بسم الله الرحمن الرحيم
يا ما تحت السواهى دواهى - قايل القبة تحتا فكى - مية من تحت تبن - ما لاقى حاجة ذاتو اعبر بيها عن المقصود – غايتو !!!
فى مرة من المراير وبعد قريت الواقعة مرقت قلت امشى الحق رزقى الملمو ، مروحت من القبة لى صنقعت وفجأة مرق ولد صغير من الجانب واشر لى ، عرفت الحكاية ظبطت ذي ده برسلو بقولولو امشى جيب عربية وبس .
وفعلا ، : بيتكم بى وين . : بس الشارع التانى ده .
لقيت مرة وبنتين واقفين فى الشارع ، ظاهر لاى عيان انو فى شكلة كانت مدورة – مجرد وقفت جنبهم واحدة من البتين فتحت الباب وركبت وقال لى اطلع طوالى ( كانت السمحة فيهم ) داير اتحرك المرة بقت تكورك : اقيف خل اختا التركب معاها .
السمحة : اطلع اطلع قلتلك اتحرك ( جابتلها نهرة كمان ) ( ما مشكلة البت ما سمحة ) وبينى وبينكم قلت اخير ازوغ بيها براها .
اطلع اطلع ( انا عبد المامور) وطلعت والجماعة جارين ورانا
: اقيف اقيف
: ما تقيف ما تقيف
ياداب اترددت والفار لعب فى عبى وعرفت انو الموضوع كبير وبرضو طلعت ( شلاقة منى ) .
لما وصلنا اللفة قالت لى اقيف جنب عمارة الرشيد دى دقايق – ووقفت – انا مالى . فتحت شنطة اليد شالت منها حاجة وخلتا فاتحة ونزلت وانا مالى . اتلفت عاينت للشنطة وراء ( ياريت مالى ) مليانة دهب . بعد شوية جات شايلة رزمة قروش ختتا فى الشنطة وركبت وانا : بس بعاين بى عيوني .
قالت خلاس ارح دايرة امشى ......... لو قلتها حاتعرفو الزول الشيخ منو لان الحتة بى اسمو .
المشوار بعيد والشغلانية فيها مشاكل قلت اخير اضمن حقى : اها تدفعى كم : انت داير كم . : اربعين الف . : خلاس ارح .( فى سرى قلت ياريت لو قلت خمسين ) .
اتحيرت واتحركت ، وانا مالى دافعة من جيبى ؟
طبعا كانت فى المقعد الخلفى ، ضبطت المراية عليها ايذانا ببدء تحصيل الشمار – جمال ماعادى ما شاء الله والحنة كيف ؟ و ....و..... اصلها عروس .
: ديل اهلك - وكأنها كانت منتظرة اشارة منى وببراءة الاطفال كان كلامها .
: امى واختى واخوى . وانفجرت كالبركان بكا وتنهيد يقطع القلب
: عرسونى غصب عنى للشيخ 00000 ( من اشهر الشيوخ فى السودان )
وفى خلال خمسة دقايق حكت لى القصة من طقطق لى ازيكم وهاكم ياها ، بعد اذنك ياعروس يا000 ؟
كنت بحب لى واحد وبيحبنى واتقدم لى اهلى ووافقو عليهو وكنا كل جمعة بنمشى نزور واصبحت علاقتنا بالشيخ ذى الاسرية بيعرفنا كلنا وبنعرف اهلو كلهم وعندى اخوى مسمنو عليهو . وفى يوم سقنا معانا العريس للشيخ عشان يبارك الزواج ويوافق عليهو وكانت المفاجأة . قال لى ما تتزوجيه وطبعا مافى زول يقدر يقول ليه وفى الزيارة التانية الشيخ طلبنى من ابوى ومافى زول يقدر يقول لأ .
رفضت واتمسكت بي زولى بقو اهلى كلهم يضايقوه ويشاكلوهو ومرة اخوى دقاهو عديل وبقينا نتلاقى بالدس والشيخ مصر على الزواج .
ملحوظة : عمرو فوق التمانين .
ملحوظة تانية : عمرها تحت التمنتاشر .
