منتدى المدائح والدوبيت

[ابوباسل الشكرى]

اولا:_المدائح اخوتى فى المنتدىالمدح جائز فى حق المصفى علية افضل السلام ولاكن لايعقل ان نتعامل معة بطريقه الغناء مثلا عندما كان يشدو اولاد حاج الماحى او السمانى احمد فى تلك الفتره لم نجد احد ينتقدهم ولاكن عندما دخلت الموسيقى فى المدح اصبح كل من هب ودب يعمل فيهاء واعظ اخوتى اتقو الله واتمنى ان نرجع الى ايام اولاد حاج الماحى لكم منى كل الحب والتقدير

[ابوباسل الشكرى]

الدوبيت بالنسبة لاهل البادية شى لاغنى عنة ويمثل لهم مثل الاكل والشرب فى حياتهم اليومية واقلب شعر الدوبيت قالبا يكون فى وصف الطبيعة فيمثلونها بالمعشوقة كمثال لاللحصر الشاعر الحاردلو الذى نظم مثدار الصيد الذى يصف فية رحلة الصيد من منطقة ريرة الى منطقة قلع النحل جنوب القضارف الذى يقول فى مطلعة الشمس (الشم) خوخت بردا ليلى الحرة والبراق برق من منا جاب القرةتلقاها ام خدود الليلى مرقت برة احب ان اوضح للاخوة الذين لايعرفون الدوبيت يتخيل لهم ان الشاعر يتحدث عن معشوقتة ولكنة يوصف فى هذا المسدار رحلة صيد تحرك من ريرة الى قلع النخل وانشاء الله سوف اكتب لكم فى القريب العاجل هذا ء المسدار كاملا

[بت أبوظبي]

معاك حق يا أبو باسل ... المشكلة بقت كل من هب ودب عايز يمدح .... بس في بعض الأحيان بيوصلوا الفكرة بصورة جميلة ورقيقة ...
مع محبتي
بت أبوظبي

[هتان]

مسدار ابو السرة
كلمات الاستاذ/محمد طه القدال

اماتي القبيل بي حنهن لقني
كرفة وقلدة كيف شوف اللبن
رجنّي حزنا جاني في
ميع الصبا يلجني اطلع
مني يا جلدي المنمل جني
واطلع مني يا حزنًا بقى مكجني

خلني ابدا مسداري
واودي قفايا لي دارا بقت مي داري
جيت الجلدي بيني وبين عضايا الشحمة الا النار بقت قدامي
جلدي الليلة بيني وبين عضايا المافي
الا تراني شوال الكبس نفيخ جلاليب الورم هدانّي
في جلدي الورم قولنلي ولا صحي الورم عضاني
سفريتك مي في النية
ماها الكانت محرية
خابراك عريف زم العربان ولّا قيام الوردية
مالك تريان ومندي كاسي الكتان والهندي
قولك ككيف ترجى البيشان ولا الغربة البي زندي
برق العبدلي الوزني ما طاش يا جاب المزن
فرق ياالضيف فعل الغضبان انفر ثيران الحزن

