تخيلو أنا ومن زمن الصبا هلالابي
لكن بعد جبنا العيال وكبرت
البكر هلالابي والبعدو مريخابي
بقينا نشجع بحذر ونراعي الأولاد
أها كان قلت ليكم داير المريخ يفوز
عشان الود ما تجيهو نفسيات بتصدقوني
والله بتقولو دي حركات
تخيلو أنا ومن زمن الصبا هلالابي
لكن بعد جبنا العيال وكبرت
البكر هلالابي والبعدو مريخابي
بقينا نشجع بحذر ونراعي الأولاد
أها كان قلت ليكم داير المريخ يفوز
عشان الود ما تجيهو نفسيات بتصدقوني
والله بتقولو دي حركات
اقوان الهلال كلتشى ومهند الطاهر
وقون المريخ حيجيبو العجب
واتوقعها مبارة قوية من الطرفين وحتكون رفيعة المستوي
واتوقع جمهور المريخ يفلق فى نهاية المباراة
واتوقع جمهور المريخ يقول مقولته الشهيرة من المدرجات
زي ما قلت أول
داير المريخ يفوز برغم هلاليتي عشان إبنى فوزي فقد الفرح منذ زمن
ولو لم ينتصر المريخ بالأمس لتذكر مرة أخرى مصائب كادت أن تعصف بالمريخ
وحقا لقد فرح فرحة خفت عليه أن تفقده عقله
ومبروووووك
ولكن
إستهان لاعبى الهلال وخسروا
لو واصل الهلال الأداء الذي بدأ به لما كان أصبح هنالك شيء يسمى المريخ
حزن ياخوي المجاملة والكلام المغلف بورق السلوفان ده بكتلك
شنو (سيد جديد) دي،، هو الماخد كاس السودان 3 سنوات ورا بعض بتعتبره جديد؟؟
بعدين يا المسعودي يا لعااااب،، والله اهنيك،، انت الفهمت اللعبة ومسكت العصاية من النص. هههه قال ولدي قال،، الله يخليه،، ولد تمام،، انقذ ابوه من حاجات كتييييرة،،، ههههه ذكرني بالسودانيين البمشو يولدو زوجاتم في أمريكا عشان الولد يطلع أمريكي،، وهم في جاه الملوك يلوكو.
تنقشة والله حارقاني شديييييد
أمس بالليل،، وكعادتي دخلت بعد منتصف الليل،، ألاقي ليك هلالابي قااااعد في المنتدى،، يتصفح وما بيكتب ولا كلمة،، وهو ما من يدخلون ليلا،، فأنا بعرفهم فردا فردا. رسلت ليه رسالة تعزية، وسؤال عن دخوله بالليل هههههههههههههههههههه
أخونا خلى بيته وقاعد في فندق هربا ممن تلسن عليهم،، وما غريبة التلسن،، فهو من سافر من بلد إلى بلد آخر ليشجع الفريق الغير سوداني والكان لاعب معاه المريخ،،، وهو حال الهلالاب.
رسالة إلى هتان:
توقيعك ده يارب ح تشيلو ولا عندك فيه كلام ؟؟ ما ح نجادلك فيه،، وقالو الكديسة ما لقت اللحمة قالت عنها عفنة.
وكفى
صهيب،، سلم لي على ود علبوب،،، هو إختفى مالو؟؟ والله سؤال أخ عن أخيه،، بعيد عن أي خلفيات رياضية أو إنتماء
اولا التهنئة للمريخاب ع الفوز بكاس السودان المحبب اليهم
دخل لاعبي الهلال المباراة بهدؤ وثقة زائدة وعدم اهتمام او مبالاة بنتيجة المبارة التي لم تكن زات اهمية لهم لا هي ولا كاسها الذي لا يثمن ولا يغن من جوع !!
عكس لاعبي المريخ الذين كان لاخيار لهم سوي تقديم افضل ما لديهم واثبات اساميهم بكشوفات الفريق لموسم قادم !!
المريخ لم يقدم المستوي الذي يجعل جمهورة يبالغ ف الفرح !!!
فاز المريخ ضربة حظ وخطا!!!
وتمنيت ان يفوز الهلال ما عشان الهلال ولكن لانه المريخ محتاج الكثير لدعم صفوفه !!
وهزيمة الهلال امس كان كفيلة بتوحيد الصفوف ولكن فوزهم بالامس سوف يجعلهم يغضن الطرف عن كثير من التجاوزات !
منع الهلال بالامس كمية ن الاستقالات التي كانت جاهزة للتقديم والمجزرة الشطبية التي ربما طالت كابتن الفريق !!
يعني عشان الاستقالات ماتقع ردوم والشطب ابقي بالكوم طلعنا من اللوم وادينا الكاس للوصيف
مجاهد والزومة يستاهلو الطرد لتعمدهم الخشونة مع قودوين كلتشي ويوسف في اكثر من مرة !!
الهلال كان مسيطر سيطرة كاملة في أول 20 دقيقة لكن الإصابات هي التي أضطرت ريكاردو للتبديل
وريتشارد بعد دخول مرق تحول للإرتكاز بجانب عمر بخيت
والخطأ الكبير الذي وقع فيه ريكاردو هو خروج هيثم مصطفى ودخول معتز كبير فكان من باب أولى أن يدخل لاعب وسط حتى يحافظ على خط وسطه ولديه هيثم عمر على ما أظن يمكن الإستعانة به . أو تحويل يوسف محمد للوسط وإدخال زرياب للطرف أو تحويل داريوكان للطرف اليمين .
أما المريخ فخروج العجب أفاده كثيراً وتحركات إيفوسا وتمريراته صنعت ضغط على وسط الهلال الذي في النهاية أحطأ وجاء الهدف اليتيم !!
عمر بخيت كان الأفضل على الإطلاق في خط وسط الهلال بسيطرته التامة على أي كرة مع الخصم مع تنويعه للعب وتوزيع الكرات ونقل الملعب بالباصات العرضية التي يتميز بها !
ربما كانت التمريرة قاتلة ولكنها كانت تمريرة في خط الوسط وهنا أعيب على العمق الدفاعي ريتشارد ودريو كان السرحان ولو تعامل ريتشارد بذكاء وتعمد الفاول التكتيكي ربما كانت ستكون أهون!!
عمر بخيت إن بقي في الهلال أو ذهب للمريخ سيظل هو المعلم الصغير الذي صفقنا له ونحبه وافضل لاعب ارتكاز ف السودان !!
امس شافع جااري ف الحلة وفرحااااااااااااان قلت ليو تعال !!
غلبتو كم ؟
قال لي واحد صفر !!
قلت ليو الجاب القون منو ؟
قال لي :
كرنقوووووووووووووووووووو
سعال :
الناس ديل كانو لابدين وين ؟؟
نعم تم عتق رقاب لاعبي المريخ من الشطب ورئيسهم من الاستقالة !!
افرحو الي حين !!
ما مستجدين فرحة وغلابة ومحرومين
علي قول قسم ازهبوووو فانتم الطلقاء
يا صهيب يا اخوي نعمل شنو الكورة بقت فيها مجاملات ونسب وعدالة وكده
كدي وريني في داعي المعز محجوب يعرس قبل عيد الضحية واللا في داعي رئيسنا يسافر واللبيب بالاشارة يفهم واب ان اؤكد بأنني لأول مرة لا تهزني هزيمة للهلال لانو الامور واضحة وجلية ومبروك للمريخ لانو لو ما شالو الكاس ده كان حيكون في كلام تاني
