ما هو سبب التمرد عام 1983

[ود المسالمة]

في عام 1983 صدرت الاوامر لاحد الكتائب الموجود بالجنوب بالتوجة للشمال
وصدرت اوامر لاحد الكتائب في الشمال بالتحرك للجنوب لتحل محل الكتيبة الاولي
وعندما وصلت تلك الكتيبة للجنوب لاستلام مهامها رفضت كتيبة الجنوب تسليم
الموقع وكانت الكتيبة الموجوده في الجنوب بقيادة كاربينو كوانيين الذي رفض التوجه
للشمال وهرب مع افراد الكتيبة الي اثيوبيا وتم استقبالهم في المعسكرات الكانت موجوده في
قمبيلا الحبشية وفي نفس الايام تم ضرب القنصلية السودانية في قمبيلا الحبشية واصيب
في تلك الهجوم القنصل السوداني وبذلك يكون سبب الحرب التي استمرت سننين هو رفض
كاربينو كوانيين للاوامر العسكرية التي صدرت اليه من القيادة العامة بالتوجة للشمال
هنالك وجد الدعم 1 من .......... 2- ............3- ............. هؤلا الثلاثة اثنين من افريقيا
والتالت من اوربا

[ود المسالمة]

طبعا الموضوع السابق ده تاريخ وحقائق اذا كان في زول عنده معلومة ممكن
يصححني لاني ذي ما قلت ده تاريخ وانا بعتمد في معلوماتي علي بعض الكتب
والمقالات الصحفية وبربط بين المعلومات لذا الغلط وارد

[ود المسالمة]

وبعد عودة العقيد جون قرنق ديمابيور من اامريكا والتي سافر اليها للحصول علي درجة الدكتوراه
سافر في اجازته السنوية الي منطقته بور ومن هنالك انضم للحركة وكان اسمها في ذلك الوقت انانيا2 وطبعا اثيوبيا وفرت لهم المعسكرات ومنها كانو يتحركون نحو القري السودانية التي تقع قرب
الحدود يضربونها ويعودون الي معسكراتهم في اثيوبيا وبعدها توسعت معسكراتهم في كل من كينيا
ويوغندا ومن الاشياء المهمه بانهم حتي ابريل 1986 لم يتمكنوا من السيطرة علي اي قرية بصورة
واضحة ولكن كان بعضهم موجود في القري بصفتهم من مواطنيين تلك القري ويرتدون الملابس
المدنية مما يتيح لهم حرية الحركة والضرب بسرعة والاختفاء وسط المدنيين
وعلي فكرة كانت القيادة السودانية علي علم من اين تحصل مجموعة كاربينوا علي الاسلحة
طبعا في الاعلام قالوا هم بيبعوا البقر وبيشتروا بيه اسلحة وذي ما بيقولوا ده كلام جرائد فقط

[sunni]

العزيز ود المسالمة

حسب معلوماتي،، ولو بحثنا في التاريخ،، فسنجد أن موضوع كتيبة كاربينو ورفضها لإطاعة الأوامر، ما هو إلا القشة التي قصمت ظهر البعير،، فلو كان هذا هو السبب،، فلم كان هناك تمردا قبله؟؟ ولم كانت أنيانيا 1، ولم كانت مذابح الخمسينات و وو. أي انه ما كانت هذه الحادثة إلا (كيفية تكوين خلية التمرد الأولى في 83) وليس السبب للتمرد.

الموضوع في رأيي مترابط،، وعلينا قبول حقيقة ان أهل الجنوب كانو يحسون بالغبن وهم بين أهليهم وعلى أراضي أجدادهم. كما انه مخطئ كل من يقول عن فتنة خلقها المستعمر،، فالمستعمر لو لم يجد الجو مهيأ، لما لعب ورقته القذرة بخلق التفرقة (أو في الحقيقة تعزيزها)،، وما ننسى حملات الدفتردار، ومن شاركوا فيها. ولكن للحقيقة والتاريخ برضو نقول ان ما كل أهل الشمال شاركوا في مهانة أهل الجنوب،، ولكن لما يحدث ما يحدث،، فإن الخير يخص،، والشر يعم،، وزي ما بيقولو أهلنا،، (الرصاصة بعد ما تطلع من ماسورة السلاح،، بتبقى عمياء)

