مجرد حروف ،، من يستطيع الرد !؟

[الماسة الخماسية]

قالت ليهو : فيك رآيح بالي .. تفداك الروح
أظهر لا تبالي .. يا غزال الروض
قال ليها : ..................

قالت ليهو : وجيت أحضن معاك حروف
أقولها عشان عيون حلوات
وأبل شوقاً فرد له جناح
عشانك طار سبق خطوات
قال ليها : ...................




طبعا هو رده ,, بس عارفين قال شنو !؟




في المرة الأولى .. قال ليها : إنتى خليتى فينا "روح "
إختصرى : دايرة أجيب ليك " شنو" وانا جاى
والله ماعارف : منو فينا الفدائى !؟!؟!





وفي المرة البعدها والأخيرة قال ليها : هييييييي : عيونى ديل كان شايفاهن حلوات إلاّ تبقى حوصا ..



أنتى أم إنتى أمشى على الشافع ده " بلىّ " ريقو قبل " يطّير" لينا " الخرمة" دى من " أمها "؟"

[waya]

قالت ليهو : يجالد فيك الربيع الأنيق .. غروبا على الجمر يشوي
وفجرا على مبسم الدهر يزهو .. وعطرا على النحر يكوي
قال ليها : ..................

قالت ليهو : اصلو شوق الناس بيعذب وشوقي ليك اجمل حكايه
حاجه زي فرح المواسم اصلو ما بيعرف نهايه
لو ظروفنا قست علينا الاماسي الحلوه جايه
قال ليها : ...................




طبعا هو رده ,, بس عارفين قال شنو !؟
في المرة الأولى .. قال ليها : الناس بتجهز " مفاجاءات رأس السنة ..
وأنتو لسه في " الضحية " !!؟

وفي المرة البعدها والأخيرة قال ليها : ( ده شوق ده ..! )
خلعتيني يا شيخه أنا قايلك تبع الأمن الوطني بلسانك الطويل ده ..!؟"

[waya]

قالت ليهو : آهـ لو تدري بشوقي في غيابك كيف زاد
أنت لو شوقك مدينة شوقي لعيونك بلاد
قال ليها : ..................

قالت ليهو : كلمنى حاول حس بي .. عاتبنى ارمى اللوم على
يفرق كثير .. ويتحسب كل يوم يمر
يفرق كثير .. طعم الحلو لو يبقى مر
وتمر بي من غير كلام .. ولا حتى بس همسة سلام
لو شفتى كيف مرو الليالي .. حال المساكين الحيارة كأنو حالي
بتذكرك انا والشواطي مع العصارى
قال ليها : ...................






طبعا هو رده ,, بس عارفين قال شنو !؟
في المرة الأولى .. قال ليها : ده كلام مهندس في التخطيط العمراني !!؟

وفي المرة البعدها والأخيرة قال ليها : والله يا ولية تحسسي الزول كأنو( عتالي ..! )
وكل مرة زي الطالع من معركة , ماااا تروقي المنقة دي ..!؟"

[waya]

قالت ليهو : بحبك لأنك ...
خلقت العلاقة ورسمت الطريق ..
لأنك كتبت برااك الكلام ..
ونسخت وحفرت حروف الغرام
قال ليها : ..................

قالت ليهو : مشغولة بيك
في كل لحظة وكل آن
مشغولة بي فرحة مجيك
يا ملوون الشوق بالحنان
مشغولة بالقلب العليك ملهوف
وبي ريدك ملان
مشغولة بي نظرة عينيك
وكتين يجود بيها الزمان
بهديك نسمات الحروف
وكتين تهب تملا المكان
قال ليها : ...................






طبعا هو رده ,, بس عارفين قال شنو !؟
في المرة الأولى .. قال ليها : اااي .. الأشغال الشاقة دي مـــا حقتنا !!؟


وفي المرة البعدها والأخيرة قال ليها : والله يا قلب ( اليوإن) دي ما فاااضية لينا ...
مشغولة .. مشغولة ,, وتلفونك مشغول

جننتونا ظااااتو ..!؟"

[waya]

قالت ليهو : مع صاحبي والدنيا مغارب
و برضو قاعد في محلّك
شوف قليبك في عيوني
و ما تبالغ
لمّا تتعمّد و تنسي
خطوه منّك
خطوه منّي
قلبي يفتح حسّو شارع
قال ليها : ..................

