بنات الحاج

[بانه]

قراته وكأني اراه امام اعيني

طلال واصل الابداع يا اديب 2

ننتظرين ونشوف الحا يحصل شنو

[كيوبيد]

معظم الكلام بكتبو وأنا قاعد على المكتب من خلال الفراغ البسيط في ساعات العمل
مرات بكون مافي فراغ بس بحاول أوجد فراغ ..

وقاعد أعاني معاناة شديدة في الحتة دي ... لأنو مرات في ناس بكونو شاغلني وفي نفس اللحظة بتكون عندي الرغبة في الكتابة

عادة يوم الخميس والجمعة بكون فاضي تقريبا ... إشتريت دفتر جديد وقلت أمشي البيت أنتهى من القصة في يوم واحد وأرتاح
لحدي يوم السبت والله ما قدرت أكتب غير بسم الله الرحمن الرحيم ..

بالنسبة لي .. وارد الكتابة زي الجدول الممتلئ بالمياه ... ما تعرف من وين ولا متين حـ ينفجر ..

مرات وسط الزحمة وفي أجواء غريبة جدا .. بجيك وارد الكتابة
ومرات وأنت براك .. والجو جميل ومرتاح جدا وكل شي مهيأ للكتابة ... بس ما تقدر تكتب كلمة

بالنسبة لسؤالك ... فالإجابة إني عندي ملف في جهازي وبحاول أكتب كل جزء في الملف ده قبل ما أنزلو في المنتدى .. عشان أعمل تصحيح وتنقيح للأخطاء ... قبل ما تنزل في المنتدى ... ورغم كده ما بسلم من الأخطاء
يعني الحكاية ممكن تاخد ليها ربع ساعة أو نص ساعة تقريبا ... ممكن تنقص وفي الغالب تزيد

بس في مرة من المرات جاني طلب من شخص عزيز إني أنزل جزء جديد ... وما كان عندي وقت
فكتبت على الهواء مباشرة زي ما تفضلت

عارف الأجابة أطول من اللازم بس كان في وارد

اجابة وافية وشافية
واصل ي فنان
وربنا يبعد العوارض
تعرف انا بقيت افكر اذا انتهت القصة ياربى بنات الحاج ح يطلعو من حياتنا
كتير اوكات بفكر انهم عايشين معانا
واحتمال اقابلهم يوم

[كيوبيد]

حاسي بى تنافر وتضاد المشاعر عند عبد الله
والبنية الله يكون فى عونا هى وعمتة
واقعين بين نارين
بس ما عارف احساسي بى عبد الله البعرفو انو كان ح يختفي من حياة البت
بس خذلنى ومشي ليها

اهو الحب قالو بسوى اكتر من كدا

[السنبلاية]

الحاج لم يقوم برفض عبد الله لأنه يكرهه او وضعه الاجتماعى أقل او من أجل ابوهـ السكران طبيبعى ..!!

بل اراد أن ينتقم لكرامته التى ذهب فى زوج أبنته الاولى .. وكان عبد الله واحد من الذين كشفوا المستور عن ذلك السر الذى لم يعرفه الحاج عن عريس الغفلة السابق ..

لذلك .. وكأنما أثبت عبدالله للحاج كأنه ارجل منه وأعمق منه فى الفكر والنظر الى المستقل .. هذا هو السبب الذى ولد الكراهيه بين الحاج وعبدالله .. وينطق عليه المثل البقول
( عينك فى الفيل وطعن فى ضله )

من زاوية أخر .. الحاج حاسى بالذنب الذى أرتكبه فى أخته زينب التى وافق على زوجها من ابو عبدالله السكران .. كأنما الذنب يلحقه لسنين طويلة بالرغم من مجىء عبد الله فى حياة أخته زينب و منحها الأمومة .. والسعادة الحقيقية .. لكن هذا لم يكون كافى للحاج ..!!؟؟

كأنما يريد أن يقول الولد ســــر ابيه ..!!؟

والله أعلم ..

