مســـــــــــــــــــدار + مســــــــــــــدار

[الاغبش]

لي استمرار خلايقــــو امر الاله متقدر

كل جنســـا يميـــل للتــاني يوت متحدر

تبع العـــاده لابــد لي حروفنـــا نجندر

حامـدين تامي دينـا تريان رهيدنا مخدر

كلو زولا بعرف دربو وفيه يسدر
واحد يرتاح مع العيون السارحة وبتودر
وتانيا في الدواية والقرطاس يحبر
وزولا يركب الصعب الوجيع ويتبختر

درب الحسان ما هو شقاء وتعذيب
فيهو السترة وفيهو المحنة نصيب
عزاه الاله من اعطاه رائقة حبيب
نمشيهو بثقةيا ود تكتوك دون تنحيب

شوفوا كيف بناتنا حلاتن
فيهن الرائقة وفيهن الشايلة كاساتن
ادب وحشمة وسترة حال مع جنياتن
بالشوق والحلال نتم جميع فرحاتن

[ود أونسه]

ناس تلفزيون بلادنا قالوا الخــبر تلطيف

من بعـد الفحص جــــات النتيجه نضيف

زكمــات الجــــداد خلت قلـيـبـنـا خفيف

وان ما وصلت بهائمنا باقي اللحم بنعيف

[مهند عبد الرحمن]

الخبر ان طلع ما بينفع التوقيف
نرجى حكم الله نعوهو ونقول يا لطيف
لو بي دي الحالة من اللحم بنقيق
نبقى ناس فول وعدس ومعاهو رغيف

الجداد مرض قبل الخرفان ما تنصاب
خلتنا نبعد عنو ونعملو الف حساب
لو ما بخاف تقولو علي كضاب
نبقى ناس خدار ان شاء الله صفق ورتاب

البلد ما ناقصة انفلونزا وكمان نزفية
كفايا ناس دارفور خلو البلد مخفية
لو بان كي مون عندو نظرة قوية
كان يعفينا ويقول بلدكم الفية مكفية

[الاغبش]

البلد صبحت كل يوم في اذية
بلدا فيها تيوس تنطح دون حنية
بعد ما جات افلوانزا كمان نزفية
ورونا الفهم دي صبحت قضية

جيت كايش كراعي وداخل
بنية لي سالتني شن الحاصل
الخروف وين ياخالو ولا ناصل
قت ليها الافتاء ما فهمنا واصل

[الشيخ فرح]

[poem= font="Simplified Arabic,5,black,normal,normal" bkcolor="white" bkimage="" border="double,9,sienna" type=3 line=0 align=center use=ex num="0,black"]
البلد صبحت كل يوم في اذية = بلدا فيها تيوس تنطح دون حنية
بعد ما جات افلوانزا كمان نزفية = ورونا الفهم دي صبحت قضية[/poem]

[poem= font="Simplified Arabic,5,white,bold,normal" bkcolor="indigo" bkimage="" border="double,9,sienna" type=3 line=0 align=center use=ex num="0,black"]
ام فتفت كاربة ومعاها مرارة نية = وسن برق ولحمة كمان شية
وشطة ودكوة وليمون فتح شهية = ما بخليهن حتى لو أبقى حدية [/poem]

[ود أونسه]

الاخــوان جميــع قومـــو النعقـــــد النيه

ما ناكــل بهيمــه لا جــــداده لا قمـــريه

ان صغرت نفيستك قرمت قرمـــه قويه

ارجـــــع للسمك ركـــز عـلــي البلطيه

[الاغبش]

الاخــوان جميــع قومـــو النعقـــــد النيه

ما ناكــل بهيمــه لا جــــداده لا قمـــريه

ان صغرت نفيستك قرمت قرمـــه قويه

ارجـــــع للسمك ركـــز عـلــي البلطيه

الفهم القبيل كايسنو ملاح وشربة هنية
البهم المدلبغ بنشقلبوا للضيفان عشية
ان قل الزوار او كتروا ما شايلين همية
الا العمل كيف مع داءا سموهو النزفية

