حكايتى مع المنتدى

[احاسيس]

[quote="نبرة فرح"]

السلام عليكم ورحمـة الله..




للكل منا في هذا المنتدي العظيم (حكايه)


آفرحنا .. وآحزآنا .. همومنآ .. ومشآكلنا .. وتهآنينا .. وآوجعآنا






آحبآبنا .. وآصحآبنا .. وآخوآنا ... وآصدقآنا ..
ولا يمنع من وجود مشآغبات..!
::





::



لذلك أطرح عليكم مجموعه من الأسئـله..







ويجب عليكم الألتزام والأجابه على جميـع الأسئله والاجابه بشكل محدد..


خلينـا نشوف مين عنده الجراءة الحلوه ..



بسم الله



نبدء

بسم الله توكلنا على الله

::


::



1/ كيف بدات رحلتك (حكايتك) مع المنتدى وكيف وصلت لهـ..!

والله حكاااية طووويلة لو عندكم زمن بحكيها ,,ياستى انا اصلا كنت سامعة من بت خالتى عن منتدى ظريف وحلو وناسو حلوين ومن كترة ماحكت عنو حبيتو قبل ما اخشو ولما قررت اسجل كنت متزكرة من الاسم بس كلمه سودانى فكتبت فى خالو قوقل لانو عم سروفة كلمة سودانى واول خيار جانى قلت بس يااااااااااهو زاااتو المقدر ومكتوب وخشيت فيه لفت طوالى ولما لقيت الطيبة والروح الحلوة اتاكدت انو هو الانا جاياهو بس الذ مافى القصة ماعرفت انى سجلت فى منتدى غلط الا قبل كم شهر اكتشفت انو ماهو الوصونى ليه ههههههه بس مازعلت ولاندمت لانى هنا مبسووووطة جدا

2/ منتدى انا سودانى ماذا يمثل لك..!
الهوا البتنفسو,,,حديقتى الغنا والاعضاء هم الورورد البتزين حديقتى ,,ماقدرت ولاحاقدر اتفاعل فى اى منتدى غيرو 3/
ممكن اكون بعيدة عن المنتدى والجهاز بس كل احاسيسى وخواطرى حاضرة هنا
هل تفكر في المنتدى وانت خارجه والي اي درجه..؟..( .وبما تفــكر. )..!

كتييييييييييييييييييييير ومرات كتير بكون بضحك براى لمن اكون بدبر لى بوست واتخيل ردود الاعضاء او لمن يكون فى بوست عامل ضجة بكون بفكر فى الحاصل (ماعندى صبر لحدى ماارجع البيت واشوف3/

ما أول شئ تفعله عند دخولك المنتدى..؟ >>> (بشرح لو سمحت)..
ههههههه اول شى بفتح تلات او اربع نوافذ للمنتدى بس ومن متصفحين عشان اذا واحد اتعطل فجاءة او بقى تقيل التانى يدور طوالى هههههههماعندنا بنزين بقطع
وبعد كدا بعمل هجوم على المنتدى بوزع جنودى فى كل قسم وبحاول اركز معاهم كلهم بس البوست الفايز هو البشد انتباهى شديد 4 /
من هم الاعضـاء الثلاثه الذي يشغلون تفكـــــيرك وانت خارج المنتدى..؟ >> بكل صراحه..!
والله كتااااار وماعايزة اظلم حد وسامحينى لانى حازيد عن الثلاتى
سروفة -الماسة - نهر-ريتان - امكن ديل بصورة اساسية بس والله كل الاعضاء بتزكرهم بكل خير


5 / من الثلاثه الذي تبحث عنهم وانت في المــنتدى..

وتتمنى وجودهم..!..

بت السرف- بعدو-دريمو- ناجى عثمان -هندسسسة -اميرو- ود ابنعوف- نهورة


6 / من العضو الذي يسعدك مرورة في موضوع لك ويوقع فيهـ..!

كثيرييييييييين بس اكتر ناس بجد بفرح لما القاهم مشرفينى فى مواضيع الخواطر هم
المميز والراقى طلال الحكيم- اللمبدع الحساس ناجى عثمان- شاعرتنا المخضرمة بت السرف7 /

موضوع تمنيت ان تكتبه لكنه موجود باسم عضــو آخر..!
شواهد نفس


8 / رساله خاصه الي مين ترسله وماذا تقول لهـ..!

