هام وعاجل ، محاولة هكر للمنتدي باءت بالفشل والحمد لله ،،،،

[صلاح يحيى سليمان]

الإخوة المشرفين،
أولا أحب أن أشكركم وأثمن جهودكم في المنتدى من إنشاء وتشغيل ومتابعة. ولي هنا سؤال،،، ما هي الإجراءات المتبعة لعمل نسخ إحتياطية للرجوع إليها في حالة التدمير الكامل للموقع،، وهو أمر ممكن يتم من الجانب المرن Software أو العتاد Hardware. يعني ممكن في بوم من الأيام نلقى روحنا ماعندنا لا داتابيز ولا برامج، أو نضطر انه نضحي بيها. عشان كدة لو ما عندنا جدولة لعمل نسخ إحتياطية وأخذ نسخ منها بعيداً عن المنتدى، فالمنطق بينصح بي كدة. أنا ما متوقع انه دي تكون فاتت على السادة المشرفين، لكن ليطمئن قلبي.

ربنا يخليكم للكل

اخى السنى...كيف حالك واحوالك...والاهل....ان شاء الله بخيروعافية.....( يا شباب...السنى تجمعنى
به علاقة عائلية...مع اننا لم نتقابل منذ اكثر من 30 سنة.....واليوم نحن فى منتدى واحد.......قادر الله..)
اود ان اطمئنك ....بانى بعمل كل يومين تلاته باك اب للمنتدى.......بس طبعا....اذا فى طريقة لعمل البك
اب ...بجدولة او اتوماتكلى يكون احسن......ما عندى فكرة.......نرجوا المساعدة....!!!!

مع تحياتى
صلاح

[صلاح يحيى سليمان]

[align=justify]بالمناسبة نسيت حاجة مهمة جدا وإنشاء الله تفعوا لي يعفي لي هو زاتو لأنو اللخمة والسرعه في انقاذ المنتدي كان همي كلو ،، العضو Soft Fingers برضو يا جماعه لعب معاي دور مقدر ومحترم وهو من الأعضاء الجدد لو راجعتوا منتدي الترحيب حتلقوهو هناك بس هو لسه ما شارك كتير عشان كده الناس ما بتعرفوا خالص برضو نشكروا ما قصر والتحية ليك رفيق دربي Soft Fingers ،،
والتحايا ليكم كلكم وأشكركم من خالص قلبي ،،

دمتم لرفعة المنتدي ،،
المشرف Still ،،[/align]

كل الشكر والتقدير مقدم للاخ Soft Fingers ....والشكر موصول لك اخ استيل لاخطارنا بجهده معك
كلك ذوق......ولاخونا Soft Fingers التحية

مع تحياتى

[ودالدرديري]

والشكر اجزله للأخ Soft Fingers وربنا يجعلها في ميزان حسناته وماتبخل علينا بمشاركاتك ويديك العافية.

[sunni]

يعني يا صلاح ختيتني في أمر ضيق، الليلة لو تاني انا قلت حاجة والناس وافقوا عليها،،، ح يقولوا واااااسطة ،،، كدة كويس ؟؟؟ بعدين حكاية ال 30 سنة دي راجعها لي شوية، وممكن (بسمح ليك يعني) تمسحها، انت ناسي الكل بيقرأ كلامنا،،، يعني الواحد لو كان عنده فكرة يجكس في المنتدى، طيرت علي كللللل حاجة
بمناسبة الواسطة دي ( بعدين عاوزك بي جنبة كدة عشان أقول ليك ال HTML ما شغالة عندي،، حتى شوف خطي.) والكلام ده لصلاح،، البقية قفلوا إضنينكم لو سمحتوا

على كل، عملية الباكب التلقائي ممكن تتعمل، بس بتتحكم فيها الأدوات الموفراها الشركة المستضيفة في الخادم بتاعها، وهل هو ويندوس ولا يونكس ولا لينكس. أنا بصراحة ما شديد في مجال برامج الويب (نحن بتوعين الأوراكل يابا). وماشاء الله في شايف كفاءات في المشرفين ممكن يساعدوا في الموضوع، بس المهم الباكب ما يكون في السيرفر نفسه، إنما لازم يتسحب بي FTP ولا لو عندهم أي Interface تسحب بيه الملف المضغوط في جهاز خارج السيرفر بتاعهم.

