هل تتعامل برد الفعل ؟؟؟

[يوسف مدير]

ليس منا من لا يخطئ في حق غيره ...
ولكن هنالك من البشر ما يستفزك لدرجة انك تغضب في وجهه وتصب عليه جااام غضبك وقد يصل بك الحد الى مقاطعته وربما إسماعه عبارات لا يفترض بها ان تصدر عنك ...
فمثلا هنالك من تقوم بأداء عمل من أجله وتخلص فيه كل الاخلاص وبمجرد انتهاء العمل وبكل برود يقول لك: ليه أتعبت نفسك كده ؟؟ ما كان في داعي تضيع زمنك في حاجة ما بتستاهل ...
في مثل هذا الموقف ماذا ستكون ردة فعلك وانت كنت تتوقع ان يقول لك على الاقل: شكرا على مجهودك الرائع .. أسعدتني ربنا يسعدك ...
شووووفوا الفرق في الاسلوبين ...
هنا ممكن وبكل بساطة انا أشيل اقرب شاكوش أو كوريق وأكسر بيهو الشئ العملتو ده ..
طيب السؤال اللي بيفرض نفسو: هل بتتعامل في مواقف زي دي بردة الفعل ؟؟
ولا عادي بتمررها كأنو ما حصلت حاجة ...
وليييه كتير من الناس بيتعاملوا ببرود لدرجة انهم يخلوك تكره اليوم الفكرت فيهو تعمل ليهم حاجة جميلة ...
منتظركم ...

[ناجي عثمان عبد الرازق]

اهلا بيك يوسف مدير صاحب المفردات الانيقه والحوارات الراقيه
علينا ان نتحلي بروح عاليه وتصرفات تتحدي كل الصعاب
فالبشر يختلفون طبعا وفهما وقليل منهم من يكافئك المعروف بمثله
تحياتي لك ولي عوده ارحب

[السنبلاية]

الموضع : قيم : وشئيك فى نفس الوقت ..
لكن هناك اشياء لا نستطيع ان نفتى فيها بصورة واضحة
نسبة للحالة النفسية لشخص الذى ينطبق عليه صفت البرود او العكس

على العموم لى عودة

تحياااتى ود المدير ...

[dream-lady]

يوسف مدير وكل الكرام اعضاء منتدى انا سوداني...حياكم الله وبياكـــــــــم

يوسف احييك بشدة على روعة حرفك وتفردك...لك كل احترامي وتقديري

احيي تنوع واهمية طروحاتك

..بما يخص البوست...رد الفعل حسب الموقف نفسه وحسب قدرتي على كبح زمام الغضب

واحيانا قد يستفزك الموقف البسيط لحالتك المزاجية مثلا ..

نتنتقل للحكي بالعامية

امس القريبة دي امام محل تجاري واحدة بتنزل عربية طفلها وماقادرة...تطوعت ومسكت طرف العربية رفعتها شوية ونزلتها ...اتحركت بسهولة ومشت ولاكلمة شكرا
ولاحتى ابتسامة واحدة بيها نتصبر شوية

غاظتني جدا وغاظت ابنة خالتي حتى...اللي اسمعتها : مؤجرة عندها تقول!

قلت ليها يازولة مامشكلة ...خليها تنقلع 45 55

صراحة قمة السخف وعدم الادب ...لكن بلعت غيظتي وقاومت اني مااقوم ارجع ليها العربية في محلها

مالقصد الشكر ولا الجزاء...لكنه تصرف عفوي يدل على عدم الادب وبسيء لتربية الشخص الفظ

ممتنة لطرحك الجميل مدير2

[شذي زهر]

ود مدير .تحياتي .
والله كلمه
شكرا
كتر خيرك
الله يديك عافيه ويجزيك الخير.....
كلمات بسيطه جدا. لكن أثرها كبير في النفس......وللأسف كتييييير
من الناس مابيهتموا ليها....
عن نفسى أحياناً بتعامل برده الفعل ..لاني بكون اتغظت.
ولكن.دا بيكون مع الاقربين
(لكن من غير شاكوش وتكسير......زعل وحمبيك.وبس )
.أما. في حاله موقف دريمو...بمررها رغم غيظي.
والله يبعدنا واياكم من البرود والباردين

[شذي زهر]

منوره يادريمو

وحمد لله علي السلامه

[الماسة الخماسية]

ليس منا من لا يخطئ في حق غيره ...


عبارة مقتضبة عميقة الأغوار صادقة حدّ إقرار الجميع بها تلقائيا"

ولكن هنالك من البشر ما يستفزك لدرجة انك تغضب في وجهه وتصب عليه جااام غضبك وقد يصل بك الحد الى مقاطعته وربما إسماعه عبارات لا يفترض بها ان تصدر عنك ...

