ليه وعشان شنو؟؟؟؟؟؟

[سودانية نار]

[[بموت من الغيظ لمن اكون سايقة في الشارع ويكون حقي ويجي بتاع شرطة او جيش او مرور ويتعدي علي حقي بكل بساطة ليه وعشان شنو

بموت من الغيظ لمن امشي مؤسسة حكومية ومالقي اي زول في مكتبه الساعة 8 عشان الترحيل ما وصل الساعة 9 عشان الموظفين في الفطور الساعة 12 لسه الموظفين في
ي الفطور الساعة عشان الترحيل طالع ليه وعشان شنو

بموت من الغيظ لمن ادوي ملف او اي ورق لشغل مهم لمؤسسة او وزراة حكومية ويروح كدة بكل بساطة ليه وعشان شنو

بموت من الغيظ لمن اتفق مع زول علي مواعييد معينة وما يلتزم بمواعيده او ما يتصل عشان يلغي المواعييييد ليه وعشان شنو

بموت من الغيظ لمن زول يقول لي المرأة اكان فاس ما بتقطع الراس ليه وعشان شنو

بموت من الغيظ لمن الوحدة تكون ظريفة وراقية التعامل مع راجل ويقوم يفهمها غلط ويقول البت مكسرة لا ياخ ارحم نفسك ليه وعشان شنو

ولسه في حاجات كتيرة بتموتني من الغيظ شكلي كدة ها اخليها سلسلة مواضيع بعنوان ليه وعشان شنو واي زول عندو حاجة بتموتو من الغيظ يكتبها عسي ولعل نتفشي شوية [/font[/B]][/size][/align

]

[احمد يس]

ليه وعشان شنو ...................كتيرة جدا يا سودانية نار
* مره مشيت جمرك مطار الخرطوم اخلص اشياء خاصة وقفلوا المكاتب عشان فى سماية......!!!!!
* ليه الجار اللى فى اول الشارع يركن سيارته تحت الشجرة الموجودة امام بيتك.............!!!!
* ليه كل سيدة فى الشارع تحدر للرجل اذا نظر اليها حتى ولو كان سرحان.........!!!!!!
* اتغاظ بجد لمن الناس تظهر لكى عكس حقيقتها تماما ......!!!!!
* اتغاظ من معازيم العرس لمن يكونوا كاضمين .......!!!!!!

ولنا عودة

[ودالدرديري]

آآآخ يانار
بمووووووت من الغيظ لما اسمع واحد يغني ويقلب القاف غين
زي فرفور لما يقول:-
اسأل نور عيونك عن معنى احترااااااغي
واسأل طيف خيالك عن فرط اشتياااااغي
وخصوصا لما اسمعا في شريط ماستر
ليييييييييه وعشان شنووووووو؟؟؟؟؟

[Still I Need U]

[align=center]يا هوده السودان
يا هوده السودان[/align]

[الدكتوره]

بموت من الغيظ لما اتخرج من الجامعه ويقولو مافى شهاده الا بعد الخدمه الالزاميه
بموت من الغيظ لما اقدم للخدمه الالزاميه ويقولو لى مافى شاغر امشى فتشى المستشفيات
طيب لى من الاول عاملنها

[حافظ0022]

(دون دول العالم كلهم يتجدد الجواز السوداني كل سنتين عشان شنو)

[ود شحات]

الله يكون في العون

[بت أبوظبي]

شكرا يا سودانيه نار على البوست ..

بموت من الغيظ لما يكون في عزاء
والواحده تمشي محننه ..!
مدخّنه ..!
ممكيجة !

والتنافس بعرض
الأزياء !
والتياب !
والذهب !

غايتو ..
عجيبه يا دنيا ..!!
على شنو !!

[حزن السنين]

يا جماعة طولوا بالكم و دا السودان كدة و لا شنو يا استيل

[شـهد الكلامـ]

اكــــــــــــــــيد كنتا حاموت من الغيظ لوما كنت سودانى واهل الحاره ما اهلى

اكيد كنتا حاموت قهر وغيظ لو ما كنت سجلتا مع ناس حلوه زيكم كدا فى منتداكم

يختى لو بارينا الغيظات دى بنموت ناقصييين عمر وامكن بسكته قلبيه قبل نتغاظ حتى

السلبيات ماليه الشوارع بس اكيد الخير فى

والممكن يغيظ بالجد انك تشوف البنات فى الشوارع عاملييين فيها استايل والطرحه بعد كانت متريين بقت ربع ربع المتر وخيوط خيوط ؟؟؟؟ ياربى دى السماحه ولا شنو بالضبط


بس خلينا نغير احوالنا كما وصانا الرسول الكريم عليه الصلاة واتم التسليم فى حالة الغضب والغيط

وربكم يسهل

[ودالدرديري]

بموت كمد واموت في الركن البعيد دااااااك لوماكنت سوداني
وبموت غيظ لوماكنت مواليد امدرمان
وبمووت لحد بي هنااااك لوماكنت من الثورات
دي سيرة ذاتية مصغرة

[سودانية نار]

بموت من الغيظ لمن البت السودانية تلبس بنطلون لو وست low waist,وبلوزة مشحطة وطرحة مافي وتشكي من مشغالات الراجل وعيونهم الظايغة يااخي طيب دايراهم يعملوا شنو ليه وعشان شنو

بموت من الغيظ لمن الشاب يكون سوداني ولد سوداني ويربي شعرو ويفللفلو ويلبس ختم وسلاسيل ليه وعشان شنو

بموت من الغيظ مع بت ابوظبي من النسوان في البكاء وياحلات الونسة والضحك والقشرة ولااجدع بيت عرس حليل الميت واهلوا ليه وعشان شنو

