حد يشعر بالسعادة يمشي يختار البعاد؟؟؟؟

[عاشقة محمود عبد العزيز]

ألف حمد لله على ســلامتك حسونه وحشتينا

[ابن الخطاب]

حمد لله على السلامة

ونورت المنتدى من جديد

[المياسة]

حمـــــــــــــــــــــد لله على السلامة يا راجع من السفر
ازيك يا بت ؟؟؟؟

[دلع]

احسان

.

حمد لله على سلامتك عزيزتي

ونورتي المنتدى بطلتك من جديييييييد

[شمس الغربه]

السلام عليكم ورحمة الله وبركاته

أخيتي الكريمه / احسان

نور المنتدى ، وعودا حميدا

في انتظار جديدك



كوني بخير وبارك الله فيك
تحياتي وتقديري

[شمس الغربه]

السلام عليكم ورحمة الله وبركاته


اخي الكريم / استارو .......


طولت الغيبه ،

ونور المنتدى ، وان شاء الله ترجع كما عهدناك واجمل

وياهلا فيك



كن بخير وبارك الله فيك
تحياتي وتقديري

[صلاح يحيى سليمان]

الاخ abu rawa

كلامك اخى ماصاح
والله بنسأل دائما من
الاعضاء المتغيبين
وبنتمنى دائما يرجعوا
الناس وظروفة
بس طلتك دى هى المفرحة
وما تغيب تانى مننا كتير.

[sunni]

والله يا ابو روعة لو تعرف المجهود البتعمل في تفقد الناس البغيبو، ما بتقول كلامك ده،، وإنت بالتحديد إسمك ورد في قائمة من تغيبو،، لكن انت براك عارف، لو ما معروف ليك طريقة إتصال كيف نقدر نتصل بيك؟ كدي أسأل العندنا تلفوناتهم،، وبتلقى انه إتصلنا بيهم.

على العموم نحن ما في هجوم ودفاع، لكن والله فقدناك،، وكدي شوف في أول مشاركة ليك بعد ما رجعت (قبل المشاركة دي) وشوف ردي ليك،، بتعرف انه الناس فاقداك وحاسة بي غيبتك. بس برضو ما طمنتنا،، إن شاء الله الغيبة تكون لي خير. أختنا عزاب وأخونا المواطن ص غايبين لأنهم إتزوجو،، وبنقول ليهم،، مشتاقيييين، لكن ما ترجعو بي سرعة،، اها،، طمنا،، وحمدا لله على سلامتك ومرحب بالعودة

[sunni]

ستارو،،،

خليتنا نغير عدييل كدة من شغلك الجديد.

وشحتفت روحنا بي (قربت أجي) بتاعتك دي

[sunni]

إحسان

حمدا لله على السلامة،، وحشتينا، ووحشتنا مواضيعك ومشاركاتك.

بس عندي ليك عتاب،، مش كان تبلغينا بي إنك ح تغيبي؟

ياريت نعمل سنة زي دي في المنتدى،، عشان نكون عائلة بحق

على كل،، شوقنا ليك، أكتر من عتابنا،، فمرحب بيك

[Still I Need U]

بسم الله الرحمن الرحيم

وبعد تحية الإسلام الخالدة ،،
الأخ الكريم المشرف العام والمدير العام .. السادة والسيدات المشرفين ،، الأخوة والأخوات الأعضاء القدامي منهم والجدد ،، وكل من بداخل أنا سوداني أبتعث التحايا منثورة بعبق التلاقي والشوق لأناس قد الف بيني وبينهم المودة والحب والإحترام وكل ما هو جميل ،، أبعث التحايا وأنا في أشد الشوق لسماع أخباركم والإطمئنان عليكم وصحتكم وكل ما يختص بكم ،، الإناس الطبيون دائما يتمنون الخير ولا شئ غيره لمن يحبهم وهزا ما تعلمناه في حياتنا والبسيطة.


في اللحظة التي ادون فيها هزه السطور الحق كل الحق لا أستطيع أن أعبرعن ما يجوش بدواخلي الآن لأنكم تعلمون ما أحمله على أقل تقدير ولكني حقيقة أقولها لقد أشتقت لكم كثيرا وهزه حقيقة أقولها ، ولكن تعلمون مشاكل ومشاغل الدنيا وما فيها والأغلبية منكم معي ،، ليس لدي عتاب على أحد كما يظن البعض ولا أحمل تجاهي شئ من أحد ، أحبكم جدا ومن دون فرز والأقربون مني على علم بزلك.

