سحر العيون في غنانا المشتهنو @ عيونك أعيوني

[khalo]

[align=center]بتتغير
أقول ما إنت نحن كمان بنتغير
وزي ما عيونك الحلوين بتتحير
بنتحير

تصدق من سنين نحن
بنتمناك تصابح العين
بآمال لحظة تنصفنا
وتبين نحن منك وين
ولما نحس بيك ناسي
ونقابلك بجفا الناسين
بتحيير ونحن كمان بنتحير

تخاصم والخصام يجرح
سلامنا ويشقى فرحتنا
ونحلف نحن عاديناك
عشان ما نرضي عزتنا
وننسى القلنا لمّا تحن
يجيبك شوق لدنيتنا
صحيح مرات بنتغير
وإنت كمان بتتغير

كتمنا عليك حنين الروح
كتمنا جروح وما بحنا
وعشنا على أمل ننساك
مع ذكراك بعيد رحنا
ومهما نقول بتنغير
محال طيبتنا تتغير[/align][/b][/size]

[khalo]

[align=center]في عينيك تظهر لي دنيا
دنيا شوقك فيها ظاهر
الاماني الحلوه هايمة
زي بحور ما ليها اخر
الكليمة الطيبة منك زادي
وحياتك لي باكر
والامل فارد جانحو
ديمة زي عينيك مسافر
والله مشتاقين

الغروب يسألني منك
وأمسياتنا في شوق إليك
الرمال الناعمة
مشتاقة لي مشيك
الطيور الراحلة
في ضل المساء بتسال عليك
كيف تفارق الضفة
والنيل هان عليك
والله مشتاقين

طال علينا فراقكم
والله يا غايبين
قدر ما ننسي العلينا
برضو مشتاقين[/align][/b][/size]

[khalo]

[align=center]عيونك كانوا فى عيوني
يصدوني وينادوني
أخاف لو قلت حبونى
وأقول يمكن يحبوني
ويعزوني ويصافوني
عيونك عيونك
كانوا فى عيوني


أصبّر بي هواك البال
وأزرع قلبى بى الآمال
عشقتك وكنت عندى خيال
مجرد حبى ليك محال
أداريهو واخليهو
وأخاف من قلبى يحكيهو
عيونك عيونك
كانوا فى عيوني

ظروفنا تحرم اللقيا
تعادى الحب ولو طاهر
يعيش فى خوف من الدنيا
يكون مكتوم وما ظاهر
فكيف احساس تحسو الناس
نضيق بيهو ونعاديهو
وكل الكون يشك فيهو
عيونك عيونك
كانوا فى عيوني

يا حبيبي يا حبيبي
يا حبيبي لانك انت عفيف
رقيق بتخاف من الأشواق
تعال نتحدى حتى الخوف
تبوح بهواى وأقول أهواك
نكون ظاهرين وما خايفين
نعيش ليهو ونذوب فيهو
ونجاهر للانام بيهو
عيونك عيونك
كانوا فى عيوني

نحاول نبرز الإخلاص
وزادنا البهجة والنشوة
نفتح فى قلوب الناس
مشاتل من حنان حلوه
نقول ليهم نوريهم
معانيهو وأمانيهو
ونفخره للجميع بيهو
عيونك عيونك
كانوا فى عيوني[/align][/b][/size]

[khalo]

[align=center]أخونك
هل تصدق أخونك؟
ما إظن تصدق أخونك
لو شافت عيونك
أيه حاصل بدونك
دي الدنيا بقت عدم
والفرح من غير نغم
والسعادة بقت وهم
والحلوة من غير طعم
وبرضو تصدق أخونك

ذكرياتك دائما أمامي
صورة حية لغرامي
عشتها بروحي وكياني
يا سروري وابتسامي
مهما قلبك جار سباني
إنت برضو مسار اهتمامي
وبرضو تصدق أخونك

يا سلام على ريدي
الخلاك بقيت سيدي
لو الأماني بإيدي
كنت أهديك عيوني
وأسقيك من وريدي
يا هنايا وجديدي
يوم أشوفك يبقى عيدي
وبرضو تصدق أخونك[/align][/b][/size]

[khalo]