بالفعل هناك من يخرج أسواء مافينا حتى نندهش من ردود أفعالنا[font=&quot] .

فمثلا هنالك من تقوم بأداء عمل من أجله وتخلص فيه كل الاخلاص وبمجرد انتهاء العمل وبكل برود يقول لك: ليه أتعبت نفسك كده ؟؟ ما كان في داعي تضيع زمنك في حاجة ما بتستاهل ...
في مثل هذا الموقف ماذا ستكون ردة فعلك وانت كنت تتوقع ان يقول لك على الاقل: شكرا على مجهودك الرائع .. أسعدتني ربنا يسعدك ...
شووووفوا الفرق في الاسلوبين ...
هنا ممكن وبكل بساطة انا أشيل اقرب شاكوش أو كوريق وأكسر بيهو الشئ العملتو ده ..
طيب السؤال اللي بيفرض نفسو: هل بتتعامل في مواقف زي دي بردة الفعل ؟؟
[/font]
مبدئيا" كلنا نحاول أن نكون لطفاء ومقبولين لدى الآخرين ونسعى للخير وعمل المعروف بالفطرة ..

فى حين تختلف ردود الأفعال والمواقف بإختلاف الناس لأنه ربما يكون البعض بارد بطبعه ولايقصد السوء ، ومنهم من هو غير أهل للمعروف أصلا" .

أيضا"قد يكون أحدهم لديه سابق موقف مع الآخر أو مكون وجهة نظر عنه سلفا" فتجىء ردة الفعل حال عدم الشكر الوفيرأعنف من المتوقع .

وربما يكون أحدهما مستفزا" أصلا وسىء المزاج ويتوقع شىء فيفاجأ بآخر

ولا عادي بتمررها كأنو ما حصلت حاجة ...
وليييه كتير من الناس بيتعاملوا ببرود لدرجة انهم يخلوك تكره اليوم الفكرت فيهو تعمل ليهم حاجة جميلة ...
منتظركم ...

الأصلح أن تعمل المعروف وتكرره لشاكره دون إكثار ومبالغة حتى لايعتبروك منافقا" .

و تتجاهل ناكره حتى لا يقودنا لخسران صفاتنا الجميلة التى حبانا الله بها .

وكذلك نعترف بخطأنا متى ما قصرنا فى شكر الغير أو كنا متجاهلين باردين .

ونحاول التعويض عليهم قدر الإمكان .


ذكرتنى ب إنسانة لطيفة - قلت لها : سأفعل كذا وكذا ... ولن أذكر لكِ الأسباب .

فقالت : أحترم خصوصيتك لكن هل أنا أحد الأسباب ؟

اجبتها (لإنشغالى) بعد ساعات : لا .

أحسست بعدها بالذنب لأن ال(لا) المختصرة هذة قد تشعرها بالتاكيد بدل النفى

وندمت لاننى لم أعرف كيف أصلح هذا الخطأ فهى قد لا تصدقنى بعدها مهما قلت .

[محسية]

تفكيرنا او ردود افعالنا تجاه الاخرين , كثيرا ما تكون ناتجة عن فهم خاطئ لمدلول الحدث
او فكر مسبق في ذهن المُفسر تجاه الاخر

هذا لأننا أحيانا لا نعطي انفسنا مساحة التعقل والتأني فنبادر بالرد السريع غير المدروس وهنا نكون كمن أطلق سهما فأصاب في مقتل... فالتريث هنا مطلوب بالدرجة الكبيرة وقد لا يفيد الندم والاعتذار بعدما الفاس تقع في الراس

طرح ممتاز يوسف

تحيااااااااااااااتى

[يوسف مدير]

اهلا بيك يوسف مدير صاحب المفردات الانيقه والحوارات الراقيه
حباااااابك مليااار اخوي ناجي

علينا ان نتحلي بروح عاليه وتصرفات تتحدي كل الصعاب
فالبشر يختلفون طبعا وفهما وقليل منهم من يكافؤك المعروف بمثله
كلامك عين العقل الا اننا نجد انفسنا احيانا قد خرجنا عن السيطرة على انفسنا وبالتالي نتسرع في الرد ويكون كلامنا كالسهم الذي متى ما انطلق فلن يعود ...

تحياتي لك ولي عوده ارحب
اهلا بك وبعودتك ...
خالص التحايا وشاااامل الود والتقدير

اخي ناجي ...
لا جفف الله لك مدادا ولا كسر لك يراعا ان شاء الله ...
خالص ودي وتقديري

[يوسف مدير]

الموضع : قيم : وشائك فى نفس الوقت ..
اتمنى ان تتضح الرؤية أكثر بمداخلات الاحباب ...