لك كل الود على المواضيع الثرة التي تطرحها

[ود المسالمة]

الاخ السني مشكور علي المرور وفي الحقيقة التاريخ بيحكي عن غلطات كثيرة ولكن
اعتقد بان اتفاقية اديس ابابا كان فيها الكثير من رد الاعتبار وكان مفروض الناس
تعض عليها بالنواجز ولكن ترسبات الماضي هي التي انهت اتفاقية اديس ومهدت
للتمرد عام 83 وكان ممكن الناس تتجاوز الحرب لاني حسب معلوماتي كان الجنوب موعود
بتنمية كبيرة واكبر دليل اكبر مشروع في ذلك الوقت كان في الجنوب وهو مشروع قناة جونقلي
ومشروع مصنع تعليب الفاكهة ومشروع ومصنع تجفيف الحليب( الحليب البورده) ومشاريع كثيرة
كانت موضوعة في الخطة الخمسية في ذلك الوقت لو لا قيام الحرب الذي رجعت منطقة الجنوب
مية سنه للخلف مش الجنوب فقط ولكن كل السودان تاثر بهذه الحرب التي امتدت حوالي ثلاثين
سنة تعرف كم كانت تكلف الحرب خزينة الدولة حوالي مليون دولار في اليوم الواحد تخيل هذا
المبلغ لو تم توجهيه الي تنمية السودان وادت الحرب لدخول السودان في ديون كثيرة في عام
1985 كانت حوالي 16 مليون دور كم تبلغ الان ديون السودان وعلي فكره باقي المبلغ فوائد
علي تلك الديون والمعاناة التي عناها كل اهل السودان من ياي الي حلفا ومن بورتسودان الي
اخر مدينة في دار فور سببها تلك الحرب

[السيف القاطع]

السبب الحقيقى لتمر كاربينو انو كتيبته بمرور الايام صارت جنود على الورق وهو يستلم مرتابهتم مع عدم وجنود حقيقين يعنى باختصار كان مختلس قروش حكومة السودان والقوات المسلحة ولما جاءت كتيبة الشمال للتبديل اضطر الى استخادم العنصرية لحشد عصابات من الجنوبين واشتعل التمرد للمرة التانية

[اسامه خضر محمد على]

الخ ود المسالمه كلامك فيه جزء كبير من الحقيقة والغير موجود فيه انو كان العقيد قرن من ضمن قوة كاربينو ولم يكن فى اجازه والكتيبة الشماليه هى الكتيبة 120 من شندى بس دا ما بينفى انو الاخوة فى الجنوب كان عندهم مشاكل ومظالم وينفى تاريخ بداية التمرد اى صله لتطبيق قوانين الشريعة الاسلامية بالتمرد لانو التمرد حدث فى مايو 1983 والشريعة طبقة فى سبتمبر 1983 وحتى نهايه عهد مايو الاغر كانت حركة التمرد معزوله محليا ودوليا وعند قيام مايسمى بالانتفاضه وجدت حركة التمرد الفرصه المؤاتيه للظهور كحركه وطنيه نضالية ووجدت الذين يطبلون لها وصار قرن يحضر مؤتمرات القمه الافريقية اسوة بالسيد الصادق المهدى والذى كان رئيس الحكومه انذاك بل ذهب قرن الى ابعد من ذلك ورفض مقابلة الصادق المهدى بوصفه رئيس الحكومه وقبل ان يستقبل الصادق المهدى كرئيس لحزب الامه وللاسف وافق الصادق على ذلك وعندها كانت جيوش الحركه فى الكرمك وقيسان والباقى معروف للجميع والف شكر لك لطرح هذا الموضوع الهام والحيوى و

[sunni]

وحتى نهايه عهد مايو الاغر

[ود المسالمة]