وددت من فترة طويلة أن أأتي إليكم وأدون لكم بعض السطور التي تتمثل السؤال عنكم وأخباركم وبدون فرز ولكن كما قلت لكم بأني مشغول جدا والحمد لله رب العالمين.


لقد تجولت في المنتدي قبل الدخول ووجدت هنالك الكثير من التطورات ماشاء الله والكثير من الأعضاء الجدد اللزين نثروا أبداعاتهم وإشراقاتهم وكل ما يمتكلونه من علم وثقافة تزيد وتنير بها هزا المنتدي بل تزيد من ثقافة السودان الوطن الواحد ، ولقد أعجبني التجاوب من قبل الاعضاء في بعض من المواضيع القيمة التي تحتاج منا لجهد وافر حتي نرتقي إلي الأمام وهزه النقطة في حد زاتها تعتبر من البوادر التي تنبئ بمستقبلل زاهر لهزا المنتدي الزاخر بالأقلام القوية والعقول النيرة وما شابه ،، كل الأمنيات الطيبة بالتوفيق لكم من عند الله رب العالمين.


الأخ الكريم والصديق الجميل المشرف العام ، لقد وفقت حتي دخولي وكتابة هزه السطور بشكل كبير في تطور المنتدي بصورة تليق بهزا الكيان الكبير والعظيم وما العظمة إلا لله وحده ، تمنياتي لك بالتوفيق الدائم إنشاء الله ووفك الله أينما حللت وكلل مسعاك النجاح.


الإخوة أحمد يس صهيب وحزن السنين وابن بطوط والأخ المشاكس ابراهيم الجيو وكل الإخوة القدامي ، لقد فاض الشوق مني بكثرة حتي أنني تلهفت للقية أحدكم أسأل دائما عنكم ولقد رأيتكم والحمد لله تواصلون الإبداع وتنثرون حروفكم داخل هزا المحراب واصلوا الإبداع من ما اعطاكم الله ووفقتم.


الأخوات الكريمات بت أبوظبي وتوت وسارونا وسودانيه نار والدكتورة ولحظة غروب وشهد الكلام وكل الأخوات القدامي دائما وعند زكراكم أتزكر معطياتنا بكل اشكالها ودائما ما ازكر تواصلنا المستمر عبر الشبكة العنكبوتية .. لكم مني باقات من الشوق والمحبة وكل شئ جميل هو لكم وحدكم دون غيركم اخواتي لقد ظللت وما زلت ادعوا ربي الكريم بأن يوفقكم في كل شئ اعطاكم الله الصحة والعافية وكلل كل مساعيكم بالنجاح الدائم وأرجو أن أن تصلني أخباركم بالخير دائما.


الإخوة والأخوات الأعضاء الجدد أود أن أقدم لكم تعريف بسيط عن شخصي الكريم ، أنا من الأعضاء القدامي وأسمي مهند مهندس كمبيوتر والحمد لله كانت لنا بصمات بسيطة في المنتدي ولكن إرادة الله هي التي جعلتني اتوقف لأسباب شخصية ،، كل ما اود أن أقوله لكم وبإعتبارها شبه وصية مني أريدكم أن تتعانوا فيما بينكم في كل شئ وأن لا يبخل أحدك بمعلومة أو ما شابه لأحد منكم فلقد بدأ هزا المنتدي بالتعاون بين الأعضاء وخدمة الأخرين حتي وصلتم ووجدتموه هكزا وكانت من أهم الميز التي يتميز بها المنتدي هي ميزة الوحدة والتكاتف والتواصل والسؤال عن البعض فيما بينهم هكزا كنا في المنتدي فيما بيننا ، أتمني أن يكون هزا النهج متواصل بين جميع الأعضاء المتواجدين سواء ان كانوا من القدامي او الجدد. وفقكم الله.


