ابناء المغتربين جيل فاقد الهويه؟؟

[spanisheyes]

والله انا عن نفسي ابوي وامي ما طلعو من السودان الا من اجل تحسين الوضع وتوفير الفرص لتعليمنا ودا شئ هما بجد حققوه لانو في السودان ما كنا حنقدر نعيش ولا نقرا ليش لانو اولا:
الدراسه في السودان بي قروش يعني بيفرضو علي الشخص رسوم فوق المستطاع بينما نحنا هنا في ليبيا بندرس مجانا زي ما بيدفع الليبي بندفع.
تانيا:اهلنا يقعدو يوفروا لينا لقمه العيش ولا مصاريف الدراسه الفوق التوقع؟
تالتا:السودان بلد ما بتتوفر فيو اي فرص للعمل خاصه للشباب دا السبب اللي بيخلي الناس بتغترب عن بلدا يعني لو كنا مرتاحين في السودان وحالتنا تمام ما كنا طلعنا منو ولا اغتربنا لذلك السبب الرئيسي لاغتراب السودانين هو وضع البلد التعبان لو بيتصلح كلنا بنرجع ما عندنا مانع وانا احب اقول انو ما كل الشباب السوداني المغترب فاقد للهويه بالعكس في جاليات سودانيه ونحنا متابعين الاوضاع في السودان اولا بأول ولا لهجتنا اتغيرت ولا شي سودانيه صافيه وبنحب الوطن شديد وشكرا

[spanisheyes]

وبعدين انتوبصراحه بتحسسونا اننا ما منكم زي ماقال الاخ ابو المقداد مرة حناكيش مرة فاقدين الهويه مرة ما معارفين شنو والله بجد نجي عايزين ننظم ليكم بتحسسونا بفرق انا ما بعرف ليش انتو متعصبين ضددنا
دا السبب اللي بيخلي الشباب المغترب ما يكون ليو رغبه في الرجوع لانو بيحس انو منبوذ من الوطن ما واحد منو زي ما بتحسسونا كدا

[ام الانبياء]

وبعدين انتوبصراحه بتحسسونا اننا ما منكم زي ماقال الاخ ابو المقداد مرة حناكيش مرة فاقدين الهويه مرة ما معارفين شنو والله بجد نجي عايزين ننظم ليكم بتحسسونا بفرق انا ما بعرف ليش انتو متعصبين ضددنا
دا السبب اللي بيخلي الشباب المغترب ما يكون ليو رغبه في الرجوع لانو بيحس انو منبوذ من الوطن ما واحد منو زي ما بتحسسونا كدا

تحياتي
ياريت تقري الموضوع من البدايه وكل المشاركا ت يمكن تقدري تفهمي قصدي
الظاهر اني مااتوفقت ف اختيار (العنوان) بس الموضوع سلط الضوء علي (مشكله) احسب ان الغالبيه تعاني منها وليس انتقاص من ابناء المغتربين الذين نحن منهم

[ahmed1994]

