اعزائي الغالييين اعضاء منتدى انا سوداني هذا الموضوع اشتركت به في منتدى اخر وبعدها تمنيت لو كتبته هنا لما وجدته منكم من حضور وعقول نيرة فاسمحو لي ان اطرحه عليكم فهو يهمنا جميعا.
احب لفت نظر الشباب والشابات لشيء مهم وخطير اي بنت سودانية وعائشة في السودان تتمنى ان يرزقها الله برجل ميسور الحال واقلاه مغترب وهنا اضع خطين تحت هذه الكلمة مغترب فالمغترب عندما ينزل الى السودان في اجازته السنوية يظهر كل ما عنده من ازياء وعطور وتاجير سيارات فيخطف انظار الفتيات، اي واحدة من اهله او نفس الحي الذي يسكنه تتمنى لفت نظره لكي يتقدم للزواج منها وهي لا تعلم ان هذه البزخ مصدره حصيلة عام من التوفير او جمعيه او كردت كارد او سلفه من البنك فيتقدم المغترب للزواج من احدى الفتيات ويجد الموافقةمن الجميع وربما يتم عقد القران عند اول زياره لاهل الفتاة مغترب يعني والكلام انتهى وبعد الزواج يرسل الزوج لزوجته لتحضر اليه في الخارج وهنا الطامة الكبرى حيث تجده يقيم في ابعد الاماكن وارخصها او تجده مستاجر غرفة مشاركة مع اسرة اخرى وحياة مختلفة تمام الاختلاف عما يظهره هو وتتمناه هي وهنا تصدم الفتاة وتعرف انها اكلت مقلب ، اخواتي العزيزات هذا هو حال المغتربين .
انا ليست مادية التفكير ولكني اشجع الوضوح بين الطرفين قبل الفاس ما تقع في الراس ويا ريت لوكل مغترب عكس للفتاة التي يريد الارتباط بها حقيقة وضعه البيت الضيق والغرفةالواحدة التي لا تسع استقبال ضيف وضيق الحال لكي لا تصدم اجلا وفي الاول والاخير الناس لا تقيم بالمادة لكن الوضوح مهم حيث تقرر الفتاة هل باستطاعتها تحمل وضع كهذا
واخيرا الوضوح الوضوح ، صراحة الموضوع كبير وله سلبيات كثيرة واتمنى ان يكون وصل لكم بايجاز وبصورة صحيحة.
[quote="اساور"] [align=justify]اعزائي وهنا اضع خطين تحت هذه الكلمة مغترب فالمغترب عندما ينزل الى السودان في اجازته السنوية يظهر كل ما عنده من ازياء وعطور وتاجير سيارات فيخطف انظار الفتيات، اي واحدة من اهله او نفس الحي الذي يسكنه تتمنى لفت نظره لكي يتقدم للزواج منها وهي لا تعلم ان هذه البزخ مصدره حصيلة عام من التوفير او جمعيه او كردت كارد او سلفه من البنك فيتقدم المغترب للزواج من احدى الفتيات ويجد الموافقةمن الجميع وربما يتم عقد القران عند اول زياره لاهل الفتاة مغترب يعني والكلام انتهى وبعد الزواج يرسل الزوج لزوجته لتحضر اليه في الخارج وهنا الطامة الكبرى حيث تجده يقيم في ابعد الاماكن وارخصها او تجده مستاجر غرفة مشاركة مع اسرة اخرى وحياة مختلفة تمام الاختلاف عما يظهره هو وتتمناه هي وهنا تصدم الفتاة وتعرف انها اكلت مقلب ، اخواتي العزيزات هذا هو حال المغتربين .
