سمعت قبل فترة بحكاية فنان شاب سوداني يغني ثنائي مع فنانة اسرائلية
ماصدقت الخبر طبعا ولا جاملتهم في الحتة دي
الليلة بالصدفة مريت على احد المواقع لقيت الخبر مؤكد تماماً
الفنان هو الشاب هيثم الدوحة المقيم بالدوحة والذي يشارك الفنانة الاسرائيلية ميركوهين عملا فنيا هو عبارة عن أغنية مشتركة بينهما باللغتين العربية والانجليزية، وقد حققت الأغنية نجاحا طيبا في اذاعات FM العالمية ..
قدرتو تتخيلو ؟؟؟؟
غايتو لو كنت المسؤول صدقوني الزول دا تاني ماحيجي داخل السودان
ود الدرديري يديك العافية علي الخبر
عموما انا ما مستغرب من الخبر لانو (الناس بقت حبات سبح لا خيط يلمها لا ترانيم العبادة) وفي سبيل انو االفنان ده يشتهر ويكون معروف ممكن يعمل أي حاجة واراهنك انو الزول لما فكر يغني معاها ابدا ما خطرت بي باله نشرات الاخبار ولا صبرا وشاتيلا ولا ياسر عرفات ولا حتى مشكلة دارفور الاخيرة دي
بس ح يلاقي استهجان من كثير من الناس غير السودانيين وما اظن تقوم ليهو قايمة الا يمشي اوروبا ويتبنوهو
طيب نقول شنو لدول المواجهة وهي تفتح سفارات و مكاتب تجارية اسرائيلية كما بعضها يتعامل معها في السياحة وتبادل السلع التي تدخل للدول العربية عن طريق تلك المكاتب التجارية واذكر قبل فترة طويلة
عثروا علي بناطلين جينز في الاسواق السودانية مكتوب عليها شالوم دخلت من دولة مجاورة للسودان علي
اساس انها صناعة تلك الدولة العربية
والله يا جماعة الشئ البعرفه أنو هيثم الدوحة ده ولدنا من الجريف غرب وجرافي اصيل وزول راقي جداً واسع هو موجود في الجريف غرب ومعانا في الحلة وما أظن انو أي حاجة من دي حصلت . والله اعلم لكين الزول ده ولدنا ونحنا عارفنه كويس أكان بعمل كدي ولا لا .
تسلمى , 
اخلى يرجع بلدو بدل يشوه00وه سمعتو 
