مكتبة الشاعر صلاح حاج سعيد

[عمران عوض]

الشاعر المرهف صلاح حاج سعيد

عدّى فـات ..

زمن العيون الإلفـة
والحضن الملاذ
ورهـافة الحس البلوّن .
ضحكة الناس العـزاز
بعد الحنان .. الكان زمان
إستوطن المطر .. الحراز
*********************
روّح زمانى .. وفى رجاك
عانيت قساوة الإنـتـظار ..
فى ضل شبابيك السفر
صادقت ليلات الموانى ..
الـساكنة فى بحر
الأمانى بتنتظـر
لو يوم طيوف لحظك تفوت
تعبر خيالات تمر
قلق المواعيد الضّجر
سهر العيون ... الإحتراز
إتعزز النوم ..فىالخـدار ...
وإتمدد الشقا فى العمر
*********************
ملّيت تباريح الجراحات البقت
بعدك أسى وزمناً قسا
وحالاً أسيف
ومشيت أفتش عن
خطاويك القبيل .
واضّارى من زمناً ..
وراك ملانى خـوف
أشتقـت ليك ..
اشتقت أرتاح فى عيون
فيهن ملامحك ذاتا
من غير أىّ .. زيف
وإشتقت لى حكة صباحك .
والدعاش عطر رزاز مطر الخريف
أنا وإنت والدنيا الزمان
الناس وفـا وغنـوّة صفـا
ودفء المشاعر الشاتية صيف
أنا وإنت والدنيا الزمان
زمن الغناوى الطالعة من قلباً ..
رضى وحسّاً ندى و زوقاً رهيف
أنا وإنت والـدنيـا الأمـان
ما العمر شتّان بين
أوان زمناً حييتو
وعمر ما بتقدر بتعرف ..
بكرة يصبح حالو .. كيف

[عمران عوض]