[مسلمة وافتخر]

الحاج لم يقوم برفض عبد الله لأنه يكرهه او وضعه الاجتماعى أقل او من أجل ابوهـ السكران طبيبعى ..!!
بل اراد أن ينتقم لكرامته التى ذهب فى زوج أبنته الاولى .. وكان عبد الله واحد من الذين كشفوا المستور عن ذلك السر الذى لم يعرفه الحاج عن عريس الغفلة السابق ..
لذلك .. وكأنما أثبت عبدالله للحاج كأنه ارجل منه وأعمق منه فى الفكر والنظر الى المستقل .. هذا هو السبب الذى ولد الكراهيه بين الحاج وعبدالله .. وينطق عليه المثل البقول
( عينك فى الفيل وطعن فى ضله )

من زاوية أخر .. الحاج حاسى بالذنب الذى أرتكبه فى أخته زينب التى وافق على زوجها من ابو عبدالله السكران .. كأنما الذنب يلحقه لسنين طويلة بالرغم من مجىء عبد الله فى حياة أخته زينب و منحها الأمومة .. والسعادة الحقيقية .. لكن هذا لم يكون كافى للحاج ..!!؟؟

كأنما يريد أن يقول الولد ســــر ابيه ..!!؟

والله أعلم ..

[كيوبيد]

الحاج لم يقوم برفض عبد الله لأنه يكرهه او وضعه الاجتماعى أقل او من أجل ابوهـ السكران طبيبعى ..!!
بل اراد أن ينتقم لكرامته التى ذهب فى زوج أبنته الاولى .. وكان عبد الله واحد من الذين كشفوا المستور عن ذلك السر الذى لم يعرفه الحاج عن عريس الغفلة السابق ..
لذلك .. وكأنما أثبت عبدالله للحاج كأنه ارجل منه وأعمق منه فى الفكر والنظر الى المستقل .. هذا هو السبب الذى ولد الكراهيه بين الحاج وعبدالله .. وينطق عليه المثل البقول
( عينك فى الفيل وطعن فى ضله )

سنبلاية المفروض الحاج يكون شاعر بالامتنان تجاة عبد الله
بس انا اعتقد انو الحاج مصاب بنرجسية ارستقراطية
حاسي انو عبد حتى لو كان قريبو
ما يقدر يضمن مستقبل بتو معاهو
بعدين هو لسة طالع من تجربة زواج البت الكبيرة بفشل زريع
ودا بكون مخوفو من فكرة الارتباط
ودا ينطبق عليهو المثل
( الحرقتو الشوربة ينفخ فى الزبادى )

[السنبلاية]

سنبلاية المفروض الحاج يكون شاعر بالامتنان تجاة عبد الله
بس انا اعتقد انو الحاج مصاب بنرجسية ارستقراطية
حاسي انو عبد حتى لو كان قريبو
ما يقدر يضمن مستقبل بتو معاهو

المستقل فى علم الغيب ..!!؟

بعدين هو لسة طالع من تجربة زواج البت الكبيرة بفشل زريع
ودا بكون مخوفو من فكرة الارتباط

خطأ ..!!

ودا ينطبق عليهو المثل
( الحرقتو الشوربة ينفخ فى الزبادى )

ربما .. لكنى اختلف معك فى الرأى ... لئن المال والحياة الكريمة أرزاق من رب العالمين ..
بالرغم من اننا على قناعة بانو الفقر ما عيب .. لكن بينطبق علينا المثل البقول
( القرش عند ســيدو والناس تريدو ) ..!!!؟

عندما تتعلق الاشياء بأخفاق الرجل .. تكثر التكهنات كأنما لا يجب ان يكون الرجل على خطأ ..

[السنبلاية]

2

[كيوبيد]

ربما .. لكنى اختلف معك فى الرأى ... لئن المال والحياة الكريمة أرزاق من رب العالمين ..
بالرغم من اننا على قناعة بانو الفقر ما عيب .. لكن بينطبق علينا المثل البقول
( القرش عند ســيدو والناس تريدو ) ..!!!؟

عندما تتعلق الاشياء بأخفاق الرجل .. تكثر التكهنات كأنما لا يجب ان يكون الرجل على خطأ ..