( معليش للمقاطعة ) وفعلا حددو العرس وحاولت انتحر بلعت كمية حبوب لكن لحقونى المستشفى وبرضو مصرين على العرس مرة ضرب ومرة تهديد وعقدو لى ( مين يقدر يقول لأأأأأأأأ ) الجاية دى منى ، ياجماعة واحد يقول لأ حرام .
طبعا بيكون عندى بعض التعليقات والاسئلة اثناء كلامها للتوضيح ولاحثها لبث المزيد مع انو ما محتاجة ( شغالة براها ) وبينى وبينكم اتعاطفت معاها – اتخيلو يوم العرس ودوها الكوافير والعريس ما قصر رسل العربية بالسواق جابتها البيت . اتفكت لا شهر بصل ولا حجى كتيرى .
طيب ياجماعة انا اختصر ليكم الباقى عشان ما اطول عليكم 0
1- ما بيديها حقها من الحب والحنان كزوجة وكعروس واكيد ما بيقدر . ( فوق التمانين )
2- لسع ماتمت معاهو الشهر ومن عرسها بيجيها يوم واحد فى الاسبوع . ( بيوتو كتار )
3- اى ممانعة منها او اعتراض يقابلها بالضرب والسب . ( معاملة عبيد )
4- المعاملة السيئة من باقى الحريم واولادو وبناتو وكلهم قدر امها وابوها وواحدين اكبر كتير . ( نظام غيرة )
5- عندو حسنة واحدة ( الكاش راقد ) مرقد الدهب - شوف عينى – ومظبط البيوت تمام .
المهم شردت من البيت و المسكينة جاهلى ما عرفت تمشى وين رجعت لى ناس امها وابوها .
يابت انت جنيتى دة الشيخ ابو اليا دايرة يودينا فى ستين داهية لازم ترجعى اسع فورا وبقى رجيعة على انا .
: اسع اعمل شنو ما دايرة ارجع ليهو لانو اول شى حا يدقنى عشان مرقت بلا اذن وبعدين انا بكرهو . ( كنا وصلنا جنب دكان وقفت وقلت ليها دقيقة جبت اتنين بارد قزاز عشان نقيف قبلنا شوية يمكن تتحلا وقلت ليها :
اول حاجة .
: قبيل انتى خليتى شنطتك دى مليانة دهب ودخلت المحل يمكن ربع ساعة وده غلط كبير لانو ناس عربات الاجرة ديل كلهم حرامية والله بس عندك رزق فى الدهب ده لانى انا ذاتى فكرت ازوغ بيهو لكن رغبة الشمار كانت اغلى من الدهب ( ما عارفة صدقت ولا لأ . انتو كيف ، طبعا دايره عشان تانى تخلى باله) قالت لى والله ما فكرت فيهو ولا خطرت لى حاجة ذي دى .
تانى حاجة .
: لازم اسع ترجعى بيت زوجك وبعدين تشوفى حل للمشكلة دى مع اهلك .
المهم وقفنا شوية ودردشنا وتبادلنا الاراء والليل دخل واتحركنا على بيت الراجل .
بى صراحة فضفضت كل الجواها ما خلت شى لاورا يعنى بالعديل ادتنى آخرها .
واثنا عرضى لبعض الحلول قلت ليها انتى لما يجيكى قولى ليهو انا الليلة معزورة واتوقعت انها تخجل او تتردد ولكن بلا تردد وبلا تلعثم وببراءة كاملة والله قبل كدى كنت فعلا معزورة وكلمتو ولا اهتم اخد حاجتو منى وفات . وطبعا الكلام بحرقة ودموع لا تتوقف وكويس كان فى مناديل فى العربية بس اجر وامد لا ورا .
وبى صراحة لما قالت لى الكلام ده وبدون ما اشعر دست فرامل ومرقت من الشارع وانا فى حالة غريبة من الاندهاش . يابت انتى بى صحك ، الزول ده شيخ خلاوى وفكى وبيعرف الله ويفرق بين الحلال والحرام والحاجة دى حرام عديل !!!!!!!!!!!!!!!!!!!!!!!!!!!!!!!!!!!!!!!!!!
