الولــــــــــد المـــن الحـــــــــــــــــــــلــــه

[العمرابى]

لك التحية
دائما الدرر تاتى من الاعماق
طششت عويناتنا بالقراية تقول انا ممتحن مع بانقا
خلنا فى المهم بانقا وين؟؟؟؟

[السودانى الاصيل]

لك التحية
دائما الدرر تاتى من الاعماق
طششت عويناتنا بالقراية تقول انا ممتحن مع بانقا
خلنا فى المهم بانقا وين؟؟؟؟

يا سلاااااااام ياخ والله سعادتى لا توصف بمرورك ومتابعتك الرائع العمرابى
وشكرا جزيلا ليك على الكلمات الرائعه من شخصك الغالى

الخط 6 ياخ لكن اقول ليك سر الكبر شكلو دخل يا زول دبل مافى ليك بعد دا
امكن فى حلقه ما قريتا ارجع اخر الصفحه الاولى

تابع يا استاذ

[السودانى الاصيل]

بانقا رجع الحله وسلامات وحمد لله على السلامه واشتغلت كيف وكل الشباب والبنات واى زول الاقيهو بسالو
اشتغلت كيف فتره كم اسبوع كدا وبدا المعسكر والتحضير للمعسكرات واتحدد معسكر بانقا وطبعا بانقا عسكرى
مشا للمنسقيه ووراهم انو شرطى فى الشرطه الشعبيه المهم طلعوا ليهو امر تحرك مساعد تعلمجى من ضمن فرقة
التدريب وفعلا بلغ المعسكر
هال هج والجكه والادارات الداخليه كانوا طالب بتدرب من جديد بس كان فى حساسيات بين الشرطه والجيش
كل التعلمجيه كانوا من الجيش وكان التعامل معاهو كانوا عدو وما معترفين بيهو وصبر بانقا وواصل وكلها فتره
وبتعدى
فتره صعبه جددا على بانقا وهو بتفرج على الاهانه فى التدريب البتلقاها طلاب بعد كم شهر مفروض هم اساس
البلاد فيهم المهندسين وفيهم الاطباء وفيهم الاساتذه لكن مردغه بالارض ورش بالمويه البارده فى عز البرد
وكل تعلمجى امى معاه سوط او خرطوش دا اساسى فى التدريب بى هناك مجموعه ممردغين فى ترعه
والراحه اناشيد دينيه ومحاضرات عن الجهاد وفضل الجهاد فى الجنوب والدبابين اسود الغابه والبطلع ابقا دباب
ما بشوف الشمس واكلو خاص
وجى واحد جاكى وبلف بين المستجدين (انا الطيره الجيت الليله)
مستجد قال ليهم عندى وفاة اتصلوا باهلو ولقو اختو قالت ليهم ما عندنا وفاه لكن عرس ليلى اختى الليله خلوهو اجى احضر قالوا ليهو لف المعسكر عشرين مره وردد(انا اخو ليلى العرسا الليله)
وضرب النار والشاحنات الشالوهم فيها كما الاغنام
لكن دا كلو تدريب عسكرى وانا عارفو وسمعت بيهو ما مشكله المهم ننتصر فى الجنوب ونكون رجال جاهزين
ونمشى لو دعا الداعى وندافع عن البلد ضد الجنوبيين القتلوا اخوانا ودنسوا المساجد وافسدوا فى الارض
لو دا بخلينا جاهزين ما مشكله نتحمل
دى عزة السودان الاولى حتى الاسم قوى وبشجع الشباب (عزة السودان)

[السودانى الاصيل]

شوف زى دا اسمو ما بعرف اكتبو هههههه
عاجبنى انت يا بورفيسر انت ياكا البتعرف تكتبو حرم امتحنوك مع الكراسى ما تجيب شئ
ههههه اسما بورفيسر يا جاهل
حوار ومناكفات دكان الحله العفوى مع خير السيد ابو بانقا وشلة الدكان
اها وانت كان امتحنوك مع الكراسى بتجى الاول ههههه
الزول دا خلك منو ولدو البقولو ليهو بانقا قالوا طالع حكيم ما شاء الله
والله الوليدات ديل تعبوهم تعب شديد الطريفى ولدى مما جاء من التدريب محموم ولونو قالب

