لماذا, يعتقد المغترب السوداني أنه متميز إجتماعيا وثقافياً, كمان؟
المغترب السودانى اول شخص دخل حضارة الدول المجاورة ثقافتها 2
المغترب السودانى دا فتح عيننا على منتجات كتيرة لولاهو ماكنا حنعرفها.زي مرقة ماجى ومعجون السغنل 2 45
المغترب السودانى دا الخلق نوع من المنافسة فى مجال العرس وبسببو وخوف منو الاولاد إشدو حيلهم واشتغلو
عشان مايجى مغترب يختف الحمام حقهم ....
المغترب السودانى دا ليهو الفضل فى خلق نوع من انواع الادب الخاص بيهو فى الاغانى والقصص والامثال .. كمان
المغترب مشكلتو مشكلة
لو شنف حاجة ولا قال دا غلط يقولوا عشان اغترب داير يتفلهم علينا
ولو فلتت منه كلمة بحكم التعود يقولوا خلاس نسى لهجته 45
ولو قال داير يرجع نهائي يقوموا عليه المرجعك شنو دي بلد يرجعوا ليها 45 55
ولو قال تاني ما راجع يقولوا نسى اهله وبلده
ولو مسك يده عشان يوفر حاجة يرجع بيها يقولوا عليه جلدة وما داير يساعد اهله
ولو صرف على اهله وهاداهم يقولوا ضيع قروشه دلاقين وما استفاد من غربته
احسن حاجة تجيه طيارة بدون طيار تفرتقو حتة حتة
وبعد دا حيقولوا المرحوم كان ارهابي تبع القاعدة
كمان في ناس بيقولو المغتربين غيااااظين الواحد فيهم بيونسك الونسه زااااتا كل ما تقابلو والنكته يحكيها ليك 20 مره غايتو الصراحة الصراحة الاغتراب بعد وصول سن معينه كدا بيبقى حاجة شينه خلاص
المغترب وما ادراك المغترب ...
انسان معصور بكل الجوانب اهل.. شغل ...اولادو ... حكومتو ... وحتي البلد المغترب فيها
.. يعني المغترب بالنسبة لي ديل كلهم نقطة جباية او بقرة حلوب
وهو ياحبة عيني ضيع اهم شئ في الحياة دي عمرو
لو قارنا كل شئ يقال في المغترب هل يوازي شئيا من ضياع العمر
انا بعرف ناس يقولوا ليك اغتربنا من السبعينات او التمانينات ومازال حالهم كما هو عليه تحلف تقول جاء امس من السودان بالرغم ارسل الكتير من الفلوس وشيد وبني المباني الجميلة واشتري سيارات وجاب الدهب والملايات والكسوة والحلاويات والعفش لكن عمرو ماضاق طعم ليها عشان جاري من يوم وضع رجلو في بلد الغربة حتي هذه اللحظة والعجب العجيب لا اهلو ولا حكومتو ولا البلد الفيها ولا كفيلو مريحنو الكل محمل عليه امالو وهو فقط معزب ولاينوبو من كل ماجمعو الا ضياع سنين ولت من عمرو ...
المغترب ... الله يكون في عونو
هو ظاهريا متميز " للنقلة الإجتماعية والطبقية " المختلفة بين الوطن وبلد المهجر
ولكن يكفينا أن نتمعن في صفة الكلمة نفسها " مغترب " لندرك الواقع الذي يعيشه
المغترب لانو بدفع كل يوم من عمرو ضريبة الغربة عذاااااب المغترب لانو مغترب بعيش ضغوط كتيرة شديد عشان اوفي التزاماته الخاصه العامة والمغترب عشان لازم اعمل حاجة لبكرة لانو المغترب ما عارف حارجع لحضن الوطن باي صورة لازم اعمل البيت والعربية ومستقبل الاولاد العاشو في بيئة ما حقتهم عشان كده المفروض نميزهم بالاحترام والرفق
هو إنسان منسى اجتماعياً .. مشكوك فىه وطنياً
يرأهـ الناس غنياً .. تعامله مع اقرب الناس لاكترونياً
ويبعث الأمل فى نفسه ذاتياً . . يرى اهله سنوياً
فقط فى احلامه يرى من يعشق يومياً
يعيش الاعياد هاتفياً .. حياة مختلفه كلياً ..
تخريمة :
يزوجه اهل وحدة متخلفه اجتماعياً
و ببساطه .. يقولوا ليهو احسن ليك دى بتحبك مادياً .. 45
اخونا ناجي
انحني اجلالا لجمال الطرح
حقيقة قد تواجه المغترب ضغوط اكثر
ممن يتواجدون هنا
فهنا الامكانيات محدودة وبالتالي الالتزمات
محدودة نوعا ما والمجاملات في
حدود ايضا
انما ذلك المغترب يعتبر في نظر
البعض بلعب بالقروش قاذا جامل برقم بسيط
يعتبروه جلدة
وربما كان وضعه اكثر مجابدة
بس تامنها سلفيات من البنوك
ولكن ما اعيب علي بعضهم التعالي علي
الغبش ورفع النخرة ان جاز التعبير
والكلام باعتبار السودان الوطن التاني
وبلد المهجر الوطن الاول
كسرة"""
البلد الما بلدك تعيش فيها
عمرك كلوا غريب
45
وبسببو وخوف منو الاولاد إشدو حيلهم واشتغلو
