هذا البلد الجميل بناسه مره في الفترة الأخيرة بمتغيرات كثيرة جداً ومختلفة وخاصة بجانب الجنس اللطيف حيث تغيرت طريقة اللبس عند البنات حتى عند الأولاد ولكن بالذات عند البنات .
طبعا أصبح لايغيب عن أحد مايحدث في هذا البلد من انحلال في مجتمعاتنا وللأسف حتى على مستوي الجامعات عندنا أصبح هذا الانحلال الكامل وصار من الطبيعي أن تجد شباب يتعاطون المخدرات بأنواعها من حشيش ( بنقو ) وحبوب وبعض الأحيان تصل إلي الحقن أما الجديد في الموضوع انه أصبح عند البنات نفس الموضوع وجميعنا نتذكر طبعا حادثه بنات الداخلية التي كانت على الموبايلات مصوره وغيرها الكثير وكانت في الأول الظاهر كانت محدودة أما ألان طفحت فوق السطح ومثلا ركوب السيارات من الشوارع ( الملح ) بل أصبح هناك شوارع معروفه لهذه الأشياء وطبعا حتى هناك بنات يعملون في بعض البيوت بعد الجامعة يذهبون ويكونون تحت الطلب وذلك لمحدوديات المصاريف كان الانحلان بينهم هو الأكثر أما الآن فحدث ولا حرج فأصبح الموضوع بشكل عام . وللأسف نحنو دايما عندما تواجهنا مشاكل نفكر في المشكلة نفسها ولاكين لانفكر في السبب وطبعا عندما تفقد المجتمعات قيمها ويحدث انحلال بهذا الشكل الكبير فان السبب الرئيس لذلك هو الفقر وضعف الموارد لدي المواطن وعدم توفر لقمة العيش الشريفة أو الاكتفا الكامل لاحتياجات الآسر. وايضاً ضعف ألرقابه على الأبناء ويأتي ضعف الرقابة من الانشغال في أمور الدنيا والأعمال . وطبعا الموضوع هذا يشمل أيضا بنات المغتربين بشكل أساس أيضا وطبعا لعدم المتابعة من أولياء الأمور لهم بالسودان وبذلك يبدأ التفكك الأسري الذي حدث ألان بالسودان بشكل مذهل وأنا لا اتحامل على السودان لاسمح الله ولكن أنا رأيت بعيني ملا يصدق ولكن حتى أنا لا ادري ماهو الحل لهذه المشكلات التي تزيد يوماً بعد يوم فأرجو من الزملا في المنتدى مناقشة هذه القضية عسي ولعلي أن نصل ولو لأمل لحل هذه المعضلة .
شكرا اخي الكريم الموضوع في غاية الاهميه والواجب علينا ترك العادات الدخيله علي مجتمعنا والرجوع لقيمنا الدينيه وعاداتنا السمحه التي يعرفنا العالم بها .
وفي رأي اسباب هذه التغيرات منها ضغوطات المعيشه وتجاهل البعض لامور دينهم الحنيف وايضا اختلاط الطلاب في الجامعات هو اكبر الاسباب .
والله المستعان .
سيدى الفاضل
جنتل مان
أن هذا الانحلال ليس بالجديد ،،انما تطور وبقى اللعب على المكشوف
قد يكون السبب الاساسى يكمن فى الاسرة وعدم المتابعة المستمرة لأبنائها ،، قد يكون ابنا المغتربين
بحكم عادات وتقاليد البلد الوافد منها وبعد ماجاءو الى السودان ووجود انفتاحية فى الجامعات وصلوا الى ماهم عليه الان،،ولاكن النسبة بسيطة ونكون صريحين ياشباب نسلط الضوء على الداخليات ،،، وبنات الولايات اللاتى يدرسن بالجامعات هنا مربط الفرس نحن مابنظلمن كلهن ولاكن بنسبة 90% تعدو العادات والتقاليد وحليل ( بت المدن يالواعية والدارسة الكتاب) . شنو الوصلن لى كدا ؟
ومن هو السبب ؟
وماحل المشكلة ؟
هذه كله اسئلة وفى اعتقادى :.
