مترامي الأطراف . تلقى غير السوداني قابل واحد من أهلنا الحلفاويين،، يفتكر كل السودانيين كدة،، وتاني واحد يقابل ليه واحد شايقي،، ويفتكر كل السودانني كدة، والبعده يقابل بقاري، و و و.

اللزيز في الأمر انهم بيقعدو يتغالطو في إنه السودانيين بيعملو الموضوعده كدة،، لا ياخ بيعملوه كدة،، وكل واحد يكون من رؤية السوداني البيعرفه. المهم في الأمر انه نحن لازم نعكس صورة بلدنا، وزي ما قال المشرف العام بتاع المنتدى المقصود، إنه قناة الشروق حاليا بدت تضع المواضيع السودانية في شكل يوضح للكل ما هو السودان. ونحن لازم نعمل كدة ونطرح مواضيعنا وبلدنا بشكل غير مغلق حتى نجذب الكل عشان يشوفوه، ولما يفهم غيرنا شنو هو بلدنا، وشنو هي عاداتنا،، بجو براهم بعد كدة،، إنتو يا تمبر ما ولعو النار،، وخلوها تشب،، وبعد كدة،، بتكبر براها،، يعني ما بتحتاج عمرك كلو

[هندسه]

هكذا هو دائماً منتدى سوداني مفخرة المنتديات العربيه والعالميه فهو المبتدأ والخبر

[sarona]

عفوا بقدر ما الحاجه دي بتدعوني للفخر والاعتزاز بالصور و بمنتدانا بقدر ما احبطتني التعليقات عن السودان
طيب نعرف الناس كيف بيهو؟؟
نشترك في كل المنتديات وننزل صور ومواضيع عن السودان؟؟؟؟؟؟؟؟؟؟؟؟؟؟

ده حياخد عمرنا كلو وما حنتم جزء بسيط من الحاجه دي
طيب العمل شنو؟؟؟

هل من ناصح

تمبرللي ......

االاعـلام ثم الاعـلام ثم الاعــلام

محتاجين لاعلام قوي .... يعكس صورة جميلة للسودان

ولو بتلاحظ الاعلام المصري كمثال مش بس عرفنا على مصر كدولة لا .......

أحنا حفظنا مصر محافظة محافظة .......شارع شارع ............ حي حي بل حفظنا تاريخها كمان

وببساطة البركة في الاعلام المصري بكل اشكاله ... ...وده الشيء اللي بنقصنا ...
اعلام قوي يظهر الوجه الجميل للسودان ....


أخ aymen12000

مشكور للمتابعة ولتوصيل الحاجه المهمة دي
..

.

[M.Hadad]

تمبرللي ......

االاعـلام ثم الاعـلام ثم الاعــلام

محتاجين لاعلام قوي .... يعكس صورة جميلة للسودان
.

.

طيب وهنا تكمن المعضله كيف تصل الحاجه دي للشخصيات المؤثره علي اعلامنا عشان يوجهوهو بالطريق الصاح
وهنا بحب الفت النظر لبوست لحظه غروب الاقترحت فيو حاجه مشابهه
بس ياتري حصل فيو شنو؟؟

كالعاده ولا حاجه
لاننا بنتقن فن الكلام
ونتوقف عند الكلام فقط دون الفعل
حاجه جد تغيظ

العزيزه سارونا اسف جدا بس نحن علي قدرنا كده بنقدر نعمل شنو؟؟
لاني مقتنع اي شخص لو حاول علي قدرو حتبقي حاجه كبيره جدا بس لو اتكل علي اصحاب التخصص او قال دي حاجه كبيره علينا نبقي في محلك سر
ولا شنو؟؟

[sarona]

كالعاده ولا حاجه
لاننا بنتقن فن الكلام
ونتوقف عند الكلام فقط دون الفعل
حاجه جد تغيظ

العزيزه سارونا اسف جدا بس نحن علي قدرنا كده بنقدر نعمل شنو؟؟
لاني مقتنع اي شخص لو حاول علي قدرو حتبقي حاجه كبيره جدا بس لو اتكل علي اصحاب التخصص او قال دي حاجه كبيره علينا نبقي في محلك سر
ولا شنو؟؟

العزيز تيمبرللي .....

لما قلت الاعلام ثم الاعلام ثم الاعلام لانه لما بداءات الفضائية السودانية

كان الكل ينتظرها من السودانينن وغيرهم .... عارف النتيجة كانت كيف؟؟؟؟

كانت محبطة جدا جدا وخلطوا تماما بين القناة الفضائية والارضية ......

وكانت كارثه وضعت علامة تعجب كبيرة امام قناة السودان .....في تلك الفترة

وبقوا بعد كده محتاجين لشغل مضاعف لتغيير الصورة الاولى ....


أما سؤالك نحن علي قدرنا كده بنقدر نعمل شنو؟؟


ببساطه وعلى قدرنا كده كل واحد يشتغل في محيطه وبشكل طبيعي ......