بموت من الغيظ لمن واحد عربي يقول لي هو دا عندكم في السودان انتو بتعلرفوا الحاجة الفلانية والله ما كنت قايل السودانيين بيعرفوا الحاجات دي ليه يااخوي نحنا عايشين في العصر الحجري وقف بينا الزمان في تلك الحقبة

واكييييد اكيييد بموت من الغيظ لو ما كنت سودانية واهل الحارة ديل ما اهلي
ودمتم

[ابراهيم الجيو]

لا حول ولا قوة إلا بالله
جنس
موووووووووووووت من الغيييييظ

الله يموتك يا غيظ قول آمين,,,,

بموووووووت من الغيظ لما جيرانها يفتحوا الباب ويخشوا طوالي,, لي وعشان شنو.
بموووووت من الغيظ لما فرقنا السودانية تلعب مع فرق خارجية وننهزم,, لي وعشان شنو.

بمووووووووت من الغيظ لما أشوف ولد بيأكل لبان,,,, ليه وعشان شنو
بمووووووووت من الغيظ لما واحد يقول لي هييييييييي, لي وعشان شنو
بمووووووووت من الغيظ لما أي بنت تقول لي(يا إنت), لي وعشان شنو.




بموووووووووووووووووت من الغيظ لما أشوف ناس كتار كده مغيوظة,,,,


ليه وعشان شنو,,,,

[sarona]

وبموت من الغيظ....... لما اشوف تاس بتنتقد سلوك هي بتنتهجه....

وما عارفين ده كلو ليه وعشااان شنو ....

.
.

[العسوله]

بتغاظ من الاولاد لما تعاملهم البت معاملة كويسة>>>>> معناها خلااااااااااااااااص مكسرة (مشكلة بلقاها كتيييييييييييييييير في الجامعة)
بتغاظ من الجهل
بتغاظ من النسوان السودانيات لما يمشوا بيت مناسبة ودي تعرض دهبها ودي تعرض توبها ودي تحدر للتانية >>> شغل غيييييييييييييظ الف
بتغاظ لما امشي الصباح الجامعة والدنيا سخااااااااااااااااااانة شديدة واشوف واحدة ماتعرف ملامحها الحقيقية من الميك اب الخاتاهو
بتغاظ من الشماسة
بتغاظ من لمن اطلع من المحاضرة مافاهمة حاجة>>> شعور كأني اغبى واحدة في العالم
وووووووووووو بتغاظ من حاجااااااااااااااااات كتييييييييييييييرة
بس ربنا يسهل ويلطف علينا ماتقوم تجينا جلطة من الغيظ دا
وبالمناسبة نسيت حاجة
بتغاظ لما زول يغلط في حقي وبرضو بعد داك ((( بسامحوا)))
ودمتم لي اخوة
تحيااااااااااااااااااتي

[بنت دار النيل]

والله بيخليك تموت من الغيظ بعض المغتربين السودانين الما عايشين الواقع اذا فى بلد الغربة او لما يجو السودان اذا سلمت على الواحد فى بلد الغربة كانو ما سودانى وما بيعرف الجلابية والتوب ولا الملامحالسودانية واذا جاء السودان زيارة كانو ما عاش ولا اتولد فى السودان اول حاجة يقولوها ليك مويتكم كعبة وسخنة والحر والكهربة قاطعة وستين حاجة وحاجة كانو طول عمرهم حا يقعدوا بره بلدومما حا يرجعو يوم بس نقول الله يستر علينا وعليهم

[سالى]

اما بى النسبه لى د


بموت وبتهرى وبتمغص ووووو لمن اشوف ابله العلوم بتحشر منخيرا فى اى حا جه اى حاجه :mad:

بموت من الغيض لمن زول يتكلم معاى بطريقه غير مبا شره دى بتكلتنى

بموت من الغيض لمن زول يحقر بى او بى زول من النا س البحبهم ......لى وعشان شنو ؟

بموت من الغيض لمن زول يدى النا س وش وينتهزو الفرصه ........ لا حوله جنس غيض

يتبع;)

[اصيله]

اموووووووت من الغيظ من الشفع الحايمن تحت الرجلين
محل ماتمشى يعترو ليك

[batota]

بموت من الغيظ لمن زول يكذب و يكون عارف انك عارفه انه هو قاعد يكذب عليك....
بموت من الغيظ لمن تعاملي راجل بطريقه حلوه ويفهمك غلط و يفكرك واقعه في دباديبه .....
بموت من الغيظ لمن زول يعمل روحوعارف اي حاجه وتلقيه ماعارف اي شي ....
بموت من الغيظ لمن زول يسألني و يقول والله اول مره اعرف ان السودانين بيتكلمو عربي ...
بموت من الغيظ لمن زول ما سوداني يشوف ليه سوداني وجيه او سودانيه حلوه ويقول ديل استحاله يكونوا سودانين ليه علشان لونهم فاتح و وجيهين ....
بموت من الغيظ لمن الزول يلح في حاجه انت رافضاها ....
بموت من الغيظ لمن الزول يكون شايف روحه على ولا شي ....
بموت من الغيظ لمن زول من طرفي يحرجني ....
بموت من الغيظ لمن زول يحرجك و انت ما تقدري تردي عليه ....
بموت من الغيظ لمن زول يدخل عصه في شي ما يخصه ....


ليـــــــــــــــــه وعشــــــــــــــان شنــــــــــــــــو

[mr.zoool]

هي يا جماعة مالكم نحنا فاتحين مقابر جماعية هنا ولا شنو الحاصل
على العموم أحمد شرفي قريبة بي جاي




مع حبي....................