من هو سبب غربتنا؟

[منير]

سؤال يؤرقني ويجنني منذ زمن من هو سبب غربة السودانيين؟ ولم اجد لهذا السؤال رد لأن الغربة بدأت من قبل الاستقلال حسب ما افهم وحتى هذه اللحظة ولكن الآن اصبحت هوان وزلة واصبحت ليس من ورائها إلى المصائب ...... واسواء شي في هذه اللعينة هو انك انسان ليس لديك هدف وليس لديك حياتك الخاصة تبتسم وانت زعلان تحاول تتضحك بالتصنع ... كل كلمة تؤثر فيك ..... هيجان شديد غضب على طول الخط .... نرفز في السكن في العمل في الشارع ...... الواحد اخلاقوا بقت غريبة ويقول الفاظ اغرب اتبشتنا واتبهدلنا وده كلو بسببو منو يلا يا أخونا ورائنا ده بسبب منو ولا حانكون كدة طول العمر الله يفكنا يا رب ....... منير
:( :mad:

[شاربة توت ولابسة بوت]

[glow1=66CCFF]
تبدا غربتنا من اللحظات التي نحكم بها على على انفسنا بترك وطن الآباء والأجداد ..
نتركه ونسافر الى المجهول...الى الغربه ..
نظنها ستعوض لنا كل فشل وحاجه فقدناها على أرضه ..
البعض منا يهرب من فشل يصوره لنفسه ويؤكده ..ويقنع نفسه به ويرى الغربه الخلاص الوحيد لهذا الفشل !
والآخر يحلم بأشياء كثيره لا يستطع الحصول عليها في الوطن ويتصور أنه في الغربه سيحصل
عليها .. وظيفة .. سيارة .. بيت .. حياة افضل .......الخ .
والبعض الآخر يحس بالاغتراب وهو في الوطن .. ويكون مبررا كافيا لكي يهاجر.
وهناك في الاغتراب ندفع ضريبة الغربه من شوق يمزق الضلوع...من حنين ..من ضياع نفسي
وصراع كبير بين حضارتين مختلفتين واحدة نحملها داخلنا...تمزقنا و تشدنا اليها ..
وأخرى غربيه نتوه وسطها ..ولكن يجب ان نتعايش معها !

تشكر يا منير على البوست الحساس والمهم ![/glow1]

[ابراهيم الجيو]

والله أنا يامنير أكون صريح معاك للأخير: أنا سبب غربتي يهو أبـــــــــوي

[منير]

[glow1=66CCFF]
تبدا غربتنا من اللحظات التي نحكم بها على على انفسنا بترك وطن الآباء والأجداد ..
نتركه ونسافر الى المجهول...الى الغربه ..
نظنها ستعوض لنا كل فشل وحاجه فقدناها على أرضه ..
البعض منا يهرب من فشل يصوره لنفسه ويؤكده ..ويقنع نفسه به ويرى الغربه الخلاص الوحيد لهذا الفشل !
والآخر يحلم بأشياء كثيره لا يستطع الحصول عليها في الوطن ويتصور أنه في الغربه سيحصل
عليها .. وظيفة .. سيارة .. بيت .. حياة افضل .......الخ .
والبعض الآخر يحس بالاغتراب وهو في الوطن .. ويكون مبررا كافيا لكي يهاجر.
وهناك في الاغتراب ندفع ضريبة الغربه من شوق يمزق الضلوع...من حنين ..من ضياع نفسي
وصراع كبير بين حضارتين مختلفتين واحدة نحملها داخلنا...تمزقنا و تشدنا اليها ..
وأخرى غربيه نتوه وسطها ..ولكن يجب ان نتعايش معها !

تشكر يا منير على البوست الحساس والمهم ![/glow1]

ما أروع ما سطرت أناملك يا شاربة توت ولابسة بوت والله كلامك كلو في محلو وحكم وصدقيني لو عندي طريقة كان نشرتوا في الصحف ...... اظنك متخصصة في الغربة لك التحية والتقدير وانت تبدعي في هذا المنتدى .ز

[منير]

والله أنا يامنير أكون صريح معاك للأخير: أنا سبب غربتي يهو أبـــــــــوي

ليه يا أخوي إبراهيم الجيو ........... أبوك سوى ليك شنو ؟ وسببك ساهل ويمكن يحل الكلام السبب المامكن يحل؟

[بت أبوظبي]

اختلفت الأسباب والغربه واحده !!!