الخلاهم يصلو للشى دا هوالموضة بتطلب كل بنت فى الجامعة تلبس احسن من زميلاته وتحتاج للكثير لكى تظهر باحسن مظهر يناسب الجامعةاذن تحتاج الى فلوس ،
وقد تكون فى بعض الاوقات محتاجة مصاريف دراسية والمصروف اتخر ممايجعلها تنساق وراء اصحاب النفوس الضعيفة ..
اذن السبب الرئسي الاسرة وليس البنت
عدم المتابعة له ادخاله الجامعة من غير مايحسو بمتطلبات الجامعة وكلفة الدراسة وبنتهم على اعتاب الدراسة فهى محتاجة لهم اكثر من الاول ،،
السبب الفرعى الشباب
اغلبية الشباب اصبح ينقاد وراء غرائزهم وعدم المبالا بماحولهم وعدم الاحساس بالمسؤلية .
السلام عليكم ورحة الله
أنا في رأي انو السبب الأساسي وراء الانحلال بجميع أنواعه يرجع إلي الأسرة في الأول وفى الأخر وفى طريقة التربية على معالم الدين يعني برنامج المعيشة والظروف الصعبة والحاجات دي ما حجة دي شماعة بس الناس بتعلق فيها لو أصلا البت طلعت من بيت تمام مستحيل تتكسر للرياح مهما يكون السبب ياما ناس فقراء واشرف من الشرف
حقيقة الأخوة أوفوا وكفوا برأيهم ..
اعتقد أن عوامل الزمن والتطور المشهود سهل عمليه الانفتاح على أشياء كانت تعد من المحرمات أو المخجلات إلى وقت قريب ,, مثل المظهر الشاذ والاكسسوارت الغريبة واساليب التجمل الصناعية
( الفتاة تحتاج للمال للمواكبة ,, الفتى يعتبرها دعوة للانحلال )
كما أن دراسة أبناء المغتربين وأبناء الولايات في العاصمة بالذات تتم دون رقابة فعلية من اولياء الأمور
وأغلبهم من صغار السن الذين يسهل قيادتهم وانقيادهم إلى بحر الضياع
وووووووووو وهناك الكثير والكل يعلم
ولكن ما هو الحل ؟ الاقتصاد ,, الوعي ,, النشأة الدينية ,, الرقابة الفعلية
الشكر الاجزل لكل الذين عقبو على الموضوع جميعا وتحية مني لهم .اما التعقيب جميل ولكين في تحامل على البنات يا جماعه ماممكن نحمل البنت كل شئ يعني مثلا الفقر الفيو اهلنا دا سببو منو البخلي الناس تشقي كداا وتخاف تسال اولاد من وين جيبتو الفلوس من كترة الفقر وبعدين مين الخلي البنات يدخلو الجامعات في سن مراهقه مين الغير السلم التعليمي وبقاهو كسيح كدا مش دا هو المفروض الناس تسال عنو وشكرا مره تانيه للتعقيب
[overline][font=Arial]القضية وما فيها ( نحن مسلمين إسلام لو عرض على أهل مكة في زمن النبي صلى الله عليه وسلم كانوا قبلو وقالوا مرحبتين حبابك واليوم السعيد الليلة جابك
أغانينا كلها أو أغلبها دعوه صريحة ( لل ...... ) تهييج للغرائز
في المواصلات في البيت العطشان داير ليهو كوز شعير إضنيهو يتقددن من آهات الفنانه الهايجة والفنان أبو صرخات وتوجعات في الحب والريد والخديد
