مرة اخرى اشكركم جزيل الشكر على
مداخلاتكم وعلى ردودكم القيمة جدا.
قبل ايام وانا اتابع بالصدفة جلسه
من جلسات القمة العربية الاخيرة..
صادف ان فتحت التلفاز ووجدت الزعيم
معمر القذافى وهو يتحدث مرتجلا،،
واحيانا يتصفح ورقة صغيرة وضع فيها
بعض نقاط خطابه.
مهما كانت طريقة القذافى فى مخاطبة القمة
ومهما ضحك الكثير من المشاهدين على اسلوبه
ومهما ظهر من ابتسامات لها مدلولها الواضح
فى شفاه بعض من الرؤساء العرب ، تمكنت
الكاميرا من عكسها بعفوية.
مهما ومهما ...!!
هل تمعنتوا جيدا فى ما ذكره القزافى فى الهوية
العربية؟؟؟؟؟؟؟؟؟؟؟؟؟؟؟
وفكرته لضم العروبة الى الافريقية؟؟؟؟؟؟؟؟؟؟؟
وكم اعجبنى وكدت ان اقف واصفق له...ختام
كلمته عندما قال ((( اما اذا اردتم ان تكونوا
محميات...فلتبقوا كذلك...)))))
مرة اخرى اشكركم جزيل الشكر على
مداخلاتكم وعلى ردودكم القيمة جدا.
قبل ايام وانا اتابع بالصدفة جلسه
من جلسات القمة العربية الاخيرة..
صادف ان فتحت التلفاز ووجدت الزعيم
معمر القذافى وهو يتحدث مرتجلا،،
واحيانا يتصفح ورقة صغيرة وضع فيها
بعض نقاط خطابه.
مهما كانت طريقة القذافى فى مخاطبة القمة
ومهما ضحك الكثير من المشاهدين على اسلوبه
ومهما ظهر من ابتسامات لها مدلولها الواضح
فى شفاه بعض من الرؤساء العرب ، تمكنت
الكاميرا من عكسها بعفوية.
مهما ومهما ...!!
هل تمعنتوا جيدا فى ما ذكره القزافى فى الهوية
العربية؟؟؟؟؟؟؟؟؟؟؟؟؟؟؟
وفكرته لضم العروبة الى الافريقية؟؟؟؟؟؟؟؟؟؟؟
وكم اعجبنى وكدت ان اقف واصفق له...ختام
كلمته عندما قال ((( اما اذا اردتم ان تكونوا
محميات...فلتبقوا كذلك...)))))
وشكرا
الأخ العزيز .... المشرف العام .....
ما زلنا في الأخذ والعطا في هذا الموضوع ....
وبالنسبة للوضع السياسي ...... والعروبة ....
فكلنا نعلم .... أن القمة العربية ليست إلا تأدية واجب .... أو تأدية غرض ....
ومما قاله القذافي ....." أن الترك لهم دولة ....." تركيا " والفرس لهم دولة ...."إيران" ....
أما العرب فليس لهم دولة ... تضمهم وتضم ثقافتهم .....
وفي نفس المحور ...
لمن شاهد منكم برنامج ..." الاتجاه المعاكس "...
والذي استضاف عضو البرلمان السوداني ...." غازي سليمان " إن لم تخني الذاكرة !!
ووزير الثقافة السوري ....
وللأسف كان المدعو غازي يقول أن السودانيين ليسوا بالعرب ... وأنه لا توجد هناك قبائل عربية أصلاً ...
عجبا عجبا .... لما قيل .....!!!! هل إذا كان لديه هدف سياسي يعمد إليه .... من وراء كلامه أن يكذب الأنساب والحقائق ....
ثم أننا قد أسهبنا في الكلام عن الموضوع ......
وكأنكم نسيتم ... أنكم سودانيون ... أولا يكفي أن تحملوا هذا الاسم وتفخروا به ......
أم أنه لا يليق بمرجع النسب لدى بعض الناس ....
ونحن نرى اختلاف الثقافات في السودان ....هذا البلد قارة ...... يحق لنا ارجاع النسب اليه أيا كان الأصل ..... ومن دون الانسلاخ من عروبة العرب .... للعرب من السودانيين ....
وإن لم تفخر العرب فلمن الفخر ... إذاً .....
تحياتي الجمة لمن شارك في الموضوع وأدلى بدلوه .......
الموضوع ده من المواضيع البتمني أقول رائي فيه . . .
شكراً مشرفنا الكريم علي طرحه . . .
أولاً : بحكم الدين واللغة للأغلبية من أهل السودان نحن من الدول الإسلامية .
ثانياً : بحكم الموقع الجغرافي نحن من الدول الأفريقية (زي ما بيقولو في وسائل الإعلام أفريقيا الما بيضاء !!!) .
