رحلة الانوفليس مع حطب الدخان !؟ من روائع الفاتح جبرا

[السنبلاية]

الخريف جاااانا كتري لينا الحطب
الله يكفينا شر البعوض ماظهر منه وبطن
الملاريا الحاجة الوحيدة البتخوفني وحقنة الكوكاين ولا سمو شنو
الاندرين والله طار من راسي ماعلينا مابقدر عليه تب وكان شفتها ساااكت
بهضرب الليل كلو
يالله استر علي عبادك

مبروك الكارو ,, يعنى غيرتا عربيتك الكربة ديك ولا شنو ؟

ما علينا ,,, لما امشى خشم البحر اجيب الحطب .. بخلى ليك حقك ما تخاف سمح

[السنبلاية]

واتخارجت انثى البعوض وزوجها وقبعا داخل ( قفل الباب ) الخارجى فى انتظار خروج السيدتان
من الفيلا احضور ( الحفل ) بينما بدات ( السيدتان ) فى تحضير مراسيم عملية ( الدخان ) .
فى مكان منزل ( خلف الحديقة )
كانت فجوة ( قفل الباب ) دافئة تشجع على الاسترخاء مما جعل ( أنثى الباعوض ) وزوجها ينعمان ( بتعسيلة ) إستمرت لساعة زمن لم تقطعها إلا حركة ( أكرة القفل ) وهى تدار وصوت ( عزام )
- سيد البيت - وزوج ( نعمات ) يخاطب جارهم ( مالك ) زوج ( بثينة ) :
- النسوان ديل ح يأخرونا من عرس ( الجماعة ) ديل , عاوزين ( يدخنو ) يمشو الكوفير وعاوزين
شنو وعاوزين شنو ,,
- افتكر إنو مشو الكوفير ( الصباح ) بس فضلت حكاية ( الدخان ) دى !
- هو برنامج ( الدخان ) ده فى ليهو لازوم ما او ل امس ( عملوهو ) !!
ما أن قام ( عزام ) بالامساك ( باكرة الباب )
وفتحة داخلاً الى الصالون الفيلا إلا كانت ( انثى الباعوض وزوجها قد هبطا على
( كوم الجلابية الناصعة البياض ) جلس عزام وجاره مالك فى ( الصالون )
الوثير يتانولان عصيراً بارداً ينتظران ريثما تجهيز زوجتهما ثم ما ليثا ان بدا ( الهرش ) :
- والله حكاية عجيبة البيت ده أصلو ما فيهو ( باعوض )
لانى كل يوم ( جمعة ) قاعد أجيب شركة النظافة ( ترشو )
الليلة الباعوض لانطلق فينا ده شنو ؟؟

فاصل ونواصل

[السنبلاية]

الناس المرطبة دمها فاسد
كلو سكرى
وضغط
وقاود
وغيرو
من الامراض
تعالى يالسنبلاية للدم الحااااااااااار
البغلى المرض بتاع الناس الضارباهم الشمس
ومحمرة جلدهم

تسلمى على الجدعة الحلوة

يا هلا يا فرح ,,, شرفتنا

تحياتى

[مرسال الشوق]

فاصل ونواصل
بالله عليك يعني سلمتينا لي باعوضك دا ومشيتي
يهرس في اجسامنا لحدي مابقانا غربال
الدم نلقاهو ليك وين عشان باعوضك يمصو مننا
اها اسرعي جيبي ليك معاك حقن ملاريا
قطع شك بتلقينا البعوض دمرنا
الله يكضب الشينة
ياولاد هوووووي اتغطو كويس
البعوووووض جانا

[السنبلاية]

فاصل ونواصل
بالله عليك يعني سلمتينا لي باعوضك دا ومشيتي
يهرس في اجسامنا لحدي مابقانا غربال
الدم نلقاهو ليك وين عشان باعوضك يمصو مننا
اها اسرعي جيبي ليك معاك حقن ملاريا
قطع شك بتلقينا البعوض دمرنا
الله يكضب الشينة
ياولاد هوووووي اتغطو كويس
البعوووووض جانا

جيب ليهم بطانية الشمالى ,, وانا بتصرف بجيب ليهم ناموسية

لحى ما الجولة الباعوض تنتهى ,, شفتا كيف

[مرسال الشوق]

جيب ليهم بطانية الشمالى ,, وانا بتصرف بجيب ليهم ناموسية

لحى ما الجولة الباعوض تنتهى ,, شفتا كيف

بطانية الشمالي حجزتها انا مخير الله في الشمالي والتانين
انا زمان قلت ليهم خليكم جاهزين لموسم البعوض
اللهم اني قد بلغت اللهم فاشهد

[السنبلاية]

بطانية الشمالي حجزتها انا مخير الله في الشمالي والتانين
انا زمان قلت ليهم خليكم جاهزين لموسم البعوض
اللهم اني قد بلغت اللهم فاشهد