لكن هناك اشياء لا نستطيع ان نفتى فيها بصورة واضحة
نسبة للحالة النفسية لشخص الذى ينطبق عليه صفة البرود او العكس
وهذا بلا شك دليل على عمق البصيرة والتروي في التعامل مع المشكلات ...

على العموم لى عودة
انتظر عودتك يا غالية واتمنى المزيد من الحديث ...

تحياااتى ود مدير ...
التحية ليك يا رايعة ...

لكِ كل الود وصادق الامتنان لمداخلتك ...
حتما انتظر عودتك ان شاء الله ...
تحياااااااااااااتي من النيل الابيض الى قلب الجزيرة العامرة بأهلها

[يوسف مدير]

يوسف مدير وكل الكرام اعضاء منتدى انا سوداني...حياكم الله وبياكـــــــــم ...
وعليكم السلام ورحمة الله وبركاته ....


يوسف احييك بشدة على روعة حرفك وتفردك...لك كل احترامي وتقديري
تسلمي يا رب اختي الغالية دريموووو ...


احيي تنوع واهمية طروحاتك ...
ولكِ من التحايا ما يماثل ذلك وأكثر ...


..بما يخص البوست...رد الفعل حسب الموقف نفسه وحسب قدرتي على كبح زمام الغضب
هنا طبعا الوضع بيختلف من زول لي زول وعلى حسب الموقف زي ما تكرمتي ... والشخص الذي يستطيع السيطرة على نفسه ويضبط اعصابه في المواقف المستفزة ده اكيد شخص صبور وبيعرف كيف يتعامل مع الغير بمختلف امزجتهم وطباعهم ...


واحيانا قد يستفزك الموقف البسيط لحالتك المزاجية مثلا ..

نتنتقل للحكي بالعامية

امس القريبة دي امام محل تجاري واحدة بتنزل عربية طفلها وماقادرة...تطوعت ومسكت طرف العربية رفعتها شوية ونزلتها ...اتحركت بسهولة ومشت ولاكلمة شكرا
هنا لو في زول غيرك ممكن يصرح ليها بعبارة عديل ويقول ليها " ياااخ على الاقل قولي شكرا ما بتكلفك شيء" ...
بيني بينك:
يمكن الزولة دي بكماااااء ..

ولاحتى ابتسامة واحدة بيها نتصبر شوية ....
معليش ... خيرها في غيرها ...


غاظتني جدا وغاظت ابنة خالتي حتى...اللي اسمعتها : مؤجرة عندها تقول!
قلنا يمكن بكماء مين عااارف ... بس حتى الابكم بيرد بالاشارة ...


قلت ليها يازولة مامشكلة ...خليها تنقلع 45 55

صراحة قمة السخف وعدم الادب ...لكن بلعت غيظتي وقاومت اني مااقوم ارجع ليها العربية في محلها ...
تصرفك في حد ذااااتو ردة فعل طبيعية لفعل معاكس مفاجئ ...


مالقصد الشكر ولا الجزاء...لكنه تصرف عفوي يدل على عدم الادب وبسيء لتربية الشخص الفظ
ما كل الناس عندها ذوق واحساس .. الكثيرين تولع ليهم صوابعك العشرين شمع علشان يشوفوا الطريق ولما يوصلوا لنهاية الطريق يقول ليك" هسة كان في داعي تحرق صوابعك ؟؟؟ "


ممتنة لطرحك الجميل مدير2

وشخصي البسيط ممتن جدا لردك الراقي وتنويرك البوست ...
ما عدمت تواجدك يا رب ...
تحياتي والامنيات بالسعادة اينما تكونين سيدة الاحلام ...

[يوسف مدير]

ود مدير .تحياتي .
وعليكم السلام ورحمة الله وبركاته
والله كلمة
شكرا
كتر خيرك
الله يديك عافيه ويجزيك الخير.....
كلمات بسيطه جدا. لكن أثرها كبير في النفس......وللأسف كتييييير
من الناس مابيهتموا ليها....
اللي بيقول كده ده انسان عرف وحس بالشيء اللي انتي عملتيهو علشانو ..

عن نفسى أحياناً بتعامل برده الفعل ..لاني بكون اتغظت.
ولكن.دا بيكون مع الاقربين
(لكن من غير شاكوش وتكسير......زعل وحمبيك.وبس ) ...
الحمبيك احيانا بيزيد الطين بلة ... الا زول يكون عااارف طبعك حتى يمررها ليكي ..
الصبر ثم الصبر ثم الصبر ده هو العلاج ...