اختلفى مع الحاج ي بتى انا مالى ومالو

[ام صبا]

طلال الحكيم أي كلام قليل في حقك عشان كده
الصمت والمتابعه

[ابن عوف]

متابعة

يديك العافية

[همسآت المطر]

مرحبا
ابداع ف ي ابداع
بعد ماقلبي اتقطع ودموعه سالت 45 55

ردت لي الروح بجزئيه الاخيره دي

غايتو ياطﻻل شقال تقطع وتوصل فينا 2

مزرعه سالم دي في امدرمان شكلها

بنتظار الجديد 2

[طلال الحكيم]

اخيرا البارت الجديد وصل
ما عارفة ليه حاسة انه مزرعة سالم دى حتزيد الامور سوءا
العاصفة اتية لا محالة
فنترغب وننتظر
طلال ابدعت كعادتك

كبت المشاعر تتولد عنه تصرفات ربما توصف بالخطيرة

تلاشت عندي العواصف
مع هذا الكم من المشاعر الدافئه
التي تخللت حزن الارواح كما اسميته
جميل ذاك العشق الذي يذيدك صلابة
جميل اصرار عبدالله ومي علي التحدي
واصل يا اديب


مودتي"

المواقف الصعبة هي التي تكشف معدن الحب الحقيقي من المزيف

قراته وكأني اراه امام اعيني

طلال واصل الابداع يا اديب 2

ننتظرين ونشوف الحا يحصل شنو

خليك قريبة يا بانة ... ونورينا

اجابة وافية وشافية
واصل ي فنان
وربنا يبعد العوارض
تعرف انا بقيت افكر اذا انتهت القصة ياربى بنات الحاج ح يطلعو من حياتنا
كتير اوكات بفكر انهم عايشين معانا
واحتمال اقابلهم يوم

ولما ننتهي ... بنات الحاج ما حـ ينتهو ...
في كل قرية أو حي ... موجودة بنت من بنات الحاج
وما تستغرب لو لقيتهم ال 3 في بيت واحد زي ما موجودين هنا بالظبط

حاسي بى تنافر وتضاد المشاعر عند عبد الله
والبنية الله يكون فى عونا هى وعمتة
واقعين بين نارين
بس ما عارف احساسي بى عبد الله البعرفو انو كان ح يختفي من حياة البت
بس خذلنى ومشي ليها

اهو الحب قالو بسوى اكتر من كدا

عبد الله البتعرفو عارف إنو - لا تزر وازرة وزر أخرى - عشان كده ما عايز يعاقب مي بذنب أبوها
وغير كده قال لأمه لو مي قالت جملة واحدة من كلام أبوها هو كان بخليها .. والأم قالت ليه .. هي ما بتقول

ده دليل على جمال مي الروحي


بعدين منو ديل ال قالو الحب بسوي أكتر من كده ؟ إنت ما بتعرف يعني ؟ تلقاك أنت كبيرهم

الحاج لم يقوم برفض عبد الله لأنه يكرهه او وضعه الاجتماعى أقل او من أجل ابوهـ السكران طبيبعى ..!!

بل اراد أن ينتقم لكرامته التى ذهب فى زوج أبنته الاولى .. وكان عبد الله واحد من الذين كشفوا المستور عن ذلك السر الذى لم يعرفه الحاج عن عريس الغفلة السابق ..

لذلك .. وكأنما أثبت عبدالله للحاج كأنه ارجل منه وأعمق منه فى الفكر والنظر الى المستقل .. هذا هو السبب الذى ولد الكراهيه بين الحاج وعبدالله .. وينطق عليه المثل البقول
( عينك فى الفيل وطعن فى ضله )

من زاوية أخر .. الحاج حاسى بالذنب الذى أرتكبه فى أخته زينب التى وافق على زوجها من ابو عبدالله السكران .. كأنما الذنب يلحقه لسنين طويلة بالرغم من مجىء عبد الله فى حياة أخته زينب و منحها الأمومة .. والسعادة الحقيقية .. لكن هذا لم يكون كافى للحاج ..!!؟؟

كأنما يريد أن يقول الولد ســــر ابيه ..!!؟

والله أعلم ..

