ساعة شباب

[بانه]

بسم الله نبدأ

موضوع عن القيل والقال

في انتظار مشاركاتكم

[بانه]

بسم الله والصلاة والسلام علي رسول الله

القيل والقال وما ادراك ماهي (نقل الكلام بين الناس)

عاده منتشره بصوره كبيره جدا

فككت كثير من الاسره

وعملت كثير من المشاكل بين الناس

حاليا كمان بقت اسرع

لانه وسائل التواصل بقت اسهل

يعني اسي حاليا الكلام يجيك في الواتس وغيره في اقل من دقيقه

في رائ الشخصي الزول م يشتغل بي كلام الناس

هو البقولو الناس شويه

[ninar tato]

قال فلان وقال علان

مدعاة الى خرب العلاقات
بين الاخرين

وهذه الظاهرة عامة
وخاصة عند النساء
" وقت جبنه او غيرو "
واحيانا بقولو شمار

[بانه]

قال فلان وقال علان

مدعاة الى خرب العلاقات
بين الاخرين

وهذه الظاهرة عامة
وخاصة عند النساء
" وقت جبنه او غيرو "
واحيانا بقولو شمار

وكله تاليف ساااي ما حقيقه

ما عند النساء بس

معشر الرجال برضو في جزء منهم

[ninar tato]

وكله تاليف ساااي ما حقيقه

ما عند النساء بس

معشر الرجال برضو في جزء منهم

احيانا قد يكون صحيح
واقول احيانا ليس كله
بل جزء منه ..
..
..
صح بينتشر عند الرجال
وبالاخص الشباب دون
الثلاثين

[بانه]

احيانا قد يكون صحيح
واقول احيانا ليس كله
بل جزء منه ..
..
..
صح بينتشر عند الرجال
وبالاخص الشباب دون
الثلاثين

بغض النظر اذا حقيقه او تاليف ايه لازمه نقل الكلام

وتدمير العلاقات بين الناس ؟

اي منتشر شديد

[ninar tato]

في محل النميمة

[ود الخير]

قال تعالى فى سوره القلم (لا تطع كل حلاف مهين هماز مشاء بنميم ) صدق الله العظيم
ومن اصدق من الله قولا
برجع

[بانه]

قال تعالى فى سوره القلم (لا تطع كل حلاف مهين هماز مشاء بنميم ) صدق الله العظيم
ومن اصدق من الله قولا
برجع

ونعمه بالله

في الانتظار 2

[بانه]

موضوعنا القادم موضوع مهم جدا ترقبونا

[شذي زهر]

أسوأ حاجه نقل الكلام بين الناس.....إذا كان صحيح أو كذب.....بمعني لو قالو
الكلام ذاتو ولا ذادوهو..... النتيجه وحده
فتنه ومشاكل وخصام وقطعيه. ..
أسلم حل
لو جاء زول شايل ليهو قواله لزول تاني
انو تكون في مواجهة بين الناقل الكلام والشخص التاني. المتهمنو انو قال وقال.
والقاضي ....يكون الزول القالو فيهو الكلام
. ..
يستمع من إل2. ..وبعدها يحكم..غايتو لو كل زول عمل كده....تاني نهاااااائي مافي زول بيجيب. ليهو قواله لزول تاني

[بانه]

يا سلام عليك يا هيويه

كلامك منطقي جدا جدا

وما محتاج زياده

[بانه]

موضوعنا اليوم عن



ايجابياته :

سهل التواصل بين كل من

● الاهل

●القرايب

● الاصحاب

●وحتي علي صعيد العمل كتير من الناس استفادت منه

سلبياته :

●نشر الفتنه بي الناس

● المشاكل والفضائح البقت منتشرة بسرعه كبيره جدا

●الصور والفيديوهات الما كويسه

الاسئله :

1-كيف الناس تقدر تستخدمه بطريقه آمنه ؟

2-ليه لما يصلني فيديو او صوره ما امسحه ليه برسله لي فلان وفلان يرسله لي فلان؟

☆في انتظار مشاركاتكم

[شذي زهر]

ي بت ي بانه ....شنو النشاط ده .والمواضيع الحيه دي.....عيني بارده

فعلا برنامج الواتساب برامج تواصل سهل وجميل ولذيذ وممتع
بس للاسف......ضعاف النفوس يستخدمونه.علي حسب اهوائهم ونفوسهم المريضه. ...
وعشان نتجنب الشي المؤسف دا..ونكون في الامان دائما.......لازم تمسح أي رساله أو فيديو أو أي صوره ......فورا بمجرد ماتصلنا طال ما أننا نجهل مصدرا. ..وإذا تكرر الأمر نستخدم الحظر......وبكده نكون وفرنا علي أنفسنا الصدمة الممكن تحصل لينا ا. ...