كدى من قبال ,, ما تبلغ ,, شوف لينا طريقة البطاطين دى كيف ؟

خصوصاً الشتاء على الابواب ,, بعدين فى الشتاء مافى باعوضة

مــــــــــــــــــــــــــــــــــــ ـــــــــــــــــــــــــــــــــش

[السنبلاية]

نواصل :

الباعوض الانطلق فينا شنتو ؟ وهو يهرش ,
- والله شركات النظافة الخاصة دى إشاعة ساكت يجو ( الفيلا )
والحديقة رشة رشتين ويمشو !!
لم يمضى وقت طويل حتى أطلت ( نعمات و بثينة ) فى كامل هندامهما :
- أها نحنا جاهزين نمشىء ؟
- انتو فى نمشى ولا فى الباعوض القطع جلدنا ده !!
- كدى خليك ن الباعوض ده انا رسلت الولد يجيب ليهو مبيد ..
ثم متسائلاً ..
- البنات ديل ما جو من ( الكوفير ) لى هسع ؟
- لا حما ح يجو بى جاى إتصلت فينى ( نوسه ) وقالت ح يمشوا ( العرس ) طوالى .
فى طريقهم الى العربة قالت ( أنثى الباعوض ) وهى تخاطب زوجها الذى يجلس بجانبها فى ( طرف )
توب ( نعمات ) ..
- شوف ما تمشى ( الحفلة ) دى وتقع ( شفط ) من طرف , فى حاجة إسمها ( أيدز )
والله يجيب خبرك !
اسرع من ( المبيد ) .
- ويعنى اعمل شنو ؟
- تعاين ( للبشر ) ديل كويس وأى زول ( معصعص ) وناشف ما تقرب ناحيتو .. شوف بس الناس ( المبغبغين ) والنايرين .

ما زال للحديث بقية ,,

[السنبلاية]

نواصل ...


لما كانت ( الحفلة ) داخل إحدى الصالات ( الافراح ) المغلقة ( المعقمة) فلم يكن هنالك غيرأنثى الباعوض وزوجها اللذين جلسا فى هدوء فى إنتظار ( العشاء ) على ذات ( الطاولة التى جلست عليها
( نعمات وبثينة ) وزوجهما.. وقد كان العشاء ( الدموى ) دسما وفى منتاولهما تماماً فكل ( الجنس اللطيف ) كان يرتدى فساتين تكشف عن بعض من ( الصدر ) وبعض من الظهر فتحاتبين الارجل تتفاوت فى القصر والطول :
- عليك الله هسع الواحد يشفط وين ؟ ول يشفط وين !! والله ده مولد ساكت .. هسع كان جبنا معانا( الاولاد ) ما كان هيصو !
- كدى انت هيص لى روحك دى واشبع الظروف ما معروفة بكرة ( الحكومة ) تشفط باقى دم الناس دى وتخلينا ( لايصين ) ما عارفين ( نشفط ) شنو .
بدأت مراسيم ( الزفة الليزرية ) وعلى نغمات أغنية ( إتبخترى يا حلوة يا زينة ) دخل ( العريس ) إلى القاعة وهو يمسك بيد ( عروسه ) ويمشيان فى خطوات بطئية وهم يوجهان الاضاءة وعدسات كاميرات التصوير ,,
- العريس ده مالو يختى ( بيتقمز ) كده ؟
والله مش أولاد الزمن ديل هسع يكون ( شامى ) ليهو ولا شارب ليهو ( شفطيبة ) .
- عليك الله شوفيهو ( بنطط ) كيفن ؟
- هى إنتى فى ده كدى عاينى للعروس شوفيها يتنكرش كيفن !
والان ساتى سيداتى بيدأ حفلنا .. سيداتى وسادتى يسرنا ان يكون نجم هذا الحفل الفنان الشاب الفنان ذو الصوت الساحر الشجى ( عادل أبو الجضوم ) :
- أنا خلاص شبعت ( شفط ) لكن وحاتك ( جضوم الفنان ) ده إلاأخذ ليا فيهن ( شفطة ) ( شفطين )
-والله أنا ذاتى شبعت .. خلاص نأخذ لينا ( شفطة ) ونمشى ننوم .
وفى هذا الاثناء كان ( عادل ابو الجضوم ) يمسك بالمايك وهو يقوم بتلميع ( جضومه ) بمنديل ( أصفر ) جعلمنه ( هدفاً ) واضح تتجه إليه ( أنثى الباعوض ) وزوجها :
- وييييييى مقدرة ( يهرش ) راجل المرة ده ( يهرش ) حلو ( يهرش ) حلا ..
واستمر الفنان ( عادل ابو الجضوم ) يهرش فى ( جضومه ) تارة وباليمين وأخرى بالشمال وهو يغنى مما دعى ( الشباب ) الذين كانو فى حفلة ( الرقص ) يحاكون ( حركته الانكراشية ) بإعتبارها نوعاً من ( الرقص ) الجديد ..

