الزواج عبر الانترنيت

[نسرينا بت بورتسودان]

بسم الله ابدأ
الإخوة والأخوات ف منتدى أنا سوداني السلام عليكم ورحمة الله
أود اطرح عليكم موضع للمناقشة وأرجو من كل فرد منكم يقرأ هذا الموضوع أن يبدي براية
وهو موضوع الزواج عبر الانترنيت
ما هو رأيك فيه هل أنت من مؤيدي هذه الفكرة أو من معارضها ؟

[عاشقة محمود عبد العزيز]

نسرينا
أنا ما ضد الزواج عبر الانترنت لأنه في النهايه هي مسألة اتنين اتعرفوا
وكل واحد لقى في التاني نصفه الآخر...وطالما في مصداقيه و ثقه
وين المشكله أنو العلاقه تتوج بالزواج ولا شك انو الانترنت أصبحت وسيله للتعارف
و زي ما الناس ممكن تتلاقى في مجال عمل ، تجمعهم مصادفه ، مجال دراسه ، ....
ممكن الانترنت يجمعم برضوا.....
أنا بأيد الفكره اذا الناس كانت جاده......وتسلمي

[ibn batoota]

الأخت نسرينا

الإنترنت له إيجابيات وسلبيات...
والعاقل من يستفيد من إيجابياته في خلق علاقات جميلة مع الناس..
سواء كانت صداقات أو إرتباطات تؤدي إلي زواج..
بس ده مايمنع إنو الناس تتحقق من شخصية الطرف الأخر..

لك التحية

[sarona]

عزيزتي نسرينا ...
باختصار شديد ...أنا معارضة جدا وبشدة لفكرة لزواج عبر النت..
وعلى قدر ما نجحت تجارب قليلة ..فشلت الاغلب.
الزواج اقوى واقدس من التعامل معاه بنظام العرض والطلب
عموما:
التكنولوجيا اصبحت من اساسيات الحياة...و ده اكيد
بس المهم الحذر عند التعامل معها .
وده بيحددهُ طبيعة وعقلية المستخدم لهذه التقنية .
تقبلي مروري
ودمتي.

[نسرينا بت بورتسودان]

شكرا ليك على المرور

[هامس]

]بت بور سودان-- لا اؤيد هذه الفكرة لسبب واحد. هو ضرورة مشاهدة الطرفين لبعضهم البعض راءى العين من الامور المهمة فى الارتباط, وهى ايضا من الالسباب الأولى فى فك الارتباط(بدون تفاصيل اخرى) يبقى من مصلحة الطرفين عدم الارتباط بواسطة النت حتى لو كانت بينهم كاميرا او تلفون لانو الزواج شىء كبير.حياة تانية-----------------------------------------------------------------------------(همسة)كتير ناس عقدوا بالوصف ولما اجتمع الطرفان تم الطلاق فى اقل من شهر

[Halimeek]

لا طبعا انا معارض مافي احلى من الطبيعة .. شكراً على البوست

[أمير الشباب]

[a7la1=FF99FF]بنت بورسودان (نسرينا) ... تسلمي على الموضوع الثر ... لأنو بالجد بيفتح نقاشات وااااااااااسعة ... هي الفكرة الصحيحة إنو الإنترنت عموماً ... الناس بتتعامل معاهو بطريقة خاطئة ... لأنو المفروض أي إنسان بتعامل من خلف الشاشة أو الكيبورد ... المفروض إنو يطرح شخصيتو الحقيقية ... ولكن للأسف في ناااااااااس كتار بيدارو خلف الشاشة بأقنعه مزيفة ... وده بيسبب إنتهاء علاقات كتيرة بتكون إتكونت عن طريق النت ...