ودمتم
[/quote]
أساااور،،،
صعب أن يكون حكمنا على المغتربين بهذا المنطق،،،، إذا كان الزوج همه لفت النظر بعطوره وتأجيره للسيارات،، فكلامك بيوصل بأنه الزوجة أيضأً ستنصدم،، يعني زواج فشخررة وظهور من الطرفين،، ودا نهايتوا حتمية،،،
غلاء المعيشة أصبح عام وبالذات ف قطر والإمارات وبعض دول الخليج،، وأصبحت أثار الغلاْ باينة حتى ف هداياهم أو مراسلهم،،،
مغترب بخصوص غلاء المعيشة منعته الظروف من الهدايا لأهله،، قام شاليهم مصاحف بدلاً عن الهدايا،، واحد من أولاد أهلو قال ليهوا: كلام الله ما بناباهو،،، لكن الفيك إتعرفت
ولكن دا ما بيضع العوممية ف مجمل كلامك دا ،،
وشكراً،،[/color][/font][/align][/b]
صعب أن يكون حكمنا على المغتربين بهذا المنطق،،،، إذا كان الزوج همه لفت النظر بعطوره وتأجيره للسيارات،، فكلامك بيوصل بأنه الزوجة أيضأً ستنصدم،، يعني زواج فشخررة وظهور من الطرفين،، ودا نهايتوا حتمية،،،
غلاء المعيشة أصبح عام وبالذات ف قطر والإمارات وبعض دول الخليج،، وأصبحت أثار الغلاْ باينة حتى ف هداياهم أو مراسلهم،،،
مغترب بخصوص غلاء المعيشة منعته الظروف من الهدايا لأهله،، قام شاليهم مصاحف بدلاً عن الهدايا،، واحد من أولاد أهلو قال ليهوا: كلام الله ما بناباهو،،، لكن الفيك إتعرفت
ولكن دا ما بيضع العوممية ف مجمل كلامك دا ،،
وشكراً،،
اخي الغالي ابراهيم الجيو يزدان الموضوع القا بمرورك ومشكور وما قصرت بس انا بأختصار عايزة اعكس فهمنا انحنا البنات في السودان لما يجيبو كلمة مغترب بس الكلام انتهى يعني سفر وشيلة 12 ×12 وذهب والى اخره فاي بنت مننا كانت بتفكر راجل مروق او مغترب فاردت توضيح مغترب يعني ماذا من ارض الواقع عشان الناس يشوفو تاجر الغرب احسن وما يتغشو.
والشكر لك مره ثانية ولا تحرمنا من يراعك.
مع خالص احترامي،،،
انتى حكمتى على المغترب باالاعدام يعنى ياناس السودان ماتدو بناتكم للمغتربين ثم ثانية الحياة شراكة زمن البت تجلس فى البيت انتهاء
وبتقولى حصيلة عام انتى المغترب ده القروش بلقاه فى الارض ما لاذم تكو ن حصيلة عام ومشكورة على الاساء
شكرا أختي أساور على طرحك هذا الموضوع الهادف الذي يمس شريحة كبيرة من أبناء بلادي
ومعظم كلامك صحيح فأنا موجود في قطر ورأيت بأم عيني حال المغترب هنا الإ من رحم ربي
كل المرتب يذهب الى الأقساط فيا عزيزتي زمن الإغتراب ولى و راح.
[overline]الاخت اساور لكى التحية فى اعتقادى من تتزوج من يبهرها بعطره وسيارته حتى ولو لم تكن ايجار تستاهل اى حاجه تحصليها لانها تزوجت المظاهر ولم تتزوج الجوهر فالزواج الذى يبنى على النفاق مصيروا الفشل وفى اعتقادى ايضا اهم شى فى الزواج الوضوح والصدق ولكن اصيب مجتمعنا اخيرا بامراض نسأل الله ان يشفينا منها ولكن مازالت حواء السودانية بكامل قواها العقلية واول ما يجى العريس ويتقدم تستعين بكل الاهل والاصدقاء ويجمعوا عنوا اشياء هو زاتو كان ناسيها ولكن هنالك ايضا قلة بتنبهر وتجرى وراء المظاهر لمن تقع على رقبتة وتكسره [/overline]
ود الريح كتب:انتى حكمتى على المغترب باالاعدام يعنى ياناس السودان ماتدو بناتكم للمغتربين ثم ثانية الحياة شراكة زمن البت تجلس فى البيت انتهاء
وبتقولى حصيلة عام انتى المغترب ده القروش بلقاه فى الارض ما لاذم تكو ن حصيلة عام ومشكورة على الاساء
اخي العزيز جدا ود الريح لك اسفى اذا فهمت موضوعي بهذه الطريقة فانا لم اقصد الاساءة لاحد ومعاز الله وموضوعي ليس محصور في نقطة ما تدو بناتكم لمغترب والمغترب بلقى القروش في الارض لا فالموضوع اكبر من كدى بكثيير ومع العلم اني بت مغترب وزوجة مغترب .
ولك العتبى حتى ترضى ومشكووور على المرور
مع ودي
الغاليين جدا الرايح & اسامة
بكم تكتمل دائرة التوصيل وبينكم يكون الكون اجمل واروع و باراءكم استمد قوتى التي تجعلني لا اتوانا في ان اتيكم كل يوم بجديد فدمتم
مع ودي
انا شخصيا ما مع الارتباط التقليدى وموضوع (( امشى اخد بت حاج يوسف كان لقيتهم مافى اغشى جيرانهم ناس حاج احمد اخد بتهم ناس كويسين ما عليهم كلام تب بردو ))
ثانيا انا بتفق مع الشباب انو الانسانة التفكيرة عن الزواج هوه انها تلاقى ليها قفة مال وعيال ما تستحق ان انسان يظلم نفسه ويرتبط بها من اساسه لانها بتبيع نفسها للمال والمظاهر
نظرة سطحية ان الانسان يبحث عن مال وجاه وجمال فقط لانه حتما سيجد نفسه خاسر على مختلف الاصعدة لان كل هذه الاشياء ما هيه الا ظل زائل ومن الضامن ربما فى القريب العاجل ولا يبقى سوى النفس الطيبة وشخصية المحب واحترامه وتقديره لشريكة حياته
قال تعالى : (وانكحوا الأيامى منكم والصالحين من عبادكم وإمائكم إن يكونوا فقراء يغنيهم الله من فضله والله واسع عليم ).