هوووى باقى ليك كان ما سوينا كدى حرم الجنوبيين ديل اجوك فى دكانك دا
بعدين الجنوب دا مهم يا جماعه فيهو خيرات البلد كلها
شن فوقو ياخوى علا المشاكل اريت اكان ختونا كدى وارتحنا منهم
اخلوا ليهم كيفن يا شيخ الدين ؟؟؟ واولادنا الماتو ديل وكت اموتلنا واحد حرم بنقج صيوان العرس وماتو
بزغردن ليهو هع ما بنخليهو ليهم ونحن الجعنا عشان نوفر حق الطلقه وات ناسى البترول الفى الجنوب
والحيوانات والغابات والجنوب دا ان ما فوقو شئ ما بنخليهو الا كان نموت جت علينا
ات ما شفت الاسد النتر عمر البشير امس فوق التلفزيون قال حرم ما بنفرط فى شبر
وان بقينا بندور نديهم الجنوب من 56 ما كان مات زول عشان هم طلبم بس الانفصال

[السودانى الاصيل]

يا بانقا يا بانقا
يا بت مالك بتكوركى كدى انا فى غابه اها فى شنو وكمان جايه بالشباك خلعتينى قولى سريع
قالوا ليك المؤتمر حق النتائج جاء فى التلفزيون تعال احضروا عن ناس ابراهيم ود مهدى بسرااااع
كلفتك كلفتك جرى ولقا الناس متلمين فى التلفزيون اذاعوا النتيجه والاوائل وبعد بكره بتجى فى المراكز
ياااااااااا رب تجيب بعد بكره لا لا ياااااا رب ما اجى
ال الله بجيبو انا راضى بيهو انا مالى خايف كل شئ بارادة الله وفعلا مشا قدام الاستاذ البوزع النسب

[بانه]

يااااااااااااا هلااااااااا وغلااااااا بالروعه بانه
منوره شدييد والله
وشكرا جميلا وجزيلا لرفع الروح المعنويه
يا ريت تتابعى عشان نعرف اننا فى ناس ظريفين متابعين

ان شاء الله انجح وزول مجتهد زى دا مش الجمال الحقيقى بمعناه انو انجح واتفوق ؟؟

تااابعى يا غاليه2

تسلم دا من ذوقك 2

ما حكيت لينا الورقه الا في كتاب الكيمياء مكتوب فيها ايه ؟

[جعفر الصادق]

قصة جميله جدآ ومتابع بي صمت بس نفسي اعرف ايه الفي ورقة كتاب الكيمياء
واصل ابداعك

[السودانى الاصيل]

هلااااا وغلااا الاخ الاستاذ جعفر الصادق يا راائع منوور واتشرف بمتابعتك والاطراء الرائع من شخصكم الغالى

[السودانى الاصيل]

اسمك منو ؟؟ بانقا خير السيد الرضى
بانقااااااا بانقاااااا بانقااااااا
والله اسمك ما طلع عندى !!!
كيف ما طلع عندك ؟؟ بطلع وين يا استاذ
انت بتكون منسقيه خشيت معسكر
اى بس كنت تعلمجى
والله يا بانقا يا ابنى فى ملاحظه بانك ما دخلت معسكر بالتالى نسبتك دى تراجع المنسقيه حقت الخدمه الوطنيه