ماذا قالت ماذا قالت ماذا قالت : والله ده لا شيخ لا بعرف الله الا قدام طلبتو والناس البيجو زايرين بس لكن ما عندو تانى اى علاقة لا بالدين لا بى الله . اتحيررررررررررررررررررررت احترررررررررررررت واتشهدت واستغفرت ورايى اتغير بعد ما اقنعتها بى تعب لازم ترجع .و بيني وبينكم اقنعتها لانى ماكنت عارف اوديها وين ولا هى كانت عارفة تمشى وين .
: والله لو اصلو الحكاية للدرجة دى ما بنصحك ترجعى ليهو ( وندمت على الراى لانها اصرت عليهو ) عندى راي تاني تمشى تفتحى بلاغ وتحكى للقاضى كل الكلام القلتى لى ده وهو فى جلسة واحدة بيطلقك منو .
والبكا ذاد : مادايرة ارجع ، والقاضى لو سمع اسمو ساكت حيقعد يرجف ويرجعنى ليهو ، ده ( عمر ) ذاتو مصاحبو وقعد يجى يقعد معاهو ___ ماشاء الله وعاشت الاسامى _________ يعنى الشغلانية بايظة من كبارا ، وصدقا لكلامها لما وصلنا نقطة التفتيش وهو الحد النهائى لسير الامجادات ثبتونى فى المعبر : يازول ماشى وين انت ؟ وكانت لهجة استهتار واستغراب .
: معاى حرم الشيخ ابو اليا موديها البيت – والله حتى ما انتظر باقى كلامى ولا حتى عاين جوه عشان يشوف شايل مرة ولا راجل – خلاس اطلع اطلع وطلعت .
( نرجع شوية ) بعد نصيحتى الاخيرة ليها بعدم الرجوع والندمت عليها حست بانى داب عرفت وحسيت بى مصيبتها وبقيت فى اليسكتا شنو ؟ اوديها وين ؟ الليل اليل ، بعد التاسعة واقفين فى حتة مقطوعة مضلمة ولا حتى على باله بس مادايرة ارجع ليهو .
شوفو المصيبة الرميت نفسي فيها ، كان مالى ومال النصيحة والاربعين الف ان شاء الله طايرة كلو منها .
المهم فى النهاية قالت لى دايرة اضرب تلفون وموبايلى قلعو منى ناس البيت عشان ما اضرب للزول التانى ده . والله انا ماعندى رصيد رجعنا تانى لى ورا اصلو قدامنا خلا بس وحسيت انو الاتصال ده ممكن يحلنى ذدت السرعة شوية ، وشحنت لى بعشرة الف وخليتة فى العربية براها وتمت المكالمة .
: آآي خلاس ضربت لى زولى واسع ركب رقشة وجايى علينا .
يجى وين ياخى نحن فى آخر البلد واضريت رجعت لاقيتو فى السكة ( الاربعين الف طايرة )
لم يتجاوز الخامسة والعشرين بأى حال انسان مهذب مهذب للغاية رزين ، اكبر من عمره بكتير . نزلت انا المسكين عشان ياخدو راحتم فى العربية ( ماكانت دى اربعين )
ملحوظة : والله حارقنى اسم الشيخ ده . اقولو ؟
وبد المداولات نادونى ( طبعا بعد ده تبت وبقيت بتاع امجاد بس ومسكت خشمى على لامن وصلتهم )
الحمد لله قدر اقنعها ترجع لى راجلا ( ابو رجيلة ان شاء الله ) وفى العربية بكى وتحانيس وشكاوى مرات براحة ومرات الصوت يعلا وانا ماسك نفسى عشان ما اقوليهو ما ترجعا واداها مصحف وسبحة وقال ليها احرصى عليهم وربنا بيساعدك والساعة حداشر عديل دخلنا المنطقة المحظورة ذى الحرامية خايفين نتلفت جاى وجاى والحتة ماشاء الله مليانة طلبة قرآن والمكان كلو تملاهو الرهبة والرزانة ونزلناها جنب الباب وعمك يظهر مافى . البيوت حقيقة ما فيها كلام فاخرة عديل وكميات كلهم حقاتو ورجعنا صادين .
