امثال ومصطلحات من لغتنا الدارجه

[ibn batoota]

ده شنو ده؟!!!
سورري انا شكلي دخلت غلط :D

يلا باي

انت الجابك بي جاي زاتو شنو

قالو ده حوش للخناشير

وكمان مارقه وبتقولي باي

ع الطلاق كان لمو فيك ناس الحوش ديل كان خلوك فروه:D


بالمناسبه فروه معناها شنو يا ناس الحوش

[استارو]

عفارم عليك ياحبوبة

عشان كدا قالو :

الشم خوًخت بردن ليالي الحَرة
والبراق برق من مِنة جاب القِـرة
شوف عيني الصقير بجناحو كفت الفِـرة
تلقاها أم خدود الليلة مرقت بـرا



طيب عايزين معاني الكلمات:

1/ الشًـم

2/ خوًخَـت

3/ مِـنًـة

4/ الفـِرة

سلمت الايادى حبيبنا ودالشيخ
ونحى شعراء اهل البطانة ولك الف تحية
الشم ،، ومنة ،،، وخوخت ،،، الفرة

الشم هى الشمس
خوخت معناه ضعفت حرارتها
منه مقصودبه المكان
الفرة تعنى طائر صغير يظهر فى موسم الامطار

[استارو]

معانى الكلمات دى ؟

الترس:

أُم جِنقر:

القرقريبة:

[شمس الغربه]

معانى الكلمات دى ؟

الترس:

أُم جِنقر:

القرقريبة:

مافي خيارات ......؟!


القرقريبه : بعوسو بيها الكسره




تشاااااو:D

[ibn batoota]

معانى الكلمات دى ؟

الترس:


القرقريبة:

الترس: تل بتاع رمله بمسكو بيهو المويه وكده

القرقريبه: القطعه البعوسو بيها الابري

[moony]

[quote="استارو"]معانى الكلمات دى ؟

أُم جِنقر:

[/quote]

شكلو الكل ما عرف ليها


نوع من البليلة

[المياسة]

برافوا للي جاوبت{moony}
سؤالي اليــــــــــــــــ17/1/2008ـــــــــــــــوم وهو

يعني شنو السعل ؟؟؟؟؟؟؟؟؟؟؟؟؟؟ :

هل هو ولا جاوب براك وفكر؟:confused

[المياسة]

السلام عليكم ورحمة الله وبركاته
وبعــــــــــــــــــــــــــــــد،ابرافوا للجاب الجواب **

اهاااااااااااااااااااااااااا سؤال اليوم بتعرفوا يعنى شنو [size=6]{ السعل } ؟؟[/size]

[على البطحانى]

السعل وادى مش ولا قوقل خزلنى ؟

[على البطحانى]

اها النسعلكم الجرة او الجر يعنى شنو؟؟

[المياسة]

السلام عليكم ورحمة الله وبركاته
اهاااااااااااااااااااا
سؤال اليوم معانى الكلمات دى ؟؟

التوكل؟؟؟؟؟؟؟؟؟؟؟؟
ياهو شنــــــــــــــــــــو

[ibn batoota]

السلام عليكم ورحمة الله وبركاته
اهاااااااااااااااااااا
سؤال اليوم معانى الكلمات دى ؟؟

التوكل؟؟؟؟؟؟؟؟؟؟؟؟
ياهو شنــــــــــــــــــــو

[align=center]يابتنا التوكل ولا التكل

انا بعرف التكل ده المطبخ

لكن التوكل ده التوكل علي الله وكده

:D

انت قاصده ياتا فيهم[/align]

[المياسة]

السلام عليكم ورحمة الله وبركاته
يا صديقي العزيز قد تختلف القراءة لبعض الكلمات ولكن لابأس في ذلك واجابتك صحيحةو اشكرك على التصحيح

[المياسة]

اها النسعلكم الجرة او الجر يعنى شنو؟؟

يعني الزير بتاع المويه

[على البطحانى]

يعني الزير بتاع المويه

غلطانه يا ستى وطلعتى حنكووووشة درجه اولى
الجر حاجه قديمه بيحفظو فيها العجين عشان ما يعفن
وشكلها زي القهوة بتاعت الطين وطبعاً اسي مسكنها المتحف
ناس لبهر وكولدير فشلوها طبعاً وهارد لك المياسة

[المياسة]

احرجتني والله

[ودالدرديري]

شباب سلااام وكدا تمااام

حبيبنا البطحاني :
أظن برضو الجرة إسم من أسماء الأزيار
وبرضو معناها ألأثر بتاع الزول في الواطه
بالإضافة طبعاً لكونها وعاء من الفخار يستعمل لتخمير العجين ودي الأكبر حجماً وبعملو ليها رقبة

الحمد لله لحد الآن في ناس غـُـبـُـش ولسه متذكرين الحاجات دي
طيب هاكم ديل:


1/ الــسِـعِــن

2/ التبروقـة



ولييييييييييييييييي قدااااااااااااااااااام









و...............الباقي على الله

[الدكتوره]

يديكم العافيه ياشباب
المسابقه دى مافيها جوائز ؟؟ للتحفيز


الــسِـعِــن: هو وعاء للبن او الماء مصنوع من جلد الحيوانات
التبروقـة: ؟؟؟

[على البطحانى]

احرجتني والله

العفوو اختى المياسة
ما القصد والله
اسف

[على البطحانى]

التبروقـة :
التبروقة يا ود ابو المصلايه بتاعت السعف
دحين انا غلطااان؟؟؟
املا الابريق وجيب التبروقة
دحين النضمي ده مش زين