ثالثاً : بحكم التاريخ أستشهد بجزء من مقال للدكتور/ أسامة عبد الرحمن النور في موقع http://www.arkamani.org/(إن تراثنا الثقافى السودانوي أغنى من أن يحد بمرحلة حضارية واحدة، فمن كرمة ونبتة ومروى، ومن نوباديا والمقرة وعلوة، ومن سلطنة الفونج السنارية وتقلي والمسبعات، والدولة المهدية ينحدر إلينا تراث ضخم لم يلق للأسف ماهو جدير به، وما هو جدير بنا) .
وحكاية دولة عربية دي ما عارفة جاتنا من وين . . إذا كان لغة ودين . . طيب موريتانيا دي ليي ما دولة عربية؟ مع إنه اللغة العربية عندهم أصح بكتيير من الجماعة القالو هم أهلها . . . والدين كذلك . . .
إنضمامنا للدول العربية فيه طمس لهويتنا الإفريقية البنعتز بيها شديد . . . وتنازل عن أعظم حضارة في تاريخ البشرية بأيدي النوبة . . . وحرمان لأنفسنا وأبناءنا من الإعتزاز بأننا متفردين في كل شئ . . . وإذلال لأننا منتمين بالقوة لأمة لا ننتمي لها - سواء كانت شريفة أو غير ذلك – وغفوة أتمني أن نفيق منها ونقيم أنفسنا التقييم الحقيقي اللائق بنا.[/size]
وحكاية دولة عربية دي ما عارفة جاتنا من وين . . إذا كان لغة ودين . . طيب موريتانيا دي ليي ما دولة عربية؟ مع إنه اللغة العربية عندهم أصح بكتيير من الجماعة القالو هم أهلها . . . والدين كذلك . . .
إنضمامنا للدول العربية فيه طمس لهويتنا الإفريقية البنعتز بيها شديد . . . وتنازل عن أعظم حضارة في تاريخ البشرية بأيدي النوبة . . . وحرمان لأنفسنا وأبناءنا من الإعتزاز بأننا متفردين في كل شئ . . . وإذلال لأننا منتمين بالقوة لأمة لا ننتمي لها - سواء كانت شريفة أو غير ذلك – وغفوة أتمني أن نفيق منها ونقيم أنفسنا التقييم الحقيقي اللائق بنا.
[/size]
إذا كنا نتكلم العربية ومرجع أنسابنا للعُرب ... فلسنا من العرب !!!!؟؟؟؟
وانضمامنا للعرب ....يطمس هويتنا الأفريقية ...؟؟؟؟!!!!
أي قول هذا ؟؟؟!!!!! وأي رأي هذا ؟؟؟!!!
نحن كوننا البلد القارة ... لا يمكن أن يطمس بعضنا بعضاً... أبداً بل نحن أحبة في السودان الذي يجمعنا جميعاً .... شمالاًوشرقاً وغرباً وجنوباً .....
وليس انتماؤنا للعروبة ليسلبنا أي حقٍ نريده .....
إنما ما يدور هنا في هذا المنتدى بوجه الخصوص ... هو أحد صور اختلاف الثقافات ...
والأنساب والسحنات .... والأصول...
وما أخذ المسلمون العرب ((أرض السودان)) إلا من النوبة ...أفنحن أهل الأمس أم أهل اليوم ...
كفى بنا قولاً ... أختي العزيزة ....
نحن سودانيون نعتز بسودانيتنا ....
ولكلٍ أصله وفصله ... ليس لأحدٍ حقٌ في سلبه منه ...
وحق للفرد افتخاره بنسبه ودولته ...
أبو ياسر البطحاني كتب:إذا كنا نتكلم العربية ومرجع أنسابنا للعُرب ... فلسنا من العرب !!!!؟؟؟؟
..
أخي الكريم أنت تتحدث عن فئة معينة من أهل السودان وهم المختلطين بالعرب - والذين أنتمي إليهم - ولكن هنالك الغالبية العظمي من أهل السودان لا ينتمون للعرب بأي صلة ، فمن العدل إعطاء كل ذي حق حقة والإعتراف بالآخر ، لأننا نريد أن نعيش في هذا السودان أخوه . . . سواسيه . . . من غير هيمنة لأي فئة علي الأخري . .
أخي الكريم تخيل أنك من أحد أبناء جنوب السودان مثلاً وقرأت تاريخ بلدك وأن هنالك جماعة من العرب قدموا ضيوفاً عندك وأرادوا أن ينسبوا بلدك - وأنت الأصيل فيها - إلي قومهم الذين أتو منهم ! ! ! هل ترضي بذلك ؟ لا أظن . . .