اخونا قال لى بس وصلنى معاك التفتيش من هناك بلقى عربية ترجعني واقنعتو انى اصلى راجع والوقت متأخر وما حألقى مشوار ذى الوكت ده .
وفى الطريق اتصل بيهو اخو البت الكبير – يظهر داب جا البيت وقالولو البت جات شاردة – واخوى المسكين ده كان عارف الحا يحصل بالتفصيل شنو اظنو مجرب كتير وطوالى شغل السماعة الخارجية ,.
: الو
: وبلا مقدمات عينك ماتشوف الا النور ، كميات من السب والشتائم والتهديد والالفاظ النابيه 000000000000الخ .
: وده يحاول يرد يحاول يدافع عن نفسو يحاول يوضح الحاصل وما فى اى فرصة للكلام بس سيل وجا منحدر.
: والله ادخلكم لكلكم تحت الواطة ( فى النهاية عرفت انو فى المباحث )
ومن ضمن التهديدات
: والله الا اكتلك عديل والله ادس ليكم بنقو فى البيت اضيعكم كلكم .
نهايتو – قال لى يازول سمعت الكلام ده .
قلت وبى حماس ( طبعا مغيوز شديد ) بلحيل سمعت ووعيت .
: يعنى لو حصل اى حاجة .
: حأكون الشاهد الاول طوالى .
وتبادلنا ارقام التلفونات ونزل فى اللفة طلع عشرة الف من جيبو والله ما عندى غيره وانا احلف وهو يحلف وفى النهاية ختاها لى وفات ولسع غايتو ما جانى منو خبر تانى والله يستر .
المهم فى الموضوع بقت خمسين الف ورصيد ستة
اها ياجماعة رايكم شنو فى الموضوع ده اقصد المشوار ده كويسة الستة وخمسين ولا لأ ؟ مع ملاحظة انى وصلت البيت نص الليل من مرقت عصرا بدرى .
داير رايكم صراحة ولا حول ولا قوة الا بالله العلى العظيم .
والله واقفة لى فى الحلق ، اجيب اسمو ولا استرو ، ما مشكلة لو حصلت حاجة بجيب صاحبى داك يشهد معاى واطلب شهادة المجنى عليها .( ده لو كان فى فرصة دفاع عن النفس )
وبرضو كدى بس واحد يسألنى من اسمو عشان افتو واريح ضميرى .
واحلى الامنيات
وفعلا ، : بيتكم بى وين . : بس الشارع التانى ده .
لقيت مرة وبنتين واقفين فى الشارع ، ظاهر لاى عيان انو فى شكلة كانت مدورة – مجرد وقفت جنبهم واحدة من البتين فتحت الباب وركبت وقال لى اطلع طوالى ( كانت السمحة فيهم ) داير اتحرك المرة بقت تكورك : اقيف خل اختا التركب معاها .
السمحة : اطلع اطلع قلتلك اتحرك ( جابتلها نهرة كمان ) ( ما مشكلة البت ما سمحة ) وبينى وبينكم قلت اخير ازوغ بيها براها .
اطلع اطلع ( انا عبد المامور) وطلعت والجماعة جارين ورانا
: اقيف اقيف
: ما تقيف ما تقيف
ياداب اترددت والفار لعب فى عبى وعرفت انو الموضوع كبير وبرضو طلعت ( شلاقة منى ) .
لما وصلنا اللفة قالت لى اقيف جنب عمارة الرشيد دى دقايق – ووقفت – انا مالى . فتحت شنطة اليد شالت منها حاجة وخلتا فاتحة ونزلت وانا مالى . اتلفت عاينت للشنطة وراء ( ياريت مالى ) مليانة دهب . بعد شوية جات شايلة رزمة قروش ختتا فى الشنطة وركبت وانا : بس بعاين بى عيوني .
قالت خلاس ارح دايرة امشى ......... لو قلتها حاتعرفو الزول الشيخ منو لان الحتة بى اسمو .
المشوار بعيد والشغلانية فيها مشاكل قلت اخير اضمن حقى : اها تدفعى كم : انت داير كم . : اربعين الف . : خلاس ارح .( فى سرى قلت ياريت لو قلت خمسين ) .
