shosho wbs كتب:بس ممكن تكون مجبره من ولي امرها
في اباء زي ديل بكون حبهم للمال اكتر من حبهم لاولادهم
يعني اللي بخلي ولدو يسرق ممكن يخلي بتو تتزوج من واحد اكبر منو عشان الفلوس
ايوه انا معاك وخليني احكي ليك موقف
انا جيت المملكة تبع وزارة التربية والتعليم مدرس لغة انجليزية وكنت بشتغل في البدو .. هناك طبعا الطلاب بالمدارس بصرفو ليهم راتب شهري.. ونحن في طابور الصباح اشوف ليك واحد سائق ولدو قدامي وماسك شبشو وشغال ليك ضرب في رأسه لما وصل قلت ليهو خير يا ابو فلان ايش فيهو الولد قالي يقول مريض ما يبي يروح المدرسة قلت ليهو طيب ليش ما تخليهو يجلس بالبيت قالي لو جلس بالبيت اتخصم من راتبو ومن اين اجيبه الخبز ؟
شوشو المجال لا يسع فهناك الكتير وربما لو اسهبت في الكتابة لخرجت عن مضمون النقطة الحوارية
بس في الأخير انا بشوف انو الزوجة مهما تجد من ضغوط من طرف ولي أمرها انو هناك دايما طريقة تتصرف وما تضيع نفسها وعيالها تحت ظل زوج ظالم جاهل.