نحن نحفظ للعرب قدومهم إلينا وتشريفنا بالإسلام وإدخال لغته . . ولكن لا نرضي أن يكون المقابل الحقد والجفاء بيننا بسبب إقحام باقي الأعراق في السودان قسراً ونسبهم لأمة ليسو منها . . وإذا كان الخيار والإستفتاء المنتظر بين أن يكون السودان موحد أو ينفصل جنوبه عن (الجلابة ) -كما يسمي الجنوبيون أهل شمال السودان - فمن رأيي الإنفصال من العرب هو الأقل ضرراً بالنسبة لنا كشعب واحد والإبقاء علي السودان موحد شمال جنوب شرق غرب ، ويكون الإنتماء للسودان فقط . . وأشكرك أخي علي التعقيب
مشرفنا الجسور دخلنا فى حتة ضيقة علامة الاستفهام دى لاقتى اكثر من مرة على اللسن سودانية الموضوع ما كان مجال اهتمامى لانوا نشئتى وانتمائى الوجدانى بلور قتاعة شخصية وسعت اجابات منطقية مقتنع بها الموضوع ما كان محيرنى وما لاقى فى ذهنى حجم الاهتمام والتناول ده لانه كان بيعد من الثوابت المفروغ منها لكن حيرتنى اثارته وطريقة طرحه والتناول الموضوعى الواقعى
صراحة انا شايف انو موضوع الانتماء الوجدانى بيختلف من شخص لشخص لانه نتاج للثقافات المتداولة والمطروحة يعنى مثلا فى مصر ناس كتيرة جدا جدا ما بتعرف انو مصر دى فى افريقيا
اهم شى انهم مصرين وبعد ده عرب
حتى فى ناس لمن تقول ليهم السودان يقوليك السودان ده فى افريقيا بئه صح :079: كأنو هو تبع امريكا الجنوبية وناس فنزويلا
انا شخصيا بعتز اولا بهويتى العربية لانى بعتز بتاريخ العرب سماتهم واخلاقياتهم واول من وضع لبنات العلم والحضارة وهويتى الافريقية صراحة رايحة واعتقد انه ده بسبب طبيعة المكان الاتربيت ونشئت فوقه اينعم مصر فى افريقيا لكن الاصل الافريقى مهمل وما لاقى اهتمام لابالتاريخ والموروثات ولا الفكر والثقافات الرافد ده مقطوع
انا مرتب اولويات الهوية
اولويات يعنى مثلا ولائى وانتمائى للدين وللامة الاسلامية
بعد ده انتمائى للوطن السودان
وبعد ده انتمائى للعروبة
وبعد كدا الهوية الافريقية بحكم المكان والطبيعة وبالمناسبة اكثر
شئ اثار اعجابى ان السودانين شعب متطلع على كل الثقافات وزى ما النيل بتجمع عندنا ثقافات وفنون وانماط فكرية كثيرة بتصلنا بننتقى ونستفيد منها خلاف بقية العرب ويمكن ده لان موقعنا كان جسر لتواصل الحضارات والثقافات والفنون
السودان بلد متعدد الثقافات والاجناس والعقائد ( انواع الاجناس الفى الصورة البى فوق دى كلها عندنا حتى الاسيوين بتلاقيهم بالانصهار والاختلاط )
ما ممكن تجيب واحد دنكاوى تقول ليه انتا ما عندك انتماء للعرب ممكن يقوليك العرب جرب يختها ليك عديل كدا وهو ما مطالب بانتماء لعروبة اجناس كتيرة جدا بيجمعنا بيها انتماء الارض والوطن ومستقبل واحد
انا صراحة سؤالى التعدد الفى كل شى ده نعمة ام نقمة الاختلاف والتنوع كثير بيكون هام وضرورى لاستمرار الحياة لكن اختلاف لغات وعقائد واجناس كلو مرة واحدة كدا ؟؟ ..
هلوية كتب:أخي الكريم أنت تتحدث عن فئة معينة من أهل السودان وهم المختلطين بالعرب - والذين أنتمي إليهم - ولكن هنالك الغالبية العظمي من أهل السودان لا ينتمون للعرب بأي صلة ، فمن العدل إعطاء كل ذي حق حقة والإعتراف بالآخر ، لأننا نريد أن نعيش في هذا السودان أخوه . . . سواسيه . . . من غير هيمنة لأي فئة علي الأخري . .
أخي الكريم تخيل أنك من أحد أبناء جنوب السودان مثلاً وقرأت تاريخ بلدك وأن هنالك جماعة من العرب قدموا ضيوفاً عندك وأرادوا أن ينسبوا بلدك - وأنت الأصيل فيها - إلي قومهم الذين أتو منهم ! ! ! هل ترضي بذلك ؟ لا أظن . . .
