!!!!!
فالغريب ليس غريب الديار
وانما الغريب غريب الاهل والدار!!!
!!!!!
عش وحيداُ عزيز الدار
ولا تعش ذليلاُ بعيداُعن الاهل والاحبائي!!!!
!!!!!
فيا غريب الداري عود
ولا تنسى من ينتظرك في الداري!!!!!
يسعدنى ان اشارككم الموضوع
من انا 00؟
انسان ســـــــودانى مسلم
والى اى جنسية انتمى
وهل انا عربى00؟؟؟
اقولها وبااعلا صوتى
احمدالله انى ليس عربية ولن اتشرف بالعرب
انها وجهة نظرى
(((من حقى ان ارفع صوتى بها ومن حقكم ان تحترموها))))
ان العرب يحترمون الكلاب اكثر منا
ليس لنا وجود نحن مجرد عبيد بالنسب لهم
ويقولون مسلمين؟؟؟
هل هذا ماهدانا اليه الاسلام
السؤال هو ؟
ماذا نريد نحن ان نكون
اكيد الاجابة الصحيحة لمن تذوقوا مرارة الغربة
وعرفو العرب على اصلهم
ومن يريد ان يعرف كلامى فليغترب في المملكة
تقبل تحياتى
اخوك
تشكر اخ استاروا على المرور....!
شايف الموضوع سخنك تمام......دى الغيرة السودانية الاصيلة.
بعض الاخوة اتغربوا فى السعودية ....واليوم كارهين حتى
قضاء الاجازات فى السودان...ونسوا الاهل خالص....!
ديل برضوا صدقنى ليهم يوم رجوع...!
انا ماعارف ليه كل واحد مشى اغترب جاء راجع وبيملاه الكره للعرب ، العرب ديل ماهم الخلجيين بس ، العرب في العراق وفي سوريا وفي الأردن وفي لبنان وفي مصر وفي ليبيا وفي تونس وفي المغرب والجزائر في كل البدان دي عرب اذاً من الظلم اننا نطلق فقط لفظ عرب علي سكان الخليج وبعدين امكن ديل قروشن مكبره ليهن راسم ، شوف المصريين بتعاملوا معانا كيف شوف السوريين شوف العراقيين ونحنا شعب عندنا حضور في اغلب دول العالم .
وكضاب البقول انو العرب أمة مذمومة او موقوتة وكفاية انو رب العزة قال في حقهم (كنتم خير أمةٍ اخرجت للناس تامرون بالمعروف وتنهون عن المنكر ولله عاقبة الأمور) فهل بعد هذا حديث ومن نحن حتى نجادل .
العرب اصل كريم وشهامة كفاية اننا نحسها جوه في دمنا ........... ومستعدين نموت عشانا.
اخى العزيز ان هذا الموضوع بالفعل مثير للجدل بس نحنا السودانيين اصولنا مختلفة فمنا من هو من اصول افريقية ومنا منهو من اصول عربية بس نحنا عرب اكثر من اننا افارقة ودا الواقع بغض النظر عن معاملة العرب لنا
الدرويش كتب:فى المقا م الاول انا سود انى وعتز با نى سودانى
وقول لى كل الدنيا انا سودانى سمرتى من لهيب
نار الشها مه 0
ان العربيه هى اللسان وكل من تحدث بى العربيه فهو عربى000
اخى الدرويش.....اذا كانت اللغة العربية هى المقياس.....فهنالك
اعداد هائلة من البشر يتحدثون العربية احسن بكثير من العرب
انفسهم.....اما الجنس فليس له ايه صلة بالعرب.
تشكر اخى على التعقيب.
ابوبكر كتب:
وكضاب البقول انو العرب أمة مذمومة او موقوتة وكفاية انو رب العزة قال في حقهم (كنتم خير أمةٍ اخرجت للناس تامرون بالمعروف وتنهون عن المنكر ولله عاقبة الأمور) فهل بعد هذا حديث ومن نحن حتى نجادل .
عزيزى الاخ ابوبكر...اشكرك على الرد .....فقط اود ان انبهك ....المقصود فى الاية الكريمة هى امة
الاسلام والمسلمين.....وليس الامة العربية......!
معتز كتب:اخى العزيز ان هذا الموضوع بالفعل مثير للجدل بس نحنا السودانيين اصولنا مختلفة فمنا من هو من اصول افريقية ومنا منهو من اصول عربية بس نحنا عرب اكثر من اننا افارقة ودا الواقع بغض النظر عن معاملة العرب لنا
الاخ الكريم معتز...موضوع المناقشة غير مبنى على مدى معاملة العرب لنا كسودانين....وقبولهم بنا
كعرب او لا.......القصد الاول والاساسى للموضوع هو البحث عن الهوية السودانية....وكيفية اظهار
تلك الهوية الفريدة والاعتزاز بها......!