لا حول ولا قوه منسقية شنو ؟ بانقا منصدم والحله جت راجياهو للنسبه وعتود الكرامه جاااهز
جسمو ارجف من الخوف واعصابو بايظه وشال هم الدنيا
يا ابو الشباب بالله المنسقيه حقت الخدمه الوطنيه بى وين
ياتا فيهن ؟؟
انا ما عارف بس قالوا لى المنسقيه
والله ما عارف كدى امشى الخيمه ديييك بكوموا عارفين
السلام عليكم يا سعادتك بالله انا طالب وداير امش المنسقيه ممكن توصفا لى
تركب الحافله دى وتقول للكمسارى المنسقيه ولا هو زاتو بكورك لمن تجى المحطه بس انزل
مشكورين
مشا على الحافله والكمسارى نزلو فى المحطه ووصف ليهو شايف الشجر الكتير داااااك محل الناس
متلمه داااك دى المنسقيه وسكسك للسواق طلع
مشا بانقا لقا طلبه وجيش كمييييه قدام الحوش اتلفت
لقا اتنين زعلانين وشايلين ورق وقف اسالم
يا شباب لو سمحتو انا نسبتى ما ظهرت المشكله دى حلها وين
انت ما دخلت معسكر؟؟؟
والله كنت عسكرى واشتغلت تعلمجى هم قالوا لى كدا
احسن انت انا والزول دا امتحنا علميين ونتيجتى جاتنى ادبى !!!!
كيف والله ما مصدق
هندى شوفا انا علمى جايانى تاريخ وجغرافيا وبيئيه انا عمرى ما عارف عنهن شئ
والله شئ غريب
اى والله قالوا فى لخبطه فى الكمبيوتر !!
القائد جاء المقدم عمر
بانقا بعد انتظار شدييد دخل على القائد المقدم وخايف خوف مزدوج من المصير
بى نهره قويه
انت شنو يا زول؟؟ ما انت منو
انا بانقا نسبتى ما طلعت وانا اصلا شرطه شعبيه ودخلت تعلمجى
طيب دى هنا الشرطه الشعبيه؟؟ انت يا زول راسك لاف؟؟ خلف دور سريعا مارش على الشرطه الشعبيه
هنا ما عندنا ليك شئ واصلا تدريبكم البالعصر دا ما لازمنا
لكن يا سس
يا مرابط انصراف

طلع بانقا مقهور على الشرطه الشعبيه

[ميرفابي]

ما شاء الله تبارك الرحمن

بداية موفقه أخي الحبيب (السودانى الاصيل ) وبوادر تقرير سيكون من العيار الثقيل

واضح ذلك من الترتيب والتنسيق الجميل والتصوير الأكثر من رائع

سنكون معك عن قرب متشوقين لما لديك من أبداعات

فواصل يالحبيب ونحن في الإنتظار بكل شوق ولهفة

تحياتي لك

[السودانى الاصيل]

ما شاء الله تبارك الرحمن

بداية موفقه أخي الحبيب (السودانى الاصيل ) وبوادر تقرير سيكون من العيار الثقيل

واضح ذلك من الترتيب والتنسيق الجميل والتصوير الأكثر من رائع

سنكون معك عن قرب متشوقين لما لديك من أبداعات

فواصل يالحبيب ونحن في الإنتظار بكل شوق ولهفة

تحياتي لك

الاستاذ الرائع ميرفابى اهلا ومليون سهلا بطلتك الجميله وكلامك الرائع والمحفز لمزيد من الابداع
وقرب اشخاص مثلكم دافع كافى لبذل كل ما هو رائع وجميل

تسسسلم واديك العافيه 2

[السودانى الاصيل]

تتواصل الاحداث والهموم الثقال على الابن بانقا الشاب المتطلع للعلم والتعليم والمستقبل الذى اصبح مظلم
مع بارقة امل ضعيفه وشبه معدومه

دخل بانقا المنسقيه ولابس الكاكى المحتوى على خريطة السودان فى الكتف الايمن مليييون ميل مربع
العقيد مدير عام الشرطه الشعبيه فى اجتماع معاهو كمية ضباط
اصبر لحدى ما اكلمو واقول لى دخلوا
جلس بانقا حوالى 4 ساعات
وطلع العقيد مع مقدم ونقيب وهم بتكلموا فى باقى الاجتماع
وركب سيارتو البرادو ومشا
طيب يا جنابو (السكرتير) الزول دا طلع
طيب انا اعمل ليو شنو اقول ليو ما تطلع عشان فى مرابط عايز سعادتك
استناهو لمن ارجع
طيب برجع متين انا مساهر فى النبطشيه لحدى الصباح طبعا بانقا بعد الامتحانات نزل الشغل فى الشرطه
دوام كامل وعادى
انت راسك كبير ولا شنو يا مرابط انتباه ضم ضلافينك ديل
وقف بانقا انتباه
خلف دور معتدل مارش
دورو برا وقال ليهو امشى عشان انا ما فاضى ليك لمن تشوفو جاء انا بكلمو وادخلك مفهوم الكلام دا يا مرابط
حاضر
انصراف
مشا بانقا مواصلات الحله ولقا البوكسى من قدام فيهو مرتين ومن ورا مليااان
الشايل دقيق والشايل عيش (رغيف) وكيس بى هنا وشئ طبيعى زحو ليهو ياااا الله حشر كرعيهو ركب
اها يا بانقا نقول مبروك جبت كم ؟؟
والله نسبتى لسه ما جبتها
واحد بى هناك يا زول خايف نسحرك ياخ نحن ولدنا وربينا
ااااخوانا الزول دا ما داير اوريكم خلوهو على كيفو
ياخ نحن حرم مانا حاسدنو عندنا الدكتور وعندنا المهندس نحسدو فى شنو
واحد بى هناك غايتو انا بخت ليهو 86 مو صح يا بانقا

