الكرسي الساخن

[صلاح يحيى سليمان]

ابن بطوطه....انا ما بعرف اعوم....وما اظن حا اتعلم العوم
عندى فرصة للعمل فى باخرة؟؟؟؟؟؟؟؟؟

مع تحياتى

[ibn batoota]

والله يا أبو راشد شغل البحر ده ماعاوز ليهو عوم عايز ليهوصبر، وإنت ماشاءالله ماسك حبل الصبر..

إنت بس شرفنا ولو ماشالتك الباخرة عيونا حاضرة...

نسلمك غرفة القيادة ونحن مطمئنين إنو حاتوصلنا لي بر الأمان......

تقبل تحياتي ابوراشد

[شاربة توت ولابسة بوت]

كرسي ساخن لإبراهيم الجيو :


مـاذا تعـني لـك حـبــيـبتـك ؟

[أود]

ابن بطوطه
السؤال المتوقع
تسأل عنه او تريد ان تسأل عنه شنو

وردك ليهو شنو

[ابراهيم الجيو]

الكرسي يا توت لسه فيه إبن بطوطة,
لما يجيني الدور بجاوبك؟؟؟

[شاربة توت ولابسة بوت]

اعتقد السؤال لأي عضو
والدور ماشي
واللي بيجي دوره بيجاوب
تمااااااااااام ؟

[احمد يس]

الاخ ابن بطوطة

اذا عاد بك الزمان الى الوراء هل كنت ستختار العمل بالبحر ؟

[ودالدرديري]

ابن بطوطة
ماذا تغعل لو كنت قبطان التايتنك وهي تغرق؟؟؟

[ودالدرديري]

وتااااني يا ود بطوطة
عاين في توقيعي التحت دا وورينا معلومات عن الحتة دي
وهل تم اكتشاف سرها ام ماذا؟؟؟

[الدكتوره]

ابن بطوطه بعد رحله طويله فى البحر والعوده بامان الى الديار شنو اول حاجه بيكون نفسك تعملها ؟
ومنو اكتر شخص بتكون مشتاق ليه؟

[ابراهيم الجيو]

جدا يا توت:
ماذا تعني لي حبيبتي؟؟

سؤالك أكبر من أن أجاوب عليه تعبيرياً,,,,, تعني لي الكثير,,,, تعني لي كل نظرة أنظرها للمستقبل,,, تعني لي كل حرف أدرسه ,,, تعني لي أن أعيش الواقع بأحسن ما أكون,,, تعني لي أن أتفائل للغد,,, تعني لي عمراً فوق عمري,,, تعني حبي لها من قلبي,,, جوارحي,, ضميري,,, مشاعري,,, احاسيسي.

حبيبتي ياتوت كلمات لا تقولها الافواه,,, حبيبتي حروفا لا تكتبها الأقلام,,,حبيبتي قصائد لم يقلها شعراء,,, حبيبتي حكايات لم يروها كُتاب,,,,
حبيبتي صفحات لا تنتهي,,,, حبيبتي روحا توائمت بروحي,,, حبيبتي شيء اسطوري,,,حبيبتي شيء لا وجودي,,, حبيبتي شيئ خرافي,,, حبيبتي شيئ لا انتهائي

حبيبتي يا توت أروع وأسمى من أن أوصفها تعبيرياً,,,,

ولصراحة وسخونة هذا الكرسي أخبرك أن لمعرفتي بها صدفة غريبة يا توت: فبداية معرفتي بها قد كانت عن طريق إشكالية طريفة جداً توت كلما أتينا لذكراها يذكروني سؤالك هذا,,,

وأقول لها الآن:
حبيبتي ...........
بكل حروف الكلمة .. احبك
بكل حروف الكلمة .. اعشقك

حبيبتي كلمة لا يدرك معناها
الا من اقتبس العشق,,,, فليأتوا ويتعلموه منا,,,

أتمنى أن أكون قد وفَقت في الإجابة على سؤالك,,,





لفة جنب العمـــــــــــــود:

والله الكرسي سخن سخانة,,,

[ibn batoota]

سلام للكل...... وآسف علي تاخير الرد لاسباب نفسية...........

بالنسبة لسؤالك ياأود، السؤال الكنت متوقعه سألو الاخ أحمد يسين...
والإجابة لو رجع بي الزمن تاني، كنت حاأختار البحربرضو بس مع إختلاف في المسمي الوظيفي.

تقبلوا سلامي

[ibn batoota]

الاخت توته...
تقريبا إبراهيم الجيو جاوب بي طريقة معبرة.........
حبيبتي بتعني لي ياتوتة مملكة صغيرة انا الملك فيها وهي الملكه..... مع إنو مافيها شعب شأن نحكمو... لكن بنحس إنو حاكميين العالم بأسره....... مملكة مستحيل تنهار امام جيوش الشك والظنون.....او ظروف الحياة ومتقلبات الزمن...... لانها مبنية عل أساس من الصدق.....الإخلاص.......الوفاء...
بإختصار انا بعني ليها الأمان وهي بتعني لي الملاذ...