قالت ليهو : متمنَي أسوقك مشوار
مشوار جوّه الروح
شان تلقي السِكة عيونك
زي موجة تدوب في موجة
يا ضُل في آخر قيف
يا مطرة تبكّي رموش الصيف
مجذوب و بغنّي
ماسك جمر الشوف
و الشوق كاتلني
دفيان في حضنو
ما حضنو شفيف
متمني ببابك أقيف
قال ليها : ...................






طبعا هو رده ,, بس عارفين قال شنو !؟
في المرة الأولى .. قال ليها : ناصية , ويفتح على شارعين ..؟
أاها , قلتي إيجار ولا تمليك !!؟


وفي المرة البعدها والأخيرة قال ليها : كل يوم نمشي المكان ده ,,
يا شيخه حرام عليك .. دي فيها اربعين جلدة !!؟

[مها]

قال ليها.....
يا الاحلى من كل الكلام
وكتين تغازل الكلمة شان نوصف وصف
من وين اجيب كلمات وفيك
بحر الكلام غرقني في حيرتي ونشف

قالت ليه.........؟

.قال ليها
كت بحتاجك ...لما تعفرت سحب الوجعة ..تسكن خوفي........

وكت بحتاجك... لما تطش الكلمة الحلوة تلولي حروفي........

وكت بحتاجك ...تملاء فراغك فيني وتسكن آخر جوفي.......

وتبقي القلب النابض انت .ورهف إحساسي وعافية شوفي.......



..برضو هى ردت
فى المره الاولى قالت ليه
نشف حلقك من كترة كسير التلج ياراجل اخجل اولادك بقو رجال

فى المره التانيه قالت ليه

قايلنى عويره .... يا خوى مع ال 52 ديل .... مافى ضمان

[waya]

قالت ليهو : مشتاق لي شوفتك يا الديمه بعيد
زي شوق الأمــــة لي هلال العيد
قال ليها : ..................

قالت ليهو : رافض يفارق للفؤاد.. حالف لحد بعد خرف
مكتوبة لي أنا من زمان ..قدرا مسطر وما صدف
وأنا راضية بيك زي ما تكون ..عايشة ومنعمة في ترف
قال ليها : ...................







طبعا هو رده ,, بس عارفين قال شنو !؟
في المرة الأولى .. قال ليها : " البلد فيها سيد يا أبو السيد "

وفي المرة البعدها والأخيرة قال ليها : المثل بيقول : يا مره يا نكدية
تمسكي في الشئ مـــا بتفكيها ...!
أنا ما قلت ليك يوم " فؤاد " ده بيغطس حجرك !!

[waya]

قالت ليهو :

قول لي أحبك ...

حرف حرف ...
وبشويش علي ...
غنيها لي ...
ترتيل حبيب ...
توشيح .. نشيد ...
رنة سعادة موشوشة

قال ليها : ..................

قالت ليهو :

قول لي أحبك ...لو كل عام تهمس حرف
عهدا مشبع بالولف
وأبداها ليك أنا بالألف
عنوان محبة تليدة بيك
متنامية جوه معشعشة
وبستنى تكمل للحروف
بستنى لي نهاية العمر
وإن كنت في آخر الرمق
وقبل ما تفارق الروح الجسد

[/font]
قال ليها : ...................







طبعا هو رده ,, بس عارفين قال شنو !؟
في المرة الأولى .. قال ليها : " دايراني أتصل .. ولا دايره رصيد !؟"

وفي المرة البعدها والأخيرة قال ليها : يا مره طالباني دين ,, ولا داخلين صرفة صندوق..
" زحي كده ولا كده أنا براي مفلس "

[مها]

قالت ليهو

إشتقت ليك مسافة مايشتهي الغرقان شهيق... لحظة خلاص انفاسو كملت يهفو ليك...يتنفس الشوق من عينيك... يمتص ريدك زي رحيق...

رد ليها

يا حبيبه منتظر لحظه لقاك

وفى المره التانيه
اتصل بها في ساعة متأخره من الليل ..تثاءبت في دلال ..ثم ابتسمت وهي تري اسمه علي شاشة الجوال ... فقامت بفتح الخط في لهفه .. ثم قالت بنفس الدلال ألوووو ..فأتاها صوت شخيره عبر الهاتف خ خ خ خ خ خ خ !!!!

