مســـــــــــــــــــدار + مســــــــــــــدار

[ود أونسه]

ايمن يا رفـــاق همــل ديارو وهّود

مجهولات ظروفو بالرد ابى يتجود

قدر ما قلنا نتناسى الغيـــاب نتعود

يطش مسـدارنا يضّهب كأنو مكود

[ود أونسه]

اخـــوي زاهر حبابك منبع البركات

حباب الشيخ فرح منو البشـاير جات

قربنا في حمــاك كاســـينا بالهيبات

بنتواصــل اكيـد في مقبـل الاوقات

[ود أونسه]

ود الشـــيخ ســــلام بنجيك قريب ونجاور

عسى من بين صحابك نلقى المعاهو نحاور

جنون حوشــنا غابو خلو الظنون بتساور

بقيت انضــم براي ما لاقـي زولا اشاور

[ودالدرديري]

ود الشـــيخ ســــلام بنجيك قريب ونجاور

عسى من بين صحابك نلقى المعاهو نحاور

جنون حوشــنا غابو خلو الظنون بتساور

بقيت انضــم براي ما لاقـي زولا اشاور

حباب ود أونسه نسعد لما لينا يجاور
نمد حبل الوصال نفرح وليهو نزاور
نعيد سيرة الحُنان ويقول ونحن نحاور
حلاة نضمو السمح يرسم دروب و محاور

[الاغبش]

يا أخونا كيف حالكم وكيف قاعدين
حالت ظروفناوصرنا تب ما قادرين
مابين سفر وشغل صحبنا تعبانين
انشاء الله في درب الخير متلمين

[الشيخ فرح]

اخـــوي زاهر حبابك منبع البركات

حباب الشيخ فرح منو البشـاير جات

قربنا في حمــاك كاســـينا بالهيبات

بنتواصــل اكيـد في مقبـل الاوقات

[poem=font="Simplified Arabic,5,black,bold,normal" bkcolor="coral" bkimage="" border="double,9,sienna" type=3 line=0 align=center use=ex num="0,black"]
حبابك انت ود أونسه اخو الاخوات = ارحب بيك كتير في اي يوم آت
في رجاك تزورنا وتكتر الزيارات = ندردش ونمرح معا ونقضى اجمل الاوقات [/poem]

[الاغبش]

دا عاجبنئ شديد

كبس الهم علي ليلئ ونهارئ مسرح
بطني اشيمطت قلبي البفر مجرح
الصايدني كان الحجار بتمرح
لكن رحمة المولي الوسيعة تفرح

[الاغبش]

كم بي رسالتك ياخئ فرحنا
فيها المعاني تفدق من الشواق شايلة شحنة
بت عز القابئل من كلو ماخدة سحنة
استولا العزيزة كيفك وكيف حالم اهلنا

كل الفئ المسدار جائين لترحيبك ووصفك
مهرة ودعريج الباهي وريدة وزايد عنها حسنك
بت ملوك اهلك عزاز صائئندوام لعرضك
في مسدارنا الكبير دايرين نبارك لك

بدورا ترحيبا بيهو افرح واقدل
في شان المهرة الاصيل وفي مشيهو بيقدل
رائقة ورائعة وتبرة ولتيبة قولا دائما اجمل
ضابحين لك نياق حالفين عليك تدخل

[ود أونسه]

قاعدين في رجاك يالاغبش اظن شهرين

تطـــل انت ورفاقــك تـدونـا كل رزين

حباب جيتك حبابك طولت ضـارب وين

تعــــال قرب ونم سفرك تركني حزين

[الاغبش]

الزمن العلئ شال قلبي ختاهو جوة الطين
شابيت علي ديار شايق بدور البلح والتركين
سفري الكان همو واحد بعد فراقو صبح همين
جاهلئ الصغير في مشيهو تقول جني الوزين

يا ود اونسة العزيز كيف اخبارك
وكيف حداك المربوع وشاغل بالك
العلي مو هين ادعو لئ يسلم بالك
يؤت مصاقر النجم وسائل عن احوالك

[هتان]

يوما بالعتامير ويوما فوق ضهر عنافي
ويوما حامل اب زرد التقيل كتافي
الخلاني اشيل الحرّه و الليل حافي
خايف اللينه تطلب شي اقو لها مافي

[mohamed merghanh]

يوما بالعتامير ويوما فوق ضهر عنافي
ويوما حامل اب زرد التقيل كتافي
الخلاني اشيل الحرّه و الليل حافي
خايف اللينه تطلب شي اقو لها مافي

يا هتان اخوي دي حاجة ما معقولة
بنابرك فى الطريق وعبارتك كمان منقولة
أنا الزعيم الهجمك حديدتي ليك مصقولة
كجّيت السدار بجنازتك دى كلمة ياخى تقولا ؟

[Hoomy]

هاكم دي
انا كان اديت مابقول اديت
انا دابي الخلاء الموشح كلو بالسوميت
كاتال في الخلاء وعقب كريم في البيت
الريد في القلوب بندور كترتو
والزول كان بالقليل بدور سترتو
سعيد العيشة بين شاهيهو وكسرتو
يرضي والدو واستحمل نهرتو


اها دي بتقدروا تجادعوا فيها

[mohamed merghanh]

حليل مسدارنا فات أيّامو راحت ولّت
وألقت أرضو ما فيها وكمان اتخلّت
الجهجه أفكاري وترك كلامي مخلّت
أجيهو بي عطشي وعروقي تب ما اتبلّت

[الشيخ فرح]

فارقت الفريق فراق مفارق وفرتق = رحلت رحيل رحالة راحتي ما بتتحقق
شلت و شيلي الشايلوا شايفوا ادفق =شقيت واتشقيت وشقاوة شيتا يشفق

[ودالدرديري]

هاكم دي
انا كان اديت مابقول اديت
انا دابي الخلاء الموشح كلو بالسوميت
كاتال في الخلاء وعقب كريم في البيت



اها دي بتقدروا تجادعوا فيها

ياولدنا هومي
كيفك و اريتك طيب



الفوق دا لو شلنا منو التوم والشمار الخاتيهو انت بنرجعو لى أصلو البقول :

دا إن أداك وكتر مابيقول أديت
أب درق الموشح كلو بالسوميت
أب رسوه البكُر حجر شراك سيتيت
كاتال في الخلا وعقباً كريم في البيت

[ودالدرديري]

الريد في القلوب بندور كترتو
والزول كان بالقليل بدور سترتو
سعيد العيشة بين شاهيهو وكسرتو
يرضي والدو واستحمل نهرتو

ودي كمان نجادعك فيها بس خليك قريب :

الريد الكتير لو إنت درتو
وجالك يوم فراق بتعيش حسرتو
جناتو الدلال والنيران حرقتو
انا غايتو الغرام وطيان في جمرتو

[انقرضى]

يا ناس المنتدى مليون سلام وتحيه
من عاشق محب لى شعركم نثريه
اهو ده اكلام عايزين نعقدوا النيه
نوصلوا بالشعر لى حزمة الالفيه

[انقرضى]

فى قول الشعر خليك من .. الثانى
انحت فى الخيال بتجيك عبر.. ومعانى
اوعاك من يقولوا داك الجانى
وحتلقى الكلام بيجيك جزء فى ثوانى

[عبدالرؤف]

]انا سوداني جد كل البلد عارفاني
لا بحمل ظلم لا بظلم معاي جيراني
بسند للضعيف وللعدو حنضل مر بتلقاني
باكل للجمر الملهلب وقتين يفور بركاني