لعضو\ه هو عارف\ه روحو\ها ( علاقة البشر بالبشر أشبه بعلاقة السيآرات في الطريق ،، ان لم تترك مسافة كافية بينك وبينهم ، كثرت عليك الصدمآت..).( اسم العضو )..:




( نص الرساله )..:


9 / ما هو الشئ الذي يقلق في المنتدى وتتمنى اصلاحـه..!

والله احيانا بحس فى فتور فى المنتدى يعنى مافى مواضيع بتحمس عشان الناس تدخل وتتفاعل ودا بحلينا نقلق لانو معظم الاعضاء بقو مابدخلو

10 / اصعب موقف مرة عليك في المنتدى ولا تقدر ان تنساه..؟

عزرا,,بفضل احتفظ بيه لنفسى
11 / لحظه مرت عليك في المنتدى ولم تنساها ألي اليوم من شدة الفرح بهـ..!


هههههههه يوم تميت اول الفية لى والله كنت حاطير من الفرح لانى تعبت لحدى جبتها ودايما بقولو ليك معزة الولد الاول مازى الباقيين هسى بعد كدا اى الفية بتجى بطعم جميل لكن مازى الاولى


12 / اي القسم التي ترتاح فيه وتحب ان تكون فيه واي قسم الذي تبدع فيه..؟
برتاح فى الراكوبة والاسلامى وبحاول ابدع فى الخواطر والشعر لانهم بمثلو جز كبير منى






13 / عضو معاك في المنتدي تريد ان تقول له شئ..( نصيحه _ عتب _ شكر _ ملاحظه )..!

شكرا لك اعضاء المنتدى لوجودهم فى حياتى حقيقى انتو اضفتو لى احاسيس الكثيييير وربنا يقدرنى على
جزاكم

14 /هل تريد ان تقول شئ قبل ان تغادر..؟



15 / ( 4 ) أعضــاء لن تنساهم حتى بعد مغادرتك المنتدى..!

كلهم والله لن انساهم فردا فردا فهم سكنو الوجدان والخاطر حتى الما اتشرفت بملاقاتهم معزتهم عندى باقية الا ان ياخد الله امانته
16 / من خلال معاملتك مع المراقبين والمشرفين ..أكتر شخص قريب منك منهم من..!

كنترول 4
دا عاملة فيه عمايل
يوم اشاكلو وانفض ليه كلوش
ويوم اكسر ليه تلج
وياحليلو هو هدى ورضى (البتجى من السما يتلقاها كنت 4) غايتو اعفى لينا وربنا يعطيك الف عافية وتفضل تتنعم فى ضل الراكوبة 17 /

ومن خلال تواجدك مع اعضـاء منتداك..أكتر عضو بعجبك أسلوبه و يهمك وجوده..!
الراقى ود ابنعوف الله يديه العافية
18 / أقتراح تقدمه للـمنتدى..؟
يكون فى لقاء شهرى تفاكرى حتى تتاصل روابط الاخوة والمحبة فى الله بين الاعضاء ويكون فى نقاشات واراء حول امكانية تطوير المنتدى
19 / من هو العضو الذي ترشحه او تورطه بعدك عشان يشرفنا
فارماس,,,هندسسسسسسه,,,ناجى عثمانفي الموضوع ويحكي حكايتهـ..!



20 / قيم أجوبة العضو اللي سبقك بالأجابه على الأسئله..؟ ( 1 _ 10 )

10\10 والله

::


::



::



::



مشكووووورة اختى نبرة فرح على الاستضافة اللطيفة الكانت على شرف تواجدك وحضورك

واتمنى انى كنت ضيفة خفية الظل عليكم ووفقت فى الاجابة

تحياااااتى

[نبرة فرح]

اختى الغالية والانسانة الرائع// احاسيس

اشكر حضورك المميز

ودائما وابدا انتى صاحبة روح ودم خفيف

وحضور ما شاء الله متألق دائما

اشكرك للحضور والاستجابه السريعه

لك كل التحية والتقدير

ملاحظة كل من تم اختياره كان ضيف سابق معانا

الرجاء اختيارعضو او عضوة غير

دمت برعاية الله

[نبرة فرح]