اتحيرت واتحركت ، وانا مالى دافعة من جيبى ؟
طبعا كانت فى المقعد الخلفى ، ضبطت المراية عليها ايذانا ببدء تحصيل الشمار – جمال ماعادى ما شاء الله والحنة كيف ؟ و ....و..... اصلها عروس .
: ديل اهلك - وكأنها كانت منتظرة اشارة منى وببراءة الاطفال كان كلامها .
: امى واختى واخوى . وانفجرت كالبركان بكا وتنهيد يقطع القلب
: عرسونى غصب عنى للشيخ 00000 ( من اشهر الشيوخ فى السودان )
وفى خلال خمسة دقايق حكت لى القصة من طقطق لى ازيكم وهاكم ياها ، بعد اذنك ياعروس يا000 ؟
كنت بحب لى واحد وبيحبنى واتقدم لى اهلى ووافقو عليهو وكنا كل جمعة بنمشى نزور واصبحت علاقتنا بالشيخ ذى الاسرية بيعرفنا كلنا وبنعرف اهلو كلهم وعندى اخوى مسمنو عليهو . وفى يوم سقنا معانا العريس للشيخ عشان يبارك الزواج ويوافق عليهو وكانت المفاجأة . قال لى ما تتزوجيه وطبعا مافى زول يقدر يقول ليه وفى الزيارة التانية الشيخ طلبنى من ابوى ومافى زول يقدر يقول لأ .
رفضت واتمسكت بي زولى بقو اهلى كلهم يضايقوه ويشاكلوهو ومرة اخوى دقاهو عديل وبقينا نتلاقى بالدس والشيخ مصر على الزواج .
ملحوظة : عمرو فوق التمانين .
ملحوظة تانية : عمرها تحت التمنتاشر .
( معليش للمقاطعة ) وفعلا حددو العرس وحاولت انتحر بلعت كمية حبوب لكن لحقونى المستشفى وبرضو مصرين على العرس مرة ضرب ومرة تهديد وعقدو لى ( مين يقدر يقول لأأأأأأأأ ) الجاية دى منى ، ياجماعة واحد يقول لأ حرام .
طبعا بيكون عندى بعض التعليقات والاسئلة اثناء كلامها للتوضيح ولاحثها لبث المزيد مع انو ما محتاجة ( شغالة براها ) وبينى وبينكم اتعاطفت معاها – اتخيلو يوم العرس ودوها الكوافير والعريس ما قصر رسل العربية بالسواق جابتها البيت . اتفكت لا شهر بصل ولا حجى كتيرى .
طيب ياجماعة انا اختصر ليكم الباقى عشان ما اطول عليكم 0
1- ما بيديها حقها من الحب والحنان كزوجة وكعروس واكيد ما بيقدر . ( فوق التمانين )
2- لسع ماتمت معاهو الشهر ومن عرسها بيجيها يوم واحد فى الاسبوع . ( بيوتو كتار )
3- اى ممانعة منها او اعتراض يقابلها بالضرب والسب . ( معاملة عبيد )
4- المعاملة السيئة من باقى الحريم واولادو وبناتو وكلهم قدر امها وابوها وواحدين اكبر كتير . ( نظام غيرة )
5- عندو حسنة واحدة ( الكاش راقد ) مرقد الدهب - شوف عينى – ومظبط البيوت تمام .
المهم شردت من البيت و المسكينة جاهلى ما عرفت تمشى وين رجعت لى ناس امها وابوها .
يابت انت جنيتى دة الشيخ ابو اليا دايرة يودينا فى ستين داهية لازم ترجعى اسع فورا وبقى رجيعة على انا .
: اسع اعمل شنو ما دايرة ارجع ليهو لانو اول شى حا يدقنى عشان مرقت بلا اذن وبعدين انا بكرهو . ( كنا وصلنا جنب دكان وقفت وقلت ليها دقيقة جبت اتنين بارد قزاز عشان نقيف قبلنا شوية يمكن تتحلا وقلت ليها :
اول حاجة .
