يوميات عضو

[حموودى]

[grade="00008B FF6347 008000 4B0082"][كل واحد منا يواجه في سويعات يومه الكثير والمثير


منها ما لايستحق ان يعاد التفكير فيه ومنها مانندم عليه ومنها ما يبهجنا ومنها مايكد كاهلنا من العناء والحزن.
وتمر بنا مواقف نكون محتاجين فيها للمشوره ولكننا نستحي من طلب يد العون والمشوره

وتمر الايام بخيرها وشرها

ولكن هناك دروس وعبر تمر بكل واحد منا مهما كانت مكانته او عمره او مركزه الاجتماعي او الوظيفي.

ومن هنا افرد هذه المساحه بعد اذنكم كي تكون مساحه لتوثيق اللحظات الهامه والمشكلات ومن ثم نحاول معا ان نجد لها حل ليس لصاحب المشكله فقط بل لاخوانه الاعضاء من بعده

ولكن: هذه المساحه تحتاج ان نكون صادقين مع انفسنا اولا ومع بقية الاعضاء حتي تؤتي المحاوله ثمارها.


وبسم الله نبدأ[/grade]

[nunoosa]

العزيز حموودي

كلام جميل وواقع

انت أبدا ونحن معاك











بجيك بي رواقة

[المغربى]

دايماً سباق للحاجات الجميلة

ونحن انشاء الله معاك

مشاركةً وراياً

[حموودى]

دايماً سباق للحاجات الجميلة

ونحن انشاء الله معاك

مشاركةً وراياً

والله يامغربي ماقدرته اقرا الا بعد ما عملته اقتباس



وتسلم ياراقي

[هتان]

طيب
نبدا قبل يومين
يا ننوسه


يوم الايصال ابو 30 ,,,,

[سودانية نار]

طيب
نبدا قبل يومين
يا ننوسه


يوم الايصال ابو 30 ,,,,

هتان الناس ديل لسه موجوعين
يعني لازم تذكرهم
ما كفاية الفيهم

[سودانية نار]

[grade="00008B FF6347 008000 4B0082"][كل واحد منا يواجه في سويعات يومه الكثير والمثير


ولكن هناك دروس وعبر تمر بكل واحد منا مهما كانت مكانته او عمره او مركزه الاجتماعي او الوظيفي.

ومن هنا افرد هذه المساحه بعد اذنكم كي تكون مساحه لتوثيق اللحظات الهامه والمشكلات ومن ثم نحاول معا ان نجد لها حل ليس لصاحب المشكله فقط بل لاخوانه الاعضاء من بعده

ولكن: هذه المساحه تحتاج ان نكون صادقين مع انفسنا اولا ومع بقية الاعضاء حتي تؤتي المحاوله ثمارها.


وبسم الله نبدأ[/grade]

الفكرة جد حلوة ومبتكرة حمودي
لكن
عاوزة جراءة وقوة قلب
كدي انت ابداء
ونحنا بنتشجع
ونخش بعدك

[حموودى]

موضوع اليوم:

التشخيص الخاطيء








بعد متابعة فلم بوليسي رائع جلسنا (انا والاسره) نتسامر وتملأ الضحكة أفواهنا
وكان القاسم المشترك الاكبر بيننا شراب النعناع الساخن الذي
تعده الوالده بطريقه حصريه.

ذهب كل واحد مننا الي فراشه وكله حيويه وأمل كبير يحدق فـي آفاقه لغد أفضل
وبعد ان توشحت السماء وانا أستمع لاذاعة الكوثر بدأ النعاس يداعب جفنـي
والليل يرسل نسمات هامسه تدغدغ حناياي



فجأة شق صمت الليل صرخه قويه جدا فهمست دواخلي (ماات ) (الله يرحمو)




وأخذت ساقاي تأخذانني الي بيت الجيران وسبقني اليه قوم عظيم

وبعد قليل عرفنا الخبر الحاجة السره تعباااانه ويا الحوادث جاك زول



وباختصار مشينا وهاك يا عوارض

الدكتور براو والمناوبه انتهت الا يجي دكتور فلان

وبعد شد وجذب جاء ليفحص

وأمر بكميه من الفحوصات وهاك يا جري
وادونا علاجات ملاريا

وبعد يوم واحد بس

تاااني جري ودكاتره وكل يوم علاج وتشخيص جديد

وكانت النتيجه مشاكل في القلب

والدم والكبد


والنهايه


الموت



وكله بسبب عدم التشخيص الدقيق


لانه في النهايه اكتشفنا انها كانت تعاني من التايفويد

ولكنها أخذت أي علاج تعرف اليه واحبه كل طبيب زرناه


إلي متي .....تطل هذه المشكله علينا وتأخذ دوما من نعز ونحب..؟؟؟؟؟؟

[spanisheyes]