يا جماعه والله العظيم هدا حلفت ما عارف نسبتى
عاد كيفن ما عارفا هسى دا كلام بخش الراس
اى فى موضوع كدا بعد انتهى بطلعوا لى النسبه حقتى
موضوع شنو كدى ورينا
اتضايق بانقا ضيق شديد وحالتو دى ما وصل الحله ديل حبه
لمن وصل البوكسى شفخانة الحله البنزلوا الناس كلللهم جنبها الموضوع نسبة بانقا وجاب كم وداسها ليه

[السودانى الاصيل]

بانقا نزل وبسرررعه داير اتخارج بس اندس فى البيت من الاسئله الهو نفسو محتاج اسالا واسالا لمنو دا السؤال
المحير ومافى زول داير اصدق
جاء فى طريقو على البيت لاقا الشباب فى لستك قاعدين جنب الحوش
السلام عليكم يا شباب وعامل مستعجل ومشغول
عليك الله عاين ناس السلام عليكم ديل هو شنو السلام عليكم فى صلاه انت تعال هنا
والله يا شباب تعبان وامس نبطشى وماشى انوم ما نمت من امس
لا والله دى ما مشكلتنا البجى بى جاى ما بمش بسهوله كدا
جاء بانقا سلامات سلامات
والله حنينا عليك بس ورينا جبت كم ؟؟؟
والله ما عارف
ضحكه جماعيه ما عارف دى لذيذه
يا اخوانا بالجد والله لسه ما مشيت كنت مشغول
اتفكفك بعد تصحى لينا بالليل تعال بى جاى عشان زى ما قلت فايته عليك نومه وما عارف بتقول فى شنو

بالطريقه دى الحله كوووولها ما عندهم سيره غير بانقا كرهوهو كره مرات احكى القصه بالتفصيل
ومرات اخترع نسبه من راسو ومرات ما ارد وغالبو البسويهو
واقعد مع نفسو افكر

تانى يوم الدوام فى القسم لحدى الساعه 4 مساء وتالت يوم بايت نبطشى ورابع يوم راحه
يوم الراحه جاء بدرى الرئاسه حقت الشرطه الشعبيه وافكر واحلل واودى واجيب

اخيرا دخل على العقيد
دقا كراعو يعنى وقف انتباه وحيا العقيد بى رهبه ولعثمه طبيعيه مرابط (جندى) قدام عقيد مدير عام
نعم
اااانا امتحنت وانا شرطى تبعكم و
جاهو تلفون الووو نق نق نق نق نق
نعم
نسبتى ما طلعت ومشيت المنسقيه حقت الخدمه
جاهو صول عندو اوراق داير اوقعا بانقا سكت راجيهو
نعم يا ابنى مالك انت؟؟؟
مشيت المنسقيه حقت الخدمه الوطنيه قالوا لى الموضوع
فى الشرطه الشعبيه وجيتكم يا سعادتك

النسب والخدمه الوطنيه يا مرابط دى نحن ما لينا بيها اى علاقه دى حاجات بتخص المنسقيه
طيب انا امش هناك اقولوا لى اجيكم وجيتكم قولتو لى ارجع هناك انا يا سعادتك اعمل شنو؟؟
ياا ابنى نحن ما عندنا اى علاقه بالمدارس او الشهاده السودانيه او عزة السودان دا كلو تبع المنسقيه حقت الخدمه الوطنيه ارجع ليهم تانى وشوف حل لمشكلتك

[السودانى الاصيل]