فعلا الكتيبة التي تحركت من الشمال للجنوب كانت من شندي وفعلا التمرد كان قبل اعلان تطبيق
الشريعة وفي الحقيقة كانت في شوية تحركات في بور والناصر قبل تمرد كاربينو ولكن كانت
تحركات بسيطة
علي فكره اتفاقية اديس ابابا كان ممكن تكون اساس لرفع الظلم عن اخواننا في الجنوب
ولكن اختلاف الاخوان في الجنوب هو الذي ادي الي تقسيم الجنوب الي ثلاثة اقاليم
بعد رفض القبائل الاخري سيطرة الدينكا علي كل الوظائف العليا وكان ده سبب من اسباب
بداية التمرد التاني حاول الرئيس الاسبق النميري ترضية كل القبائل لذا قام بتقسيم الجنوب
الي ثلاثة اقاليم وعين حكام من الدينكا ومن النوير ومن الشلك لكي يرضي كل القبائل
ولكن هذا الوضع لم يرضي الدينكا ولكن في السبب الرئيسي للتمرد هو رفض كاربينو
للانتقال للشمال وتمرد هو وكتيبته

[أبعاج]

العزيز ود المسالمة
شكرا لك على السرد التأريخى المميز

[اسامه خضر محمد على]

الاخ سونى شايفك متعجب من كلمة عهد مايوو الاغر ودى طبعا حقيقه لانو الدولار كان فى الواطه والتعليم مجانى والعلاج مجانى وقفة الخضار رخيصه بى طراده تخم السوق كلوا والامن فى كل بقاع السودان موجود ومستتب وحقيقه البلد كانت رايقه شديد مع خالص شكرى ليك ولو لا اختلاف الاراء لبارة السلع مع تحياتى

[sunni]

العزيز أسامة خضر،،
ما عاوزين نحول لأخونا ود المسالمة موضوعه،، ولكن سؤال
مايو إستلمت الجنيه بكم،، وسلمته بكم؟
مايو أعدمت كم سوداني ظلماً؟
متي بدأ الفساد الإداري الحقيقي؟
متى بدأ إنهيار الخدمة الوطنية في السودان؟
كم كانت ديون السودان قبل مايو؟ وكم أصبحت بعده،، مقارنة ما نفذ من مشاريع (تنموية) تحسب لهم؟
هل حقيقة ان مشاكل غرب السودان لم تبدأ في زمن مايو؟.

القائمة أطول من أن أسردها هنا،، ولكن،، عندما تستلم مشروع معين،، فمن الطبيعي ان يكون لهذا المشروع قوة دفع ذاتي في بداية الأمر،، بالذات لو كان لهذا المشروع تركيبة إدارية جيدة،، ولا يهد هذه التركيبة الجيدة،، إلا أحد الإتنين
إما أن يكون من إستلم إدارتها لا يعلم من فنون الإدارة شيء
أو أن يكون فاسد (ولا يهمني هنا إن كان الفساد في الرأس أو البطانة،، فالمحصلة واحدة)
والمصيبة لما يكون الإتنين مع بعض
مع تحياتي [S]سوني[/S] السني

[ود المسالمة]

معليش برضوا ندخل معكم وعاوز اعرف للتاريخ فقط من عام 1/1/1956
وحتي اليوم 17/4/2008 كم حكومة مرت علي السودان وماذا قدمت تلك
الحكومات للشعب السوداني

[ود المسالمة]

ماذا استفاد السودان من تمرد عام1983 وماذا استغاد الجنوب من التمرد
تعالوا نتخيل شكل الجنوب لو ما قام التمرد او قامت الحرب كان كيف يكون
شكله
انا كنت بتخيل الجنوب يكون منطقة سياحية وفيه منتجعات ترد الروح يعني
كل الناس تمشي تصيف فيه ومنطقة قناة جونقلي منطقة زراعية تزرع فيها
جميع انواع الفاكهة وتصدر لجميع انحاء العالم وعدد من مصانع الحليب
البورده بحكم وجود كمية كبيرة من الابقار في المنطقة
تخيلوا لو من الوقت داك قامت شيفرون باستخراج البترول ما كان نحن اغتربنا
كنا نكون قاعدين في عازه معززين مكرمين(احلام زلوط)

[مدني كل الجمال]