صلاح حاج سعيد : السفر الأبيد

ماكنت قايل نفسى يوم

أرثيك يا أصدق خليل

أنا كنت بتخيّل أكون قبلك

أسافر غنوة فى الوتر الجميل

زى ما عبرت معاك صروف زمن المسافة

وجينا للى الحزن النبيل

أنا كنت داير الدنيا تمهلنا

ونغنى الفرحة لى الزمن الخرافى .. المستحيل

********

ورحلت ما كان ده الأوان

رحت وحرقت حشا الغنا

خليتنا لى الزمن الهوان

والإرتهان لى خيول زمان الشنشنة

*********

كل المطارات والموانى

وشفع البلد الفتارى

... لسة بارين القطارى

يسألوا الناس عن خبر زولاً

مسطّر إسمو فى قلوب العذارى

وفى عيون كل المساكين ... الحيارى

زول بيطلع من نفس طورية ضامة الطين

تكابد طول نهارا

زول بيسكن فى عيون أطفال

تأمّل ديمة يديها البشارة

ياخى والله الفرقة حارة

وفقدك أكبر من محيط الدنيا

وأكوانها ... ومدارا

*********

طليتنا زى حلماً جميل

فجأة فى غفلة أنسرق

أسطورة تحكى أمانى جيل

فى حب غناك كان ليهو حق

أديتو فى الدنيا الأمل

وريتو كيف فى الحق يقيف

من غير وجل أو إنبهار

علمتو بى حس النغم إنو الكلام

لازم يكون واضح كما شمس النهار

صدقك ملاهو حماس .. يقين

بالخير وبالحق .. والنضار والإفتخار

إنو الحبيبة هى الأرض

والتضحيات عشان عيونا هو الفرض

والدنيا ورّاثا الصغار

*********

وعرفنا يازول قسوة الضنا والتعب

والإرتحال فى غفلة الزمن الصعب

وقولة الوداع بالضبط

والسفر الأبيد من غير رجوع

أو غير متاع

وبكت عليك كل الشوارع فى المدينة

ناحت عليك كل الفواصل

... فى الغنيوات الرصينة

وإنكتم نبض الغنا

جلل سواد حزنك سنا

وإتوشح المنا بالضياع

وكان بدرى يازول الوداع

لا سكة لى درب الرجوع

بعدك أغانيك إلتياع

مسكونة بالأسى .. والخشوع

لكن بريقك ما خبا

أبداً بريقك ماهو ضاع

ساطع كما نور الشعاع

**********

منو قال هو فات

زولاً وهب كل الحياة للأغنيات

منو قال هو فات

ما أظنو زيّك يقولوا فات

يامن وهب كل الحياة للأغنيات

يا من ترك فى قلوبنا أنبل ذكريات

يا من ترك أحلامو فى كل الجهات

وخلّد معانى الروعة بى كل الصفات

ما أظنو زيّك يقولوا فات

يامن وهب كل الحياة للأغنيات

***********

ورحلت ما كان الأوان

رحت وحرقت حشا الغنا

خليتنا لى زمن الهوان

والإرتهان لى خيول حروف الشنشنة

[عمران عوض]

قمر الزمان / صلاح حاج سعيد


وكتبت ليك لا بيني بينك ريدة لا قصة غرام

إخترت ليك أجمل حروف وأصدق
فواصل نادرة في لغة الكلام

لا قصدي ألهو معاك بي كلمات غناي

لا حروفي ليك مرجيحة من شعر الغمام

وكتبت ليك والله يا قمر الزمان

شان جيتي بي زمن المحنة

وشفت في عينيك حس أهلي القدام

وكتبت ليك وأنا جايي من زمن الشقا

المرسوم على وش الثواني مظللها

تتمدد الساعات سنين

تتفتح الأحزان غريبة ومذهلة

وأشتاق أفتش نسمة في الزمن العذاب

وأيامي من كتر الأسى وكتر العزوف والإغتراب

صارت حروف مترهلة لحظات أسيفة ومهملة

وكتبت ليك ووقفت ليك

لامن لقيتك جاية في قلب الطريق

ولمحت فيك راحة المشاوير البعيدة

ولفحة النسمة الحنينة الجاية من جوف المضيق

حسيت عجائب الدنيا اتلمت بقت جاياني من عصراً سحيق


عينيك حس أطفال بنادوا القمرة للغائب يعود

وجبينك الضواي حجا الحبوبة في الزمن السعيد

وأنا في قساوة الموحش الزمن المكهرب بي الحريق

أنا حيلتي إيه غير ؟أتكئ وأحلم معاك

وأحضن أماسي الصحو والأمل البريق

[حافظ عوض الله محمد]

مايعجبنى فيك اخى عمران انك تنتقل معى بسلاسه مدهشه فى الموضوع عندما اردد بعض الاشعار التى تغنى بها الراحل المقيم مصطفى سيد احمد .
احاول البحث عن ثنائية اسماعيل حسن ووردى وكثير من الثنائات التى خلدت فى وجداننا

[عمران عوض]

مشكور اخي حافظ علي السرد الجميل
وعجبني كتير البوست بتاعك دا
ودي مبادره طيبه منك لجمع اكبر عدد
من القصائد لاروع واجمل شعراء بلادي
وليييييييييييييي قدام

[حافظ عوض الله محمد]

الاخوه الاعضاء
قرار رقم واحد
الامتناع عن اضافة الجديد فى هذا البوست لحين تفاعل الاعضاء بالمشاركات الشعريه وليس المرور بغرض المجامله

[العربى]

عينيك مدن
منسية فى كتب التواريخ والزمن
عينيك وطن
مشدود على وتر التواريخ والشجن
ممدود على حرف الكتابة
مكتول عنا ومكتول صبابة
وفية حط النيل سكن
عينيك سفر مكتوب اعيش فى غربتو
واعشق عذابو وحرقتو
وليلو الطويل
اتخيلك ياحلوة زى نسمة سحر
جيتى ومعاك حلمى المطول منتظر
وعدو الجميل
عشقك زمان جواى رحل
اتناهى فى الاعماق امل
ضمخ رؤاى احساس نبيل
ازهل طيوف خاطرى القبيل
جاشت ملامح روعتو
وضج السكون فى وحشتو
والكان امل فى عيونى لاح
ذوب مدارات فزحة الوهج النضير المزدهر
فجاة انحصد قبضة رياح
وسكت الكلام
ياحلوة فى القول المباح
وقام الصباح بعدك رحل
والكان امل فى غيم سماك
ايقنت انو عدم بلاك...وانك قدر
وانو البحلم بى لقاك
بختار ظروف احلاها مر
عينيك لو تصدق معاى الامنية
عينيك لو تعرف ختام الاغنية
بدء الكلام والمنتهى
والمستطاب والمشتهى
وكل المباهج الفى المواويل والغنى
والعاشقك قلبى وانا
هزتنا فى عينيك تصاوير المنى
ياامنيات من كم سنة
ويااغنيات كل الاماسى
المستحيلة وممكنة
المستحيل عينيك تهون
المستحيل قلبك يخون
الغدر ماطبع الوفا
والصدق ماشرط انتفا
وانا حالى من بعدك كفى
وانا حالى من بعدك كفاه
المغنى والحب والشجن
والوحشة والشوق للوطن
والعمر قبلك ضاع سدى
والعمر بعدك ايه يكون
لو يبقى بحساب الزمن