ارجع تاااانى للمقدم الوسخ دا ؟؟ والله دى مشكله
اتردد ورجع واتقدم ومشا ووقف فى الباب وتااانى غير رايو
انمش البيت هسى وبجيهو مره تانيه
بانقا خايف ومافى ذرة تفاؤل من المقدم اللئيم القابلوا اول مره

جاء البيت جاتو الوالده جابت ليهو صحن كسره وملاح ويكه يا ولد اكل والله بحلها
انمش ليك لى شيخ محمد راجل اللعوته الحقنى وانجدنى بحلها ليك تب وهدا بياضو فى طرف توبى صاراهو
من الصباح بمش ليهو
بانقا اكل وهو متحسر على نفسو والهموم غيرت شكلو
واقلب فى مزكراتو وابتسم مره وازيد الابتسامه اقرب اضحك وهو اراجع فى شريط الذكريات
وفجاه اتذكر مذكرة الكيمياء
وجرى فتش فتش وقلب لقا الصفحه فيها ورقه رائحتها ذكيه من اثار اليد الكانت ماسكاها
وفتح الورقه وقعت منها مية جنيه
شال الميه وعاين ليها بحب وعطف وحنان وحنين لايام مرت
وفتح الورقه
بانقا والله انت اول شخص احبك فى حياتى وحبيتك من كل قلبى
وانت شخص تستاهل كل خير لانك نادر زيك
حبيبى بانقا اعلم انك حبيتنى وقريت مشاعرك بدون تحكى
اوعدك اكون منتظراك على امل انك ما تنسانى
بحبك سلمى ( وقلب فى وسطه سهم)

[السودانى الاصيل]

بعد رحلة الذكريات والشوق للنسمه الرقيقه مطر الحزن عاود هطل وقرر استجمع شجاعته وواصل رحلة الكفاح
واطرق الابواب حتى يمنع من الدخول كما هو متوقع اعمل العلى ونشوف البحصل شنو

مشا بانقا اقابل المقدم والحاجه جابت ليهو من الشيخ الفى الحله التانيه اربعه حصحاصات شفت يا بانقا مما الرئيس
حقكم اجى قبال تخش ليهو اجدع اى حصحاصه فى جهه من القبل الاربعه وادخل عليهو
يا حاجه شيخ شنو عليك الله الكلام دا حرام والزول دا لا بضر لا بنفع
يا ولد عندك كلام كمان فى اوليا الله دا ولى والناس كلهم بمشو ليهو وايدو لاحقه
بانقا زى الغرقان البمسك فى القشه كدى انرضى امى دى
شاال الحصحاصات ومشا على المقدم
ومنتظر مع الناس القائد اجى
وجات عربيتو وقالوا ليهو دا القائد جاء
بانقا لما فى الحصحاصات جدعن زى ما قالت ليهو الحاجه امو كل واحده فى قبله بس لمن وصلت السياره
طلع دا السواق حقو وهو ما فيها رجع افتش فى الحصحاصات ما لقاهن
اخيرا جاء المقدم
دخل السلام عليكم يا سعادتك
انا مشيت لى ناس الشرطه الشعبيه
انت المرابط المتخلف عن المعسكر؟؟
انا يا سعادتك كنت تعلمجى ما متخلف
اسمع يا مرابط اقول بسم الله القاك اختفيت من قدامى واضح يا مرابط الكلام دا
انت اصلا ما ادربت ولو تانى شفتك هنا بربطك واوديك معسكر الخوالف تتدرب من جديد
ولو عملت ليك انتباه تانى بتعمل صفا فى جوبا
طلع بانقا وخلاص تاكد انو مستقبلو ضاع واستاء من حاجه اسما جامعه وقرايه
ورجع البيت

[السودانى الاصيل]