كلامك وتحليلك غزير ومتنوع
ويحمل عدد كثير من وجهات النظر ... دمتي يانعة يا سنبلاية ودام عرفك

سنبلاية المفروض الحاج يكون شاعر بالامتنان تجاة عبد الله
بس انا اعتقد انو الحاج مصاب بنرجسية ارستقراطية
حاسي انو عبد حتى لو كان قريبو
ما يقدر يضمن مستقبل بتو معاهو
بعدين هو لسة طالع من تجربة زواج البت الكبيرة بفشل زريع
ودا بكون مخوفو من فكرة الارتباط
ودا ينطبق عليهو المثل
( الحرقتو الشوربة ينفخ فى الزبادى )

الحاج مما رجع من مصر ... لقى عبد الله سحب البساط من تحته
فـ أحس بالتهميش الشديد وبدأ يعامل وبلا وعي عبد الله معاملة الند للند

وصاح كان مفروض يكون شاعر بلاإمتنان لعبد الله على موقفه في قصة ميادة
لكن في نفس الوقت الموقف ده أشعرو بالتقصير تجاه بناته .. لأنو الحاجة دي كان مفروض يعملها هو ..موش عبد الله

عشان كده نفسياتو بدت تتغير تجاه عبد الله ... ولما إتقدم لـ مي ما وجد الترحب
بالعكس حاول يبعدو بشكل حاد ونهائي

طلال الحكيم أي كلام قليل في حقك عشان كده
الصمت والمتابعه

وأي كلام يتقال عن سعادتي بيكم قليل وقليل ..
ربنا يمتعنا بجمال أنواركم ويجعل الحروف أهلا لحضوركم الميمون .

متابعة

يديك العافية

تسلم يا غالي .... ما قصرت ابدا ونجيك في الأفراح

مرحبا
ابداع ف ي ابداع
بعد ماقلبي اتقطع ودموعه سالت 45 55

ردت لي الروح بجزئيه الاخيره دي

غايتو ياطﻻل شقال تقطع وتوصل فينا 2

مزرعه سالم دي في امدرمان شكلها

بنتظار الجديد 2

ألف سلامة ليك ... ونورتينا من تاني
مزرعة سالم رمز لأي مكان تلتقي فيه حكايات الحب المحكوم عليها بالموت فراقا

وما عدمناك

[طلال الحكيم]

* * * جبروت * * *

رفعت ناهد فنجان القهوة إلى الحاج وهما جالسان في المكتب

- القهوة بردت .. جابوها ليك من قبيل

تناول الفنجان بهدوء ولطف

- الأيام دي أنت ما طبيعي

- تعبان يا ناهد

- سلامتك من التعب ..... مالك؟

- عندي مشاكل في البيت

- وهو في بيت ما فيهو مشاكل ؟

- مشاكل البنات كتيرة

- بكره يعرسوهن وترتاح

- الظاهر عليهن حظهن زي الزفت

- ما تقول كده .. إتفائل خير

- يا رب

- أنت لما تجي المكتب ما تجيب معاك مشاكل البيت .. حاول أتناساها عشان تقدر تشتغل ... يعني لازم تفصل بين مشاكل البيت ومشاكل الشغل .. لا تشيل البيت للمكتب ولا تجيب البيت للشغل .