جبانه هايصة
ألقاه في اليم مكتوفا وإياك إياك أن تبتل بالماء والكلام للبودو البنات للجامعات بعيد عن المتابعة من سيد الوجعة قال إيـــــــــه ؟ قال بثق أنا بتي مربيها أنا ولدي مربيهو
ودار الرعاية إتملت نونو غير الميتين في شوال وفي جريده والحبل السري مترين
ديل من وين ؟ بنات منو ؟ أولاد منو آآآآآآآآآآه لو آه تفيد مجروح[[/overline]/B] [/font][/font][/size]
بسم الله الرحمن الرحيم
السلام عليكم
ورحمة الله وبركاته اولا الموضوع الانف الزكر جد موضوع في غايه الروعه ولاكين الجامعات كثيره وانت بنتك بقبلوها في جامه مثلا انت في شمال السودان ودوها ليك الغرب وفي النهايه الصراحه التامه مابين البنت وابوها والاولاد جميعا لابد من الصداقه والصراحه لابد ان يكون هذين العنصرين موجودين ماتقول لي ربيتها وخلاص الصراحه والصداقه مابين افراد الاسره
وربنا يعمل مافيه الخير
الشـــــــــــــكر على المرور والتعقيب وياناس الموضوع صدقوني ماموضوع تربيه ولااغاني الموضوع تدني الاقتصاد في البلد والفقر المنتشر عندنا زي السرطان والسبب معروف في الفقر الحاصل بس ربنا يهونا عللى السودان!!!!!!!!!!!!!
احيك اخي جنتل مان وفعلاً انت جنتل مان كونك بتتناقش في موضوع زي دة
لكن ؟ نمو البيسمع الكلام او يسمع النداء دة ؟
اي كلمة كتبتها صحيحة مية المية .
اذا كان اي زول بيقول يا نفسي وماشي في الدنيا من الحيتلفت لي الكلام ؟
المشكلة بقت مشلكة مجتمع باكملة . وكلامي انا والزي ما بفيد اذا ما حاتكون هناك توعية كاملة للحاصل
والكلام في الموضوع دة كبير والمنتدي ما محلو مفروض يكون في ساحة عامة وعلي الملا
لكن احيك علي الجراءة والصراحة دي واتمني انو يقراء الموضوع دة اكبر عدد من الناس
وانتي انو الجهات المساولة تعيد النظر في الحاصل .
السبب الرئيسى والاساسي على ما اعتقد == > ضيق المورد المالي المزمن!!
الذي ادي الي تفشي الفاحشة وانحراف الفتيات في السودان بالاضافة الي البعد عن الاهل والغربة !
ونفور الشباب عن الزواج لضيق ذات اليد !!
وخير مثال لذلك :
هو طالبات الجامعات الوافدات من الاقاليم الي بيئة العاصمة الخرطوم !
موضوعك في قمة الاهمية.
منو بيصدق انو السودان بلدنا الطاهر العفيف ممكن يصل للمستوى الدنيء الحاصل اسي.
....................بس في ملاحظة:
انت ختيتو اللوم كلو على البنات...وما زكرتو عيوب الاولاد...برضو الاولاد في السودان...برتكبو اخطاء فظيعة, بيتحملوها البنات.
ما تختو العيوب كلها واللوم على البنات ..............الاولاد ليهم نصيب ونصيب اكبر في الانحلال الحاصل في مجتمعنا السوداني.