فاصل ونواصل

[مرسال الشوق]

قبال ماتواصلي جبتي معاك
الناموسية
باعوضك دا نجمنا نجام

[السنبلاية]

قبال ماتواصلي جبتي معاك
الناموسية
باعوضك دا نجمنا نجام

لا جبتا ( المبيد ) ,, وبطانية الشمالى ,,,

[ملاك الورد]

نواصل ...

- وييييييى مقدرة ( يهرش ) راجل المرة ده ( يهرش ) حلو ( يهرش ) حلا ..
واستمر الفنان ( عادل ابو الجضوم ) يهرش فى ( جضومه ) تارة وباليمين وأخرى بالشمال وهو يغنى مما دعى ( الشباب ) الذين كانو فى حفلة ( الرقص ) يحاكون ( حركته الانكراشية ) بإعتبارها نوعاً من ( الرقص ) الجديد ..

فاصل ونواصل [/color]

هههههههههههههه الجزء ده موتني بالضحك اتخيلت واحد سمين و بهرش في وشه و بغنيو الله موباااااالغه
ابداع بالجد خيال فنان
يسلمو السنبلاية و متابعين



ميآآآو ....

[السنبلاية]

هههههههههههههه الجزء ده موتني بالضحك اتخيلت واحد سمين و بهرش في وشه و بغنيو الله موباااااالغه
ابداع بالجد خيال فنان
يسلمو السنبلاية و متابعين



ميآآآو ....

ههههههههههههههههه

مرحبا ملوكة ,,, مشـــــــــكورة على المرور ,, يا حلوة

تحياتى ,,

[السنبلاية]

نواصل,,


إنتهى الحفل وغادر المدعوون قام الفنان ( ابو الجدوم ) و ( شلته ) بوضع
( الاورغ ) وبقية أدوات ( الشغل )
على ( حافلة ) المعلم ( سيد ) التى إتجهت نحو ( امدرمان ) حيث بعد الفراغ من
توصيلتهم إلى اماكنهم إتجه صوب ( أب روف ) حيث يسكن فى موجهه
حاج رمضان - بائع الطلح )
كانت الساعة تقترب من منتصف الليل حينما قام ( المعلم سيد ) بإقاف ( الحافلة )
أمام أكوام ( الطلح ) تأكد من قفل ( الزجاج الجانبى )
وزجاج ( السواق ) , حمل صحن ( الكوكتيل ) الذى أحضره كعادته من مكان
( المناسبة ) ثم نزل من الحافلة وقام بقفل ( الباب ) كعادته بقوه ..
كان الصوت الذى أحدثه ( المعلم سيد ) وهو يقوم بقفل باب الحافلة كافياً لإيقاظ
( أنثى الباعوض ) التى كانت تقبع نائمة داخل علبة السجائر المتسخة والتى
( لكزت ) زوجها وهى تقول له ..
- عليك الله ( الزول ده ) مش ببالغ عديك كده ؟
كل يوم يجى زى المواعيد المتأخرة دى ويصحيينا من النوم !!
والله كنت بحلم ليا فى جنس حلم خليهو ساااكت

والى اللقاء فى مقال آخر

[عطر الورد]

قصه حلوه وطريفه
بس راجل باعوضه الانوفليس متين بمص الدم

[السنبلاية]

قصه حلوه وطريفه
بس راجل باعوضه الانوفليس متين بمص الدم

هو يعنى انتى صدقتى !

ماهو كناية ,, بمعنى استعارات مكنية

شكراً على المرور عطر الورد

تحياااتى يا غالية

[السنبلاية]

الناس المرطبة دمها فاسد
كلو سكرى
وضغط
وقاود
وغيرو
من الامراض
تعالى يالسنبلاية للدم الحااااااااااار
البغلى المرض بتاع الناس الضارباهم الشمس
ومحمرة جلدهم

تسلمى على الجدعة الحلوة

الفرح انت وين طولتا الغبية ..!!؟2

رمضان مبارك وكل سنة وانت طيب .. 2

[فيحـــــــاء]

ههههههههههههههه

ياسلام عليك باسنبلايه القصه النزلتيها حلوه واستمتعت بقراءتها كتير

والفاتح جبرا روائعه رائعه

انا عشت مع القصه شديد ولمن الحافله وقفت جنب بتاع الطلح قلت في سري

كمان توصيلا مجاني لانثي الانوفلس وزجها ماقايلاها السجمانه بتحلم

[السنبلاية]

ههههههههههههههه

ياسلام عليك السنبلايه القصه النزلتيها حلوه واستمتعت بقراءتها كتير

والفاتح جبرا روائعه رائعه

انا عشت مع القصه شديد ولمن الحافله وقفت جنب بتاع الطلح قلت في سري

كمان توصيلا مجاني لانثي الانوفلس وزجها ماقايلاها السجمانه بتحلم 45 45

بتحلم ساااى وكفى ..!!؟

لمن عجبها الفنان و مشت شاغلتو .. الهبلااا ..!؟

[السنبلاية]