[a7la1=00CCFF][font=Tahoma[motfrk]]سلام لكل اهلنا الطيبين السمحين[/motfrk]
هذه اول مشاركة لي واحب ان اشكر ود المسالمة علي هذه المعلومات واحب ان اضيف السبب الحقيقي ا
لتمرد 83 كان الاخلال باتفاقية اديس ابابا 1972 عندما اعلن الجنرال جعفر نميري انا الجنوب سوف يتم تقسيمه الي ثلاث ولايات وهذا هو السبب الرئسي وكفية نسمع تاريخ مشوه ودائما انو الاخوة الجونبين هم البدو التمرد ومن غير سبب منطقي ونحن لو عاوزين سودان مواحد لازم نعمل للوحدة والكلام دا ما معناهو اني بعقب بصورة قاسية علي كلامك لكن التزييف هو الوصل السودان للحالة الفيها الان عموم انا لخظت في اخوة ردوا وانشاء الله لي رجعة قريبة مع كل المعلومات لكي نحا ول الوصول لسودان مواحد تتساوي فيه الحقوق والواجبات اي نبني وطن يحتويني كلنا .
وتقبل خالص الاشواق والاحترام [/font][/a7la1] والله حقيقي في ناس لسه بتتكلم عن السودان

[ود المسالمة]

الاخ مدني كل الجمال في الحقيقة اشكرك علي المرور والرد ولكن احب ان اوضح شي
سبق و وضحته بان المشير النميري لجا لتقسيم الجنوب بعد مشاورات عديده مع الوزراء
الجنوبين في ذلك الوقت وكان الوضع بين القبا ئل الجنوبية يبشر بحرب بينها لرفض
باقي القبائل هيمنة الدينكا علي كل الوظائف العليا لهذا السبب كان تقسيم الجنوب لثلاثة
اقاليم وبعد التقسيم تزمر الدينكا خاصة دينكا بور ودينكما الناصر لانه اصبحوا يسيطرون
علي اقاليم واحد فقط لاادري كثير عن تمرد عام55 ولكن بعد اتفاقية اديس ابابا كان للاخوة
الجنوبين نفس حقوق الشمالين وماكان في فرق بين الجنوبي والشمالي وحتي الان ما في شي
بيفرق بينهمالاشياء التي يتحدث عنها الناس دي كلام قديم وانتهي نهائي انا من قمت في امدرمان
لم اسمعها اواشوفها درست في امردمان في مدارس فيها كل اقاليم السودان لم يكن هنالك فرق
بين الجنوبي اوالشمالي كنا بنفطر سوي وبنلعب كورة القدم والسلة وطبعا كان الاخوان الجنوبين
بارعين في السلة لذا كنا بنشجعهم ذي ما بنشجع كرة القدم يعني تمرد عام 1983 ماكان له مبرر
حسب راي انالانهم كان ممكن يتحصلوا علي كل مايريدونه بطريقة غير الحرب وكان ممكن يكون
الان الجنوب شي تاني ولكن النظرة الضيقة التي نظروا بها للمواضيع واتمني الان ينتبهوا
لتمنية الجنوب والبعد عن اسلوب الحروب لانها لن تخدم قضيتهم او تنمية الجنوب

[sunni]

الإخوة المتداخلين:
مع انه كلامكم فيه نوع من التناقض مع بعض،، ولكن كل وجهات النظر صحيحة، لأنه في معامل واحد بس ما نظرنا ليه. وإنه نحن إتكلمنا فقط عن ما وقع من ظلم لأهل الجنوب من أهل الشمال،، أو من إنصاف من الشمال على الجنوب،، ودي كانت محور النقاش،، ولكن في شي واحد أهملناه تماما،، وهو الفساد الحاصل في بعض القيادات الجنوبية، والتي حقيقة لا تعمل لصالح الجنوب، لو كان صالح الجنوب في غير جلوسها على سدة عرش القيادة هنا. ودة ينطبق على مستوى القبائل (أشار للموضوع ده الأخ مدني كل الجمال) أو على مستوى الافراد

[اسامه خضر محمد على]

الاخ ود المسالمة اضم صوتى لصوتك ونتخيل الجنوب بدون تمرد ومقسم الى ثلاثه اقاليم كما كان يريد اهله فى ذلك الزمان كانت ازدهرت كل ولايات الجنوب وتعلم ابنائه وقامت المصانع والمعاهد والجامعات وكان صار انسان الجنوب انسان اخر وذلك لتدفق رؤؤس الاموال العربيه والاجنبية فى الاستثمار فى هذه الارض البور وكانت انشئت قناة جونقلى واستفاد السودان من ميئات الهكتارات من الماء وكنا راينا وطن واحد يزخر بموارد فى جنوبه وشماله ووسطه وغربه والفائده الكبرى كان سيظل السودان مليون ميل مربع ويا حليلك يا نميرى