رجع البيت وخلاص قفل صفحة القرايه وبقا فى الحلول التانيه خلاص قرر اواصل فى الشرطه الشعبيه
فى البلاغات يوم استعداد ويوم نبطشى ويوم راحه خلاص ناس الحله زااتم قفلوا على الموضوع واصبح بانقا
جاى بسلاحو وماش بسلاحو واشتغل عسكرى رسمى وكانت ليهو سنه فى الشرطه
اها اتصل على صاحبو شدييد فى السعوديه يا محى الدين انا عايز اجى السعوديه شوف لى اى اقامه وبشتغل اى شغل
لكن يا بانقا اخوى الشغل من غير شهاده صعب شديد وما بتلقى
انا بشتغل صعب صعب
طيب موضوع الخدمه الوطنيه كمل الخدمه الوطنيه مافى سفر الا تنهى الخدمه الوطنيه وانا بسعى ليك علبال ما تكملا
اتفقو انو اكمل الخدمه الوطنيه
الشرطه الشعبيه طلعوا قرار رسمى (يمنح المرابط اعفاء من الخدمه الوطنيه اذا كمل ثلاثين شهرا) يعنى
سنتين ونص
بسس بانقا قال اكمل سنتين ونص واخد اعفاء واسافر اشتغل
بانقا فى الشرطه والقسم وهو زول نضيف من جوه وزول ودناس ومحترم وشغال وبتفرج على البحصل قدامو
من ممارسات الشرطه الاميين الاشكالم بس تقفل النفس افراد الشرطه هم القضاه وبعملوا العايزنو فى البشر
بحكى ليكم حاجات بسيطه كامثله للحاجات الشفتها بى عيونى لمن فى فترة شغلى احتمال كتير من الناس سمعوا ساى لكن دا انا حصل قدامى

[الماسة الخماسية]

قصة مشوقة بسيطة وواقعية


أكتر شىء عجبنى أن بانقا قرر يرضى أمو

انه رغم قناعاته بأن الشيخ لابضر لا بنفع

وعجبتنى الرومانسية العفيفة الظاهرة فى بدايات القصة بينه وبين سلمى


وعجبنى ترتيب السودانى الاصيل للأحداث

يعنى موضوع الورقة فى وقته

بس ليه حاسة بانقا رغم أخلاقو الحميدة وذكاؤه متخاذل حبة

المفروض كان يجتهد فى البحث عن النتيجة بتوقع نسبته كبيرة

ما ح أستعجل برضو يمكن تسلسل الاحداث يظهر السر فى الوقت المناسب

فى إنتظار البقية بلهفة

أصيلو _ أبدعت عديييل .

[السودانى الاصيل]

قصة مشوقة بسيطة وواقعية


أكتر شىء عجبنى أن بانقا قرر يرضى أمو

انه رغم قناعاته بأن الشيخ لابضر لا بنفع

وعجبتنى الرومانسية العفيفة الظاهرة فى بدايات القصة بينه وبين سلمى


وعجبنى ترتيب السودانى الاصيل للأحداث

يعنى موضوع الورقة فى وقته

بس ليه حاسة بانقا رغم أخلاقو الحميدة وذكاؤه متخاذل حبة

المفروض كان يجتهد فى البحث عن النتيجة بتوقع نسبته كبيرة

ما ح أستعجل برضو يمكن تسلسل الاحداث يظهر السر فى الوقت المناسب

فى إنتظار البقية بلهفة

أصيلو _ أبدعت عديييل .

الراقيه الانيقه الماسه الخماسيه صاحبة الطله البهيه
اشكرك جزيل الشكر لقبولك الدعوه وتشريفى فى هذه الصفحه المتواضعه
واشكر تحليلك الجميل للقصه
لعل بانقا فى وقته كانت الهيمنه والسيطره للجيش والشرطه وما عندهما ميؤوس منه

تسلمى على المرور يا غاليه

[بعد الزمن]

ا
احسن انت انا والزول دا امتحنا علميين ونتيجتى جاتنى ادبى !!!!

بالجد تكشف الماسا ة و ا لتسرع والتخبط والعشوائية
برمه :
قصة رائعة
متابع

[يقين]

السوداني الأصيل
بيقولوا "أن تأتي مُتأخراً خير من ألا تأتي أبداً"
وأنا بقرأ .. لقيت بانقا في وشوش كتيرة جات قدامي .. سمعت عنهم ..وسمعت منهم ..ولسة بسمع
يختلف الزمن ..المسميات .. والأسس واحده .. والحظوظ لما ما يكون عندك ضهر نحسها بيزيد!
نص واقعي .. مافيهو خروج عن وحدة الموضوع والتسلسل
متابعة ..وبتمنى إنو ما يطول بيك الغياب عشان تواصل بقية القصة ،