نحن نحفظ للعرب قدومهم إلينا وتشريفنا بالإسلام وإدخال لغته . . ولكن لا نرضي أن يكون المقابل الحقد والجفاء بيننا بسبب إقحام باقي الأعراق في السودان قسراً ونسبهم لأمة ليسو منها . . وإذا كان الخيار والإستفتاء المنتظر بين أن يكون السودان موحد أو ينفصل جنوبه عن (الجلابة ) -كما يسمي الجنوبيون أهل شمال السودان - فمن رأيي الإنفصال من العرب هو الأقل ضرراً بالنسبة لنا كشعب واحد والإبقاء علي السودان موحد شمال جنوب شرق غرب ، ويكون الإنتماء للسودان فقط . . وأشكرك أخي علي التعقيب
الآن فهمتك صح يا أختي هلوية ....
كلامك صح مية المية ... في إنو الفئة الغالبة على استيطان السودان ليسوا بالعرب ...
ولكن كون أننا ضيوف ... فارجوا أن توظفي كلمة غير هذه الكلمة فنحن لسنا ضيوف ...
أمن المعقول ... أن نكون في الأرض منذ أكثر من اثني عشر قرن .... ولنا فضل عمرانها وتطويرها ((دون تجاهل ماضيها طبعاً )) ؟؟؟؟ونكون ضيوفاً؟؟؟
وننتمي نحن لما ينتمي له الغير ....؟؟؟
هذا من إجحاف الحق ....
وبالنسبة لكلامك عن الإنفصال ...لا طبعاً ....لا أحد يؤيد الإنفصال .... نحن في اختلاف ثقافتنا ...
وتباين عاداتنا ... وحتى لهجاتنا ....
فنحن في ذلك لا نلغي انتمائنا للسودان ... السودان يجمعنا جميعاً ...
ونحن نفخر بذلك ...
وأحيي الأخ عدروب على الكلام الجميل اللي قالو .....
والتحية لك أنت أختي الفاضلة / هلوية ....
على المداخلات الرائعة .... واختلاف الرأي لا يفسد للود قضية .....
ادروب كايرو كتب:
ممكن تجيب واحد دينكاوى يقوليك العرب جرب يختها ليك عديل كدا
دم العروبة طهرٌ فيه مـنـــبعنا *** لا الجربُ يامن أتى بالسقم والجربِ
دُعايَ يا رَبِّ في سودانـــنا أملٌ *** على البلاد على الأوطــان والعَربِ
أَفي القَضِيَّةِ أن العُرب في دعةٍ *** ولو أتوا في زمــانٍ أَشرَفُ الـرُتَبِ
تَقولُ لِي هِمَمي خَلِّ المُقــامَ وَقُم *** فَإِنَّما راحَةُ الأَبــدانِ في الــتَـعَـــبِ
وَمن أُولَئِكَ من تعزى عـروبته *** فَلَيسَ يُدرَكُ في فَـضلٍ وَلا حَـــسَبِ
دم العروبة طهر فيه مـنـــبعنا *** لا الجرب يامن أتى بالسقم والجرب
بس سؤالى الواقف لى بعد الاجابة على سؤال المشاركة...هل نحن السودانين عرب؟؟؟؟
ليه احنا جارين وراء العرب ديل؟؟؟؟؟؟؟ ناس بحتقرونا....بعاملونا معاملة العبيد.....بشر فى درجة خامسة وسادسه.....ما عاوزننا .....جارين احنا وراهم لى شنو؟؟؟؟؟؟؟ عاوزين ننتمى ليهم ليه؟؟؟؟؟؟؟
اتصور انك عاوز تصادق انسان ما عاوز صداقتك...داعيك عن الاخوة.
لا تقل لى اللغة....فاللغة عمرها ما كانت اساس للعنصر او الهوية...اما الاسلام فنحمد الله انه نزل لكل البشر وادخلهم فى امة خيرها الله فى عباده ونجد كثير من الشعوب......احيانا انا اتسأل وبحق اين هم العرب والاسلام.....ربنا انزل كل الديانات السماوية لشعوب وامم فسدت ...ليخرجها من الظلمات للنور.....ما عدا
العرب .....صدقنى انهم يعيشون حتى اليوم الجاهلية بصورة حديثه.....!
اود هنا ان اسرد واقعة حدثت لاحد اقاربنا عائش فى امريكا...اتى زيارة للسعودية لقضاء اسبوعين مع انسابه .....عند رجوعه اتصل بى من مطار فرانكفورت وكل كلامه وحديثه يلعن لما شاهده وعاشه فى السعودية.....وهو رجل متدين خالص كنت لا اتوقع منه تلك الشتائم.....ذكر لى فى اخر يوم وهم متوجهين الى المطار ...سائق التاكسى السعودى بدأ معهم مناقشة استفزازية وكلام مزلة.....فما كان من اخونا الا ان اداهو درس فى الاحترام والتعامل مع البشر...ومخافة الله ...وعظ يازول تمام التمام ....وفى النهاية سأله
ليه ياخى انتو السعودين بتعملوا كده.......؟؟؟؟؟؟سائق التاكسى ضحك وقال ليهو ....يا سودانى احنا ناس مكه الرسول ما قدر علينا....................!!!!!!