[العمرابى]

قالت ليهو

إشتقت ليك مسافة مايشتهي الغرقان شهيق... لحظة خلاص انفاسو كملت يهفو ليك...يتنفس الشوق من عينيك... يمتص ريدك زي رحيق...

رد ليها

يا حبيبه منتظر لحظه لقاك

وفى المره التانيه
اتصل بها في ساعة متأخره من الليل ..تثاءبت في دلال ..ثم ابتسمت وهي تري اسمه علي شاشة الجوال ... فقامت بفتح الخط في لهفه .. ثم قالت بنفس الدلال ألوووو ..فأتاها صوت شخيره عبر الهاتف خ خ خ خ خ خ خ !!!!

ههههههههههه

نوم الصحة والعافيييية

[waya]

قالت ليهو : تعرف احساسى بيك احساس كده انو انا مكتفيه بيك وما مكتفيه منك

قال ليها : ..................

قالت ليهو :عارفك تغربل في الكلام
و البصفى منو تقولو لي
واصلني من عينيك سلام
و الفيها برضو كتير علي
قال ليها : ...................







طبعا هو رده ,, بس عارفين قال شنو !؟
في المرة الأولى .. قال ليها : " أهاا يا سمسم القضارف ..! "

وفي المرة البعدها والأخيرة قال ليها : والله يا وليه , عجنتك دي , خميرة ما تظبطها ..!
أخير ألحق زمني , وامشي أتخمد .!

[ninar tato]

قًالُتّ لُهّ :
احَبُك ؤٌسّاظُلُ احَبُك فُرًصّيّدً
حَبُيّ لُك فُيّ بُنَك قًلُبُيّ لُنَ
يّنَفُذِ

قًالُ لُهّا : .......... ...

قًالُتّ لُهّ :
انتّ حَبُ حَيّاتّيّ
عّشَقًيّ لُك كامُنَ
قًلُبُيّ عّلُيّ ذِلُك ضٌامُنَ
فُانَتّ مُُلُازّيّ الُامُنَ

قًالُ لُهّا : ..... ...



طِبُعّا هّؤٌ رًدً

فُيّ الُمُرًهّ الُاؤٌلُئ قًالُ
ؤٌالُلُهّ مُا عّنَدًيّ حَسّابُ فُيّ الُبُنَك
لُثٌهّ مُا طِلُعّتّ رًقًمُ ؤٌطِنَيّ

فُيّ الُمُرًهّ الُثٌانَيّهّ ؤٌالُاخِيّرًة قًالُ
هّيّ يّا مُرًهّ شَكلُك
عّامُلُهّ عّمُلُهّ
ؤٌانَا مُا فُاضٌيّ لُجَرًجَرًة الُمُحَاكمُ ..





ويّا صّاحَبُ الُحَرًفُ الُمُتّالُقً

دًايّمُا تّعّطِرًنَا بُارًيّجَ قًلُمُك

تّقًبُلُ مُرًؤٌرًيّ الُمُتّؤٌاضٌعّ
2

[ninar tato]

[color=5]
قًالُتّ لُهّ ;
يّا ؤٌاحَهّ فُيّ زّمُنَا هّجَيّرً
قًلُبُيّ نَاطِقً حَرًؤٌفُ اسّمُك جَهّيّرً

[color=5]
قًالُ لُيّهّا ; ....... [/color]

[color=5]
قًالُتّ لُهّ ; [/color]
انَتّ كؤٌنَيّ ؤٌكلُ يّؤٌمُ فُيّك بُكتّشَفُ
كلُ الُصّفُاتّ الُحَلُؤٌة فُيّك جَدً يّعّتّرًفُ

[color=5]
قًالُ لُيّهّا ; ........ .. [/color]



طِبُعّا هّؤٌ رًدً

ؤٌقًالُ فُيّ الُمُرًة الُاؤٌلُئ ;

تّكرًهّؤٌ الُؤٌاحَدً خِتّ الُسّمُاعّهّ
قًايّلُانَيّ « اطرش »

فُيّ الُمُرًة الُتّانَيّهّ قًالُ ;

اهّا يّا كرًيّسّتّؤٌفُرً كؤٌلُؤٌمُبُؤٌسّ
[/color]

[يوسف مدير]

بالرغم من أنه سجال طريف لكنه يحمل الكثير في حناياه الكثير من المعاني ...
2007 - 2015 ...
ثمانية سنوات بل ثمانون الف الف سنة ويستمر السجال بين آدم وحوااااء ...
هو سجال الندين الذي لا ولن ينتهي لا باقتناع الاول ولا بانسحاب الثاني ...
تحياااتي اخي وايا ...