[مدني كل الجمال]

الاخ مدني كل الجمال في الحقيقة اشكرك علي المرور والرد ولكن احب ان اوضح شي
سبق و وضحته بان المشير النميري لجا لتقسيم الجنوب بعد مشاورات عديده مع الوزراء
الجنوبين في ذلك الوقت وكان الوضع بين القبا ئل الجنوبية يبشر بحرب بينها لرفض
باقي القبائل هيمنة الدينكا علي كل الوظائف العليا لهذا السبب كان تقسيم الجنوب لثلاثة
اقاليم وبعد التقسيم تزمر الدينكا خاصة دينكا بور ودينكما الناصر لانه اصبحوا يسيطرون
علي اقاليم واحد فقط لاادري كثير عن تمرد عام55 ولكن بعد اتفاقية اديس ابابا كان للاخوة
الجنوبين نفس حقوق الشمالين وماكان في فرق بين الجنوبي والشمالي وحتي الان ما في شي
بيفرق بينهمالاشياء التي يتحدث عنها الناس دي كلام قديم وانتهي نهائي انا من قمت في امدرمان
لم اسمعها اواشوفها درست في امردمان في مدارس فيها كل اقاليم السودان لم يكن هنالك فرق
بين الجنوبي اوالشمالي كنا بنفطر سوي وبنلعب كورة القدم والسلة وطبعا كان الاخوان الجنوبين
بارعين في السلة لذا كنا بنشجعهم ذي ما بنشجع كرة القدم يعني تمرد عام 1983 ماكان له مبرر
حسب راي انالانهم كان ممكن يتحصلوا علي كل مايريدونه بطريقة غير الحرب وكان ممكن يكون
الان الجنوب شي تاني ولكن النظرة الضيقة التي نظروا بها للمواضيع واتمني الان ينتبهوا
لتمنية الجنوب والبعد عن اسلوب الحروب لانها لن تخدم قضيتهم او تنمية الجنوب

السلام عليكم اخي مرة ثانية

المهم السبب الحقيقي ليس لان الدينكا كانوا يسيطرون علي المناصب العليا بال الجنرال الدكتتور نميري وبايحا من هذا المريض الثاني حسن الترابي لكي تقوم الحرب في الجنوب ويتم اعلان تطبيف الشريعة الاسلامية ومن ثم سقوط الدكتتور نميري . ولان الجبهة الاسلامية ليس لديها اي برنامج ولكن حرب الجنوب هي الورقة الرابحة في يدهم وهذا تسلسل بسيط للاحداث وانشاء الله لي رجعة
وارجو انا اختلاف الراي لا يفسد للود قضية
مع خالص احترامي لرايك اغلي مكان عندي السودان

[اسامه خضر محمد على]

السلام عليكم اخي مرة ثانية

المهم السبب الحقيقي ليس لان الدينكا كانوا يسيطرون علي المناصب العليا بال الجنرال الدكتتور نميري وبايحا من هذا المريض الثاني حسن الترابي لكي تقوم الحرب في الجنوب ويتم اعلان تطبيف الشريعة الاسلامية ومن ثم سقوط الدكتتور نميري . ولان الجبهة الاسلامية ليس لديها اي برنامج ولكن حرب الجنوب هي الورقة الرابحة في يدهم وهذا تسلسل بسيط للاحداث وانشاء الله لي رجعة
وارجو انا اختلاف الراي لا يفسد للود قضية
مع خالص احترامي لرايك اغلي مكان عندي السودان

الاخ مدنى كل الجمال لك التحيه ولكن اخى الكريم ومع احترامى الشديد لرايك انو لا الترابى ولا الجبهه الاسلاميه ولا تطبيق الشريعه لهم دخل بالتمرد فى الجنوب فالقصه مخطط لها ومدروسه جيدا من قبل اعداء هذا الوطن وعملائهم فى الداخل وخير دليل لذلك مايحدث الان من خروقات فى اتفاقية السلام وتعطيل لبعض بنودها واثارة الفتنه فى ابييى والقادم الله يستر لك كل الود ومعزره اذا رددته عليك قبل رد الاخ ود المسالمه وارجوا ان تقبلوا اعتزارى ولكم كل الود