- كلامك صاح

- عشان كده أحسن نغير الموضوع ده

- آي أحسن

دغدغت كلماتها الهامسة دواخله وأحس بشيء من الراحة .. نعم فليترك مشاكل البيت جانبا
تأمّل وجهها الجميل وعاودته تلك الأحاسيس التي تتحرك كلمها تأملها

- عندي ليك سؤال

- أسأل يا سيدي

- أنتي ليه ما إتزوجتي تاني ؟

رمقته بنظرة حادة فتوقفت رشفة القهوة في حلقه ... ثم إنفجرت ضاحكة

- خفتا ولأ شنو ؟ قايلني زعلتا من سؤالك موش كده؟

- بصراحة .. آي قايلك زعلتي

- لا ما بزعل منك

- ...........

- بس حبيت أهظر معاك

استرخى في مجلسه .. فقد أعجبته هذه الدعابة وروحها المرحة وشاركها البسمات

- يا سيدي ببساطة كده ما عرست تاني عشان لسه ما عجبتا راجل

- طبعا ما حـ أصدقك

- ليه ؟

- معقول بعد الجمال والحلاوة دي كلها ... ما تعجبي راجل ؟

- أهو ده الحصل

- ده كلام فاضي

- يعني أنت شايفني لقيت لي راجل وأبيت ؟

- ما معني كده إنك ما عاجباهم

نظرت إليه وقالت بجراءة

- يعني هسه أنا عاجباك ؟

ارتبك وتردد قليلا

- آي .. طبعا أكيد عاجباني

ثم صمتا ....... وبدأ يحادث نفسه ويتساءل ...مما يخاف ؟
لماذا دائما يرتبك ؟ أين قوته وسطوته وجبروته ؟

يجب أن يهزمها مرة مثل ما تهزمه في كل مرة

يجب أن لا يهرب من أنوثتها بعد اليوم ... لن يهرب بعينيه من عينيها
ولن يتلعثم بعد اليوم

غيّر حديثه الذي دار بينه ونفسه ... تصرفاته
فبدا واثقا من نفسه .. ثابت النظرات ... مرحا وكأنه إبن الثلاثين ..

قام على قدميه ومشى عدة خطوات في مكتبه الفسيح ..
ثم إلتفت و نظر إليها نظرة أثارت إرتباكها ولأول مرة

- ناهد

- نعم

- أنت عاجباني

أطرقت خجلا .. ولكن ما لبثت عاودها طغيانها الأنثوي فقالت

- يعني لو في واحدة بتشبهني كده مثلا .. طلبت منك تتزوجها ..حــ تتزوجها ؟

قالت جملتها .. وهي تبتسم مقدما في إنتظار تلعثمه وإرتباكه المعتاد في الرد

ولكنه قابل طغيانها الأنثوي بجبروت الرجال وقال ببرود مخيف

- من غير ما تطلب .



********************************

صارت مي تقابل عبد الله في مزرعة سالم ..
أكسبتهما لقاءاتهما المتكررة ثقة في بعضهما البعض

وأدرك كل منهما مكانته في قلب الآخر ..

صار يوم سفر عبد الله الموعود وكأنه البعبع .. الذي كلما دنا منهما كلما أعتصرهما الخوف والألم

كانت علاقة فوزية ببناتها أشبه ما تكون بعلاقة الصديقة بصديقاتها
لا يكتمنها سرا ... وتستر عليهن زلاتهن ..

لذا صارت تغض الطرف عن تحركات مي وخروجها المتكرر مع منى وأحيانا بدونها
هي تعلم أن الهدف الرئيسي لم يكن زيارة صديقاتها كما تزعم ... كانت تعلم أنها تقابل عبد الله سرا

ولكنها تثق ببنتها وبعبد الله رغم اقتناعها بأن ما يفعلاه ليس صوابا

ولكن كان هناك سبب خفي يجعلها تغض الطرف عن منعها أو حتى مجرد مواجهتها
كان حنقها على الحاج عظيما

تحس بالمرارة التي سكبها في جوف بنته والجروح التي أدمى بها قلب عبد الله وأمه المسكينة

لم تشأ أن تحرق قلب إبنتها أكتر بحرمانها من الخروج أو إخبار الحاج بذلك ..
فآثرت الكتمان وإدعاء الجهل وغض الطرف مع المتابعة من بعيد لكل ما يجري حولها