ذكرتو الاسباب.........بس وين الحلول؟؟؟
الموضوع واسبابو شايكة , وصعبة جدا"
بحس انو كل ما السودان بيمشي لي قدام ويتطور,,,ناسو بيرجعو لي ورا وبيتخلفو
حارجع يا ود امي جنتل مان...........بس بعد ما ينصيفونا
وشكرررررررررر كتير على موضوعك الجميل
جنتل كل سنة و انت و الجميع طيبين ؟
إن مشكلة الإنحلال يجب أن يتم تشريحها من عدة جوانب : 1) الجانب التربوي :[size=3] و هذا يتعلق بالأسرة حيث أن جميع مجتمعاتنا الشرقية تعاني من ضعف في التربية فكلنا قام و تربي علي ثقافة ( دا عيب ، دا حرام ، بودوك النار ، ......الخ ) الشئ الذي إنعكس سلباً علينا عندما بدأنا نخرج إلي الشارع و في مراحل إكتشافنا لأنفسنا أو لما حولنا لم نجد اية ذخيرة معلوماتية عن المجتمع و عن الناس و عن التعامل أو حتي علي مستوي الألفاظ في الشارع، مما قاد الناس للبحث عن المعرفة بطرق غير سليمة و بالتالي أدت هذه الطرق إلي إيصال المعلومات نافصة و بعض الأحيان غير سليمة و من الطبيعي ان تكون النتيجة السلوك الخاطئ و المريض.إذاً الفجوة الكبيرة جداً بين الأبناء و الوالدين خلقت نوعاً من عدم الصراحة بين الطرفين و بالتالي بمرور الأيام تكبر الفجوة و هناك بعض الأبناء يكتشف بعد فترة أنه كان مخدوعاً في نظرته للحياة و الدنيا بسبب تلكم الفجوة. ناهيك عن من تربوا و هم مستلبين ما شاركوا لا في قرار تعليم و لا حتي في إختيار ملابس . [/size] لي عودة ، ، ، ، ، ، ، ، ، ، ، ، ،
الاخ جنتلمان نعيب زماننا والعيب فينا وما لى زماننا عيب سوانا ان موضوع الانحراف وسط شبابنا امر مزعج وخطير لا شك فى ذلك ونجد ان الانحراف شمل معظم االشباب من الجنسين ولم يفرق بين غنى وفقير ولكل منه فساده الخاص قد نجد السرقه والانحرااف الجنسى عند بعض الفقراء وقد نجد تعاطى المخدرات والسلوك الشاذ عند بعض الاغنياء ويكون السبب فى ذلك ضعف الرقابه الاسريه واصدقاء السؤء وعدم الواعز الدينى وضعف القوانين الجنائية وعدم تفعيل الرقابه من شرطه ومباحث وغيره مما ينعكس على الشارع العام من مظاهر الانحلال وتفشى الرزيلة بين الشباب وفى كل الاماكن وللخروج من هذا النفق المظلم لابد ان يعى الاباء والامهات دورهم جيدا وتقوية الوازع الدينى عند الشباب وتفعيل دور اللجهزه الشرطية فى محاربة الرزيلة وانضباط الشارع العام وفرض هيبة القانون ويديك الف عافيه
جنتل مان الموضوع فعلا حساس جدا
والانحلال دا ما الا في مجتمتعنا وبس
دي ظاهرة في جميع المجتمعات
دا كلو بسبب الحضارات اللي داخلة علينا
والملابس اللي علي الموضة يعني البنات بقو
يواكبو الموضة ويلبسو اي شئ يقولو ليك دي
موضة
تسلم أخي جنتل مان لأنك فتحت موضوع مهم جداَ
ويا شباب نحنا ما نحمل المسؤوليه للبنت فقط كمان الأولاد صارو يتشكلو ويتلونو ويوقعوا البنت في الغلط وبعدين يقولو نحنا ما غصبناها هي جات لحدي عندنا...نسيبها..؟؟؟؟
والأسره عندها دور كبير جدا هنا...وطالما إنو البنت طالعه من أسره محافظه وأهلها علموها كيف تحترم نفسها وكيف تتصرف ..ما أعتقد إنها ممكن تقع في الغلط..ومع ذلك للأسف في بنات من أسر محترمه وبرضوا بيعملوا الغلط...
يعني الأسره والتربيه...ممكن البنت تفلت وتكسر كل القواعد....
ربنا يحفظنا جميعاَ
..............الاولاد ليهم نصيب ونصيب اكبر في الانحلال الحاصل في مجتمعنا السوداني.
