عناقيد

[طلال الحكيم]

جناح بعوضة

رن الهاتف ... فتمغى أحمد وتمطى وتناوله بفتور

- ألو مرحبا ..

جاءه الصوت نشيطا يتدفق حيوية لا يشابه حاله الفاتر

- ألو يا أحمد .. السلام عليكم كيف حالك إن شاء الله طيب؟

- الحمد لله ... منو معاي ؟

- ما عرفتني ياخ .. انا ياسر ود أستاذ أمين

تهللت أساريره ونشطت حواسه

- ياسر ؟ كيف حالك .. والله مشتاقين ... زمن ياخ .

- بالأكتر ... بكرة جايين الخرطوم ... جاي معاي الوالد والوالدة بنغشاكم نسلم عليكم ..

- والله خبر جميل جدا ... خلاص نحن قاعدين .. في أي وقت مرحب بيكم وتشرفو

- تسلم والله

- ناس بورسودان كيف؟

- والله تمااااام بسلمو عليكم

- الله يسلمهم يا رب

إنتهت المكالمة ... وأحس بالسعادة تغمره .. فـ أستاذ أمين مِن الشخصيات المؤثرة في حياته ...

كان يتخذه قدوة في الملبس والأناقة ... وحُسن الهندام ... واللباقة وجزالة التعبير..

من يضاهيه إذا لبس البدلة والكرفتة ؟

يبدو بها وكأنه أحد رجال الساسة وسفراء الأقطار .

أما حين يرتدي الجلباب ويلف العمامة ويتلفح بالشال ... فهو شيخ القبائل ...

وكلامه تنصت له الأسماع .

كم يتوق لرؤيته بعد هذه السنين الطويلة ..

غدا سيراه .. تُراه هل سيرتدي البدلة أم الجلباب؟

تعالت الطرقات على الباب عصرا ... ودخل ياسر إلى الحوش الفسيح ..
فسارع إليه أحمد هاشاً ...
ودخلت والدة ياسر ..
ثم رجلٌ يلبس جلبابا عاديا .. وطاقية باهتة .. وشبشباً متغبرا ..

من هذا ؟ هل هو الأستاذ أمين ؟ نعم .. إنه هو

يا لهول المفاجأة ويا سوء المنظر ..

تدفقت الدهشة من وجه أحمد ..

قبض أستاذ أمين على كف أحمد وسلم عليه وأخذ يهز يده مرات ومرات ومرات ..

وقلبُ أحمد يرتجف أكثر من كفه المقبوضة ..

أهذه مزحة سخيفة ... أم هي حقيقة مخيفة ؟

نظر إلى ياسر ... فوجده يتفصد حرجا ..

همس له وهما يدخلان

- معليش .. أبوي عيان شوية

- مالو؟

- بقى بلخبط في الناس

- هسه ما بكون عرفني ؟

- ما أظن

- لكن هو ما كبير في عمرو

- نصيبو ... قالو إحتمال جلطة في الراس .. نحن جينا الخرطوم عشان نقابل الدكتور .

وقف أحمد ... ونظر إليهم وهم يدخلون ويسلمون على مَن في البيت ...

يتأخرهم الأستاذ أمين ... وكأنه الطفل الصغير

يتحسس مقبض الباب ويمسح على الستائر ..

يتلفت ببراءة .. ولا يأبه بمن حوله ...

أين الهندام ؟ .... وعواطر الأنسام ؟

أين الشخصية ... وفصاحة الكلام ؟

طفرت منه دمعة ..

ولسان حالها يقول إنها الدنيا ...

الدنيا التي لا تساوي عند الله جناح بعوضة .

[احلام بت النيل]

دوام الحال من المحال
واهو حال الدنيا كل يوم بي حال
اللهم يامقلب القلوب والابصار ثبت قلوبنا على طاعتك

[طلال الحكيم]

دوام الحال من المحال

واهو حال الدنيا كل يوم بي حال
اللهم يامقلب القلوب والابصار ثبت قلوبنا على طاعتك

اللهم آمين يا رب العالمين ... كتر خيرك يا بت النيل

[طلال الحكيم]

وفاء

عشقته منذ الصبا .. وتعلقت به تعلقها بالحياة ..

تزوجها في ليلة بهيِّة ...

كان يرى وجهها الأسمر وكأنه قطعة قمر ..