بتفاخروا بيها.......لا حولة ولا قوة الا بالله........!!!!!!!
هولاء هم العرب الذين نتمنى ان ننتمى لهم..........!!!!!
وحلم الجيعان عيش......!!!!!!
مع تحياتى
يحزنني كثيرا ما قد قرأته منك , وللأسف الشديد أن يكون هذا تفكيرك ومنطقك , أخي الكريم أعلم رحمك الله بأن السودانيين هم أولآ مسلمين موحدين وجذورهم تحدرت من القبائل العربية من الجزيرة العربية , فهم عرب شأت أم أبيت , وليسوا كما يدعي البعض بأنهم أفارقه !بل عرب مسلمين ينتمون الى سلالة الصحابة الكرام الرسول _ صلى الله عليه وآله وسلم _
فأنتم ياأيها السودانيين يجب عليكم أن تفتخروا بأنكم من أمة محمدا _ صلى الله عليه وآله وسلم _ ولستم أفارقة أو زنوج !!! بل عرب ومن قبائل عربية.
لن أزيد عن ذلك لعل المعنى قد وصلك . ونحمد الله على نعمة الاسلام وهدى العقل.
اخوى البخارى كلام شنو ده
منو البيدعى انو السودانين افارقة هى الهوية الافريقية دى ما عليها اتنين تلاته وما ادعاء كان قاصد الاجناس والاصول معك فينا من نسل الرسول الاشراف فى مصر والسودان والسعودية واليمن ودول كتيرة لكن زى ما فينا ده وسودانى اصيل ومأصل ناس الدنكا والشلوك والقبائل التانية دى سودانين مأصلين زنوج وافارقة وما بعرفوا للعرب شى
السودان قارة خليط من الاجناس ومزيج عربى افريقى ( متجانس ما متجانس ما مشكلتنا انا زاتى ما عارف )انا وانتا نتاج للتمازج ممكن انتمائى وانتمائك وولائنا يكون للعروبة الثقافة والاصل لكن ما مفروض ننسى اننا افارقة و انو اولاد بلدنا ناس الجنوب ما ليهم نفس الولاءرغم انو الوطن واحد و المستقبل اذا استمرت الوحدة واحد
السودان ما عربى خالص ولا هيكون عربى خالص لكن هويته الخالصة هيه الهوية الافريقية دى الثابتة وشئنا ام ابينا علشان كده لمن اتكلم انا وانتا باسم السودان لازم نتكلم بهوية العربى والافريقى
وانا شخصيا بعتز وبفتخر بعروبتى لكن بعتز وبفخر با دينى وسودانيتى قبل اى شئ واكيد انا واى سودانى هنتلاقى فى ولاء اىٍ كان دين اوموطِن او اصل او ثقافة على التسلسل
أضم صوتي لصوتك يا أبا البخاري ....
وأقول لك إن ما قاله المشرف العام ... هو من مرارة ما يقوله الجهال في الخليج ... أو في غيره ...
وهي طبقة قليلة ... لا تمثل أهل الخليج ... أو العرب بأكملهم ... ولكن كما تعلمون أن الخير يخص والشر يعم.... فلو سافر أحد السودانيين للخليج وسمع كلاما نابيا ... أو سباً أو مثل الموقف الذي ذكره المشرف العام ... فإنه يشتاط غيظاً ... ويفور عندما يسمع كلمة "عرب" ... ويعتقد أن السودانيين متشدقين بالعرب ... والعرب لا يريدونهم ... وهذه النظرة الخاطئة الذي ينقلها لكم ... الغير ... وأنا أصححها لكم ..
وأنا أـكلم من دار الغربة أيضاً أيها السودانيون ...
ولا أدري ما الذي جرى لأعضاء المنتدى ... الذين نسوا أن بعض القبائل في السودان ... عرب...وبعضهم عرب لم يختلطوا أيضاً....
نحن هنا لا نتكلم عن الدينكا ولا قبائل الجنوب نحن نتكلم عن السودان عموماً ...فنقول هناك قبائل عربية .... وهناك قبائل أفريقية .....ولا يجمعهم عرق ولا نسب ولا عادات ولا أي شيء سوى كلمة ...
(( السودان )) الذي كفى به أن يمثل دولة لنا ... لا أن يجبرنا للتخلي عن أصولنا ...
وللجميع التحية ...
وأنا بصراحة ... اليوم قعدت أقلب الصفحات الماضية .... وأظهر الأسف لما قيل ... عن أصل السودان أجمع ....
ويبدو أن هذا الموضوع قد سبب لنا الحرج .... مع قارئيه ... غير السودانيين ....
ولكم التحية أولاً وأخيراً
...