وأكيد إنو ممكن تتلاقى أفكار وااااااحده ... وأحاسيس واااااااااااحده ... بس برضو مش دايماً بتصدق ... لكن أرجع وأقول في نهاية كلامي إنو الرؤيا بتكتمل دايماً بعد النظرة الأولى ... وفي لحظته ممكن تحددي إذا كان إرتباط الإنترنت ... أو زوااااااج النت ممكن ينفع ولا لا ... على العموم أنا مش رافض الفكرة ... لأنو في ناااااااس كتار إتلاقو عن طريق الإنترنت ... وإتزوجو وعايشين في ثبات ونبات ... ولي عوده مره أخرى[/a7la1]

[صلاح يحيى سليمان]

الزواج رباط يربط اتنين تعرفوا على بعض واتفقوا عليه.
كيفية الوصول الى الزواج يمكن ان تتم فى كل المجالات
العمل...الدراسة...الصداقة...الجيرة...العشيرة....الحلة
وليه ما ما يكون النت....؟؟؟؟؟
هل النت سلبى لهذه الدرجة؟؟؟؟؟؟

مع تحياتى

[sunni]

في رأيي انه بدء العلاقة يبدأ بالتعارف، والتعارف ممكن يكون عن أي طريق، نت أو غيره. لكن تحديد نوع العلاقة انها حب، إستلطاف أو أي نوع آخر من الأحاسيس إرتكازا على التعرف عن طريق النت فقط من غير الإحتكاك هو ما يولد فشل العلاقة. وخلي كل واحد مننا يرجع لنفسه ويجيب على الأسئلة الآتية
1. هل كل ما تقوله في النت، انت مطبقه في حياتك فعلياً، ولا هي مثل تتمنى ان تطبقها؟
2. هل إنفعالاتك في المواضيع المطروحة في النت ح تكون نفس إنفعالاتك في الحياة العملية لو طرح نفس الموضوع من أخوك، أختك زوجك/زوجتك؟
3. هل كل ما تطرحه من رأي في النت، تستطيع ان تطرحه بنفس الجرأة على الملأ؟
4. هل لو عرفت عمر، وهيئة وجنس أحد أعضاء المنتدى، ووجدتها مغايرة لما إعتقدت، ح يكون إحساسك بيه هو نفسه؟

أعتقد تعامل العديد (ولا أقول الكل) مننا بيكون مبني على مبادئ مطلقة داخل الإنسان، قد لا يستطيع انه يطبقها في الحياة العملية، عشان كدة التعامل في النت في حالات كثيرة بيكون مع العقل والإحساس للطرف التاني بدون متغيرات الحياة التانية. ونحن المتغيرات بتاعتنا كتيرة جدا، وما بنقدر نطلع منها إلا من رحم ربي، وعلى سبيل المثال
1. القبيلة والعرق
2. العائلة والعلاقات بيها، فقد يتماشى إتنين، لكن ما يقدر واحد يتماشى مع عائلة التاني، وفي نفس الوقت ما يقدر يفصله عنها
3. الوضع المادي
4. الوضع الإجتماعي
5. مكان السكن
طبيعة العمل و و و و و و
والكلام في الموضوع ده كتيييييير

تحياتي لك على الموضوع الشيق يا نسرينا

[نسرينا بت بورتسودان]

الشكر الجزيل على جميع الذين مرو على الموضوع سوى أن كانوا مؤيدين أو معارضين في النهاية كلها أراء وأنا شخصيا رأي ما عندي مانع من الفكرة بس أهمة حاجة الوضوح بين الطرفين ولا شنو

[Still I Need U]

زواج فاشل بمعني ما تحمله الكلمة من معني ،، وقد تتعدد أسبابي جداً في مسألة الفشل الذي يلازم فكرة أني أتزوج عن طريق الإنترنت لعدة عوامل يصعب شرحها الآن ،، إلا في وقت لاحق ولك مني هذا إنشاء الله ،، وأحب أم أذكرك بأني ضد هذه الفكرة على الإطلاق ،،

تقبلي مروري ،،

[ana lola]

زواج فاشل بمعني ما تحمله الكلمة من معني ،، وقد تتعدد أسبابي جداً في مسألة الفشل الذي يلازم فكرة أني أتزوج عن طريق الإنترنت لعدة عوامل يصعب شرحها الآن ،، إلا في وقت لاحق ولك مني هذا إنشاء الله ،، وأحب أم أذكرك بأني ضد هذه الفكرة على الإطلاق ،،

تقبلي مروري ،،

الفشل الحقيقي في تضييق النظره للموضوع

[احسان]

والله ليهو العديد من الجوانب ممكن يكونو اتعرفو احسن تعارف واتزوجو وعاشو سعيدين بس بيكون فى شك من الانترنت يعنى لو لقى المرة بتخش النت يقول ممكن تكلم واحد غيرى وانتو عارفين عقل الرجال من الناحية دى
وممكن هى تكون غيورة وتقول نفس الكلام س مافيش مانع عندى من زواج الانترنت