: قبيل انتى خليتى شنطتك دى مليانة دهب ودخلت المحل يمكن ربع ساعة وده غلط كبير لانو ناس عربات الاجرة ديل كلهم حرامية والله بس عندك رزق فى الدهب ده لانى انا ذاتى فكرت ازوغ بيهو لكن رغبة الشمار كانت اغلى من الدهب ( ما عارفة صدقت ولا لأ . انتو كيف ، طبعا دايره عشان تانى تخلى باله) قالت لى والله ما فكرت فيهو ولا خطرت لى حاجة ذي دى .
تانى حاجة .
: لازم اسع ترجعى بيت زوجك وبعدين تشوفى حل للمشكلة دى مع اهلك .
المهم وقفنا شوية ودردشنا وتبادلنا الاراء والليل دخل واتحركنا على بيت الراجل .
بى صراحة فضفضت كل الجواها ما خلت شى لاورا يعنى بالعديل ادتنى آخرها .
واثنا عرضى لبعض الحلول قلت ليها انتى لما يجيكى قولى ليهو انا الليلة معزورة واتوقعت انها تخجل او تتردد ولكن بلا تردد وبلا تلعثم وببراءة كاملة والله قبل كدى كنت فعلا معزورة وكلمتو ولا اهتم اخد حاجتو منى وفات . وطبعا الكلام بحرقة ودموع لا تتوقف وكويس كان فى مناديل فى العربية بس اجر وامد لا ورا .
وبى صراحة لما قالت لى الكلام ده وبدون ما اشعر دست فرامل ومرقت من الشارع وانا فى حالة غريبة من الاندهاش . يابت انتى بى صحك ، الزول ده شيخ خلاوى وفكى وبيعرف الله ويفرق بين الحلال والحرام والحاجة دى حرام عديل !!!!!!!!!!!!!!!!!!!!!!!!!!!!!!!!!!!!!!!!!!
ماذا قالت ماذا قالت ماذا قالت : والله ده لا شيخ لا بعرف الله الا قدام طلبتو والناس البيجو زايرين بس لكن ما عندو تانى اى علاقة لا بالدين لا بى الله . اتحيررررررررررررررررررررت احترررررررررررررت واتشهدت واستغفرت ورايى اتغير بعد ما اقنعتها بى تعب لازم ترجع .و بيني وبينكم اقنعتها لانى ماكنت عارف اوديها وين ولا هى كانت عارفة تمشى وين .
: والله لو اصلو الحكاية للدرجة دى ما بنصحك ترجعى ليهو ( وندمت على الراى لانها اصرت عليهو ) عندى راي تاني تمشى تفتحى بلاغ وتحكى للقاضى كل الكلام القلتى لى ده وهو فى جلسة واحدة بيطلقك منو .
والبكا ذاد : مادايرة ارجع ، والقاضى لو سمع اسمو ساكت حيقعد يرجف ويرجعنى ليهو ، ده ( عمر ) ذاتو مصاحبو وقعد يجى يقعد معاهو ___ ماشاء الله وعاشت الاسامى _________ يعنى الشغلانية بايظة من كبارا ، وصدقا لكلامها لما وصلنا نقطة التفتيش وهو الحد النهائى لسير الامجادات ثبتونى فى المعبر : يازول ماشى وين انت ؟ وكانت لهجة استهتار واستغراب .
: معاى حرم الشيخ ابو اليا موديها البيت – والله حتى ما انتظر باقى كلامى ولا حتى عاين جوه عشان يشوف شايل مرة ولا راجل – خلاس اطلع اطلع وطلعت .
( نرجع شوية ) بعد نصيحتى الاخيرة ليها بعدم الرجوع والندمت عليها حست بانى داب عرفت وحسيت بى مصيبتها وبقيت فى اليسكتا شنو ؟ اوديها وين ؟ الليل اليل ، بعد التاسعة واقفين فى حتة مقطوعة مضلمة ولا حتى على باله بس مادايرة ارجع ليهو .
شوفو المصيبة الرميت نفسي فيها ، كان مالى ومال النصيحة والاربعين الف ان شاء الله طايرة كلو منها .
