الحلوه يوم ميلادها فات

[جعفر الصادق]

ﺍﻟﺤﻠﻮﺓ ﻳﻮﻡ ﻣﻴﻼﺩﻫﺎ ﻓﺎﺕ
ﻭﻏﻠﺒﻨﻲ ﺯﺍﺗﻮ ﺃﻗﺎﺑﻠﻬﺎ
ﻣﻠﻬﻮﻓﺔ ﻛﺎﻧﺖ ﻟﻠﻤﻴﻌﺎﺩ
ﻣﻨﺘﻈﺮﺓ ﻣﻨﻲ ﻫﺪﻳﺘﻬﺎ
ﺑﺲ ﺍﻟﻈﺮﻭﻑ ﺇﺗﺼﻌﺒﺖ
ﻭﺧﺠﻠﺖ ﺗﺎﻧﻲ ﺃﻛﻠﻤﻬﺎ
ﻣﻬﻤﻮﻡ ﺃﻓﺘﺶ ﻓﻲ ﺍﻟﻌﺬﺭ
ﺷﺎﻥ ﺃﺣﻜﻲ ﻟﻴﻬﺎ ﻭﺃﺻﺎﻟﺤﻬﺎ
ﻓﺘﺸﺖ ﻟﻜﻞ ﺍﻟﺤﺮﻭﻑ
ﻟﻮ ﺃﻟﻘﻰ ﻛﻠﻤﺔ ﺗﻔﺮﺣﻬﺎ
ﻟﺨﺼﺖ ﻟﻴﻬﺎ ﻑ ﺟﻤﻠﺔ ﺑﺲ
ﺣﺎﻭﻟﺖ ﺑﻴﻬﺎ ﺃﺩﺍﻋﺒﻬﺎ
‏)ﻭﺍﻟﻠﻪ ﺇﻧﺖ ﻧﻐﻢ ﺣﻴﺎﺗﻲ ‏(
ﻭﺟﺪ ﻫﻲ ﻧﻮﺭﻫﺎ ﻭﺑﻬﺠﺘﻬﺎ
ﺍﻟﺤﻠﻮﺓ ﻋﺎﻳﻨﺖ ﺍﻟﻜﻼﻡ
ﻭﺍﻟﺪﻣﻌﺔ ﺳﺒﻘﺖ ﺿﺤﻜﺘﻬﺎ
ﻭﺃﻧﺎ ﻛﻨﺖ ﻣﻨﺘﻈﺮ ﺍﻟﺠﻮﺍﺏ
ﻣﺘﺸﻮﻕ ﺃﻋﺮﻑ ﺭﺩﻫﺎ
ﺃﺻﻠﻲ ﻣﺸﺘﺎﻕ ﻟﻠﻌﻴﻮﻥ
ﻣﺸﺘﺎﻕ ﻟﺼﻮﺗﻬﺎ ﻭﺑﺴﻤﺘﻬﺎ
ﻣﻠﻬﻮﻑ ﺗﺮﺍﻭﺩﻧﻲ ﺍﻟﻈﻨﻮﻥ
ﻣﻌﻘﻮﻟﺔ ﺑﺲ ﻡ ﻭﺻﻠﺘﻬﺎ؟؟
ﻣﻌﻘﻮﻟﺔ ﻳﺎﺭﺑﻲ ﺑﺘﻜﻮﻥ
ﻗﺮﺕ ﺍﻟﺮﺳﺎﻟﺔ ﻭﻣﺴﺤﺘﻬﺎ
ﻭﻻ ﻳﻤﻜﻦ ﻫﻲ ﺍﻟﺤﺮﻭﻑ
ﻣﻜﺴﻴﺔ ﺏ ﻟﻮﻥ ﺣﻨﺘﻬﺎ
ﻳﺎﺧﻲ ﻻﻻ ﺍﻟﺨﻮﻑ ﺗﻜﻮﻥ
ﺯﻋﻼﻧﺔ ﻭﺍﻟﺒﻴﻨﺎ ﺇﻧﺘﻬﻰ
ﺭﻭﺣﻲ ﺯﺍﺗﻬﺎ ﺍﺗﺸﺤﺘﻔﺖ
ﺃﺻﻠﻮ ﺍﻟﺤﺰﻥ ﻣﺎ ﺑﺸﺒﻬﻬﺎ
ﻡ ﺩﺍﻳﺮ ﺍﻓﻜﺮ . .
ﻫﻲ ﺑﺘﻜﻮﻥ
ﻗﺮﺕ ﺍﻟﺮﺳﺎﻟﺔ ﻭﻋﺠﺒﺘﻬﺎ