[align=center]انت ما برضك حبيبنا
والحنان الفى قلوبنا
اصلو نابع من عيونك
والمحبه الفيها
لو ما انت ماكانت محبه
وكل اشواقنا ومشاعرنا
واحاسيسنا النبيله
انت مااهديتا لينا
وكيف تضيع احلى
ما اهديت ياغالى

لما تقسو عليك ليالى الوحده
والليل يبقى ليل
والنجوم تلمع بعيد
تسخر من السهران وحيد
ابقى اسال عن قلوبنا
تلقى فيها كنوز محبه
وتلقى فيها بحور حنان
وتلقى فيها الشوق يغنى
وتلقى فيها الريده
فارده جناحهاتشتاق للربيع
ياربيع يا ربيع[/align][/b][/size]

[khalo]

[align=center]البيسأل ما بتوه .. دارنا نحن قريبة ليك
انت ما مجبور علينا نحن مجبورين عليك
لو سالت علينا كنت عرفت نحن الليلة وين
كنت اول لما نحن نغيب ثواني تقول سنين
اتغيرت يا وحيدنا ولا صابت ريدنا عين
وادعينا تكون معانا ما لقينه حنان عينيك
انت ما مجبور علينا نحن مجبورين عليك
مرة شفناك يا الحنين طالي في حارتنا صدفة
جابنا ليك الريد وجينا الحصل جابتنا الفة[/align][/b][/size]

[khalo]

[align=center]في عينيك دنيا غريبه
دنيا ملانه محنه (بهجه) وطيبه

مره تقطع
ومره تجمع

مره تاخد كل اعماقنا تابا تجيبا

وانا اتحيرت
شلت الخطوه
حتى الخطوه لما نشوف جمال عينيك
تبقا ترجع
وهي بتتطلع
قصة صوره في عينيك حروفا رهيبه
فصولا بتحكي للأيام عيد ميلاد حبيب وحبيبه
وبتروي كلام مطابق ليك
نابع وحيو من عينيك
و سماح عينيك عاد يا منيه
زيا ليها ما شفنا
فيها حديث جميل ورقيق
وبدي الناس جمال احساس اصيل وعريق[/align][/b][/size]

[khalo]

[align=center]حليلو قال ناوى السفر
وكيف الوداع لمن يحين وقت السفر
أهديك زهور!
حاشاى انا وانت ندى الزهر
أهديك حروف!
يا اجمل احرف فى الدهر
اهديك حنان!
ما قلبى عندك من زمان
وأنا راجى عطفك منتظر
أهديك حروف ما قالها زول
وما أظن يقولها وراى بشر
اهديك عيونى عشان استريح
الدنيا بعدك مابتسر
يا حليلو[/align][/b][/size]

[khalo]

[align=center]زاهي في خدرك ناعسات عيناك تسحر النظرك
ياجميل
اشتهر بدرك بي قوام وثمار اينعن صدرك
يالرفيع قدرك للعقول حسنك وصفه لم يدرك
ياجميل
يافريد عصرك ليك جنود الحاظ ساهرة سيف نصرك
للعقول حصرك وقلبي اه مطعون بي رمح خصرك
حرت في امرك ذبت شوق ومحال اقتطف ثمرك
مرة في عمرك اهدي لي نغيم فيه روح خمرك[/align][/b][/size]

[Suhaib]

[align=center]البتوحي الناس العيون يا حلاتن هن حياة الريد والجنون
جنني ياخي العيون يا بلالي هن حياة الريد والجنون
آه العيون الفيهن نعاس هن اساس معنى الجناس
هن يثيرن في الناس حماس هن يسوقو الزول للمجون
جنني ياخي العيون يا بلالي هن حياة الريد والجنون
آه العيون البيض لوصفن يجرحنك ويتلاصفن
مرة نظراً لي اوقفاً شالو نومي ما انصفن
آه العيون السود كاحلات في دلالن متسابلات
يجرحنك ما سائلات يتركنك متهاملات
البتوحي الناس العيون يا حلاتن هن حياة الريد والجنون[/align][/b][/size]

آه العيون الفيهن نعاس هن اساس معنى الجناس
هن يثيرن في الناس حماس هن يسوقو الزول للمجون
جنني ياخي العيون يا بلالي هن حياة الريد والجنون
آه العيون البيض لوصفن يجرحنك ويتلاصفن
مرة نظراً لي اوقفاً شالو نومي ما انصفن

تسلم العيون دي !!!!!!

الزول دا بالغ في وصف العيون هنا ....