وطني هو السودان أرض عروبةٍ
ولـــكــلّ حـــيِّ مــوطـنٌ ومرابعُ
إن لم يكن لك في العروبةِ مـرجعٌ
إنِّي إلى النسبِ العزيزِ لــراجعُ
رواه أبو ذر رضي الله عنه أنه سمع النبي صلى الله عليه وسلم يقول(ليس من رجل ادعى لغير أبيه وهو يعلمه إلا كفر بالله,ومن ادعى قوما ليس فيهم نسب فليتبوأ مقعده من النار) رواه البخاري(3508) ومسلم (112)
abdintod كتب:رواه أبو ذر رضي الله عنه أنه سمع النبي صلى الله عليه وسلم يقول(ليس من رجل ادعى لغير أبيه وهو يعلمه إلا كفر بالله,ومن ادعى قوما ليس فيهم نسب فليتبوأ مقعده من النار) رواه البخاري(3508) ومسلم (112)
خير الكلام ماقل ... ودل ...
جزاك الله خيراً ... أخي ...abdintod
فعلاً ....
لانريد من غير العرب في السودان .... أن ينتموا لعروبتنا ...
ولن ننتمي نحن لأصولهم أياً كانت ..(( زنوج , أفارقة ...))..
والفيصل بيننا .... كلام رسول الله ....
ولكن وحدتنا تكمن ... في حاضر السودان .... نعم السودان هو الذي جمعنا ...
ولذلك فنحن نسعى بنظرة تطلعية .... لبناء مجد حاضرنا ... الذي نطمع أن يكون له
الاسم بين الثقافات والدول ..... بغير تجرد أحد من أصله .... وليس دخولنا في الجامعة العربية ... إلا
يقيناً بوجود العرب في السودان ....
السودان ....
الكل فيه سوداني ... وليس الكل عربي ... أرجو أن أكون قد وضحت نظرتي ...
ياجماعه انا ما عارف لكن قصة عرب وماعرب دي بقت زي العقده لينا نحنا السودانيين
وفي البوست لاحظت انوا اي زول داير السودانيين علي حسب ماهو عايز يعني في واحد عايز يكونوا افارقه وواحد عايزيكونوا عرب وواحد ما فهمنا ليهو اي حاجه نحنا ياجماعه فيما بينا اي زول عارف اصل التاني شنوا ومتفقين فيما بينا ومتعايشين في امان الله بنتكلم عربي ومناهجنا بالعربي وتلات ارباع غنانا بالعربي واي زول فينا بحترم ثقافة وعادات وتقاليد ودين التاني بس يجي زول من برا ويفتي في الموضوع دا والله اعلم بخلفيته عنه دا الكلام البحير وكلامي للاخ ابو البخاري نعم نحن بنفتخر بعروبتنا لانه الرسول عربي والقران نزل بلسان عربي مبين والعرب نعم زمان فعلا كانت امه وشعب الواحد بفتخر بيهوا لكن اسع الحال يغني عن السؤال والواحد لو قال انه عربي حاليا في دوله اوربيه او امريكا شوف المضايقات البتعرض ليها قدر شنوا والعنصريه اللي يواجها
اما الافارقه البتقول عليهم زنوج نعم ماضيهم اسود لكن حاليا هم افضل من العرب ويكفيهم انه مرشح الرئاسه لامريكا حاليا من اصول افريقيه ودي خطوه الله اعلم يقدم عليها العرب في الوقت الحالي 0
ومنهم كونداليزا رايس اللي هي لمن تزور العرب الكل من حكام العرب يحاول ينال رضاها
وجهة نظرك يا ابو البخاري نحترما بس ياليت قبل ما تكتب في مواضيع حساسه زي دي تكون عندك الخلفيه الكافيه عن الموضوع واتمنى انك تواصل معانا0
اما انت يا ابو ياسر ما صدقت في كلام ابو البخاري دا قامت فيك الهاشميه طوالي علي حس العرب
وقمت قلت انه القبائل العربيه في السودان ما بتلاقي الافريقيه في العرق والعادات اما قصة النسب دي اتاكد منها اول شي بعدين احكم خاصه العرب اتزوجوا من الافريقيات0
بس ذكرت انه نحن سودانيين في النهايه وفي البدايه ودا اهم شي متفقين كلنا ما يفرقنا ايا كان
واقول ليك عرب ممزوجه بدم الزنوج الحار ديل اهلي
اسف للاطاله وتقبل تحيا تي
اخوك الكاهلي
abode كتب:
اما انت يا ابو ياسر ما صدقت في كلام ابو البخاري دا قامت فيك الهاشميه طوالي علي حس العرب
اخوك الكاهلي
كنت أود أن تكون أكثر أدباً في لفظك ...وأكثر لباقة في حوارك ..... يا أخي العزيز .....
ثانياً بالنسبة لأخواننا في الخليج .... أبو البخاري وغيره ...
فإن المغتربين .... في بلادهم يعكسون صورة حسنة للسوداني الأصيل ....وهم خير مثال لعرب السودان ...
