امثال ومصطلحات من لغتنا الدارجه

[ود الريح]

بتعرفى المقصوص و الرتيلا

[مراقب الانترنت]

بتعرفى المقصوص و الرتيلا

المقصوص دي الكمشة
والرتيلا اظنها النملة

لكن كدي هاكم الحاجات دي
النتاق
الفرنغاغه
اللبدة " بكسر اللام "
القروانة
التفونية
ام نويويرة
المدرة
الطابونة
السفروق

[اساور]

سلاااااااامات
والله يا مراقب الانترنت عرفته اثنين منهم

الاولـــــــــــــــــــــــــــى:
اللبدة بكسر اللام
وهي السرج بتاع الحمار(sorry) ومصنوع من القماش
الثانيــــــــــــــــــــــة:
الطابونة
وهي الفرن او المخبز Bakery
اما الباقيات يطرشني ما سمعته بيهم

[وكيل عريف]

المقصوص دي الكمشة
والرتيلا اظنها النملة

لكن كدي هاكم الحاجات دي
النتاق
الفرنغاغه
اللبدة " بكسر اللام "
القروانة
التفونية
ام نويويرة
المدرة
الطابونة
السفروق

اظنك تقصد الفرناغه وهى التراب الناعمه

ام نويويره العقرب الصغيره

السفروق ده ملاح

[بنت سدن دن]

أحب أقول ليكم إنو انا فهمت ولا وحدة غير المفراكة بس .

[زوول زط]

دخ شنوووووو يازوول مافهمنا ولا كلمة












مشكوور:d

[مراقب الانترنت]

المقصوص دي الكمشة
والرتيلا اظنها النملة

لكن كدي هاكم الحاجات دي
النتاق
الفرنغاغه
اللبدة " بكسر اللام "
القروانة
التفونية
ام نويويرة
المدرة
الطابونة
السفروق

مشكورين يا شباب على التفاعل...في بعض الاجابات صحيحة وفي بعضها خطأ
اللبدة هي حاجة زي المخدة توضع على ظهر الحمار " عفوا " وهي الى حدما تختلف عن السرج
الفرنغاغة : هي فعلا التراب الناعم
ام نويويرة وهي العقرب فعلا
الطابونة هي المخبز

اما السفروق فالاجابة غلط ...
اها باقي ليكم :
النتاق
القروانة
التفونية
المدرة

حاولوا فيها لحد بكرة وكان عجزتوا تب قولوا لي

وبجيكم صاد

[Sajooya]

على فكره انحنا طلعنا مسطحييييييييييين على الاخير

غير المشلعيب و المفراكه ولا شي:d

[abode]

طيب يامراقب انا داير اقول ليك انه في كلمات بكون نطقها واحد لكن معناها بختلف من منطقه لي منطقه0
زي ام نويويره مثلا انت قلت معناها العقرب وهي معروفه عند ناس الوسط بانها حشره بتطير بالليل وبتكون منوره واللي هي اليراعه في اللغه العربيه
السفروق هو خشبه او عصايه تكون عامله حرف ال يعني من ضلعين وكانوا زمان بصيدوا بيها0
اما الباقي الاخير دا اول مره اسمع بيهوا0

[مراقب الانترنت]

اها يا ناس انا ذاتي تعبت :
السفروق : عصاية محنية شكلها زي القوس ولكنها غير اسطوانية يعني مسطحة
النتاق : فــتـحة في حيطة الحوش بعملوها عشان تطلع بيها موية المطرة
القروانة: وهي الصـفيحة
التفونية : المكان البكون فيهو تراب كتير يقوليك فلان متفن يعني قاعد على الارض مباشرة
المدرة : اها دي قــنـاية " عصاية " طويلة " بستخدموها ناس المراكب عشان يدفعوا بيها المركب من جهة الخلف في الموية الضحلة الما بنفع فيها استخدام المجداف .
وبجيكم راجع

[مراقب الانترنت]

طيب يامراقب انا داير اقول ليك انه في كلمات بكون نطقها واحد لكن معناها بختلف من منطقه لي منطقه0
زي ام نويويره مثلا انت قلت معناها العقرب وهي معروفه عند ناس الوسط بانها حشره بتطير بالليل وبتكون منوره واللي هي اليراعه في اللغه العربيه
السفروق هو خشبه او عصايه تكون عامله حرف ال يعني من ضلعين وكانوا زمان بصيدوا بيها0
اما الباقي الاخير دا اول مره اسمع بيهوا0

انا ذااااااااااتي من ناس الوسط ... وكلامك صحيح يا abode ولكن الكلمة دي مستخدمة في نطاق ضيق جدا ..ولكن ام نويويرة بمعنى العقرب وردت حتى في كل الكتب التي تناولت العامية السودانية..ويعرفوها كل اهلنا القدام ..وحاجة تانية كمان ام نويويرة هي نوع معين من العقارب يعني مش اي عقرب .انا ماعايز ادخل في التفاصيل عشان ما نطول الموضوع.

[كبوشية]

الديس هو الحشائش الطويلة وليست الاشجار
مثل قولهم
ام شلخا عريض متل قلم الفكى القراى *** ام ديسا غزير مانقرشوا الفلاى
والديس يقصد به الشعر

[مراقب الانترنت]

طيب كدي اعرفوا لينا الساهلات ديل :

السريقة " ضمة على السين وشدة على الراء "
الكاتول
البربور
المرواد

[abode]

السريقه حيطة الطين اللي هو ما طوب0
المرواد بتاع الكحل تقريبا0
اما الباقي ما بعرفه0

ياريت تفسر لينا معانيها سريع يامعجم اللهجه السودانيه

تخريمه 0000ياخوي انت من زمن المهديه

اتمنى تورينا اكتر واكتر لانك جد والله مرجع

[ود الريح]

مشكورين على الموضوع الجيد اها بتعرفو الكدبوس

[كبوشية]

الربور هو ملاح يعمل من الفاصوليا تغلى ثم تفرك
الرواد يتعمل لتكحيل العيون

[مراقب الانترنت]

كل الاجابات صحيحة و
الكاتول : وهو العطرون

[chadi1]

والله يا اخوان انا العجبني في الموضوع مشاركة اساور عبارة يطرشني هذة الكلمة والله عجبتي شديد وزكرتني بأشي الي زمن ماسمعتها

[مراقب الانترنت]

اها اعرفو دي
الدرابة " ضمة على الدال وشدة على الراء"
الكنجال
الوقاية (( مش الوقاية خير من العلاج ))
الدبليبة
الخنيتة
العظمة " فــتحة على كل الحروف "

[أبعاج]

التسويها بايدك تغلب اجاويدك

الباب البجيب الريح سدو واستريح

الماشاف البحر تخلعوا الترعة

المال تلتوا ولا كتلتوا

القلم ما بزيل بلم

القرد في عين امه غزال

سمح الغنا في خشم سيدو

الولادة صغرة والمشي صباح

قلبي على جناى وقلب جناي على حجر

درب السلامة للحول قريب

تعيس الحظ يلاقي العضمة في الفشفاش

البيرقص ما بيغطي دقنو

بليلة مبشر ولا زبيحة مكشر

الما كلوا الدبيب يخاف من جر الحبل

الخير في الملعون زي الشرة في القندول

الجمرة تحرق الواطيها

المايهدي الكريم تعبان

البفكك من اكل التوم قل اكلو

الراجل افجخي بصلة قبل ما يبقي اصلة

رزقاً تكوسلوا ورزقا يكوسلك