اخ حموودي اولا: سلامه الحاجة السرة ربنا يفك كربتها ويعافيها تانيا: عيوني وجعوني وانا بقرا

[spanisheyes]

بسم الله الرحمن الرحيم
اخ حموودي انا كمان عانيت من قصه التشخيص الخطأ
كان عندي صديقه لي مقربه جدا جدا بس هي اتوفت الله يرحمها ويغفر ليها
السبب التشخيص الخطأ قالو ليها انها عندها ضعف في كريات الدم الحمراء
واخدت علي كدا وكل يوم بتاخد علاجات وكدا علي اساس انها مريضه بي كدا
وقعدت علي الحال دا سنه كامله ونحنا قلنا خلاص حتتعافي وترجع تاني زي ما
كانت ما ختينا في بالنا ابدا انها ممكن تموت او يحصل ليها حاجة بس في الشهرين
الاخرين حالتها جدا ادهورت ضعفت شديد ومرضت وبعد مدة
اتصلو بينا وقالو لينا انها اتوفت !!!!!
ما صدقنا قعدنا في حاله صدمه وانا لليوم في حاله صدمه لمن الناس يقولوالله يرحمها
ما بصدق انها ماتت حتي انا لمن اقولها ما بصدق روحي ولي هسي للحظه اللي بكتب
فيها دي ما مصدقه انها خلاص مشت وما حنشوفها تاني ؟؟؟؟ السبب انو التشخيص خاطئ
طلع عندها لوكيميا في الدم لمتين حيفضل الناس ضحايا للتشخيص الخاطئ؟؟؟؟

[حموودى]

قالو ليها انها عندها ضعف في كريات الدم الحمراء

في شهر رمضان اللي
قبل اللي فات يوم ليله القدر اتصلو بينا قبل السحور وقالو لينا انها اتوفت !!!!!

السبب انو التشخيص خاطئ
طلع عندها لوكيميا في الدم لمتين حيفضل الناس ضحايا للتشخيص الخاطئ؟؟؟؟

كل نفس زائقة الموت أختي الاسبانيه أنا حا اسميك ( أم عيون)

ولكن جعلنا لكل شيء سببا



والتشخيص الخاطيء في الفتره الاخيره اصبح اخطر من المرض نفسه

ونسأل الله السلامه

والمشكله انو لم الزول يمشي لي دكتور بكون تعبان ومحتاج حاجه تريحو والاهم من كده انو اكيييد حايثق فيو وحايسمع كلامو

والنتيجه تكون حسب مهارة وخبرة وكفائة الطبيب


وعليه تعالي نحاول نقترح ونفكر في حلول مع بقية الاعضاء عسي ولعل انها تنجح.

[لحــ غروب ـظة]

حامل في أياما البعد الأخيرة ...

طول الحمل ...

الشافع حيطلع بسنونو خلاص أمشي الدايات شوفي الدكتور ...

يا فلان تنادي زوجها ..... انا ماشة الدايات ولما أجي بتصل اوريك الحاصل شنو ..

تلفونو يرن لكن دا ما صوتا دا صوت أختو الحاصل شن؟؟ مرتك دخلوها عملية الزلال مرتفع ...

حيولدوها بعملية تعال لانه دخلوها غرفة العمليات خلاص...

ولدت الشافع عسسسسسل أصفر ومبغبغ وشعرو أسود ماشاء الله عليه ...

امو تعبانة في شنو مالا ؟؟؟

الدكتورة جات وبترفع عنها الغطاء وتلقاها سابحة في دمها ....

في شنو؟؟

نزيف حاد ....

نادي الدكتورة التانية ... وجا الدكتور نائب الأخصائي ...

والنزيف ما وقف ..

والسبب شنو دخلوها العملية ضغطها مرتفع ... دمها ناقص ... أدوها دم ...

الدم تقيل وما عاوز يمشي ... ولما الدم مشا ... دقيقة بس ... والجسم قام ... وبقا أحمر ..