تخريمه صغيرة....

انا حبيبتي لغاية الآن ماشفته

[ibn batoota]

ود الدرديري سلام.........
بالنسبة لي تايتانيك انا لو كنت الكابتن smith ماأظن كنت حاأعمل أكتر من العملو..... لانو فعلا هو أدي دورو علي أكمل وجه........ في إنقاذ الركاب..... لكن صدمة الباخرة كانت أكبر من إنو تتواجه.....

بالنسبة لي مثلث برمودا.....إختلفت فيه الاقاويل..... والروايات عنه كثيره.... منها مايعود الي طبيعة المنطقة الجغرافيه.... واقوال أخري تقول إنه يقع مع الكعبة الشريفة في خط متوازي....... روايات آخري تقول إن المنطقه مستوطنات للجن....... ورغم كل الروايات والاقاويل يظل مثلث برمودا اللغز الذي حير العالم الي الأن والعلم عند الله سبحانه وتعالي...

[ibn batoota]

سلام من علي البعد دكتورتنا الرائعه.......

اولا اول حاجة نفسي فيها إنو بكون عايز إتمشي في الأرض......يعني اي مشوار مهما كان بعيد بحبز امشيهو...... كدارررررري........... لانو بكون حقيقه مشتاق لي الأرض....... يعني انا بكون في البحر من خمسة الي تمانيه شهور متواصلة...... حتي لمن ارجع بشوف الناس والأرض غريبيين علي شديد...
غايتو اصحابي تعبانين معي شديد من الحوامة والمشي الكتير....

انا بكون مشتاق لي الناس كلها خصوصا الاهل والاحباب......... بس في أخر رجعه لي قبل شهرين حقيقه كنت مشتاق لي زول معين وبي الرغم من إنو إجازتي كنت قصيرة إتمنيت إني إشوفو..... ولكن تأتي الرياح بمالا شتهي السفن ورجعت البحر بي أشواقي من غير حتي اسلم عليهو.....

تقبلي سلامي

[ibn batoota]

ياجماعة اشكركم علي الوقت الممتع القضيتو في الكرسي المولع ده......... ونترك الفرصة للأخرين..... وإتمني ان اكون وفقت في الإجابات علي الاسئله........


دورك يا إبراهيم الجيو...... شايفك من مابدينا بتولع في النيران..... اها الدور جاك خم وصر.....

اول سؤال من غير لف ودوران.....

يوم الخميس الفات كنت مساهر وين؟

[ابراهيم الجيو]

إبن بطوطة,,,,,
عشان قمت من الكرسي ولا شنو,,,,,
إنت لو داير النوع ده كنت بحكك والله,,,,
ما عندك مشكلة يا غالي,,,,,
بتجي تاني تقعد فيه,,,
الكرسي يجبر على الإجابة بمصداقية تامة,,,,

كنت مضهب, جنس ضهبة,,,,,
حفلة أأأأأأألف
مووووووووت جد
جككسسسسس فل,
خلللللللللط تقيل,,,

بعديها جيت الماسنجر,,,,,
وقعدت فيهوا للصباح,,,,


لفة جنب العمو:

هو الكرسي ده مالوا بيسخن بسررررعة؟

[الدكتوره]

ابراهيم مرحب بيك
انا حسالك مجموعه اسئله متنوعه
بسم الله
شنو هى الماده الى كنت بتكرها فى المدرسه ؟ وليه؟
كنت تتمنى انك تدرس طيران ولا جات كدا ؟
ولو لا شنو كانت امنيتك؟
احنا من ابن بطوطه والبحر لى ابراهيو والجو
دى تخريمه

ما هو اجمل مكان فى السودان تحبه ؟
ماهى الدوله الى تتمنى زيارتها؟

سياره تتمنى تشتريها؟
واول مشوار حيكون وين؟

اذا جاتك الفرصه انك تلتقى بى شخص من المنتدى تختار منو ؟
ولنا عوده

[nourelsalam]

بسم الله الرحمن الرحيم
الاخ ابراهيم الجيو
من الاسلئة التى اصبحت تشكل هاجسا لى انا شخصييا وللكثير غيرى من الاخوة والاخوات فى بلاد الغربة اقول لك وبكل امانة منك فى الرد اية رايك فى الغربة والاغتراب وسلوكيات السودانى فى الاغتراب
هل الجيل الجديد بخير مع افرزات العولمة ومع تمط الحياة السريع الان

مارايك فى العادات والتقاليد الدخلية علينا ابتدا بسلام البوس وانتهاء با لاحتفال بعيد الحب
مع شكرى وتقديرى
نور الاسلام

[احمد يس]

ابراهيم

لو ساعدتك ظروفك المادية لعمل مشروع ما .......تفضل يكون فى العاصمة او فى مسقط رأسك دنقلا ؟