[waya]

تسلم يا العربي

[خالد2545]

الفيزياء الحديثة (( Young Double Slits )) مقطع فيديو

صفحة 1 من اصل 1
تابع الردود على هذا الموضوع
رسالة سريعة:
Sizes7912182429














صلاحيات هذا المنتدى تستطيع الرد على المواضيع في هذا المنتدى

::. Al-Qimma For Physics .:: :: •·.·°¯`·.·• المنتديات العلمية •·.·°¯`·.·• :: الفيزياء الجامعية :: فيزياء السنة الثانية

::. Al-Qimma For Physics .:: :: •·.·°¯`·.·• المنتديات العلمية •·.·°¯`·.·• :: الفيزياء الجامعية :: فيزياء السنة الثانية



احداث منتدى مجاني | © phpbb | منتدى الدعم و المساعدة | احصائيات | Contribution | الحصول على مدونة

[استارو]

[grade="FFA500 FF6347 008000 4B0082"]مكتبة الشاعر صلاح حاج سعيد[/grade]

[عمران عوض]

اخي الفنان الاستاذ الرائع ... استارو
بالجد انت اسطورة هذا المنتدي واكيد في
داخلك الكثير من الابداعات وهذا عمل جميل
ومقدر ولك الشكر علي هذا العمل الجميل يا رائع
كل الشكر علي مجهوداتك الجباره في عمل الصيانه
والفرز التخصصي لكل موضوع ربنا يوفقك اخي

[عمران عوض]

ياجرح عزة هوانا


الساكنة فى حرف الكتابة

أصلو فى زمن الأسى

المشدود على وتر الكآبة

فى زمان الحرقة ..

والخوف ..والرتابة

إنكتم نبض الأغانى

وإنبهم حس المعانى

وإنجرح خاطر المهابة

************

جيتنى فى الزمن الأليم

وقلبى مثخن بى جراحات الهوى

وعمرى ضايع فى متاهات النعيم

فى دروب الغربة

لا تاب .. لا قِوى

كان عيونك فيهن الوصف القديم

معنى فى الحب .. إنطوى

وضاع معاك زمن الوسامة

وإختفى الفرح العلامة

الا يا حزن الملامة

من سنين دربك .. سلامة

[عبدالباقي دفع الله]

[من قبل ما اشرح حكايتي معاك
وازيد القول ولف
سكت الكلام يا حلوة في خاطري
وغلبني اقول حرف
يا الاحلى من كل الكلام
وكتين تغازل الكلمة شان نوصف وصف
من وين اجيب كلمات وفيك
بحر الكلام غرقني في حيرتي ونشف
وكيفن اصف يا حلوة كون
قلبي الغرير ما حتى شاف زيه وعرف
عنده الحنان
غيمة العيون العامرة بالالفة
وتحن فاقدة الولف
خصل الشعر ليلة محاق
تغزل سبايب الوحدة فوق وترف
وهج الحرير اتدلى وشوش بي الحنين
والغربة يوم شالتي الاسف
هدهدني في صدر الخيال
طاف بي بلاد الدنيا في لحظة ترف
يبكي الدرب ساعة يفوت
حتى الطريق شاركني في حبه ورجف
يا ريتني لو حبري الغمام
ريشتي الندى وخاتري ارتعاشات الحرف
كان قلت قول بالغت فيك
يا صدفة احلى من الصدف

[( ود البورت )]

مشكووووور علي الشعر الجميل