************************************

ومض موبايل مي وأطلق رنة معلنة بوصول رسالة

ولكنها كانت شاردة البال ... فلوحت لها منى

- يا بت هيي .. جاتك رسالة

نظرت إلى الهاتف وقالت بإستغراب

- رسالة غريبة من رقم غريب

- فيها شنو ؟


- هاك شوفيها

نظرت منى فوجدت الرسالة عبارة عن كلمة واحدة بين قوسين (بحبك)

إبتسمت وقالت بمكر

- ده منو كمان ؟

- ما عارفة

- أحلفي

- والله جد

ثم لم تمر إلا دقائق معدودة حتى أتتها رسالة أخرى (كيف من بعدك أكون؟)

- منى .. جات رسالة تانية

- كدي وريني

- هاك

- شكلو عاشق ولهان

- كيف عرف رقمي ؟

- تلقي أخو واحدة من صاحباتك

- حتى ولو ..... كيف يتجرأ ويرسل رسايل زي دي ؟ ده واحد قليل أدب تفتكري تكون منو من صاحباتي ؟

- الله أعلم

قطبت جبينها وشرد بالها في صوحيباتها أيهن تفعل ذلك .. فأعادتها الرسالة الثالثة من شرودها

وكان فحواها ( شفت كيف حبك حياتنا ؟)

نظرت إليها منى فعلمت من تعابير وجهها أن الرسالة من ذات المصدر .. ورأت الغضب يتملكها وهي تأخذ الهاتف بعصبية وتتصل على صاحب الرقم الغريب

وتصرخ في أذنه

- ألو ... لو سمحت أياك ترسل تاني في الرقم ده .. إحترم نفسك وبطل قلة أدب

فجأة إنقشعت سحابة الغضب وحل محلها سرور مفاجئ وذلك عندما سمعت ضحكات عبد الله ... فقالت بخجل

- عبد الله ... هو ده أنت ؟

- آي ده أنا يا شريرة ...

- تستاهل

- ليه كمية الغضب دي

- أنا قلت ده واحد تاني

- منو الغيري بقدر يقول ليك كده يا روحي ... لو في زول قال ليك كده بقتلو

- وأنا أصلا ما عايزة أسمع الكلام ده من غيرك

- ما هو باين ..

ثم ضحكا وضحكت معهما منى وهي تشير من على بعد بعلامة النصر إستخفافا بـ مي بعد هذا الإنقلاب المفاجئ من الغضب إلى الرضا

فواصلا حديثهما

- متين عملت الرقم ده يا عبد الله ؟

- هسه .... وأنت أول زول أتكلم معاه

- يا روحي أنت

- لما أسافر لازم أتصل عشان أطمن على أمي ... وعلى حبيبتي

- يعني أخيرا حـ اتكلم معاك في أي وقت

- أخيرا يا نور العين

قالت بحزن وألم

- خلاص مسافر بعد بكرة ؟

- آي إن شاء الله

- وحتخليني كده ؟

- نعمل شنو قدر مكتوب

- والله يحليلك

- يمكن لخير .. يمكن لما أبعد كده من الساحة ... أبوك يراجع نفسو ويسمح لي إني أتزوجك لو أتقدمت ليك تاني

