مجادعة مع الشاعر لبيب

[ninar tato]

طِروهو السفر ودآب الفــرح بالقومـــــــة
صباح الجمعة العظيم شالتني فيهو النومة
يا المقدرة شأن و فوق للخلايق كومـــــة
رأجيهو الميـعاد والبينا لســـه عزومــــــة

شالتني النومه يا اجمل الاحلام
القوم صعب غلب شوفك بالمنام
يا الجمالك آيه وعشقي ليك هيام
راجيهو اللقاء بسابق جري الايام

[ninar tato]

الدايــــــرنا , بنجبلو " لبـــن الطير "
والمابينا , في كراسو بنمنعو السطيّر
لو ما بنخـــاف الله , والنعمة والبطيّر
بنشوف العـــــــدو زي النعام والطير

الدايرنا بنفرشلو الارض ورود
والمابينا بنزكرو عاد وثمود
بنخاف من رب السما الودود
عدونا مننا بخاف راسملو حدود

[ninar tato]

الغالي ؤٌيّا

اشتقنا ليك يا قلب 2

وتقبل جدعاتي المتواضعة

فليست كروعة مجادعاتك
او لبيب



تحياتي 2

[ninar tato]

من أول صباح جيت في العطور أتنسم
ومن شوفه المريود صابح قليبي معسم
دي الشالت كل شئ يوم الجمال إتقسم
وما في زيها زول أحلف باليمين وأتخصم

ﻓﻲ ﺻﺒﺎﺡ ﺍﻟﺪﻧﻴﺎ ﺍﻟﻠﻴﻠﻪ ﺟﺎﺕ ﺗﺘﻘﺪﻝ
ﺍﻟﻔﻴﻬﺎ ﻛﻞ ﺻـﻮﺭ ﺍﻟـﺠـﻤﺎﻝ ﺗﺘــﻤﺜﻞ
ﻣﻤﺸـﻮﻗﺔ ﺍﻟﻘﻮﺍﻡ ﻟﻴﻬﺎ ﺍﻟﻔﻮﺍﺭﺱ ﺗﺘﺮﺟﻞ
ﺍﻝ ﺑﻴﻬﺎ ﻛﻞ ﺍﺷـﻜــﺎﻝ ﺍﻟﺠﻨﻮﻥ ﻳﺘﻌﻘﻞ

[mubark59]

طول من لقاكم وشغلتنى دنيا عجييبة
وجييت راجع لقييت اشعار حكاية رهييبة
معرووفين دوام طاعميين الكلام زى الحبيب لى حبيبة
يا ريت اقدر اجارى وفى الروعه القى نصييبه

[mubark59]

الطاعم كلامه وديمه ضاحكة وباسمه
نورت الفرييق وفى خطاها زى الراسمه
ولو بدت الكلام فى كلامه واعيه وحاسمه
وكان مشت العصيير زى النسيمة الناسمه

[ninar tato]

طول من لقاكم وشغلتنى دنيا عجييبة
وجييت راجع لقييت اشعار حكاية رهييبة
معرووفين دوام طاعميين الكلام زى الحبيب لى حبيبة
يا ريت اقدر اجارى وفى الروعه القى نصييبه

حبابو . الليله جانا مبارك
سمح العشرة للوصال ما تارك
رزين الكلام وقتين ما يشارك
سمح الخلق بيهو ايامنا تتبارك

[ninar tato]

المريودة الفيها بنتهي الـكــلام
المالياني عشق ريـدة وحــنـان
جسمي بنشل وقتين تقول سلام
الغيري بتمناها لحــظة زمــان

[mubark59]

الاخوات الاخوان قد يكون هذا المسدار غير مناسب هنا ولكن نجرتو اليوم للزملاء ضباط الشرطة من دفعتى وهم فى رتبة اللواء شرطة وقد جمعهم ابن الدفعة الشريف عطا المنان ( الملقب بالشريف عشا الفنان ) وكان اللقاء اليوم فى حوش السمك امدرمان وكانت لمه ما منظور مثيله فقلت فيها :


يوم سمك الشريف والله ما أحلاهو
ندمان الماحضر والحضووور جلاهو
يا خالق الوجود ورازق البطير فى سماهو
اشفى لكل مريض شوف ليهو جرعة دواهو

[waya]

ننار.. استاذنا مبارك

شرفتم صفحتي بأقلامكم الرائعة

تشكراتي ,,

[waya]

أبوي الكلس بي ضهر الغلابه أتسما
وفي حق الضعيف يوم لا ركن لا أنجما
يوم الناس تجوط في حوبو يوت نتلما
وإن عاداك " أبوي " والله أجلك تما

[waya]

أبوي الكلس بي ضهر الغلابه أتسما
وفي حق الضعيف يوم لا ركن لا أنجما
يوم الناس تجوط في حوبو يوت نتلما
وإن عاداك " أبوي " والله أجلك تما

أبوي وصفوه بي بدر البدور التمّه
وياهو ضكري الحرابه البي الفخر يتنمّه
يوم الناس تفر من هو المصائب جمّه
لبس الصبر وجاب الثبات وإتعمّه

[waya]

وأنا ما بقول في نفسي حاجةً شينه
من قومة الجهل فاهم وماني إضينه
الناس يوم دواس بنرصها الكشتينه
نقتل الجوكر عديل والدامه نقلع عينه

[waya]

قول للزول المغطي حواسو..
عينك في المهم صقر البخافو دواسو ..
ترسل في الكلام من شينه ماك داسو ..
هناك في الخواص كيف الخطوط يتماسو ..!؟؟

[waya]

إشتقنا للكلام البيجينا منك طاير
والشوق للعيون كيفن يكون متغاير
السبب الخلاني أمشي وأساير
قلبتي الليل كعب النهار الداير