[ninar tato]

قًالُتّ : هّكذِا نَحَنَ
خِلُقًنَا نَدًيّنَ
اجَدً فُيّك مُا يّجَذِبُنَيّ
ؤٌاجَدً مُا يّنَدًبُنَيّ

يّؤٌسّفُ مُدًيّرً نَعّمُ هّؤٌ حَؤٌارً لُا ؤٌلُنَ يّنَتّهّيّ
2

ώẫ¥ẫ ..
تّقًبُلُ مُرًؤٌرًيّ مُرًة اخِرًئ

2

[ninar tato]

قًالُتّ :

حَرًفُ اسّمُك فُيّنَيّ وٌسّم
ُ
صّؤٌرًتّك فُيّ الُفُؤٌادً تّرًًتّسّمُ


قًالُ : .........

قًالُتّ :

احَسّاسّيّ بُيّك فُاضٌ امُتّلُا
كلُ الُفُيّنَيّ بتّمُنَاك رًجَا
بُيّك بُعّيّشَ بُسّتّنَشَقًك شَذِا
يّا رًيّتّك تّبُقًئ لُيّ جَزّا

قًالُ ; ..........


طِبعّا رًدً
فُيّ الُمُرًة الُاؤٌلُئ. .
قًلُتّ لُيّك تّلُفُؤٌنَيّ
رًبُيّكا مُا بُصّؤٌرً

فُيّ الُمُرًة الُتّانَيّهّ :

انَا مُشَ حَذِرًتّك
مُا تّشَمُيّ الُؤٌرًدً
الُفُيّ الُاصّيّصّ دًا

[ninar tato]

قًالُتّ ;


دخلت فيني متين وكيف
خليت دواخلي بيك مشبعة
قلت لي كلام ما ظنيتو زيف
خليت روحي بيك مرفعة


قًالُ لُيّهّا ; ..........

طِبُعّا رًدً
ؤٌقًالُ ;

دمرتي اقتصاد
السودان ماكله صحنيين « باميه » ليه ما تشبعي

[ninar tato]

قالت ;

وحاتك انت يا غالي
حياتي جد مرتبطه بيك
وقتين تفكر فيني بحس بيك
في غيابك كل ساعه بحن ليك
بوصي النسيم ينقل سلامي ليك
يهمس ليك جد مشتاقه ليك



قال ;........

طبعا رد

وقال ..

انا « الدبسني » في عرس الشوم
دا شنو .. !؟..؟!
اليوم كلو تنبحي وانا جمبك ..!


طلقانه ياخ..

[ninar tato]

قًالُتّ لُهّ :


كنَتّ عّنَيّ غًرًيّب

عايشه ُلُا هّمُ لُا فُزّعّ
ّ
الُلُيّلُه صّبُحَتّّ لُيّ حَبُيّبُ

عايشه ايّامُ ؤٌجَعّ

قًالُ لُيّهّا : .. .........

طِبُعّا هّؤٌ رًدً
ؤٌقًالُ ;

يّاخِيّ الُحَيّطِهّ بُكرًة
بُبُنَيّهّا

[ninar tato]

قالت ;
اراك نورا مشع يضئ قلبي
في وجودك كل يوم احلم انني حره
غير مكبلة بسلاسل .. احلم باني اميرة
تعيش مع اشباه بشر ..


قال ; .....

قالت ;
عندما يداعب قطر المطر
جسمي .. ويحتضنني بدفئه
اتخيلك معي حينها ..
احتضنه وكانه انت


قال ; .....


طبعا رد وقال
في المرة الاولى

انتي بتنومي واللمبة فاتحه
حليل الجمرة الخبيثه
في المرة الثانيه قال

يا مره هوي. براهو الخريف السنه دي ما شادي حيلو
بطلي حركات