- عليك الله بعد الكلام القالو ليك حتقدر تجي تتقدم لي تاني ؟

- يا بت أنا ما بهمني إلا أنت ... وعشان خاطرك أتحمل كل ألم الدنيا

- حتكون معاي كده طوالي ؟

- أكيد

- توعدني ؟

- وعد شرف

- موعدنا بكرة في المزرعة يا حبيبي

- ما ناسي

- حيكون أخر لقاء

- إن شاء الله ما آخر لقاء

- قصدي قبل السفر

- إن شاء الله برجع ليك

- بكرة تعال بدري شوية عشان أتون سمعاك كتير

- من عيوني

- تسلم لي عيونك

- طولت عليك وكملت ليك رصيدك

- فداك

- فداك عمري

- سلام

- الله يسلمك

أنهت المكالمة وأحتضنت الهاتف وكأنها تحتضنه

إلتفتت فوجدت منى تنظر إليها بقلق

- وبعدين يا مي ؟

- أها

- شايفاكم كل يوم متعلقين ببعض أكتر

- صاح

- بس الظروف الحوليكم ما مشجعة على كده

- طيب نعمل شنو ؟ لازم نقاوم

- أنا شايفة بعد كلام أبوك تاني ما في طريقة

- برضو ما حنستسلم

- غايتو إلا تعرسو في السر وتهربو بالقطر زي ما بحصل في الأفلام الهندية

- بديتي تهظري وتتريقي موش كده ؟ أحسن أقوم منك طوالي .. وطبعا انا ما ناقصاك زي ما عارفة

أنصرفت وتركتها تتهادى بين افكارها وتساؤلاتها

هل لو كانت هي في مكان مي .. هل كان عبد الله سيحبها كل هذا الحب ؟

هل كان سيكون رد الحاج لعبد الله هو نفس الرد ؟

هي إلى الآن تتعجب من تلك الطاقة التي اكتسبتها مي وتلك القوة التي بدت تظهر في أفكارها وكلماتها وأفعالها بعدما كانت مضربا للمثل في المسكنة والوداعة والهدوء

هل كانت ستقوم مثلما تقاوم مي الآن ؟ أم تراها كانت إستسلمت من أول مطب ؟

هي تحمل في قلبها الحب الكبير .. ولكنه تشك في قوتها وصبرها ..

ولا تعرف من أين أتت بهما مي لتجابه قرار الحاج .

[ابن عوف]

ابداع....... واصل

[مسلمة وافتخر]

وانقلب السحر على الساحر يا ايتها الانثى المفترسة

[السنبلاية]

* * * جبروت * * *

رفعت ناهد فنجان القهوة إلى الحاج وهما جالسان في المكتب

- القهوة بردت .. جابوها ليك من قبيل

تناول الفنجان بهدوء ولطف

- الأيام دي أنت ما طبيعي

- تعبان يا ناهد

- سلامتك من التعب ..... مالك؟

- عندي مشاكل في البيت

- وهو في بيت ما فيهو مشاكل ؟

- مشاكل البنات كتيرة

- بكره يعرسوهن وترتاح

- الظاهر عليهن حظهن زي الزفت

- ما تقول كده .. إتفائل خير

- يا رب

- أنت لما تجي المكتب ما تجيب معاك مشاكل البيت .. حاول أتناساها عشان تقدر تشتغل ... يعني لازم تفصل بين مشاكل البيت ومشاكل الشغل .. لا تشيل البيت للمكتب ولا تجيب البيت للشغل .

- كلامك صاح

- عشان كده أحسن نغير الموضوع ده

- آي أحسن

دغدغت كلماتها الهامسة دواخله وأحس بشيء من الراحة .. نعم فليترك مشاكل البيت جانبا
تأمّل وجهها الجميل وعاودته تلك الأحاسيس التي تتحرك كلمها تأملها

- عندي ليك سؤال

- أسأل يا سيدي

- أنتي ليه ما إتزوجتي تاني ؟

رمقته بنظرة حادة فتوقفت رشفة القهوة في حلقه ... ثم إنفجرت ضاحكة

- خفتا ولأ شنو ؟ قايلني زعلتا من سؤالك موش كده؟

- بصراحة .. آي قايلك زعلتي

- لا ما بزعل منك

- ...........

