حديث الروح

[فراوله ام احمد]

وأشوف لي سراج ...يزيل العتمه لي التايهين وفي الأفق البعيد وهاج ...
يطارد لي عفاريت الحنين جواي يلاطم موج بحرنا الهاج ...
وفيه يتلألأ نجم الدر ...
عميق يتحير الصياد شبكته الليله وين تنشر

[3Aiz A3eesh]

حَبـــابِك مِن جَديد ... منَوِرة دارِك ...

[الماسة الخماسية]

وأشوف لي سراج ...يزيل العتمه لي التايهين وفي الأفق البعيد وهاج ...
يطارد لي عفاريت الحنين جواي يلاطم موج بحرنا الهاج ...
وفيه يتلألأ نجم الدر ...
عميق يتحير الصياد شبكته الليله وين تنشر

ويستفسر أكان بقدر ينادى العيلة والاصحاب يفجوا الشبك رجراج

كأنهم سمعوا صوت نفسو جهوا فرحانين ومن شوفهم هلل وماج

لملموا شباك السترة وقالوا بسم الله وطاردوا عفاريت حنين سادرة عجاج


وفى عمق العباب شروا الشبكة وانتظروا الصيدة كبار وعيال

غانمين بلا مغنم كفاية عليهم الونسة سِلوهم ضحكة وراحة بال

حلف قسم الحواريين من زمن بعيد غاب دوم الفرحة تبراهم شيل الهم مالوا مجال

وسراجك يا أم أحمد عشم الغلابة وحتى للغنى التايه فى الغابة نوره هلال


وسامحينى اكان غصت فى عباب بحر شوقك الثجاج

بلا إذن _ غير سماحة فى طبعك وجمال حرفك الوجاج

سّهل لى خيال صورة البحر وعذرى2 كل الناس_فى البحر ليها مزاج .





**حمدلله ع السلامة ومنورة _ فراولة أم أحمد

تحياتى وودىّ .

[فراوله ام احمد]

التحيه والتقدير لك أخونا 3Aiz‏ .....
شربت الكاس........
ولمن فقت من تاني...
تكيت الريد علي النستان

[فراوله ام احمد]

أجمل ماسه تزخرف لي الحلم جواي تطرزو عاج ...
شوفتك نجمه بدر الكون تلألأ وهاج.....
للتايهين مناره وقبلة المحتاج .وإنتي سرااااج‎ ‎

[بانه]

جميل ما سطره قلمك فراولتنا

مرحب بعودتك من جديد

[ابو الملكات]

رغم قلة الحروف ولكنها عميقة المعاني خاطرة تحكي حديث الروح حقاً

بشوق ولهفة هنا انتظر القادم من حرفك الانيق يارائعه

كل الود

[فراوله ام احمد]

بانه الحبيبه ياقمر حاز الجمال يانغم حلو المقال لك شكري وتقديري .

[فراوله ام احمد]

شكري أبوالملكات ماأخطه هنا قطرات من كتاباتي أنفاس روحي بها تدب الحياة في أوصالي أنقطع أحيانا عن الكتابه ومثل غيري أنشر في مواقع مختلفه ...تسلم أخوي

[فراوله ام احمد]

مدن الشوق المارق منك ...........................
ودار مرفاك الوافر حنك ...........................صاد اللقيا وبهرج قيفك......................... وفتح في غرفاته نوافذ

[فراوله ام احمد]

سكن جواي وعشعش في حنايا الروح....
وهدهد لي رؤي الأحلام
وأتوسدت عالي سفوح....
أنا والليل مع النجمات نسامر لي خيالو نبوح.....
ونقطف من قمرنا شعاع
نفرشو بساط يغطي السوح.....
وننشق من عبير ذكري والنسام يهبهب يفوح ....

[فراوله ام احمد]

في الخطوه ماشه رزينه حافظين للحدود من قمنا من تبينا
حلقات الذكر جلاسا ما غبينا يوت في دار ابوي شاربنو كاس وروينا

[ميرفابي]

مر يانسيم بى جارى.................واحكيله كل الجاري
قول ليه دمعه الجاري...........في خدوده سوى مجارى
ذكرى الحبيب عاطرانى...........كابه الدموع ماطرانى
الزما......والاطرانى.............سيان....... لو تطرانى
ياريته لو.... وافاني ..........قبل اندرج في اكفانى
أنا كنت أعده لفاني ...............وما كان منامي جفاني
لكي التحيه تقبلي مروري

[فراوله ام احمد]

مر يانسيم بى جارى.................واحكيله كل الجاري
قول ليه دمعه الجاري...........في خدوده سوى مجارى
ذكرى الحبيب عاطرانى...........كابه الدموع ماطرانى
الزما......والاطرانى.............سيان....... لو تطرانى
ياريته لو.... وافاني ..........قبل اندرج في اكفانى
أنا كنت أعده لفاني ...............وما كان منامي جفاني
لكي التحيه تقبلي مروري

قول لي النسيم الساري .....قصقص دريبو وباري
واليصدحن لو قماري ..........ليلو ونهار وعصاري
وحبابو ساعة الهجعه.........شوووفتو وتجف الدمعه
وانا عن رجولك بسعي .......وانا طوفت فوقو السبعه
وأقلالو بن لو تدري........يحضر مليك الخضر
عقلي المودر بدري........دابو انعدل بي البكري
تنينا جبنا النمه ..........يا ميرفابي انجمه
اناوالصحاب نتلمه.........قهوتنا مابتنزمه