تحياتي

[صلاح يحيى سليمان]

اخوى السنى....منتصف الاربعينات ده عمر الرجولة...عمر النضوج ..والتجكيس الجد......مساكين
احنا....ودعنا...هههههههههههه.
ان شاء الله ال HTML دلوقتى اشتغل معاك....عدلت لك للمحرر القياسى ...احتمال يكون ده السبب.
بخصوص البك اب....اطمئن انا بنزلو عندى فى الجهاز مباشرة من لوحة التحكم...البك اب فى السى بنل
بتاع الشركة لكل الموقع....واحنا حقيقة محتاجين فقط باك اب للمنتدى...وذى ما قلت ليك ....بعملو مانويل
يعنى لوفى طريقة يتعمل اوتماتكلى يكون احسن....السؤال موجه لمن لديه فكرة....واذا ممكن الحكاية دى
تتعمل؟؟؟؟؟؟

مع تحياتى

[Still I Need U]

[align=center]انا عندي منتدي vBulletin في جهازي نفس المنتديات دي وبحاول اشوف فكرة BackUp
دي وبرجع ليكم ،،
تحياتي ،،[/align][/size]

[صلاح يحيى سليمان]

فى انتظارك اخ استيل......!
السؤال ايضا موجه للابن حليم....اذا فى هاك يمكن
تركيبه فى المنتدى لعمل باك اب اوتوماتكلى مبرمج.

مع تحياتى

[حبزوز الحلو]

اللة يخليك
يا استيل
يا رجل المهام الصعبة
وعشان ما نعمل
ليهو اهمية
الوهم دة
كونو
حزرين بس
ولي قدام
منتدانا........
واحسن فكره انو
الاعضاء الجدد
يجو بي معرفة مننا.........
حبزوز

[Soft Fingers]

خدمة الوطن تبدأ من البيت وبعده المجتمع الذي تعيش فيه وتعيشه والمنتدى جزء من مجتمعنا الذي نعيشه به اصالة السودان.... ونحن فدا السودان كبير كان أو صغير أو عالم ممتد عبر شبكة الانترنت (المنتدى)

[صلاح يحيى سليمان]

الاخ الكريم صوفت فنقر ...انا بتذكر رحبت بيك فى منتدى الاعضاء الجدد.....صاح؟؟؟؟؟
بس اسمح لى....احيك مرة تانية ...والمره دى معاها انحناءة ...تقديرا لشخصك الكريم....والف مرحب
بيك وسطنا.....فامثالك مكسب للمنتدى....! خد راحتك معانا ...البيت بيتك...ما تخلى زول تانى يهبشو.

مع تحياتى

[alwajeeh]

الإخوة المشرفين،
أولا أحب أن أشكركم وأثمن جهودكم في المنتدى من إنشاء وتشغيل ومتابعة. ولي هنا سؤال،،، ما هي الإجراءات المتبعة لعمل نسخ إحتياطية للرجوع إليها في حالة التدمير الكامل للموقع،، وهو أمر ممكن يتم من الجانب المرن Software أو العتاد Hardware. يعني ممكن في بوم من الأيام نلقى روحنا ماعندنا لا داتابيز ولا برامج، أو نضطر انه نضحي بيها. عشان كدة لو ما عندنا جدولة لعمل نسخ إحتياطية وأخذ نسخ منها بعيداً عن المنتدى، فالمنطق بينصح بي كدة. أنا ما متوقع انه دي تكون فاتت على السادة المشرفين، لكن ليطمئن قلبي.