كل شخض لديه في داخله روح المغامره
اكبر مغامره يحب ان يخوضها شباب اليوم هي السفر والاغتراب جاهلين ما يخبئ لهم ما وراء البحار من اسرار واضرار و اخبار
حتى لو علمو ا ولكنهم يصرون على خوض التجربه القاسيه
نتصور الجنه هنا
ولكن بعد ان يصبح الشخص هنا ويبدء التخبط في موج بحر الغربه تبدء الماساه :
اولا : يصدم بواقع العمل المرير
ثانيا : الكرامه المنسيه او المركونه حاليا على الرف
ثالثا : الخوف من الفشل والهزيمه
رابعا : العمر المهدور بالنسبه للشاب وزوجته مع ايقاف التنفيذ للمراه"ذلك بسبب عمل الزوج الطويل"
وما خفي كان اعظم
لذلك البقاء صعب والرجوع اصعب
لذلك نصيحه من مغتربه:
ليس كل ما يلمع ذهب
الذي تعرفه افضل من الذي تتعرف عليه

[منير]

قلت المفيد وأصبت يا بت أبو ظبي وشكراً على المداخلة اللذيذة دي يا ستي!!

[حزن السنين]

تعددت الاسباب و الموت واحد ..!!!

الغربة ذاك الاحساس المؤلم الذي يصيب كل من غادر ارض الموطن و اذا كان برغبته او مجبر علي ذلك
و هناك اشياء كثيرة تجبرنا علي الغربة من هذه الاشياء منها ما هو اجتماعي او اقتصادي و لكن انا ارجح الثاني فكل يبحث عن الرزق و لكن متطلبات الحياة اكبر من ان توفيها الرواتب فنجد هذا من الاشياء القوية التي تجبر الانسان الي البحث عن مصدر رزق اخر و اول شي يفكر فيه هو السفر و الاغتراب ..

[منير]

شكراً حزن السنين وما أضفته هو في اعتقادي الحقيقة ربنا يرجع كل متغرب إلى وطنوا واهله آمين يارب!!

[صلاح يحيى سليمان]

عجبنى فى ردودكم على الموضوع انكم بتكتبوا فى الحقيقة ، وده المفروض يحصل.
كتير من السودانين المغتربين ومع حلتهم التى لاتحمد فى الغربة...بدسوا الحقائق دى
عن الاهل ....الواحد كل همه يديهم الانطباع انو عائش ملك.......!!!!!
الحمد لله ايامنا دى ...الغربة اتفضحت...وكل الناس عارفة مافى فايده فى الغربة اليوم
وحقيقة البغترب هذه الايام من السودان ذى البتبظ عينو بى اصبعو...!

مع تحياتى

[ابو ليلي الشاعر]

[poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
يمه لا لا=
انا تاني ما بسافر=(بس انا لسه مسافر)
ما انا مليت السفر يمه=
والمطارات والبواخر=
مليت الجري ورا التذاكر=
مليت السفر يمه=
ان شاء الله يمه طاير=
وانا في صحوة شبابي =
اصبح عزمي فاتر=
ما الدنيا يمه واقفه لي =
سنينه زي حد الخناجر=
وجرينا وراها جد=
الا ما وصلنالا حد=
وبقت تدور بينا الدواير=
&&&&&&&&&&=
ولو حكيت ليك يمه =
عن احوالي في الحاضر =
بفلل ليلي قبال جيتو=
علي تعب السنين ظاهر=
تسوقني خواطري مشتاقه=
ولي افكاري بتحاصر=
بتوديني للبريدو هناك=
متهني وبي ما شاعر=
&&&&&&&&&=
انا يمه =
زمني علي جاير =
وليلي كلو بشيلو ساهر=
وكل ما ودعت هما=
بلقى هما جاني زاير=
وكل ما اغمرني=
فرحا تتلم حولو=
احزاني وتناور=
وان الكملت حزن الغني=
ومع الايام بقيت شاعر=
وانا القضيتو عمري عنا=
مشيت بي احزاني سادر=
وما بقدر احكي البي=
عشان الحرف صبح حاير=
ما بقدر احكي البي=
الا بس ممكون وصابر=

تقبلوا تجربتي=[/poem]

[منير]

مشكوووووووور أخي أبو ليلى الشاعر ولك التحية على الكلمات الرائعة وأتمنى من الله أن يجمعنا ويجمع كل المتغربين في بلدنا السودان الكبير ونعمم بخيراته!!!

[sarona]

بصراحة .... شديدة

الغربة خيار ما كان لي فيه قــرار
وانا صغيرة كنت فاكرة ان دي بلدي وده مكاني

لغاية ما عرفت في يوم ان دي مابلدي وان انا غريبة بيطلق علينا هنا .....أجــانـب
لغاية ما ابتديت اعلم نفسي ....ايه يعني وطـن ...ويعني ايه معنى الوطن

[منير]

شكراً يا سورانا على المداخلة وربنا يرجعنا لأهلنا سالمين ان شاء الله ونرجع لكي نتمتع بخيرات بلدنا الطيبة..