- بس حبيت أهظر معاك

استرخى في مجلسه .. فقد أعجبته هذه الدعابة وروحها المرحة وشاركها البسمات

- يا سيدي ببساطة كده ما عرست تاني عشان لسه ما عجبتا راجل

- طبعا ما حـ أصدقك

- ليه ؟

- معقول بعد الجمال والحلاوة دي كلها ... ما تعجبي راجل ؟

- أهو ده الحصل

- ده كلام فاضي

- يعني أنت شايفني لقيت لي راجل وأبيت ؟

- ما معني كده إنك ما عاجباهم

نظرت إليه وقالت بجراءة

- يعني هسه أنا عاجباك ؟

ارتبك وتردد قليلا

- آي .. طبعا أكيد عاجباني

ثم صمتا ....... وبدأ يحادث نفسه ويتساءل ...مما يخاف ؟
لماذا دائما يرتبك ؟ أين قوته وسطوته وجبروته ؟

يجب أن يهزمها مرة مثل ما تهزمه في كل مرة

يجب أن لا يهرب من أنوثتها بعد اليوم ... لن يهرب بعينيه من عينيها
ولن يتلعثم بعد اليوم

غيّر حديثه الذي دار بينه ونفسه ... تصرفاته
فبدا واثقا من نفسه .. ثابت النظرات ... مرحا وكأنه إبن الثلاثين ..

قام على قدميه ومشى عدة خطوات في مكتبه الفسيح ..
ثم إلتفت و نظر إليها نظرة أثارت إرتباكها ولأول مرة

- ناهد

- نعم

- أنت عاجباني

أطرقت خجلا .. ولكن ما لبثت عاودها طغيانها الأنثوي فقالت

- يعني لو في واحدة بتشبهني كده مثلا .. طلبت منك تتزوجها ..حــ تتزوجها ؟

قالت جملتها .. وهي تبتسم مقدما في إنتظار تلعثمه وإرتباكه المعتاد في الرد

ولكنه قابل طغيانها الأنثوي بجبروت الرجال وقال ببرود مخيف

- من غير ما تطلب .

ناااااااااااااااااااهد ...!!!!!!!!!!!!؟؟

عندما يجتمع دهاء المرأة ومكر الرجل ..!!؟؟

اكيد ح تقع كارسه ..!!

وماذا بعد هذا يا الست ناهد ..!!

ومن اين ستبدأ زاوية الصراع .. بين ( فوزية وناهد )
ولا بين ( مى ) وابيها

ولا بين ميادة ومنى وابيهن ..!!

الأســــئلة تدور فى فلك العائلة المفككة من الدواخل ..!!!؟

تخريمة :

شكلى صعبتها صااااااااااح ...!!؟

[مسلمة وافتخر]

ناااااااااااااااااااهد ...!!!!!!!!!!!!؟؟

عندما يجتمع دهاء المرأة ومكر الرجل ..!!؟؟

اكيد ح تقع كارسه ..!!

وماذا بعد هذا يا الست ناهد ..!!

ومن اين ستبدأ زاوية الصراع .. بين ( فوزية وناهد )
ولا بين ( مى ) وابيها

ولا بين ميادة ومنى وابيهن ..!!

الأســــئلة تدور فى فلك العائلة المفككة من الدواخل ..!!!؟

تخريمة :

شكلى صعبتها صااااااااااح ...!!؟

معاكى حق اسرة الحاج اصبحت فى منعطف خطير
فوزية سلبية جدا لا بتربط ولا بتحل
والحاج عايش فى دور العاشق الولهان وبعامل اسرته بمنتهى الانانية وعدم المبالة
ومى فى حاله حرجة جدا ما بين حبها لعبدالله وتمردها على قرار والدها التعسفى والانانى

[السنبلاية]

وانقلب السحر على الساحر يا ايتها الانثى المفترسة

حتى لو انقلب السحر على الساحر ..
ناهد من النوع الذى لا يعرف الاستسلام ..

ستخترع سحر من نوع آخر .. لتصل ما تصبو اليه ..!!

شفتى كيف

[السنبلاية]

معاكى حق اسرة الحاج اصبحت فى منعطف خطير
فوزية سلبية جدا لا بتربط ولا بتحل
والحاج عايش فى دور العاشق الولهان وبعامل اسرته بمنتهى الانانية وعدم المبالة
ومى فى حاله حرجة جدا ما بين حبها لعبدالله وتمردها على قرار والدها التعسفى والانانى

الله يجيب العواقب سليمة ...