خالو شكرا جميلا علي العيون ...من العيون ... ..

[khalo]

[align=center]صهيب يا حنين
صباحاتك ندية

و

أنا ما معيون أزاي ودواي خدود وعيون
لحاظا يــخيف قـايد الـمليون
وتــرهب عـنـتـر ونابلـيون
حـلـيف آلامي عـيوني عـيون
دي ملكه جنــودا شلوخ وعيون[/align][/b][/size]

[حافظ عوض الله محمد]

عيونك مرقة من روتين الحزن الفينا وقيد العادة الدائما شينة

[Suhaib]

اقول ليها عويناتك ترع لولي وبحار ياقوت
مناحات ريد حزاينيه بغازل فيها مأساتي
وفي شرف العبور ليها بموت واكسر شراعاتي
تقول لي غناك حزين غناي حزين
وانا الواهب قصائدي الباكيه للفرحه
وانا البديها شان ريدي وصباي طرحه
قول ليها عويناتك زي سواد قدري
مكحله عمري من بدري
لو بقدر اسافر في بريق لحظك وما ارجع
تقول لي خايفاك تتوجع واتوجع
اقول ليها عويناتك ديار وعدي
مسوره بي جدار صمتك
عذابي معاك بريدك قبل ما اعرفك
ولو بقدر اشيل من الزمن وقتي
بموت في لحظه واوهب ليك عقاب عمري





،،

[لحــ غروب ـظة]

بموت في لحظه واوهب ليك عقاب عمري



،،

شكراً صهيب .... :D


وأقول ليكم ...


عيونك زي سحابة صيف تجافي بلاد وتسقي بلاد ،،

[Suhaib]

شكراً صهيب

يا أحلي عيون بنريده
في زول علمنى الريده
فضلنا نعد في رموشه
سرحنا في دنيا بعيده

عينيك الضاحكة خجولة
في رمشك سيره نقولا
يا روعه وفيكي طفوله
فيكي حلاة غيرريده


مرافئ عينيك يا مرسى
مراكب تايه بترسى
تضميني وفيهم أرسى
وأعيشك أحلى قصيده


،،،

[لحــ غروب ـظة]

يا أحلي عيون بنريده
في زول علمنى الريده
فضلنا نعد في رموشه
سرحنا في دنيا بعيده

عينيك الضاحكة خجولة
في رمشك سيره نقولا
يا روعه وفيكي طفوله
فيكي حلاة غيرريده


مرافئ عينيك يا مرسى
مراكب تايه بترسى
تضميني وفيهم أرسى
وأعيشك أحلى قصيده


،،،

في عيونك ضجة الشوق والهواجس ،،،

ريحة الموج البنحلم فوقو بي جيت النوارس ،،،


،،،

[ودالدرديري]

أسباب تشوقي نظرتك
وأسباب نفورك نظرتي
دايماً أردد ذكرتك
هل مرة بحت بذكرتي؟

عيوني وعيونك ....... أسباب لوعتي



ِ

[Suhaib]

أسباب تشوقي نظرتك
وأسباب نفورك نظرتي
دايماً أردد ذكرتك
هل مرة بحت بذكرتي؟

عيوني وعيونك ....... أسباب لوعتي



ِ

عيون الصيد ناعسات عيوني
عيون النيل حاكن عيوني
نسيت قلبي وروحي ونسوني
وفقدت الكانو يأنسوني
ليالي هناي جد عاكسوني
وأخاصم النوم كيف درسوني
مع الآلام هاجت شجوني


،،،

[Suhaib]

في عيونك ضجة الشوق والهواجس ،،،

ريحة الموج البنحلم فوقو بي جيت النوارس ،،،

لوعارف عيونك توهت العيون
ورقصت المشاعر وغناء وراها كون
شفنا الدنيا حلوه في رموشا وسرحنا
صابحنا الاماني واتمدد فرحنا
والحنيه هلت في دنيانا طلت من أجمل العيون
موال برضو غنوه بس من نظره حلوه
عاشت في خيالنا وفي وجدانا سلوى
وإترسمت سنين في قليبنا الحنين
واتلاشت شجون
لما معاها نسرح ونتوه في الغناوي
ويداعب خيالنا مشوار الحكاوي
تتلاقي امنياتنا ونقول اغنياتنا لي اجمل عيون



،،