ربنا يخليكم للكل

السني ابو العزائم ابو الريش


اسعد الله ايامك بالخير ياحبيبنا ...سعيد جدا جدا بشوفتك وطلتك في المنتدي الجميل دا ...وحقيقة كأني بيك داخل المستنصرية ...وانت تقلد مع حسين خالد ...ولابس الكوت بتاعك الازرق في البرد الشديد داك ...
سعيد جدا ان نتلقي في حلقة من حلقات التواصل السوداني المميز ...

وبعدين تنظير مافي انت زول متخسس في الهناي دا شد حيلك واعمل لينا نظام حماية علشان مايجي زول تاني يعمل حاجة ...خلاس ....والا بكلم ليك الصول علشان يجيك بالسوط ...

ياجماعة علي فكرة ...الزول دا انا اكبر منه ...هو الدفعة الوراي في الجامعة ..اها خلاص ارتحت يالسني ...انا قلتها قبل ما تقولها انت ..لاني عاااااااااااااااااااااارفك ....

سلامي للعيال ود الزين

[alwajeeh]

الاحبة رواد منتدي انا سوداني ...

ربنا يوفقكم ويسعدكم يارب ..الحمد لله ربنا ستر وحمي لينا الحوش من كل سوء ..لا اعلم ماذا اقول عن الشخص الذي فعل ذلك ...هل نسي أن الله تعالي محاسبه علي كل عمل يقوم به ..لماذا كل هذه الاذية ، لماذا العبث بجهود الناس ..هل يعتقد انه حقق انجاز في عملته هذه ، لا والله ..بالعكس لم يحقق غير دعاء الناس عليه والسب له ، فقد جعل نفسه في وضع كان جديراً أن ينأي بها عن كل سوء ..نسأل الله له الهداية يارب .

احبتي حبابكم عشرة ...والله يديكم العافية ويدكم تمسك شباك النبي صلي الله عليه وسلم ..مهند الزول الختييييييييييييييييييير مرة دا ..فاهم هو بعمل في شنو ..واستيل والمشرف العام وكل المشرفين ورواد الحوش الحلوين .....تعرفوا اقول ليكم شنو .......احبكم ......وبس ...

وربنا يديم المحبة والتواصل الجميل دا ...

ود الزين

[alwajeeh]

يعني يا صلاح ختيتني في أمر ضيق، الليلة لو تاني انا قلت حاجة والناس وافقوا عليها،،، ح يقولوا واااااسطة ،،، كدة كويس ؟؟؟ بعدين حكاية ال 30 سنة دي راجعها لي شوية، وممكن (بسمح ليك يعني) تمسحها، انت ناسي الكل بيقرأ كلامنا،،، يعني الواحد لو كان عنده فكرة يجكس في المنتدى، طيرت علي كللللل حاجةبمناسبة الواسطة دي ( بعدين عاوزك بي جنبة كدة عشان أقول ليك ال HTML ما شغالة عندي،، حتى شوف خطي.) والكلام ده لصلاح،، البقية قفلوا إضنينكم لو سمحتوا

على كل، عملية الباكب التلقائي ممكن تتعمل، بس بتتحكم فيها الأدوات الموفراها الشركة المستضيفة في الخادم بتاعها، وهل هو ويندوس ولا يونكس ولا لينكس. أنا بصراحة ما شديد في مجال برامج الويب (نحن بتوعين الأوراكل يابا). وماشاء الله في شايف كفاءات في المشرفين ممكن يساعدوا في الموضوع، بس المهم الباكب ما يكون في السيرفر نفسه، إنما لازم يتسحب بي FTP ولا لو عندهم أي Interface تسحب بيه الملف المضغوط في جهاز خارج السيرفر بتاعهم.