ونظرتهم فينا هي النظرة للقبائل العربية التي تقطن السودان .... وأنا هنا لا أنادي بالقومية العربية ... أو ما شابه ذلك ... بل أنادي بإعطاء كل ذي حقٍ حقه ...
وأنت تعلم أنه لا يوجد مغتربين غير عرب وسودانيين ... وإن كانوا فهم قلة .... وهذا ما يدعو لعدم الفهم أو الاستغراب من الخليجين أو غيرهم ... من فتح قناة السودان مثلاً ..... أو مشاهدة مثل هذه المواضيع ....
الذي تجعل السودانيين وكأنهم متطفلين على العرب وهذا ما لا يرضاه أحد ....
abode كتب: يا ابو ياسر
وقمت قلت انه القبائل العربيه في السودان ما بتلاقي الافريقيه في العرق والعادات اما قصة النسب دي اتاكد منها اول شي بعدين احكم خاصه العرب اتزوجوا من الافريقيات
اخوك الكاهلي
أولاً/يا أخي العزيز أرجع لمشاركاتي الماضيةفي الصفحات السابقة .... وسترى رأيي الكامل والوافي عن هذا الموضوع ...
ثانياً /بالنسبة للنسب ... بحب أقوليك بخصوص إنك كاهلي ....
أنا أمي كاهلية برضو ... من بني حسان ....وأبوي من بني بطحان ....يعني عارف نسبي صح يا خوي ..
وبالنسبة للقبائل الأخرى أيضاً فما بجيب كلام من راسي عشان أتأكد من صحة ...
انتا بتتكلم عن جزئية أنا لم أجهلها أبداً .... بالنسبة للسودان عموماً ..... يعني بوجه عام ..
في عرب لم يختلطوا بالأفريقيات اللي إنت ذكرتهم ..... وفي عرب اختلطوا لكن هم العرب ....العرب في الحالتين .... من عم أو خال .....
abode كتب:
بس ذكرت انه نحن سودانيين في النهايه وفي البدايه ودا اهم شي متفقين كلنا ما يفرقنا ايا كان
واقول ليك عرب ممزوجه بدم الزنوج الحار ديل اهلي
اسف للاطاله وتقبل تحيا تي
اخوك الكاهلي
فعلاً ..... هذا هو الشيء الوحيد الذي اتفقنا فيه والذي سيتفق فيه ..... كل من حاول الرد في هذا الموضوع ..
فلنعمل على نقاط اتفاقنا لا نقاط اختلافنا ... لينمو سوداننا ... على سواعدنا وسواعد أبنائنا ....
وكل الشكر ليك ياود خالي الكاهلي ....
واختلاف الرأي لا يفسد للود قضية .....
وللجميع التحية ...
لا الزنج لا الروم لا الإصلاح في العطب ***دعوى الزنوج ولم توقف على سبب
دم الــــعـــروبــة طـــــهرٌ فيه مـنـــبعنا *** لا الجربُ يامن أتى بالسقم والجربِ
دُعايَ يا رَبِّ في سودانــــــــنـــا أمــــلٌ *** على البلاد على الأوطــان والعَربِ
ولكن كون أننا ضيوف ... فارجوا أن توظفي كلمة غير هذه الكلمة فنحن لسنا ضيوف ...
دم العروبة طهرٌ فيه مـنـــبعنا
أخي الكريم أبو ياسر . . . تحياتي
يعجبني في قصص القرآن الكريم الإختزال في السرد والإعتماد علي فطنة القارئ . . . وأردت هنا أن أحاول ذلك . . . فلإكمال القصة : قدموا ضيوفاً عندك وطاب لهم المقام وتزوجوا من أهلك وكونوا عنصراً جديداً من بني البشر وهم الأفارقة المختلطين بالعرب . . . وأرادوا أن ينسبوا . . . إلي باقي القصة
وبمناسبة القصيدة التي تمجد الإنتماء للعرب . . . مافي حاجة كده لأخوالنا الأفارقة . . . بيتين تلاتة . . . في شان ما يزعلوا. . .