السلام والرحمة

كيفكم يا اغلى اعضاء

معانا ومعاكم انهاردة ضيف مميز

صاحب حضور راقى واجمل توقيع

ضيفنا اليوم هو المتميز سنيبر

فى انتظارك يا غالى

[The Sniper]

السلام عليكم ورحمـة الله..
[align=center]

و عليكم السلام و رحمة الله

للكل منا في هذا المنتدي العظيم (حكايه)

آفرحنا .. وآحزآنا .. همومنآ .. ومشآكلنا .. وتهآنينا .. وآوجعآنا

آحبآبنا .. وآصحآبنا .. وآخوآنا ... وآصدقآنا ..
ولا يمنع من وجود مشآغبات..!
::

::

لذلك أطرح عليكم مجموعه من الأسئـله..


ويجب عليكم الألتزام والأجابه على جميـع الأسئله والاجابه بشكل محدد..


خلينـا نشوف مين عنده الجراءة الحلوه ..



بسم الله



نبدء



::


::



1/ كيف بدات رحلتك (حكايتك) مع المنتدى وكيف وصلت لهـ..!

مجرد صدفه قادتني للمنتدي و هو اول و اخر منتدي سوداني اجتماعي اسجل فيه

2/ منتدى انا سودانى ماذا يمثل لك..!

بيتي الثاني و كل الاعضاء الرائعون هم اخوة لي

3/ هل تفكر في المنتدى وانت خارجه والي اي درجه..؟..( .وبما تفــكر. )..!

احيانا

3/ ما أول شئ تفعله عند دخولك المنتدى..؟ >>> (بشرح لو سمحت)..

اولا بنزل تحت اشوف اخر 10 مواضيع نشطة و بعدها باخد جولة علي المنتدي ككل

4 / من هم الاعضـاء الثلاثه الذي يشغلون تفكـــــيرك وانت خارج المنتدى..؟ >> بكل صراحه..!

اي عضو حصل بيني و بينه كيس او اي شئ
اما باقي الاعضاء فهم في القلب جميعا

5 / من الثلاثه الذي تبحث عنهم وانت في المــنتدى..
وتتمنى وجودهم..!..

كل الاعضاء الرائعين

6 / من العضو الذي يسعدك مرورة في موضوع لك ويوقع فيهـ..!

كل الاعضاء المميزين و بكون مبسوط اكتر لما يكون واحد من الاعضاء القريبين مني

7 / موضوع تمنيت ان تكتبه لكنه موجود باسم عضــو آخر..!

مافي موضوع محدد بس ما دام هو موجود خلاص ,, المهم الفائدة للجميع

8 / رساله خاصه الي مين ترسله وماذا تقول لهـ..!

بعتذر لاي عضو حصل بيني و بينو سوء تفاهم

( اسم العضو )..:




( نص الرساله )..:


9 / ما هو الشئ الذي يقلق في المنتدى وتتمنى اصلاحـه..!

مضايقة بعض الاعضاء لاخرين

10 / اصعب موقف مرة عليك في المنتدى ولا تقدر ان تنساه..؟

لما الناس فهمتني غلط في موقف كدا

11 / لحظه مرت عليك في المنتدى ولم تنساها ألي اليوم من شدة الفرح بهـ..!

اغلب وجودي في المنتدي لحظات سعيدة و ما حانساها

12 / اي القسم التي ترتاح فيه وتحب ان تكون فيه واي قسم الذي تبدع فيه..؟

بحب قسم الكمبيوتر مع اني مقصر فيهو

13 / عضو معاك في المنتدي تريد ان تقول له شئ..( نصيحه _ عتب _ شكر _ ملاحظه )..!

الهنوف ( شكر ) : ربنا يجزيك كل الخير علي كل شئ قدمتيه للمنتدي
و الشكر كمان لكل الاعضاء

14 /هل تريد ان تقول شئ قبل ان تغادر..؟

اشكر صاحبة البوست علي الاستضافة الجميلة

15 / ( 4 ) أعضــاء لن تنساهم حتى بعد مغادرتك المنتدى..!