[bsha2]

الغربه هي احساسنا انو في حاجات ناقصه في بلدنا فنلجاء للغربه ممنين انفسنا برفاهيه وحياه جديده ورقم ان وضعنا المالي يتحسن الا ان اوضاعنا النفسيه تدهور ويتحجر القلب ونفقد الاحساس بالوطن والاهل (ربنا يرجع ابناء وطننا سالمين وبلدنا محتاج لينا )

[سودانية نار]

الغربة قرار يتخذه الانسان ولعدة اسبا ب لكنه في نهاية الامر قرار البعض يتعب بعد تنفيذ القرار والاخر يسعد بتنفيذه
والحياه دروب وطرق والانسان مفروض وين ما يكون يسعي عشان يعيش الحياة البيمناها ( لا اقصد حياة المال والرفاهية )

فاذا ما عجبوا الحال مفروض طوالي يغير قرارو وما يصبح اسير لحياة رتيبة مملة
والسؤال اخي منير هو انتو يالمغتربين وتعبانين من الغربة الجابركم شنو
اذا كان فرص عمل وحياة مستقرة وراضية فالسودان الان ملئ بالفرص خاصة بعد الانفتاح والاستثمار

واهو نحنا والله شغالين وراكبين عربات والحمدلله ، والبلد ما بتتغير وتبقي احسن الا لمن يجوا شبابها ورجالها المهاجرين فيلا يالطير المهاجر اذا عشك في الغربة ما مرتاح ليهو ارجع لعشك الاصلي المنتظرك

[فنونه بنت المدينه]

ممكن سوال يا منير
انته حسي لو في السودان قاعد بدون قروش بتقدر تعيش وتعيش اولادك معاك
ما اظن انك تقدر
لكن هنا والله لو قاعد في الشارع قاعد عاطل خيرك بيجيك
وممكن ترد على السوال
تسلم على الموضوع
مع تحيات
فنونه بنت المدينه

[استارو]

دا كلو كلام مامنطقى
نحنا اتغربنا من اجل الوضع السئ البنمر بيهوا
منو العاجباهو الغربة ومنو المسكتو الذل
المواطن السودانى من مائسى فى حياتو الدراسية او العملية
اتغرب تفتكرو عشان يبنى عمارات اويركب سيارات
لا لا لا لا؟؟؟
تفتكر لى لا
ماتردو
اتغرب عشان يعيش مستور الحال
عرفتو كيف
فى الغربة ورغم مايواجهنا من امتحانات الواحد بيتجاوزا فى النهاية
ويكفى كدا عشان مانفلت
ونتمنا الوطن يعيد ابناءه
والماعاش فى السودان مفروض مايرد على الموضوع؟
وبرضو نقول السودان فى حدقات العيون
يعطيك الف عافية
اخى
منير
على الموضوع
تقبل تحياتى
انا سودانى

[سودانى معذب]

والله يااخ منير أشكرك على هذا السؤال المهم وتقريبا كل يوم بنسال نفسنا هذا السؤال
المهم زمان كنا وانا ما زول عجوز زمان يعنى فى أخر السبعينات وبداية الثمانينيات كان البغترب بيغترب عشان يعمل ليهو حاجة مميزة عمارة.........سيارة فارهة..........زواج بمستوى عالى ولكن البقية عايشين مستورين ومبسوطين وكان المغترب أول ما يكون ماشى السودان بنتابه شعور بسعادة غامرة لانه حايقابل اهله واصحابه اما الآن المغترب بكون شايل هم كبير لعودته للسودان كما ذكر الاخوة من تحسن الاوضاع بالداخل وتدهور اوضاع المغتربين بالخارج وبعدين الصورة الحقيقية للمغترب ما بعكسها للباقين حتى يتجنبو الوقوع فى فخ الغربة لكن ياجماعة افظع شئ انه تحس بالغربة داخل الوطن والله بقيت لمن امشى اجازة مثلا تكون فى وسط الخرطوم بيجينى احساس بالخوف الناس سلوكها اتغيير اصبح كل واحد همه ياخد وبى اى طريقة معليش ياجماعة كلامى قاسى شوية لكن دى الحقيقة كنتا اتمنى انى ارجع السودان نهائى واعلم اولادى هناك لكن اتفاجأتا بتدهور التعليم - زمان كنا بننظر للبدخل مدرسة خاصة بانه مجموعه ضعيف وما أهله يدخل مدرسة حكومية (وكانت المدارس على مستوى عالى )اما الان اصبح التعليم بالمدارس الخاصة طيب هل كل اهل السودان قادرين على التعليم فى المدارس الخاصة والله السؤال بيقود لى اسئلة كتيرة ولى تفاصيل كتيرة وما عاوز اطلع بره الموضوع اكتر من كده لانه الجواى كتير بسبب هذا السؤال

[جذاب وما كذاب]

هههههه
والله انا ما عارف
احتمال ده يكون قدرنا
او سعيا ورا تحسين المعيشه

وبعدين اي زول عندو ظروفو
يعني السوالل ده بالجد صعب