.أما. في حاله موقف دريمو...بمررها رغم غيظي.
معناها انتي زولة بتعرفي تعملي كنترول لنفسك وفي الحالة دي ما صعب عليكي تتعاملي مع الناس ...

والله يبعدنا واياكم من البرود والباردين ....
آميين يا رب العالمين ...

تعرفي هيوووووية وانا بكتب في الردود قلت لروحي م يكونوا في ناس اتغاظوا من تأخير الرد عليهم بس ضحكت على روحي وقلت هو الموضوع ذااااتو بيتكلم عن الحتة دي ...
تسلمي على المداخة الطيبة ...
تحيااااتي وودي وامتناااني ...

[يوسف مدير]

الأصلح أن تعمل المعروف وتكرره لشاكره دون إكثار ومبالغة حتى لايعتبروك منافقا" .
التصرف بتلقائية احيانا يفسره البعض هذا التفسير لكن الذين يعرفونك حق المعرفة لا يرون تصرفك هذا جديدا عليهم لانها عادة عندك ... وياااما في ناس بتقدم عمل الخير بطريقة تخليكي تقولي الزول ده لروحو ما بيخدم كده ...


و تتجاهل ناكره حتى لا يقودنا لخسران صفاتنا الجميلة التى حبانا الله بها .
اعمل المعروف وانساهو ... دي القاعدة اللي مفروض الناس تشتغل بيها ...


وكذلك نعترف بخطأنا متى ما قصرنا فى شكر الغير أو كنا متجاهلين باردين .
الاعتراف بالخطأ والاقرار به شجاعة ... بينما يراها البعض عجزا ويراها الغير مجازفة ويراها آخرون عواااارة وبلادة في حين انها تخليص الضمير من اوزار وتبعات الوجع المترتب على هذا الخطأ ...


ونحاول التعويض عليهم قدر الإمكان .
محاولة انقاذ ما يمكن انقاذه ... ولفتة بارعة لاصلاح الخطأ ...



ذكرتنى ب إنسانة لطيفة - قلت لها : سأفعل كذا وكذا ... ولن أذكر لكِ الأسباب .

فقالت : أحترم خصوصيتك لكن هل أنا أحد الأسباب ؟

اجبتها (لإنشغالى) بعد ساعات : لا .

أحسست بعدها بالذنب لأن ال(لا) المختصرة هذة قد تشعرها بالتاكيد بدل النفى

وندمت لاننى لم أعرف كيف أصلح هذا الخطأ فهى قد لا تصدقنى بعدها مهما قلت .
اتمنى انها ما تكون فهمتها غلط ... واتمنى انك تكوني اتداركتي الموقف واحتويتي الحكاية بسرعة بعدما حسيتي انها ممكن تكون فهمت ردك وفسرتو غير التفسير المقصود ..

ماستنا الخماسية ...
تحايا مقروءة مع شذى الصباح الخريفي الجميل ...
شكرا لا تكفي ولا تعبر عن مدى تقديري لكِ ولهذه المداخلة القيمة الراقية ...

[يوسف مدير]

تفكيرنا او ردود افعالنا تجاه الاخرين , كثيرا ما تكون ناتجة عن فهم خاطئ لمدلول الحدث ...
لذلك من الافضل اننا نتريث وما نتسرع ابدا حتى لو عرفنا القصد سلبا كان ام ايجابا ...
او فكر مسبق في ذهن المُفسر تجاه الاخر ...
للأسف دي مشكلة الكثيرين والمفروض كل زول يسأل نفسو قبلما يتسرع في الرد ويقول: ليه الزول ده عمل معاي كده او ليه قال ل كلامو ده

هذا لأننا أحيانا لا نعطي انفسنا مساحة التعقل والتأني فنبادر بالرد السريع غير المدروس وهنا نكون كمن أطلق سهما فأصاب في مقتل... فالتريث هنا مطلوب بالدرجة الكبيرة وقد لا يفيد الندم والاعتذار بعدما الفاس تقع في الراس ...
والخسارة في الحالة دي ممكن تكون كبيرة وقد يمتد أثرها لناس غيرنا او لزمن طويل حتى تتعالج وبالتأكيد حتكون في آثار باقية بالرغم من انقضاء الحدث ومرور سنوات عليه ..

طرح ممتاز يوسف

تسلمي يا غالية على الاشادة ....

تحيااااااااااااااتى

وتحيات مني اليكِ اختنا الغالية محسية ...
الامنيات لك بالسعادة والرفاهية ...