كل الاعضاء الرائعين و الذي وضعو بصمة بداخلي

16 / من خلال معاملتك مع المراقبين والمشرفين ..أكتر شخص قريب منك منهم من..!

صراحة كلهم كدا thumbup.gif

17 / ومن خلال تواجدك مع اعضـاء منتداك..أكتر عضو بعجبك أسلوبه و يهمك وجوده..!

كل المميزين بالمنتدي

18 / أقتراح تقدمه للـمنتدى..؟

يكون في بوستات و مسابقات تشجيعية للاعضاء

19 / من هو العضو الذي ترشحه او تورطه بعدك عشان يشرفنا
في الموضوع ويحكي حكايتهـ..!

وايا

::

::
[/color][/size][/align]

ثانكس نبرة فرح علي الاستضافة الرائعة و بعتذر عن عدم ذكر اسامي خوفا من السهو عن احد الاعضاء

[نبرة فرح]

المتميز The Sniper

اشكرك على تلبية الدعوة بسرعة

وكنت كالعادة ضيف مميز بردودك وحضورك

العضو واياا كان ضيف سابق بالبوست

رجاء اختيار عضو اخر

لك كل التحية والتقدير

[نبرة فرح]

عدناااا بعد غياب


وضيف مميز



الامير حسن مختار




فى انتظارك

[العمرابى]

والعود احمد

[نبرة فرح]

والعود احمد

تسلم يا غالى

2

[الأمير حسن مختار]

منذ ولوجي هذا الصرح الشامخ لم اتخيل أنني في وقت قياسي بلغت عدداً مميزاً من المشاركات "333" بمعنى أني قاربت للألفية الأولى لكن بعض المعارضين والحاقدين وانقاسم أعضاء المنتدى وقتذاك لمحايد ومنحاز لفريق ما وانقسم الأعضاء لثلاث فرق مما جعلني أغيب عن المنتدى حوالي 3 سنوات لا أعرف فيها أي شيء.. أذكر وقتها بعدما ساهمنا بإنشاء رابطة الرياض والتي حينها تسلمت زمام منصب سكرتير تنفيذي منذ عام 2008 حتى بداية 2014 قام بعض أعضاء السلك الإداري برابطة الرياض بالتنحي عن مناصبهم وعبر الرسائل الداخلية فيما بيننا وبعد إجماع الجميع وإصرارهم قبلت في يوم 1/1/2014 بأن اتسلم زمام الرئاسة لرابطة الرياض ويتم ترشيح عضو جديد لمنصب سكرتير تنفيذي وبعد تردد لحوالي شهر قمت بعدها بإعلان ما تم ببوست.
الفضل الأكبر لعودتي بقوة وبلا توقف تاركاً كل الماضي وراء ظهري وبالعمل والتكاتف مع بقية الأعضاء النبلاء بالمنتدى العامر بالقلوب النقية والدماء الحارة سواء كانوا ذكوراً أو إناثاً للأب الروحي العم صلاح محجوب عبداللطيف "أبو عبدالله" والأخ مرسال الشوق وصاحبة القلب النابض حباً للجميع رئيسة النشاط النسوي برابطة الرياض والمربية الفاضلة والكاتبة الفذة دريم والأخ العزيز السوداني الأصيل وقريبتي ابنة الخال العضوة شوشو وبس.
الآن أصبحت لي خبرة بمن هم يريدون لي الخير ومن يزرع لي الشر في أن أترك هذا الكيان الشامخ وأتجه لمنتدى آخر لكن أعلنها مدوية لكل الحاقدين والحاسدين أنا أحد أبناء "منتدى أنا سوداني" العريق بكل ما فيه من أناس مبدعين وخيرين وغيورين.. سأبقى مخلصاً وفياً للمنتدى ما دمت حياً.
وفقنا الله وإياكم لك خير لرفعة منتدانا عالياً بين سائر المنتديات السودانية العالمية.

[نبرة فرح]

المتميز الامير حسن مختار

اشكرك على تلبية الدعوة بسرعة

وكنت ضيف مميز بحضورك

اشكرك ولك خالص التحية والتقدير

لك كل التحية والتقدير