المهم فى النهاية قالت لى دايرة اضرب تلفون وموبايلى قلعو منى ناس البيت عشان ما اضرب للزول التانى ده . والله انا ماعندى رصيد رجعنا تانى لى ورا اصلو قدامنا خلا بس وحسيت انو الاتصال ده ممكن يحلنى ذدت السرعة شوية ، وشحنت لى بعشرة الف وخليتة فى العربية براها وتمت المكالمة .
: آآي خلاس ضربت لى زولى واسع ركب رقشة وجايى علينا .
يجى وين ياخى نحن فى آخر البلد واضريت رجعت لاقيتو فى السكة ( الاربعين الف طايرة )
لم يتجاوز الخامسة والعشرين بأى حال انسان مهذب مهذب للغاية رزين ، اكبر من عمره بكتير . نزلت انا المسكين عشان ياخدو راحتم فى العربية ( ماكانت دى اربعين )
ملحوظة : والله حارقنى اسم الشيخ ده . اقولو ؟
وبد المداولات نادونى ( طبعا بعد ده تبت وبقيت بتاع امجاد بس ومسكت خشمى على لامن وصلتهم )
الحمد لله قدر اقنعها ترجع لى راجلا ( ابو رجيلة ان شاء الله ) وفى العربية بكى وتحانيس وشكاوى مرات براحة ومرات الصوت يعلا وانا ماسك نفسى عشان ما اقوليهو ما ترجعا واداها مصحف وسبحة وقال ليها احرصى عليهم وربنا بيساعدك والساعة حداشر عديل دخلنا المنطقة المحظورة ذى الحرامية خايفين نتلفت جاى وجاى والحتة ماشاء الله مليانة طلبة قرآن والمكان كلو تملاهو الرهبة والرزانة ونزلناها جنب الباب وعمك يظهر مافى . البيوت حقيقة ما فيها كلام فاخرة عديل وكميات كلهم حقاتو ورجعنا صادين .
اخونا قال لى بس وصلنى معاك التفتيش من هناك بلقى عربية ترجعني واقنعتو انى اصلى راجع والوقت متأخر وما حألقى مشوار ذى الوكت ده .
وفى الطريق اتصل بيهو اخو البت الكبير – يظهر داب جا البيت وقالولو البت جات شاردة – واخوى المسكين ده كان عارف الحا يحصل بالتفصيل شنو اظنو مجرب كتير وطوالى شغل السماعة الخارجية ,.
: الو
: وبلا مقدمات عينك ماتشوف الا النور ، كميات من السب والشتائم والتهديد والالفاظ النابيه 000000000000الخ .
: وده يحاول يرد يحاول يدافع عن نفسو يحاول يوضح الحاصل وما فى اى فرصة للكلام بس سيل وجا منحدر.
: والله ادخلكم لكلكم تحت الواطة ( فى النهاية عرفت انو فى المباحث )
ومن ضمن التهديدات
: والله الا اكتلك عديل والله ادس ليكم بنقو فى البيت اضيعكم كلكم .
نهايتو – قال لى يازول سمعت الكلام ده .
قلت وبى حماس ( طبعا مغيوز شديد ) بلحيل سمعت ووعيت .
: يعنى لو حصل اى حاجة .
: حأكون الشاهد الاول طوالى .
وتبادلنا ارقام التلفونات ونزل فى اللفة طلع عشرة الف من جيبو والله ما عندى غيره وانا احلف وهو يحلف وفى النهاية ختاها لى وفات ولسع غايتو ما جانى منو خبر تانى والله يستر .
المهم فى الموضوع بقت خمسين الف ورصيد ستة
اها ياجماعة رايكم شنو فى الموضوع ده اقصد المشوار ده كويسة الستة وخمسين ولا لأ ؟ مع ملاحظة انى وصلت البيت نص الليل من مرقت عصرا بدرى .
داير رايكم صراحة ولا حول ولا قوة الا بالله العلى العظيم .
والله واقفة لى فى الحلق ، اجيب اسمو ولا استرو ، ما مشكلة لو حصلت حاجة بجيب صاحبى داك يشهد معاى واطلب شهادة المجنى عليها .( ده لو كان فى فرصة دفاع عن النفس )
وبرضو كدى بس واحد يسألنى من اسمو عشان افتو واريح ضميرى .
واحلى الامنيات