ويقت في حكة .. وتصرخ وتكورك وفي شنو ... وألحق وقف درب الدم ...

وأجري جيب حقنة حساسية ... والدم ما نفع ... وإن شاء الله خير ....

والرحم ما بقفل عشان الضغط مرتفع ... وما كان قاسوهو ليها قبل العملية............

والدم عارفينه (58)...........

وربك ستر

والنزيف وقف والحمدلله ...ربنا كاتب ليها عمر..

[spanisheyes]

اخ لحظه غروب الحمدلله وحمدلله علي سلامتها
اخ حموودي خلاص ام عيون ام عيون والله فكرة
حلوة وبتمني انو الاعضاء التانين كمان يشاركو

[لحــ غروب ـظة]

اخ لحظه غروب الحمدلله وحمدلله علي سلامتها
اخ حموودي خلاص ام عيون ام عيون والله فكرة
حلوة وبتمني انو الاعضاء التانين كمان يشاركو

اسبانش ما عارفة ليه عن اسمك دا بذكرني بالمطبخ ...
إزيك يا عسل...

مالك سلامتك ... شابكانا أخ أخ الضربك شنو؟؟

الله يسلمك والحمد لله انا اتكتب ليها عمر جديد ....

بمناسبة الأخ الفوق دي .. أنا أخ ت ما أخ ...

[حافظ عوض الله محمد]

حمودى وينك ياخ ومشتاقين
اسكت ساى اخوك اليومين ديل جنس درش الله يكون فى العون
بالمناسبة شهد للانتاج الفنى فى منتدى الشعر

[nunoosa]

الاعزاء

حموودي

لحظة

وام عيون جميلة

الاخطاء الطبية

والحديث عنها ذو شجوون

طبعا نحن شعب ماشي بالبركة

وكل مايحصل خطأ طبي يقولوا ليك اجلو تم

والمرحوم مرضو مااتعرف

نفتقر للكثير من القوانين الحازمة

والضوابط الصارمة

وحياة الانسان ماعندها تمن

برجع بي تفاصيل مؤلمة وحقايق معاشة

[spanisheyes]

لحظه غروب اختي معليش ما كنتا فاكراك بنت
هههههههههههههههه اخ اخ ما في زول ضربني
سوري يا عسل

[حموودى]

[color=00008B]جـل مايتمناه المرء بعد عناء يوم شاق من العمل المضني والمشاغل والهموم اليوميه
ان يفتح جهاز حاسوبه ويتصفح النت ويدخل الي موقعه المفضل انا سوداني ويفيد ويستفيد
وعند طرح مواضيع جاده القصد منها المناقشه الموضوعيه الجريئه والصريحه
وانا من هنا أود ان اشيد بكل يراع تجده في اركان التسليه (مسلي)
وفي الجديه جاد جدا وموضوعي

وتحياتي لكل من مروا او قرأو ردوا او لم يردوا
فان الهدف هو تناول الافكار في موضوع لازال يؤرق مضاجعنا وجعل الناس تفكر في السفر للعلاج
مع تواجد خبرات مقدره في بلدنا الخبيب
ولكن تحتاج للثقه والتأمين عليها وتقديرها
ودمتم
ولي عوده ان كان في العمر بقيه.



.[/color]

[حموودى]

موضوع اليوم:



الشاكوش.




بكل صراحه لاول مره في حياتي اتزوق طعمه


ولم اكن اتخيل ان يحدث لي مثل هذا .
الحقيقه هو ليس شاكوشا بالمعني المفهوم ولكن يمكن ان نقول صدمه

تكون علاقتكما قمه في الجمال والصفاء والتضحيات وفجأه يتبدل كل شيء وتأكل نار الغيره كل ما بنيتموه علي مر السنين

والامر والادهي عندما يطرق الشك بابكما فاين المفر


الامور بيننا ليست بهذا السوء الذي اوصفه به

ولكنها في الطريق اليه

رجاء يا اصحاب الخبره افيدوني



الرووووووووووووووووووووووب.

[حموودى]

اذا عادت بنا الايام يوما ايها الاحباب
ولو في زورق يمضي في الصحراء
عبر السراب انا ملاحه الفرحان
يطرق مغلق الابواب
ادق ليس يعنيني
لاني قادم من حاضر اللحظات للماضي