جلسوا الشيوخ وطلعوها افتاء دغرية
قالوا المرض الظهر مافيهو اسية
وناس الصحة طلعوا بيان رسمية
وزيرا ياكد وبتاع الثروة قال ما همية

هنا في الخرطوم وفي الاقاليم ناس منسية
لا علاج لا اهتمام ولا نصحية قوية
كل الهم الصادر ما يبقي راكد واسية
لينا رب لطيف وحافظ من كل شر وبلية

[ودالدرديري]

الاخــوان جميــع قومـــو النعقـــــد النيه

ما ناكــل بهيمــه لا جــــداده لا قمـــريه

ان صغرت نفيستك قرمت قرمـــه قويه

ارجـــــع للسمك ركـــز عـلــي البلطيه

البلطية ما بناباها يــا خــال ريـه
الا كمان محال ننسى ونخلي الشيه
وأم فتفت كمان و ألتي ومرارةً نيه
شوفولنا الدبارة ان شاءالله ندفع ديه





ياخوانا الضحية بـلا لحـم مـو ضحية
من بكرة الصباح شوفولنا وصفة قوية
نـنـجــابـا ونفوزبك يــاصحانة الشيه
مـن سـجــم الـرمـاد الإسـمـهـا النزفيه

[مهند عبد الرحمن]

ود الدرديري اخوي ما تخلي النفس دنية
حاسب علي روحك ما تلم فيك ام نزفية
بتوديك المقابر قبال تجي العصرية
ويقولوا يا حليلو اكل ليهو مرارة وشية

ان فاض بيك خلاص اطلع البرية
بتلقى الغزال حايم لا حارس ولا دورية
شيل سهامك وبي نفس وشهية
نشن في الورك عشان ما تجيها ازية

[mohamed merghanh]

فوق درب الحسان ياخوانا اتبهدلنا
قـدر ماقـلنا نصبر حـبـهـن شاغلنا
كلما الليل برد جاب نسمهن غازلنا
تلقى دمعنا عز الهجعة سال وخذلنا

فى درب الحسان جيش الغرام نازلنا
شغلو كر وفر وفى لحظة ما اتنازلنا
عرجنا ما حافظنا وما فتح نازلنا
وللعشرة الجديدة قاعدين سنين لا زلنا

[ودالدرديري]

فى درب الحسان جيش الغرام نازلنا
شغلو كر وفر وفى لحظة ما اتنازلنا
عرجنا ما حافظنا وما فتح نازلنا
وللعشرة الجديدة قاعدين سنين لا زلنا

عـشـرة قـاقـرين الـشوتو ديمة مسرج
قـاعـد في الضليل راجيها تب متفرج
مجرور مــرتين بالـتسعة مامتدرج
ورقــي المافـتـح بالجوكرين ومعرج

[الاغبش]

عـشـرة قـاقـرين الـشوتو ديمة مسرج
قـاعـد في الضليل راجيها تب متفرج
مجرور مــرتين بالـتسعة مامتدرج
ورقــي المافـتـح بالجوكرين ومعرج

فوق امات لهيجا حالي كم صبح قلبي متألم
كل همو يشوف الغزال النافر متبسم
يغرف من ليمو و يبعد عنو كل هم
لكن صبح زي الفي قبض النجوم متعشم

[الاغبش]

فى درب الحسان جيش الغرام نازلنا
شغلو كر وفر وفى لحظة ما اتنازلنا
عرجنا ما حافظنا وما فتح نازلنا
وللعشرة الجديدة قاعدين سنين لا زلنا

في درب الحسان كم عرينا حفينا
كلمنا الكلام غنينا يا خي شدينا
لا لقينا كلمة حنينة ولا شكرا لينا
ياخي الغرام لا درناهو لا خلينا

[مهند عبد الرحمن]

في درب الحسان ديمة حالنا مبهدل
ما اظنو نطيب تاني ما اظن يتبدل
الخلانا نشابي لي ظبي الحسان نتزلل
صوت ليهجو الحالي الزي خرير الجدول

[الشيخ فرح]