تحياتي

كدي عيني في عينك وقول الكلام دا تاني ...... :

[sunni]

يا جماعة، انا ما عاوز أحول المشاركة دي لي سجالات شخصية،،،، بس ده أخوي الكبير، وانا ما عندي غير أقول ليه حاضر،،، تاعبنا من زمان في الداخلية، سينير علينا من الزمن داك. بس بالمناسبة،، هو أكبر مننا كتيييير، ده نوع الإشتغل لممممما الله غفر ليه، بعدين قال أحسن أقرأ جامعة (أظن كدة) لأنه الشكل الشايفو ده، ولا من دور الدكاترة الدرسونا زمان. عمو عبدالمنعم الزين. عليك الله ما تقول حاجة

سلام

[alwajeeh]

يا جماعة، انا ما عاوز أحول المشاركة دي لي سجالات شخصية،،،، بس ده أخوي الكبير، وانا ما عندي غير أقول ليه حاضر،،، تاعبنا من زمان في الداخلية، سينير علينا من الزمن داك. بس بالمناسبة،، هو أكبر مننا كتيييير، ده نوع الإشتغل لممممما الله غفر ليه، بعدين قال أحسن أقرأ جامعة (أظن كدة) لأنه الشكل الشايفو ده، ولا من دور الدكاترة الدرسونا زمان. عمو عبدالمنعم الزين. عليك الله ما تقول حاجة

سلام

حاضر ياالسني مابقول حاجة ......بس تذكر كويس ...خلاص ...

اهلا وسهلا بيك وكم انا سعيد ان نلتقي مرة اخري في العالم الجميل هذا ...لك ود ومودتي وتحياتي وحبي العميق ....تسلم اخوي

ود الزين

[صلاح يحيى سليمان]

الاخوان الوجيه والسنى....انتوا كده هكرتوا المنتدى ...وقلبتوا ملتقى الذكريات...الجميل فى القصة انوا الناس
بعد مرور السنين تتقابل تانى وتتصافى القلوب وتعيد ذكرى ما هو كل جميل.....!
اخى الدرديرى ...اذا وضعت جملة اختراق المنتديات فى بحث قوقل.....ستجد مجموعة هائلة من المنتديات
المتخصصة فى تدريب ضعاف النفوس...فى تدمير المنتديات..وتخريبها....كورسات وتمارين عملية...بتوريك كيف تدمر كل مالا يعجبك ولا تميل اليه...واحيانا لكل شئ جميل اجمل مما تملك....والمضحك جدا فى الموضوع ....تجد دائما جملة ...((( ارجوا منك اخى الكريم ان لاتستعمل هذه
المعلومات لضرر المواقع الاسلامية ))))) ...تخلف ما بعده تخلف ...والغريب فى الامر ان مثل هذه الافعال
نادر ان تجدها عند الشعوب الاخرى......العرب يا اخوانا لسع عائشين فى الجاهلية ...والله اعلم يطلعوا
منها....حبهم للتدمير والعنف ...يتفاخرون به......شاهدت فى تلك المنتديات اشياء وافعال لا يمكن تصديقها.

مع تحياتى

[بوحه]

الحمد لله نحمده كثيرا واشكر كل من ساهم وانقذ المنتدى مشاركتي شويه متاخره لكن لاحظت الحين وانا اتصفح المنتدى ذكر موضوع الهكر وما كنت عارفه انوا بهذه الخطوره وماشاءالله عليكم استيل وصوفت فنكر والله يديكم العافيه .
بالمناسبه عملت ذي ماقال ابو بكر وكشفت على الجهاز ولقيت كما هو موضح
woafont=dosapp.FON
EGA80WOA.FON=EGA80850.FON
EGA40WOA.FON=EGA40850.FON
CGA80WOA.FON=CGA80850.FON
CGA40WOA.F0N=CGA40850.FON
ارجوا افادتي اذا كان في اي نوع من التجسس وشكرا اختكم بوحه

[العسوله]

تسلم يابطلنا
معتمدين على الله ثم عليك
تحيااااااااااااااتي لك