شينة كورتنا يا ...........

[مهند عبد الرحمن]

الجميع شاهد بالامس مهزلة الكرة السودانية واستهتار اللعيبة وعدم وجود خطة معينة للتدريب وكذلك عدم وجود من يعرف طريق الشباك ومنذ أن بدأت فترة الاعداد للمنتخب وكل المباريات التي أجراها سواء أكانت ودية ام غير ذلك لم يعرف لعيبتنا طريق الشباك ولم يخطر ببال مدربنا بأن يجند لاعب بعينه ليعرف هذا الطريق مع العلم بأن هذا الرأي ليس برأئي وحدي بل رأي الجمهور الذي ليس له علاقة بالمنتخب السوداني
عموما لا اود الخوض في تفاصيل المباراة وذلك لتفادي الحالة التي اصبت بها بالامس لكن لدي سؤال واحد أما كان الاجدر لاتحاد الكرة السوداني الاستفادة من تلك المبالغ التي صرفها في اعداد المنتخب في اعداد فريق جيد يكون بديلا لهذا الفريق يتحمل المسئولية ويشرف اسم الكرة السودانية في المحافل
خرج فريقنا صفر اليدين واؤكد لم بأنه سيخرج كذلك أما الكاميرون
بالدارجي
( عارفين الظاهرة اللي حصلت للكرة السودانية في الفترة الفاتت دي عاملة ذي الزول اللي عندو ملاريا قام بلع التلاتة حبات بتاعت الملاريا وشم العافية ونزل من السرير يتحرك وما حافظ علي نفسه قامت تاني رجعت ليهو ( عارفين التلاتة حبات ديل منو ديل ناس قودوين وكلاتشي ويوسف محمد وايداهور وباولينو وايفوسا والبقية) وسلملي علي مازدا وعطا المنان

[فنونة]

تصدق كنت عايزة أكتب بوست ي نفس موضوعك.........لانو جد مستوى منتخبنا حرقني
بس انت كتبتو نيابة عني,,,,,,وتشكر

ضيعنا وقتنا ونحن بنتسمر قدام الشاشة بتمنى من فريقنا يدينا حبة أمل,,,,,,,حتى لو ما فاز على الاقل
يلعب لعب جميل مش ينغلب...........3
3 مشت ............و3 جات
ده ما مستوى
كلامك كلووووووو معقول
بس شنو الحل
زهجنا كل مرة يشارك منتخبنا في مباراة دولية يرجع لينا............بدل ما يرفع الراس
(أنا اكتر شي زعلني كان عندي امتحان اليوم ومازاكرت ليهو تأييدا لمنتخبي بس للاسف ما شرفنا وما ان بيستاهل اضيع وقتي عشانو