و(شلوخ) خديها وكأنها وريقات الزهر ... ثم يفتنه لُمى شفتيها...

سافر ... فسافرت معه .. ومكث فما فارقته ...

تبادلا الوفاء ثمانون عاما ... ينظرا لوجهيهما كل صباح ..

إلى أن سافر بغتة إلى حيث لا عودة ..

إنتظرته فلم يأتِ بالطبع ...

إفتقدته ... إشتاقته ... فلحقت به ..

ولم يفصل بينهما سوى قبرٌ ... وشهران .

[كيوبيد]

وفاء

عشقته منذ الصبا .. وتعلقت به تعلقها بالحياة ..

تزوجها في ليلة بهيِّة ...

كان يرى وجهها الأسمر وكأنه قطعة قمر ..

و(شلوخ) خديها وكأنها وريقات الزهر ... ثم يفتنه لُمى شفتيها...

سافر ... فسافرت معه .. ومكث فما فارقته ...

تبادلا الوفاء ثمانون عاما ... ينظرا لوجهيهما كل صباح ..

إلى أن سافر بغتة إلى حيث لا عودة ..

إنتظرته فلم يأتِ بالطبع ...

إفتقدته ... إشتاقته ... فلحقت به ..

ولم يفصل بينهما سوى قبرٌ ... وشهران .

شهد التعبير وروعة السرد وسلاسة الاسلوب
هكذا انت دائما يا صديق
تشدنا الى مفرداتك

[احلام بت النيل]

وفاء

عشقته منذ الصبا .. وتعلقت به تعلقها بالحياة ..

تزوجها في ليلة بهيِّة ...

كان يرى وجهها الأسمر وكأنه قطعة قمر ..

و(شلوخ) خديها وكأنها وريقات الزهر ... ثم يفتنه لُمى شفتيها...

سافر ... فسافرت معه .. ومكث فما فارقته ...

تبادلا الوفاء ثمانون عاما ... ينظرا لوجهيهما كل صباح ..

إلى أن سافر بغتة إلى حيث لا عودة ..

إنتظرته فلم يأتِ بالطبع ...

إفتقدته ... إشتاقته ... فلحقت به ..

ولم يفصل بينهما سوى قبرٌ ... وشهران .

إبدااااااااااااااااااااااااااااااع
في انتظار المزيد

[طلال الحكيم]

الغالي كيوبيد والمميزة بت النيل ...
وجودكم اسعدني وسر بالي ... كتر خيركم كتير وما عدمناكم .

[طلال الحكيم]

يا المشربك في خيوط الروح



- يا المشربك في خيوط الروح .. والقليب عليك ولهان ..

- يا نور الصباح ... يا دنيتي وما فيها ..

- مشتاقة ليك .. وميالة من الشوق زي فريع البان ..

- باين عليك في الوجن .. زي زهر الرياض والغمام غاشيها ..

- قول .. حدثني ... .. شوقك زاد ولأ زي ما كان ..؟

- زاد .. نيران تقيد ... عجزان المطر يطفيها ..

- يا المشربك في خيوط الروح .. أوعدني وأحلف لي وزيد الحلف حلفان ..

- بحلف ليك .. وضمان وعدي خابراهو .. قولي الهموم أحكيها ..

- قول وحات ريدتنا ما بتسلاني .. ولا يطويني يوم نسيان ..

- كيف أنساك وقلبي نابض بيك ؟ وغير بسماتك لــ روحي مين راويها ؟

- يا المشربك في خيوط الروح .. قول .. زيدني تاني كمان ..

- أزيدك ذكريات دروب حبك .. وكيف رغم الصعاب بمشيها .

- لحدي متين بدوم حبك ؟ وقلبك لي بالغرام مليان ..

- لحد ما الروح .. تروح تنساب لباريها ..

- فداك روحي .. فداك ما يكون .. فداك ما كان ..

- يا ساكنة الفؤاد ... و ربي بالجمال كاسيها ..

- يا المشربك في خيوط الروح ..

- يا روح الروح ..

[mihrab]

اعجبتني حد الذهول عنااقيدك ياطلال
ماشاءالله

[حوريا]

موضوع في قمة الخيااال
طرحت فابدعت
دمت ودام عطائك
ودائما بأنتظار جديدك الشيق
لك خالص حبي وأشواقي
سلمت اناملك الذهبيه على ماخطته لنا
اعذب التحايا لك

لكـ خالص احترامي