قال (صلى الله عليه و سلم) : (خذوهم فقراء يغنيهم الله)
انا بضم صوتى لصوتك يا اساور
الضامن الوحيد ان الفتاة تحيا فى بيت الزوجية حياة سعيدة مستقرة مرضية مع انسان يتقى الله فيها ويصونه هوه السمات الشخصية الجوهرية تدين واخلاقيات ومثل وان يجمعهم الحب والتفاهم لا مال ولا جه ولا جمال
ونفس المفاهيم واسس الاختيار للرجل ايضا وان كان الجمال له اثرو شويه
تسلمى اختى العزيزة على الموضوع بتمنى ليك ولكل الشباب الخير والسعادة وراحة البال
مرفق بمرورى شكر وودى وتقديرى
ان كانت الغاية تبررالوسيلة فمحمود ان يتبخطر المغترب لينال الرضاء
لم يتفرس بصيغ الكلام ولم يوكل الرجل الهمام فاثر حلو الكلام انا كت زمان
شائل جراح ودحين خلاص تريان من الفاقة الراح وغنيت خلاص
يا جماعة اذا الاسرة لم تكن حريصة على بنتها فلتكن ما تصيبها من المحتال حلال
نظرة الاسرة الى الثراء دون الاحتساب الى الجواهر من الصفات هى التى تخطى
وان نظرة الفتاة الى البهرجه فالتتحمل عواقبها
اما القانعة والفطنة التى تستهدف من الزواج الستر فلن تغلبها العيش فى قفص
اعزائي الغالييين اعضاء منتدى انا سوداني هذا الموضوع اشتركت به في منتدى اخر وبعدها تمنيت لو كتبته هنا لما وجدته منكم من حضور وعقول نيرة فاسمحو لي ان اطرحه عليكم فهو يهمنا جميعا.
احب لفت نظر الشباب والشابات لشيء مهم وخطير اي بنت سودانية وعائشة في السودان تتمنى ان يرزقها الله برجل ميسور الحال واقلاه مغترب وهنا اضع خطين تحت هذه الكلمة مغترب فالمغترب عندما ينزل الى السودان في اجازته السنوية يظهر كل ما عنده من ازياء وعطور وتاجير سيارات فيخطف انظار الفتيات، اي واحدة من اهله او نفس الحي الذي يسكنه تتمنى لفت نظره لكي يتقدم للزواج منها وهي لا تعلم ان هذه البزخ مصدره حصيلة عام من التوفير او جمعيه او كردت كارد او سلفه من البنك فيتقدم المغترب للزواج من احدى الفتيات ويجد الموافقةمن الجميع وربما يتم عقد القران عند اول زياره لاهل الفتاة مغترب يعني والكلام انتهى وبعد الزواج يرسل الزوج لزوجته لتحضر اليه في الخارج وهنا الطامة الكبرى حيث تجده يقيم في ابعد الاماكن وارخصها او تجده مستاجر غرفة مشاركة مع اسرة اخرى وحياة مختلفة تمام الاختلاف عما يظهره هو وتتمناه هي وهنا تصدم الفتاة وتعرف انها اكلت مقلب ، اخواتي العزيزات هذا هو حال المغتربين .
انا ليست مادية التفكير ولكني اشجع الوضوح بين الطرفين قبل الفاس ما تقع في الراس ويا ريت لوكل مغترب عكس للفتاة التي يريد الارتباط بها حقيقة وضعه البيت الضيق والغرفةالواحدة التي لا تسع استقبال ضيف وضيق الحال لكي لا تصدم اجلا وفي الاول والاخير الناس لا تقيم بالمادة لكن الوضوح مهم حيث تقرر الفتاة هل باستطاعتها تحمل وضع كهذا
واخيرا الوضوح الوضوح ، صراحة الموضوع كبير وله سلبيات كثيرة واتمنى ان يكون وصل لكم بايجاز وبصورة صحيحة.
ودمتم
الأخت العزيزة أساور ....
أقرك على فهمك الجيد للأمور الإجتماعية.... مع تحفظي على النظرة المادية ... في الزواج ...
بالنسبة لكلامك ... انو المغترب ... لما يكون راجع لاهلو وناسو ... بيشوف وكانو الناس عايزة ...
