ود الاغبش - عشان حبك

[وليد عبدالرحمن]

عشان حبك ..
ساكسر حتة من عضمي
وابري اطرافو بالجهتين
واجعلو للشعر قلمي
واسكب من وريدي مداد
واكتب ليكي بي دمي
عشان حبك..
اكون مجنون
واجري واصيح في مكان
واقول يانااااس
بحبها موت .بحبها بي قلب ولهان
بحبها حب اساسو الله
ملئي بالرأفة والتحنان
عشان حبك ..
بساهر الليل
وافارق ديل
وامسح ديل
واشطب ديل
واشيل همك ولو كان هم بهد الحيل
عشان حبك ..
وشان خاطر جمال عينيك
ازيل حزنك
واسلخ جلدي منديلاً
وازيل الدمعة من خديك
وادخل يدي في صدري
واقطع قلبي واديك ليهو في كفيك
عشان حبك ..
ساجعل جسدي ليكي درع
عشان احميك
واختك في سواد عيني
واطبق رمشي شان اخفيك
عشان ياالسمحة مايجيك خوف
خايف انا .. خايف القسمة ماتجي فيك


وليد عبدالرحمن - ود الاغبش

[آصال خاطر]

يسلمووووووووووووو