[هامس]

ليس منا من لا يخطئ في حق غيره ...
ولكن هنالك من البشر ما يستفزك لدرجة انك تغضب في وجهه وتصب عليه جااام غضبك وقد يصل بك الحد الى مقاطعته وربما إسماعه عبارات لا يفترض بها ان تصدر عنك ...
فمثلا هنالك من تقوم بأداء عمل من أجله وتخلص فيه كل الاخلاص وبمجرد انتهاء العمل وبكل برود يقول لك: ليه أتعبت نفسك كده ؟؟ ما كان في داعي تضيع زمنك في حاجة ما بتستاهل ...
في مثل هذا الموقف ماذا ستكون ردة فعلك وانت كنت تتوقع ان يقول لك على الاقل: شكرا على مجهودك الرائع .. أسعدتني ربنا يسعدك ...
شووووفوا الفرق في الاسلوبين ...
هنا ممكن وبكل بساطة انا أشيل اقرب شاكوش أو كوريق وأكسر بيهو الشئ العملتو ده ..
طيب السؤال اللي بيفرض نفسو: هل بتتعامل في مواقف زي دي بردة الفعل ؟؟
ولا عادي بتمررها كأنو ما حصلت حاجة ...
وليييه كتير من الناس بيتعاملوا ببرود لدرجة انهم يخلوك تكره اليوم الفكرت فيهو تعمل ليهم حاجة جميلة ...
منتظركم ...

العزيز
يوسف مدير

طبعا ردة الفعل في الحياة بحرها واسع وانت خصصتها في المساعده وهنا بتعتمد على شخصية المساعد هل هى جبله
فيهو مساعدة الأخرين يعرفهمـ أمـ لا يعرفهمـ ودى بتفرق
كتير...من تعرفهمـ بكون عندك خلفيه عنهمـ تصرفك بكون
ناتج عن الخلفيه دى ونفسيتك ونفسية الأخر...اما من لا تعرفهمـ
بتعتمد على نفسيتك لحظة الفعل هنا انا احييى الأخت محسيه
لازم الرد مهما كانت سرعته يكون مدروس عقليا لأنو الرد
عقليا غالبا ما يأتى صحيح...اما الرد عاطفيا حتى لو كان
صحيحا غالبا ما يكون جارحا مما يتسبب وضياع
ثواب المساعده... ................................ولى عوده

يوسف..كل سنه وانت طيب

(همسه) يديك العافيه على الموضوع الجميل

[هامس]

الأصلح أن تعمل المعروف وتكرره لشاكره دون إكثار ومبالغة حتى لايعتبروك منافقا" .

و تتجاهل ناكره حتى لا يقودنا لخسران صفاتنا الجميلة التى حبانا الله بها .

وكذلك نعترف بخطأنا متى ما قصرنا فى شكر الغير أو كنا متجاهلين باردين .

ونحاول التعويض عليهم قدر الإمكان .


ذكرتنى ب إنسانة لطيفة - قلت لها : سأفعل كذا وكذا ... ولن أذكر لكِ الأسباب .

فقالت : أحترم خصوصيتك لكن هل أنا أحد الأسباب ؟

اجبتها (لإنشغالى) بعد ساعات : لا .

أحسست بعدها بالذنب لأن ال(لا) المختصرة هذة قد تشعرها بالتاكيد بدل النفى

وندمت لاننى لم أعرف كيف أصلح هذا الخطأ فهى قد لا تصدقنى بعدها مهما قلت .

الأصلح أن تعمل المعروف وتكرره لشاكره دون إكثار ومبالغة حتى لايعتبروك منافقا" .
أحييك الماسه لو كان الكل يعمل المعروف ويكرره لوجه
الله تعالى لما ماتت المروه في هذا الزمان..
وكذلك نعترف بخطأنا متى ما قصرنا فى شكر الغير أو كنا متجاهلين باردين .
تسلمى الاعتراف بالخطأ هو نوع من أنواع الفضيله المحموده

الماسه..عيدك مبارك
و(همسه) يديك العافيه

[احلام بت النيل]

في البدء نشكرك علي الطرح المميز دوماً
والله بجد في ناس باردين شدييييييييييييييد بيضطروك تطلع من طورك وترد عليهم بأسلوب ماجميل بس لو مسكت اعصابك شووووووووية وهديت وراجعت نفسك بتلقي الموضوع ما بستاهل
بس انا عن نفسي كتييييييييير بلقي روحي انفعلت طوااااااااااالي ورديت ولمن اراجع نفسي بلقي مافي حاجة تستاهل
واحيانا كمان بتعامل بي نفس البروووووود وبتكيف كيف شديد لذلك
لك التحية اخ يوسف مدير وتقبل مروري