تاكلو اكل .... طبعا الناس الماديين .... ولو اتبين الحال ... امكن السلام ما يلاقيه ....
حياك من لم تكن ترجو تحيته لولا الدراهم ما حياك انسان
وطبعا دي نظرة تعتبر قليلة في السودان ....... ولكنها ليست منعدمة ....
وفعلا أختي أساور .... مغترب يمشي هناك يحاول يبهرج نفسو ... بافضل الملابس والعطور ...
ودي راجعة لاسباب كتيرة ....
أولا .... انو عايز ....يجذب انظار الناس ليهو ... فهو ما معاهم دايما ..... فيتجمل في اللبس والبهرجة ... ودي ما فيها حاجة ....فإن الله جميل يحب الجمال ....
تانيا ... انو عايز يوصل صورة لاهلو ... اني انا لما اغتربت وسبتكم ما من فراغ ... كان وراها فايده
شوفوها .....(( مع انو احيانا ... تكون الحال ضايقة فيه في بلاد الغربة ))...
وبعدين عندي ملاحظة على كلامك ....البتقولي فيه " غرفة ضيقة .... ومافي البكفي للضيوف ...
والكلام دا ..." ...
والله يا اساور ... صح انو ما في مقارنة بين المعيشة البعيشوها اهل الخليج .... والمغتربين اللي هم جيرانم ... لكن ما للدرجة دي .... والحمدلله معظم المغتربين مستورة معاهم وباحسن حال ...
وممكن يكون كلامك صح .... للي بيطلع من السودان بفيزة عامل او عمرة ومن هذا القبيل ....
أخيرا وليس آخرا ......
حال المغتربين ليس له قرار ..... ما بين ليل معدم ونهار ....
ما عارف ليه الاصرار انو المغترب بيوفر سنه كامله عشان يجي يتفشخر ؟؟؟؟
يا جماعه زول عاوز يستمتع بي اجازتو
في الغربه اتعود يسوق عربيه بيقي هنا يتشلهت بالمواصلات ولا يخلص قروشو تكاسي؟؟
انا بنصح اي مغترب انو بدل ياخد تكاسي في اليوم بي 50 و60 الف ياجر ليو عربيه بي 40 ارخص
وكلنا بنتريح بس بقت الريحه حرام علي المغترب في اجازتو؟؟؟؟؟
المغترب شخص خرج من بلده عشان يحسن وضوعو ووضع اهله ويتم نصف دينو او هربا من شئ معين وبغض النظر عن الاخيره دي يبقي من حق اي زول يكون جاي انو يشتري هدايا ويصرف علي كيفو وما من حقنا نحن نقول انو بيغش فينا
اذا اي واحد وضعو كويس وقرر يسافر مثلا القاهره في اجازه تفتكرو حيقرضها ولا حيتبحبح في اجازتو؟؟
طبعا حيحاول يستمتع بي الحاجه العندو
انا شايف اننا هنا متحاملين شديد علي المغترب وده لاننا عشمانين في ماله والبنات بقو يعاينو للجيب اولا قبل الشخصيه ودي جد عوجه كبيره ولا ما كده يا اساور اها انتي في بلد غربه وعارفه بالضبط اوضاع المغتربين وبيعملو شنو عشان يجيبو القرش
تفتكري انو نحن ما ظالمينهم؟؟؟
اساور ياعسل
بالمناسبه حكايه الانبهار بالمغترب دى كانت زمان لكن حسه خلاص الناس عرفت ووعت بعد مابنات كتار اتمقلبوا على حس المغترب وشافوا الويل بعد ماطلعوا من بلدهم .والواحده دلوقتى بقت تفضل تاخد واحد عايشه معها فى البلد وعارفه عنوا كل حاجه ولاتمشى تتمقلب مع واحد مع عرفت عنوا غير الصوره الخارجيه فقط
بس ده ما يمنع ان فى شباب مغترب وواضح وماعيب انوا الواحد يشرح ظروفوا للواحده قبل ما يتقدم لها وزى مابيقلوا اخوانا المصرين الاولوا شرط اخروا نور
ودمتى بود
ويا ريت لوكل مغترب عكس للفتاة التي يريد الارتباط بها حقيقة وضعه . . .
واخيرا الوضوح الوضوح ،
الأخت أساور . . .
كلامك في محلو . . . وبعد كده كل واحدة حرة في الإختيار . . . مع إنو غرفة أو نص غرفة لو في إنسجام وتفاهم بتكون زي القصر . . . لكن أهم شئ ما يكون عيشا في أحلام وردية وردية والواقع غير كده . . . وحكاية أنا لا أكذب . . ولكن اتجمل دي . . مرفوضة مرفوضة
والله يديكم أولاد الحلال وبنات الحلال . . . قولو آمين