الحقيقة التي لا جدال فيها ولا تقبل القسمة على إثنين هي أن حروفي لا تريد أن تهدأ من الكتابة ولكني متعب للغاية ومجهد ومرهق من الضغط العملي والحمد لله سأتواصل معكم كلما أتتني الفرصة المناسبة والوقت الكافي .

ملحوظة بسيطة أأسف لكتابة ال ( ز ) في موضع غير موضعه في بعض الكلمات نسبة لوجود مشكلة بسيطة في الحرف الاساسي.

أحبكم جميعا وأتمني لكم التوفيق من عنده.
أخوكم Still I Need U

[صلاح يحيى سليمان]

الاخ الرائع مهند

الف مليون مرحب بيك
واللله مشتاقين كتير
وطال فراقك علينا طال كتير.
لا احد منا ينسى ايام المنتدى الاولى
ووقفتك معى فى تطويره.،فأساس
هذا الصرح يحتوى على الكثير من
عطاءك........!!!

نورت المنتدى ....!
الف مليوم مرحب بيك

صلاح

[M.Hadad]

Still I Need U

يمكن ما بتعرف الاعضاء الجدد

بس هم بيعرفوك من بصماتك علي المنتدي

عوداً حميداً

وإن شاء الله تكون الاسباب البعدتك عن المنتدي انتهت

[sunni]

مهند هنا؟؟

يا مرحبا يا مرحبا،،

في حلم انا ولا علم،، مرحب بيك أخ مهند صاحب البصمات التي لا تزال وستظل باقية في المنتدى،، مهند صاحب الراكوبة والكتير الكتير في منتدانا.

ما عاوز أطول عليك،، بس فتشنا عليك كتير،، شوق الأخ لأخوه،، ياريت ما تكون إطلالة مؤقتة،، وكمان ياريت تطمنا على صحة الست الوالدة،، فآخر أيامك في المنتدى وإنقطاعك مع مرض الوالدة، لم نجد طريق سوى تحسس أخبارك عن طريق الأخوان صهيب وحزن السنين،، وهم ما قصروا،، بس قالو سمح القول في خشيم سيدو،، وأضانا معاك

أخوك السني

[sarona]

لأخ العزيز ... ( مهند ) still

حمد الله ع السلامة ونورة المنتدى ......

بجد الشوق أكوام ........ أكوام ......

أتمنى تكون عودة نهائية للمنتدى .....




.

.

[الدكتوره]

الاخ مهند

كنا فرشنا السكه ورود لو كلمتنا كان بالجيه

الف حمدلله على السلامه ونور المنتدى بطلتك
واشتقنا لابداعاتك فماتحرمنا منها




،،

[ibn batoota]

الاخ العزيز مهند

الشوق غلب ياحبيبنا بي هدف ايداهور

حمدلله علي سلامه العوده لي بيتك التاني،،،

ونتمني ماتكون عوده مؤقته فالجميع في اشتياق لي ابداعاتك

[spanisheyes]

حسوووووووووووووووونة حمد الله عالسلامة وين الغيبة دي كلها
لمن مسختيها مشتاقين ليك شديد لمن بهناك ارجعي خلااااااااااص
والله مشتاقين

[ودالدرديري]

مهند يحيى

أخي في الله والوطن


تتأوه الكلمات في فمي وتتعثر على لساني
يسابق الشوق الحروف عند حضورك المشرق يا صديقي الجميل
أتت الرياح بما نشتهي لأول مرة في تاريخ الإنسانية
مرحباً بك وأنت تنثر درر كلماتك في هذه المساحة التي استنارت ووضح دربها بك

عزيزي مهند
كنت ولازلت وستظل مثالاً لكل ماهو جميل
فــ كن بخير دائماً أنت والآخرون

و........ أبقى ضي ماتبقى رقراق


ولييييييييييييييييييي قدااااااااااااااااام










و.....................الباقي على الله

[لحــ غروب ـظة]

الرائع الذي لم التقيه في ربوع هذا الصرح كثيراً


عوداً حميداً ...

لحظات التي قابلتك فيها ...

وكانت كافية لتضع بصمتك الرائعة ...

فانت الروعة ...

اتمنى لك التوفيق عزيز في ما تخطو اليه...

كن بخير ونحن بانتظارك ها هنا كلما سنحت لك مشاغل الحياة ...