خاصة السودانين في الغربة ....... لانهم بيمثلو السودان .......

يعكسو صورة السودان مع الجيران و الزملاء في العمل ......الاصدقاء ......

اذا كان مظهرنا وسلوكنا العام في ذاته اعلام عن البلد .....

وللأسف برضو كثيرين عكسو صورة ما جميلة في حتة مظهرهم العام .....

بأختصار ده دور وشغل جماعي .... يعني لو بنعمل قدر نص كلامنا كان سبقنا اليابان

.
.

.

[سالى]

الله والله صور حلوه ب س انا رئى احنا ما مطرين نظيع عمر او وقت عشان نورى الناس كيف احنا مع

الزمن ولى قدام حيعرفو


ومشكوووووووووووووووووور والى الا مــــــام

[M.Hadad]

العزيز تيمبرللي .....

لما قلت الاعلام ثم الاعلام ثم الاعلام لانه لما بداءات الفضائية السودانية

كان الكل ينتظرها من السودانينن وغيرهم .... عارف النتيجة كانت كيف؟؟؟؟

كانت محبطة جدا جدا وخلطوا تماما بين القناة الفضائية والارضية ......

وكانت كارثه وضعت علامة تعجب كبيرة امام قناة السودان .....في تلك الفترة

وبقوا بعد كده محتاجين لشغل مضاعف لتغيير الصورة الاولى ....


أما سؤالك نحن علي قدرنا كده بنقدر نعمل شنو؟؟


ببساطه وعلى قدرنا كده كل واحد يشتغل في محيطه وبشكل طبيعي ......

خاصة السودانين في الغربة ....... لانهم بيمثلو السودان .......

يعكسو صورة السودان مع الجيران و الزملاء في العمل ......الاصدقاء ......

اذا كان مظهرنا وسلوكنا العام في ذاته اعلام عن البلد .....

وللأسف برضو كثيرين عكسو صورة ما جميلة في حتة مظهرهم العام .....

بأختصار ده دور وشغل جماعي .... يعني لو بنعمل قدر نص كلامنا كان سبقنا اليابان

.
.

.

العزيزه سارونا

شكرا كتير ليك ومن جهتي ححاول دائما اعكس الصوره الصحيحه للسودان وايد علي ايد تجدع بعيد

[صلاح يحيى سليمان]

منتدى عربي سعودي فيه موضوع عن السودان وهذا الموضوع سجل أعلى معدل زيارات والجميل في المسألةأن الصور كلها من منتدانا الرائع هذا. يعني منتدانا ولله الحمد في طريقه ليصبح مرجع للصور السودانية وشكرنا الجزيل للمشرف الغالي

الاخ ايمن تشكر جزيل الشكر على نقلك لنا هذا
الخبر الجميل.فعلا دخلت على الموقع وشاهدت
جزء من الصور.
فكرة قلرى انا سودانى ما ذالت فى البداية وبحمد الله
وتعاون اشخاص مثلك...جمعنا الان اكثر من 2000
صورة من السودان.

وشكرا

[عازف الأمل المفقود]

انا من محبين السودان بصفه عامه واشتركت في المنتدى لشارك حبايب السودانيين و التعرف على ماضي وحاضر ومستقبل السودان والتطورات الجديده والى الامام أن شاء الله
اخوكم عبدالله

[أبعاج]

السلام عليكم
بالمناسبه أنا عندما سجلت فى هذا المنتدى ! تعرفت علي من خلال بعض الصور مكتوب عليها أسم المنتدى

[النورس]

والله ياشباب مامهم راي احد في السودان بقدر ماهو مهم جدااا راينا نحن في السودان

وانا واحد من الناس اللي استعانو بصور من المنتدى ده ..ولكن لحظت ان اغلب الانتقادات بتجي من سودانيين هم شايفين انهم اقل من غيرهم للاسف.. شكرا لهذا المنتدى العظيم اللي ساعدني في الرد علي كل من يقلل من شأن السودان العظيم

شوفو الرابط
http://travel.maktoob.com/vb/travel 126/

adel-888

[spanisheyes]

يا جماعة نحنا ما لازم نزعل ليش لانو زي ما هم عندهم
الفكرة دي نحنا كمان عندنا نفس الفكرة وانا لاحظت كدا
من خلال المواضيع اللي عملتها عن ليبيا كثير من الاعضاء قالو لي انو
نحنا كنا فاكرين ليبيا صحراء ؟؟
طيب اذا دا تفكيرنا ليش نلوم الناس علي تفكيرهم
وثانيا نحنا المفروض نلقي اللوم علي وسائل الاعلام السودانية لانها ما عكست اي صورة
عن المناطق الحلوة في السودان ولا بالغلط كتير من اصدقائي لمن احكي ليهم انو السودان فيو
وفيو يعاينو لي بنظرة ما مصدقين يعني لانو كل اللي شافوهو في تلفزيون السودان
عكس ذلك