[نسرينا بت بورتسودان]

شكرا جزيل للجميع على المرور
س أنا في نظري انو الزواج لازم يقوم عن التفاهم والتفاهم ممكن بجي عن طريق النت لانو الواحد كده بدرس الأفكار قبل ما يشوف الشخصية يعنى لمن يشوفوا بعض بيكونو مقتنعين مائة في المائة ولا شنو ؟

[sunni]

الأخت نسرينا، والبقية

أعتقد قبل ما نتبحر أكثر في الموضوع، علينا الفصل بين نحن ح نناقش (الزواج) ولا (كيف تعرفت على طرفك الآخر) لأنه ممكن يكون النت وفر فقط التعارف، وبعد كدة تم إحتكاك حقيقي

تحياتي

[ibn batoota]

في رأيي انه بدء العلاقة يبدأ بالتعارف، والتعارف ممكن يكون عن أي طريق، نت أو غيره. لكن تحديد نوع العلاقة انها حب، إستلطاف أو أي نوع آخر من الأحاسيس إرتكازا على التعرف عن طريق النت فقط من غير الإحتكاك هو ما يولد فشل العلاقة. وخلي كل واحد مننا يرجع لنفسه ويجيب على الأسئلة الآتية
1. هل كل ما تقوله في النت، انت مطبقه في حياتك فعلياً، ولا هي مثل تتمنى ان تطبقها؟
2. هل إنفعالاتك في المواضيع المطروحة في النت ح تكون نفس إنفعالاتك في الحياة العملية لو طرح نفس الموضوع من أخوك، أختك زوجك/زوجتك؟
3. هل كل ما تطرحه من رأي في النت، تستطيع ان تطرحه بنفس الجرأة على الملأ؟
4. هل لو عرفت عمر، وهيئة وجنس أحد أعضاء المنتدى، ووجدتها مغايرة لما إعتقدت، ح يكون إحساسك بيه هو نفسه؟

أعتقد تعامل العديد (ولا أقول الكل) مننا بيكون مبني على مبادئ مطلقة داخل الإنسان، قد لا يستطيع انه يطبقها في الحياة العملية، عشان كدة التعامل في النت في حالات كثيرة بيكون مع العقل والإحساس للطرف التاني بدون متغيرات الحياة التانية. ونحن المتغيرات بتاعتنا كتيرة جدا، وما بنقدر نطلع منها إلا من رحم ربي، وعلى سبيل المثال
1. القبيلة والعرق
2. العائلة والعلاقات بيها، فقد يتماشى إتنين، لكن ما يقدر واحد يتماشى مع عائلة التاني، وفي نفس الوقت ما يقدر يفصله عنها
3. الوضع المادي
4. الوضع الإجتماعي
5. مكان السكن
طبيعة العمل و و و و و و
والكلام في الموضوع ده كتيييييير

تحياتي لك على الموضوع الشيق يا نسرينا

الأخ السني السلام عليكم ورحمة الله

تقريبا إنت ختيت نقاط مهمة علي الحروف..بس لو لاحظت في مواقع كتيره جدا بتهتم بالزواج وبتلقي فيها كل التفاصيل عن الطرف الأخر...إبتداء من العمر والمستوي التعليمي والإجتماعي إلخ.... إضافة علي نبزه تعريفية عن الشخص..وبالتالي دي ممكن تسهل علي الشخص عملية الحصر حسب المواصفات المعطيات والمعطيات المطروحة...

[نسرينا بت بورتسودان]

[glow=FF9966]شكر إلي جميع المرور
ويلا يا شباب واحد ثاني يدخل يدينا راية[/glow]

[اصيله]

الزواج عبر الانترنت ممكن إذا توفرت فيه المصداقيه والثقه بين الطرفين وفى بعض الاحيان بيكون تعارف عادى عبر الانترنت وليس بحث عن الزواج وتتطور المعرفه الى حب وزواج هذا هو الشى السائد تقريباً

[نسرينا بت بورتسودان]

شكر إلي جميع المرور
ويلا يا شباب واحد ثاني يدخل يدينا راية