[بانه]

هيويه نشكرك ع مشاركتك الجميله دي

مواضيعي الحلوه دي انتو السبب اني اكتب بالطريقه دي

انتي عارفه نزلت الموضوع دا وما عندي واتساب

ولا عايزة اعمله زاتو

فعلا فعلا لو عملنا كده بنصلح شويه

بس انا كمان عندي مشاركة بسيطه

قبل كم يوم الوالد (الله يديه العافيه ) حكي لينا انه قرأ ف الصحف انه في قروب معمول ف الواتس بين

شباب وشابات ف واحد منهم نزل الونسه حقتهم كلها

ما بعرف السبب شنو البخلي زول يعمل كده ؟

[بانه]

في انتظار مشاركاتكم

[مرسال الشوق]

ف البدء .... اشكرك الغالية بانه
لقد اطرقتي لموضوع مهم وشائع هذه الايام الواتساب وما ادراك ما الواتساب ذلك البرنامج الذي شغل الدنيا
ولا نكاد ان نجد بيتا وكل قاطنيه مشغولين بذلك الواتساب اما مع الاصدقاء او العمل او الاهل والكل
انشغل بهذا البرنامج الذي قرب البعيد وجلب الخبر الغائب في اقل من لحظات وتجد كل شئ في تلفونك
لكن توجد كما ذكرتي سلبيات وايجابيات كيف ؟؟؟

السلبيات ...
استخدم الكثير من البشر هذا البرنامج استخدام مسئ جدا وانحصر استخدامهم في الاخبار والقطيعة في اشخاص اخر وتكلموا فيهم بماليس فيهم او اظهار عيوبهم ونسوا ان لديهم عيوب مثل هولاء
( لسانك لاتذكر به عورة امرئ فكلك عورات وللناس السن ) ( ولسانك حصانك ان صنتو صانك وان اطلقتو هانك )
ثانيا ... هذه البرامج كما يعلم الجميع من صنع اليهود والمراد بها اولا واخيرا الهاه الناس عن دينهم وعاداتهم السمحة
الغرب همه الوحيد ان يتفرق المسلمون وان يكونوا شيعا وقبائل وقد فلحوا وربي
ثالثا ... هذه البرامج عادة ماتكون مواقع لتجسس لمنظمات همها الشاغل تتبع مخططات المسلمين وكشف مواضع ضعفهم وكسر شوكتهم
رابعا ... من مهمة هذه البرامج تدمير افكار المسلمين وان يكونوا قوم بلا طموح واستنتاجات تنفع البلاد والعباد
وان يكون الفرد منعزلا كل العزلة عن التدبير والتفكير وشحز الهمم وقد فلحو وربي ( فرق تسد )
خامسا ... استعمار فكري وتجميد ذهني كيف ؟؟؟ المستخدم للواتساب كثير الاطلاع وقليل الجلب تجد ان النكتة او القصة او المعلومة متداولة بين الاف الناس والكاتب يكون واحد فقط اذا صرنا امة مستخدمة فقط وليس مفكرة
اغراء الشباب بالذات الشباب لانهم عنفوان الامة واذا استطاع المستعمر ان يستحوز علي عقول الشباب فقد ضاعت الامة ولا يحتاج هنا المستعمر لضرب الامم بالسلاح لانها امة منتهية فكريا ( افتكر كلامي صاح في الحتة دي )
واكبر دليل زمان عندما استعمر الغرب بلادنا كنا نتقاسم معه خيرات البلد حتي ولو انتفع هو اكثر مننا بها وتعرفنا علي حضارات واستفدنا منه الكثير ومازلنا نستفيد حتي هذه اللحظة من افكار المستعمر .
خرج المستعمر من البلاد بالباب ونحن رفعنا اعلام الحرية ولكنه دخل من الشباك واستعمرنا فكريا وذهنيا وهذا هو اشد انواع الاستعمار ان تستعمر العقول وليس الاجسام .
الايجابيات ....
ممكن ان يستخدم الواتساب في نشر العلم ... الثقافة ... المعلومات ... التواصل الاجتماعي
ولكن في حدود الشرع .


معليش علي الاطالة ... بس الكلام كتير وحابب اترك الفرصة للاخرين حتي نستفيد جميعا

وتاااني بقول
مشكورة بانة طرح يستحق ان يقف الجميع عنده
مودتي
مرسال الشوق ....