لسنا و إن أحسابنا كرمـت يوما على الأحساب نتكل
نبني كـما كـانت أوائـلنا تبني ونـفعل مثل ما فعلوا
ودام السودان ليجمعنا علي كل ما هو خير لتكريم الإنسان
[[frame="1 50"]QUOTE=أبو ياسر البطحاني;144225]
كنت أود أن تكون أكثر أدباً في لفظك ...وأكثر لباقة في حوارك ..... يا أخي العزيز [/frame]..... لك العتبى حتى ترضى اخي البطحاني يس ياخي اعتبرا زلت لسان او خاني التعبير تاني لك العتبى حتى ترضى0
بس ياخي الشي الخلاني اتكلم كده وانفعل الناس البتجي من برا وتفتي في موضوع حساس زي دا وهي الله اعلم تكون عندها ذرة خلفيه عن الموضوع دا0
بعدين ياخي ماشالله طلعت ودقبايل زي ما قالوا اهلنا ونحنا ناس اخوالك وشايفك ماشالله شاعر وعارف بالاحساب والانساب بس داير منك طلب واحد لو سمحت قصيده في اخوالك ديل وتكون من قريحتك 0
ولك مني جزيل الشكر0
هلوية كتب:أخي الكريم أبو ياسر . . . قدموا ضيوفاً عندك وطاب لهم المقام وتزوجوا من أهلك وكونوا عنصراً جديداً من بني البشر وهم الأفارقة المختلطين بالعرب . . . وأرادوا أن ينسبوا . . . إلي باقي القصة
وبمناسبة القصيدة التي تمجد الإنتماء للعرب . . . مافي حاجة كده لأخوالنا الأفارقة . . . بيتين تلاتة . . . في شان ما يزعلوا. . .
لسنا و إن أحسابنا كرمـت يوما على الأحساب نتكل
نبني كـما كـانت أوائـلنا تبني ونـفعل مثل ما فعلوا
[/color] [/size]
أنا فهمت مثلك جيداً أختي العزيزة .... وفطنت له قبل أن أكمل قراءتي له ....
ولكن لي كلمة من أول ردٍ لي هنا أقول فيها .... عندما نقول ....
(( هل نحن السودانيون عرب ؟ )) ....
فلقد ضيقنا واسعاً ..... فالسودان مختلف الأصول والأعراق والمنابت .....
فلا يمكن أن ينسب الجميع فيه للعرب (( انظري أنا اتفق معك هنا تماماً ))
ولكن قبائل الشمال العربية تنتمي للعرب .... والتي أطلقتي عليهم الضيوف ....
إذاً أنا أقرّك ... على هذا......نحن ضيوف ....!!!!! ((مع تحفظي للمعنى))...
ولكن العرب ليسوا كأي ضيوف ....
أدخلوا الإسلام فيه للسودان مذ عهد عثمان بن عفان ...
واستوطنوا البلاد استيطاناً .... ولو كانوا ضيوفاً عليها ...
واليوم الحكومة .... تتمثل في العرب .... الذين لا يُنكر دورهم في تطوير البلد ...
لسنا و إن أحسابنا كرمـت يوما على الأحساب نتكل
نبني كـما كـانت أوائـلنا تبني ونـفعل مثل ما فعلوا
ودام السودان ليجمعنا علي كل ما هو خير لتكريم الإنسان[/QUOTE]
فعلاً أختي هلوية .....
ولكن كرم الأنساب والأحساب .... لا يتناقض مع المدح والإطناب ....
abode كتب:[[frame="1 50"]QUOTE=أبو ياسر البطحاني;144225]
كنت أود أن تكون أكثر أدباً في لفظك ...وأكثر لباقة في حوارك ..... يا أخي العزيز [/frame]..... لك العتبى حتى ترضى اخي البطحاني يس ياخي اعتبرا زلت لسان او خاني التعبير تاني لك العتبى حتى ترضى بس ياخي الشي الخلاني اتكلم كده وانفعل الناس البتجي من برا وتفتي في موضوع حساس زي دا وهي الله اعلم تكون عندها ذرة خلفيه عن الموضوع دا0
بعدين ياخي ماشالله طلعت ودقبايل زي ما قالوا اهلنا ونحنا ناس اخوالك وشايفك ماشالله شاعر وعارف بالاحساب والانساب بس داير منك طلب واحد لو سمحت قصيده في اخوالك ديل وتكون من قريحتك 0
ولك مني جزيل الشكر0
الله يبارك فيك يا بن خالي ....
ولي قصائد عديدة في مدح أهلنا بني بطحان .... وكذلك بني حسان ...
و إني لأتحرج من وضع القصائد في المنتديات ... مخافة سلب حقوقها ....
ولكنك طلبتني .... ولن أرد .... طلبك ....
فخذ مني هذه على بحر الوافر ......
لأخــــوالي الكرام لـقد أتيت *** عذرتك قد رضيت وقد رضيت
بني حســــان من عـمٍ وخال *** ذكرت الفضـــل فيهم ما نسيت
لأحفاد الزبــيـر ومن تلاهم *** بــــمــثـل خصالهم لا مارأيت
و ما قولي إلـــى الحساد إلا *** عذرت الكــــاهلي وقد رضيت
وإن شاء الله تكون بينا معرفة في قادم الأيام ......
)انا وانتا نتاج للتمازج ممكن انتمائى وانتمائك وولائنا يكون للعروبة الثقافة والاصل لكن ما مفروض ننسى اننا افارقة و انو اولاد بلدنا ناس الجنوب ما ليهم نفس الولاءرغم انو الوطن واحد و المستقبل اذا استمرت الوحدة واحد 