[poem= font="Simplified Arabic,5,black,normal,normal" bkcolor="white" bkimage="" border="double,9,sienna" type=3 line=0 align=center use=ex num="0,black"]
في درب الحسان كم عرينا حفينا = كلمنا الكلام غنينا يا خي شدينا
لا لقينا كلمة حنينة ولا شكرا لينا = ياخي الغرام لا درناهو لا خلينا[/poem]ارد على الاغبش أخوي

[poem= font="Simplified Arabic,5,white,bold,normal" bkcolor="indigo" bkimage="" border="double,9,sienna" type=3 line=0 align=center use=ex num="0,black"]
ديل في دربهن قمنا اتمشينا = سارحين وراهن لا اتغدينا لا اتعشينا
حالنا اتغيرت وطباعنا صبحت شينه = في آخر المطاف نحن اتغشينا [/poem]

[مهند عبد الرحمن]

يا ودتكتوك الغشاك ده ما شيتن ساهل
اياك معروف في درب الجمال بتناهل
زولك الغشاك في ريدو زولا ماهل
خلك رزين وتقيل فوقك العشق باهل

[الاغبش]

[poem= font="Simplified
ديل في دربهن قمنا اتمشينا = سارحين وراهن لا اتغدينا لا اتعشينا
حالنا اتغيرت وطباعنا صبحت شينه = في آخر المطاف نحن اتغشينا [/poem]

ديل ستات الغرام الديمة فيهن قولنا
راسيات وسمحات وما قصر فيهن قولنا
من ريدن اتبهدل قليبناونسينا عولنا
كيف الحل يا ناس رسوا لينا عقولنا

[الاغبش]

في درب الحسان ديمة حالنا مبهدل
ما اظنو نطيب تاني ما اظن يتبدل
الخلانا نشابي لي ظبي الحسان نتزلل
صوت ليهجو الحالي الزي خرير الجدول

فوق درب الحسان ما اظن وقارنا يتقلل
الريد سمح بس نفوسنا ليهوكيف تتذلل
محفوظ في الازل عن كبارنا قولا اجمل
درب العشق قاسئ بس ليهو كيف نتحمل

[الاغبش]

وين سنجكنا راعي المسدار وكلامو
وين سيد النمة عالي الهمة في احلامو
راجنك تظهر ونمنا يرتع في لذيذ انغامو
بي جاه الرسول يسعد سنجكنافي كل ايامو

دراج عاطل القوم سواي حديثو فعل
قوام ليل ماسك عدد حافي مو منتعل
ذاكرنك جميع القوم لي مسدرانا قل
ترجع بالسلامه وتتحفنا قول وفعل

اسمك بائن في دروب الكرم أصل
ماك النصح بالشينة رفيقو اضل
شايل تقيله رسائ رائو ماهو جهل
فوق مسدارنا اشجي وكم قطعلو جمل

ليه ياالسنجك غيابك طال
يا بدر التمام نور عم وشال
ارجع خلاص لينا تعال
نفرح بيك ونعمل ليك حفل

جميعنا فاقدنك سايلين كيف الحال
تنعم في النعيم ترشف من اللينة ست الفال
كم جدعنا فوقن رميات تسر البال
ارجع معانا قول امدح ستات الجمال

يا جمعاة انتو الزول دا وين

[الشيخ فرح]

[poem= font="Simplified Arabic,5,black,bold,normal" bkcolor="burlywood" bkimage="" border="double,9,blue" type=3 line=0 align=center use=ex num="0,black"]
يا ودتكتوك الغشاك ده ما شيتن ساهل = اياك معروف في درب الجمال بتناهل
زولك الغشاك في ريدو زولا ماهل = خلك رزين وتقيل فوقك العشق باهل[/poem]

[poem= font="Simplified Arabic,5,black,bold,normal" bkcolor="transparent" bkimage="backgrounds/27.gif" border="ridge,6,orange" type=3 line=0 align=center use=sp num="0,black"]
افوو كيف الكلام أتغش ساي بالساهل = أنا أخو البنات ماني صغير اً جاهل
من بحر الغرام صحي شارب وناهل = ما غرقت فيه لكن وقفت في الساحل [/poem]