السلام عليكم و رحمة الله و بركاته
لو قلنا نحن عرب حنستفيد شنو
و العرب ديل شغالين بينا كتير
مالنا و مالم ليه نحنا متشعلقين بيهم كده
يغورو في ستيــــــــن
انا غايتو سوداني و بس
من فتره كنت في السعوديه في الخبر
و ربنا شافني من حادث حركه خطير
لمن شاكلت سيد العربيه و قلت ليهو ده شنو البتسوي فيهو
قال لي اسكت يا عبد ديتك بالطبلوون
طوالي من دربي للشقه شلت جوازي و تذاكري و قطعت الاجازه و رجعت لي بلدي الحبوب
بلادي و ان اتعاكست معاي عزيزة
و اهلي و ان اتغاتتو علي كرام
مع اعتذاري لصاحب بيت الشعر الاصلي ..... ودمتم في حفظ الله
ماالهم انك عربي ولا غيره المهم انك سوداني وخليك رافع راسك فوق وكلمةعبد ماتزعلك التاريخ اثبت انه في عبيد افضل من الساده ويكفيك بلال بعدين طال ماانت سوداني فانت سيد وودبلد
هتان كتب:
من فتره كنت في السعوديه في الخبر
و ربنا شافني من حادث حركه خطير
لمن شاكلت سيد العربيه و قلت ليهو ده شنو البتسوي فيهو
قال لي اسكت يا عبد ديتك بالطبلوون
سلامتك اخ هتان....مساؤى العرب لا تحصى.....ولو كلمتك بنظرة كثير من الشعوب
عن العرب...والله مافى زول عاقل برضى ينتمى ليهم.
ملحوظة.....اسمك ده مره عليه فى اللايف شات موقع اناسودانى.....صاح؟؟؟؟؟؟
abdo كتب:ماالهم انك عربي ولا غيره المهم انك سوداني وخليك رافع راسك فوق وكلمةعبد ماتزعلك التاريخ اثبت انه في عبيد افضل من الساده ويكفيك بلال بعدين طال ماانت سوداني فانت سيد وودبلد
صدقت اخ عبدو ....البعرف عزو مستريح....بس بتزعل شوية لما انسان
يسئ اليك فقط من منطلق لون البشرة.....ده ما الجهل زاتو...وعدم الايمان.
اول امبارح سالني مدرس اللغة العربية قال لي انت افريقي ولا عربي
سكت شويه وبعدين فتحت الشنطة وطلعت ليو كتاب الكيمياء ورفعتو فوق
وكان مكتوب في الواجهة
أنــــا افريــقي.........أنا ســوداني
ضحك شويه وقال لي والله احييك
العرب عملو لينا شنو
انا لو لاقي طريقه كان اتخارجت منهم
سعادة المشرف العام ده موضوع مهم والمفروض الناس تتناقش فيه بصوره اوسع بس الان عاوز اذكر موقف حصل لواحد ذميلنا كان شغال في احد مستشقيات دوله عربية ساله احد موطني تلك الدولة عن اسمة
فرده عليه صديقنا عبيد فقال له المواطن ادري عبيد لكن اسمك منو ولي عوده للموقف الحصل لي
osama77 كتب:ليتني في الزنوج ولي رباب تميد بها خطاي وتستقيم
وفي صدغي من خرز نظام وفي صدري من ودع نظيم
أجترع المريسة في الحواني وأهزر لا ألام ولا ألوم
وأصرع في الطريق وفي عيوني ضباب السكر والطرب الغشوم
طليق لا تقيدني قريش بأنساب الكرام ولا تميم
المرحوم د.جون قرنق حكى قصة طريفة على الهواء في لقاء تلفزيوني
قال كانو مبتعثين لدورة عسكرية في واحدة من دول أمريكا الجنوبية
وصلو المعسكر ومعاهم عدد كبير من مختلف الجنسيات وهناك وقفوهم طوابير طويلة
كل واحد تبع تصنيف معين بي جاي امريكان وبي جاي عرب وبي جاي اوروبيين وبي جاي افارقة
وزعوا الناس كلهم على التسميات الموضوعة ولما جاء دورهم ماعرفو يودوهم وين وكانوا اتنين بس.
فسألوهم إنتو تبع منو رد د.جون قرنق وقال : نحن سودانيين وتصنيفنا مافي .
في نفس اللحظة عملو تصنيف خاص بالسودانيين
دي قصة حقيقية وهي واقع يجب أن نعيش على أساسه لأننا شعب خاص يسمى السودان
يعني لا الأفارقة زيينا ولا العرب يقدرو يلحقونا نحن ياناس شعب خااااااص أناسوداني و.....بس