[بانه]

مشكور مرسال ع مشاركتك الرائعه

كفيت ووفيت

بس عندي تعقيب صغير

ليه احنا دائما بناخد الاشياء السلبيه من الثقافه الغربيه ؟وليه بنتاثر بيها بسرعه ؟وليه الغرب م بتاثر بي ثقافتنا؟

في انتظار مشاركتك

ومشاركة البقيه عشان الجميع يستفيد

[مرسال الشوق]

مشكور مرسال ع مشاركتك الرائعه

كفيت ووفيت

بس عندي تعقيب صغير

ليه احنا دائما بناخد الاشياء السلبيه من الثقافه الغربيه ؟وليه بنتاثر بيها بسرعه ؟وليه الغرب م بتاثر بي ثقافتنا؟

في انتظار مشاركتك

ومشاركة البقيه عشان الجميع يستفيد

سؤال ف التنك واحييك عليه ياستي ..
الفراغ الذهني هو العامل الرئيسي نحن صرنا امة كما قلت مستخدمة وليست منتجة وده مابنطبق علي الواتساب او اي برنامج لا كمان بنطبق في كل شئ حولينا حاتقولي كيف ؟؟؟
الشاهد الوحيد والدليل القوي حياتنا كلها بتعتمد علي الغرب من اصغر شئ عندنا لحدي اكبر حاجة مثال بسيط ( فرشة اسنان ... ابرة خياطة ... موس حلاقة ... كمبيوتر ... سيارات ... ملابسنا ... منتجاتنا الزراعية ... الصناعية ... ) اذا دققنا النظر وامعنا التفكير كل واحد فينا لابد من استخدام اشياء من حولو ليس من صنعنا كلها صنع الغرب كيف عاوزانا نحن نكون امة مفكرة وكل شئ حولنا هو من صنع الاخر .. الصين اجتاحت العالم بالصناعة كل شئ اليوم صيني اكاد اجزم اي شئ في غرفتي صيني تلفزيون ... لابتوب .. نظارة ... اواني منزليه ... مفارش .. ملابس ... شنط مروحة سقف ... ولا اجد شئيا مكتوب عليه صنع في بلد عربي اليس هذا بالخذي والعار
نحن نمتلك كل المقومات ... بترول ... اراضي ... انهار ... معادن ... كل شئ ولكننا حتي هذه اللحظة لم نفلح في استخدامها كما يستخدمها الغرب .. ا
الغرب ياخذها مننا خام وبابخس الاتمان ويرجعها لنا باغلي الاثمان ونحن متكيفين الله والله الحاجة دي حلوة او سمحة
الغرب استفاد حتي من القرآن في الابحاث العلمية والمعاملات العامة والخاصة تجد ان الانسان الغربي مفكر متدبر يشغل وقته في كيفية استنباط الفكرة وتحويلها الي واقع ملموس
استفاد من التعاليم الدينية الحنيفة ... الترابط ... التخطيط السليم ... المعاملات الشخصية والعامة
حتي الاقتصاد تعلموه من ديننا الحنيف حرمو الربا ... والرشوة والكذب ... وجعلوا الشوري بينهم
حق وحب لاخيك كما تحب لنفسك واستيعاب العقول النيرة وتطوير الذات
استفادوا من كل جزء مهم من ديننا الحنيف .
ولكننا نحن ابتعدنا كثيرا من الدين ... وصارت كل طموحاتنا لاتتعدي الذاتية ... تناسينا عن معتقداتنا وبعدنا عن ديننا وسلكنا طرق لا نهاية لها ..
اصبحت الشعوب اليوم منقادة لتلك الدول الغربية لخواها العقلي من كل شئ وصرنا تبع والعياز بالله

[همسآت المطر]

موضوع حلو شديييييد ياغاليه

ايوه صدقتو الواتس فيه الفائده وفيه الضرر
بس اﻻنسان ﻻزم يعرف كيف يتعامل معه
ماعاوزه اطول ليكم ﻻنو كﻻمكم كافي ووافي

انا شخصينا مابهمني كثير

بحس بيه ممل وقاتل للمشاعر واﻻحساس
يعني لو في مناسبه تفرح تجيك رساله في اللحظه دي
تفقدي احساس الضحكه ومتعت الموضوع
ولو في مناسبه تحزن كمان بالواتس غايتو مبروك وسلامتكم
والبركه فيكم كلها بقت بالواتس انا لي شهور ماشقلتو
شقاله بالاين بس