الامثال والحكم والاقوال السودانية

[ناجي عثمان عبد الرازق]

بئتنا السودانية تزخر بالحكم والامثال والاقوال

التي تمتاز بطابع موجز ومسجوع.....

تحكي عن بساطة اهلنا وحكمتهم... اهلنا سطروا لنا مواعظ وتجارب

ترشد التائه......وتعين المحتاج وتهدي الحيران......

كلمات لها معني ....سيغت من ابائنا وتركوها لنا ثروة عظيمة لننهل منها......

هيا بنا نوثق ما نعرفه حتي تكون لنا زادا... ونبراسا ننهل منه....

[ناجي عثمان عبد الرازق]

ضربة البداية

الطشاش في بلد العمي شوف
ود الفار بيطلع حفار
التسوى كريت فى القرض تلقى فى جلدها

[ناجي عثمان عبد الرازق]

يا حافر حفرة السوء وسع مراقدك فيها - لا بدك تقع فيها

*الما بتلحقو - جدعو

[ناجي عثمان عبد الرازق]

جبل الكحل،، بهدنو المراويد،،

[ناجي عثمان عبد الرازق]

جقلوا ولامشي عرج......

مثل من غرب وطنا الحبيب

جقلوا يعني الآرض الغير مستوية....

معناه السير في طريق وعر افضل من السير بطريق خاطي

[ناجي عثمان عبد الرازق]

لسانك حصانك،،

إن صنتو،،

صانك

و إن تركتو،،

هانك

[ناجي عثمان عبد الرازق]

الضاق عضة الدبيب بيخاف من الحبل

[ناجي عثمان عبد الرازق]

الفي والدك بقالدك

بنات ألمعزة إن قربن،،إتناطحن،،
و إن بعدن،، يتصايحن

[/size][/align][/color][/font]

[ناجي عثمان عبد الرازق]

اسمع كلام الببكييك و لاتسمع كلام البضحكك

كان الصدق ما نجاك الكضب ما بنجيك

[ناجي عثمان عبد الرازق]

إن جاتك في مالك سامحتك وان جاتك في نفسك بكتك

بخيت شكروه قال داك شهر تانى

ابلم مو شقي شقي البتكلم معاه

الجاياك ما بتختاك

[ناجي عثمان عبد الرازق]

عاير أم بنتر لا أماً تهدي لا أبوياً ينتر

بقولوهو لي الشفع المابنهجرو ،، أو الحايمين بي برة طول الوكت،،

[ناجي عثمان عبد الرازق]

خليها في القلب تنضح،، ما تمرق لي بره و تجرح

[ناجي عثمان عبد الرازق]

عيال ام خير، خيارهم خير، والخلا اخير من خير

ده بقولوه لي الشلل الخربانة،، الماشة إيد وري و إيد قدام،، ده زاتو مثل،،

[ناجي عثمان عبد الرازق]

الزارعنا غير الله اليجى يقلعنا

[ناجي عثمان عبد الرازق]

عينك فى الفيل وتطعن فى ضلو

[ناجي عثمان عبد الرازق]

الدواس مافيهو أخوان

[ناجي عثمان عبد الرازق]

مرحب حباب الشر محل ما بتق
تتقدة الرهيفة إنشاءالله ما تتلتق

[ناجي عثمان عبد الرازق]

ساقوهو فزع
بقى وجع
.........

[ناجي عثمان عبد الرازق]

سيد الرايحة بكوس خشم البقرة،،

[ناجي عثمان عبد الرازق]

أم الخير تجقلب والشكر لي حماد ،،


والمقصود ان المرأة السودانية تعمل وتكدح والنسبة للرجل ،، والرواية انو حماد مشهور بأنه رجل كريم ما يشوف واحد في الشارع الا يجيبه يعزمه ، وزوجته أم الخير تشيل وتعوس وتدبر،، والجماعة يشكروا في حماد ..