شن القعدة يا ابو السرة شن القعدة
في ضل العمارات ام كمرتًا بره .. ضقنا الحنضل اليانكي
وبلعنا المرة كملت كوتة التمباك صقعنا الجرة
وكت اتقفلت شقيش قبل بالمرة لن
يأمرنا في بلد المعاني الحرة
الشم خوخّت بردن ليالي الحرة
والبراق برق شوف عيني الصقير بي جناحو كفت الفرة
تلقاها ام خدود الليلة مرقت برة
مرقت برة تغلي مديدة الحلبة التسمن ردفها
السمن المبستر يانكي
والويقود قعيرات الدخان في العين وفي الفشفاش بسوي عمايلو
شن فايدة مديدة الحلبة يا ابو السرة شن فايدة مديدة الحلبة
الويقود يشيلو اليانكي
قامت من دخاخين العمى تلمع وشيها اليانكي مستنيها
كان اليانكي مستنيها في مراية السجم
في الليل لقيتها متل فرايخ الطير مرق ود عينها من ود عينها
رجافة المزمة الحمى جفلت منو وقعت عندي صدرها بغلي
يا ابو السرة شفت اليانكي في ود عينها
حسها للبحر
يمكن يغسل عينها من اليانكي
فتنا الحجرة بالكتة وغتسنا مسافة
تبقى قدر مسالك الريده ما لاقانا من يغبانا في
البحر الفضا التحتاني
ناس عارفاها ناس عارفاك ناس عارفاني
نادينا القعونج والبلطي قرقور السمك ودانا لي دابي الخشش
نادينا عمال الطمي الصارقيلا والقرموط وود الموية وقتنا عليها
كانت نايمة عجال البحر حارساها
كا نت نايمة بين حجرين
وضل ساسوية وعمال الطمي
الصحونا خابرين الدروب لمّو حصى البحر قسموهو
يات من كان سبع جمرات دابي الخشش قال ادوها
في الجمرات تلات سبعات
قلنا ادوها في في الجمرات تلات سبعات
مسكنا دربنا وعمال الطمي مرقوبنا في مشرع مسارب الضي
لقينا الدنيا تترجانا قوقى القمري خوّى صغيرو وعوّى حدي
وعمال الطمي الصحونا لمّو على البعرفو الصي
حصى القيزان دوابي الدارقة والسحلية والناس التحت
خابرين عمايلاليانكي
قولن للاخلا ديارو
دمك فرهد في نارو
غورّ في الارض طارو صقرين
اولاد الارض ما طاروا
لحمي غطى بن عمي شو صار حالو يا امي
منديل العرض في بيت الدين دمي ما يخلي دمي
انا من دير يسن صرنا في جزر التين
عم نسقي بعض حب الزيتون
بدو يرجع للطين صابرا تحت الدورية
صابرة تحت الدورية .. صابرة فوق الدورية
يا حالة ضد لحم الطفلين نابت غصن الحرية جزري مو في شاتيلا
ما قال حالي يا ويلا احنا في الارض
ارض فلسطين يا امي
هيلا هيلا
قوقي القمري خوّا القي وعوّا حدي
وكنا جماعة دابات الارض والسايمة وعوامة البحر والطير
وحتى الغيمة دفاقة المطر فوق راسنا شايفة الدرب
دريب اليانكي لا يودرنا قال الدابي للضليلة خليك صاحية
زوغ اليانكي لايودرنا
قال الدابي ان يغباها ما بيغباني
ولما الشم مودع غاربة وصّت جملة الصقار عيونن كاربة
ابقو الف بفوت للمتلكم ناهدين
وفوق دينن عريبا غادي
قال السحلي لا تغشوهو دول عربان توابع اليانكي
قال الجمعي لا نغشاهو دول عربان توابع اليانكي
وخلوها العريب الغايبة السراق طليقو معاهو
تيجانا عروشها الخروع الهش العويش النار تعلق فوق عقال العرش
ولا خسانا بي هادي العروش الغربة
يا ابو السرة لا عقام مسكنا دربنا وعمال الطمي الصحوها
خابرين الدروب
مرقوببنا من وادي الضلمة الكان عقب لمينا في باقي الجمع قاصين دريب اليانكي
شمور الضيب في الكنغو وخبرا من جنوب امريكا ومن كلهاري ديبا ضاري
والتمساح وليد امزون ونمرا في النمور كمبودي ونمرة خلا الله مكسيكية
ولما لميمنا والشمس البتوقد فوقنا شد شديدنا التمثال مشيل روقنا وعالم حر
يدوعل فوقنا لي يوم فوقنا نبزغ فيهو في عينيهو جر واسوقنا

يا شمس طلي طلي
شاوري على بيتي دلي
كيال الكيل ختياري مات
ظلي عم يحرس ظلي
عادل على خيي ميلي خيي لا يحمل شملي
ما خف الشمل تاني المرات ما كل الرصاص شيلي
عيني في الفيل ما ظله
كلنا ندريه ما نضله
يا ويل الويل نرمي الجمرات
عدّي المستشهد كله

[الاء]

مشكور ياابو باسل علي التعريف......................والناس بتطور........................ومشكور ياهتان .
ونرجو المزيد.......

[ابوبكر]

اتفق معاك في المعنى ، لكين لازم نرجع الموضوع ده للحكم الشرعي ونشوف هل استعمال الموسيقى أساساً جائز أو لا ، بعد داك نشوف اي نوع من الموسيقى لوكانت جائزة ممكن يمشي معاه.

[تاج السر مدنى عبدالرحمن]

ارجو من الاخوة اعضاء المنتدى ان يرسلوا لى مدائح البرعى لفرقة الصحوة[

[khalo]

لايعقل ان نتعامل معة بطريقه الغناء
عندما دخلت الموسيقى فى المدح اصبح كل من هب ودب يعمل فيهاء واعظ
اخوتى اتقو الله

[align=center]صباحك نور
أبو باسل يا حنين

الموسيقى لغة عالمية
واستطاعت الموسيقى
أن تنقل أدب المديح إلى آفاق أرحب

ودي وتقديري[/align][/b][/size]

[حموودى]

الحقيقه الفتره الاخيره
اصبح المديح غريب

الكلمات كلمات جميله
الالحان (أغنية بنات عديييييييييل)


هل يعقل هذا؟


.