ﻭﺑﻌﺪ ﺩﻗﻴﻘﺔ ﺍﻟﺮﺩ ﻭﺻﻞ
ﺷﺎﻳﻞ ﺣﻨﺎﻧﻬﺎ ﻭﺭﻗﺘﻬﺎ
‏)ﻭﺍﻟﻠﻪ ﺣﺒﻚ ﻟﻲ ﺯﺍﺩ ‏(
ﻱ ﺳﻴﺪ ﺣﻴﺎﺗﻲ ﻭﺭﻭﻧﻘﻬﺎ
ﺑﺎﻟﺠﺪ ﺩﻩ ﻛﺎﻥ ﺇﺣﺴﺎﺱ ﻏﺮﻳﺐ
ﻟﺤﻈﺔ ﻗﺮﻳﺖ ﻟﺮﺳﺎﻟﺘﻬﺎ
ﻓﻲ ﺍﻟﻠﺤﻈﺔ ﺩﻳﻚ ﻗﻠﺒﻲ ﺇﺑﺘﻬﺞ
ﻭﻋﺮﻓﺖ ﺫﻭﻗﻬﺎ ﻭﻃﻴﺒﺘﻬﺎ
ﺩﻱ ﺍﻟﻠﻴﻬﺎ ﻳﺘﺸﺎﺑﻰ ﺍﻟﻘﻤﺮ
ﻋﺎﻳﺰ ﻳﻨﺎﻝ ﻣﻦ ﺿﻴﻬﺎ
ﻭﺍﺗﺤﺎﻳﻠﺖ ﻛﻞ ﻧﺠﻤﺔ ﻓﻮﻕ
ﺷﺎﻥ ﺗﺒﻘﻰ ﺷﺎﻣﺔ ﻓﻲ ﺧﺪﻫﺎ
ﺇﻳﺪﻳﻬﺎ ﺇﺣﺴﺎﺱ ﺑﺎﻷﻣﺎﻥ
ﻏﺎﺭ ﺍﻟﺤﺮﻳﺮ ﻣﻦ ﻣﻠﻤﺴﻬﺎ
ﺃﻧﻔﺎﺳﻬﺎ ﺃﻟﺤﺎﻥ ﺍﻟﺮﺑﻴﻊ
ﺷﺎﻝ ﺍﻟﻮﺭﺩ ﻟﻮﻥ ﻓﺮﺣﺘﻬﺎ
ﻟﻮ ﻋﻤﺮﻱ ﻛﻠﻮ ﺃﻗﻮﻝ ﻭﺃﻋﻴﺪ
ﺣﺮﻭﻓﻲ ﻳﻮﻡ ﻣﺎ ﺑﺘﻮﺻﻔﻬﺎ
ﻏﺎﻳﺘﻮ ﺍﻟﻤﻬﻢ ﺍﻟﺒﻴﻨﺎ ﺯﺍﺩ
ﻭﺗﺎﻧﻲ ﺗﻮﻭﻭﺑﺔ ﺃﺯﻋﻠﻬﺎ
ﻣﻦ ﺩﻳﻚ
ﻳﻮﻡ ﻣﻴﻼﺩﻫﺎ ﻋﻴﺪ
ﻧﺘﻼﻗﻰ ﻓﻴﻬﻮ ﻭﺃﺩﻟﻌﻬﺎ
ﺳﺖ ﺍﻹﺳﻢ ﻭﺃﺣﻠﻰ ﺍﻟﺨﺼﺎﻝ
ﺩﻱ ﺍﻟﺴﻤﺤﺔ ﺭﺑﻨﺎ ﻳﺤﻔﻈﻬﺎ

[معتبر]

روعة

مع التحية لريحة البن

[السنبلاية]

يا سلام على ناس ريحة البن ...

موبالغة ...

[الماسة الخماسية]

[ميرفابي]

[cranshy]

مجهودات تستحق الشكر