أول حاجة يا جماعة الزول اليدو في الموية ما زي اليدو في النار والقاعد
في السودان ما زي القاعد في الدول العربية التانية والقاعد في الدول العربية
ما زي القاعد في آوروبا وأمريكا فلكل ظروفه.
تانيا حالة أن أطفال المغتربين عندهم فقدان هوية دي حاجة لا أساس لها من الصحة
بل دي تعتمد على التربية وشخصية الزول أصلا .والمرات التي قدم فيها إلى
السودان.أنا لا أقول أن الاغتراب لا يأثر في الحكاية دي لكن تأثيره ليس التأثير
الذي يحسم الأمر فنحن هنا مثلا بنتكلم اللغة الألمانية في مخاطباتنا اليومية وده
ما (غزو ثقافي)زي ما أي واحد قاعد في السودان بظن فنحن لمن نعمل الحكاية
دي بنعملها لتقوية اللغة الألمانية فبعض الناس عندما يتعلم بعض المفردات الجديدة
في اللغة الألمانية يسارع إلى ترجمتها بالعربية والبعض لا. فبعرف ناس معاي
في الفصل لمن نتكلم بنتكلم بالألماني لكن نسبة استخدامنا لهذه اللغة غير متساوية.
فصديقي إذا أراد أن يسأل الأستاذ في حصة العلوم مثلا لا يجد المفردات العلمية بالعربي
فيعجز عن طرح السؤال باللغة العربية ويطرحه باللغة الألمانية.وبعضنا حتى في حصة
الألماني يطرحو الأسئلة بالعربي وبعرف برضو ناس أصحابي أتو
إلى ألمانيا وعمرهم 6 سنين الآن بتعلمو اللغة العربية وبقرو في مدرسة ألمانية
بطبيعة الحال. وبرضو ناس من نفس حينا جو لي ألمانيا في نفس العمر ودخلو
المدرسة العربية واتعلموا جزء من الألماني بحيث لا يضعف على لغة العربية
وهسع مقيمين في السودان.أنا مثلا مشيت قريت في السودان صف سادس وسابع
وتامن صحي في سادس واجهتني صعوبات كبيرة وكل ما ليها بتتقلص لمن وصلت
ثامن كَوَن أني درست من ثاني حتى خامس في ألمانيا لم يكن له إلا آثار موجبة جدا
وهكذا فحيث لا يمكن أن تحكم وتقول(أولاد المغتربين فاقدين هوية). فمثلا هسع يكون
الهـــــــــــــــــــــــلال لاعب ضد المريـخ منكن تطلع في الحلة تسأل ليك زول تقول
ليهو هلالابي ولا (مع الخيانة) يقول ليك ولا واحد بينما يكون عدد كيبر من المغتربين
حتى في آوروبا بشجع الفريق الفي السودان أكتر من فريق مدينته العايش فيها.

ahmed1994 & eisi

[eisi]

يا أم الأنبياء
أنا أؤكد ليكي انو كلامك ده مش مبني على أي أسس من الصحة
بالعكش لأنو أبناء المغتربين نسبة انوتكون عندهم هوية أكبر من نسبة
المش مغتربين بداية بتلاقوا بكتير من العرب التانيين ومش بكونوا
محصورين بين السودانيين والتلفزيون
ده غير اللغة سواء كانت انجليزي أو فرنسي أو ألماني
فمثلًا أنا
أنا مولودة في ألمانيا وكل أخواني كده وحاصلة على الجنسية كمان
بس جواز أمي البثبت إني سودانية مع ذلك لو سألني زول أنا من
أي بلد بقول السودان وفي غيري الكتير والكتير في بلدان تانية.
لكن بالنسبة لي الإغتراب كله إيجابيات

ويا ريت لكل الجاوبو على الموضوع ووافقوك على الكلام ده يراجعو نفسهم
لأنو أنا حاليا بعرف ألماني و إنجليزي و العربي بالتأكيد بجيدو
باتفان فياريت تسحبي كلامك ده لأنو ما بقرب للحقيقة أصلًا و لأنو إحنا ما عندنا أي فقدان هوية
سواءا كنا ما بنعرف عربي أوما بنعرف

[ام الانبياء]

أول حاجة يا جماعة الزول اليدو في الموية ما زي اليدو في النار والقاعد
في السودان ما زي القاعد في الدول العربية التانية والقاعد في الدول العربية
ما زي القاعد في آوروبا وأمريكا فلكل ظروفه.
تانيا حالة أن أطفال المغتربين عندهم فقدان هوية دي حاجة لا أساس لها من الصحة
بل دي تعتمد على التربية وشخصية الزول أصلا .والمرات التي قدم فيها إلى
السودان.أنا لا أقول أن الاغتراب لا يأثر في الحكاية دي لكن تأثيره ليس التأثير
الذي يحسم الأمر فنحن هنا مثلا بنتكلم اللغة الألمانية في مخاطباتنا اليومية وده
ما (غزو ثقافي)زي ما أي واحد قاعد في السودان بظن فنحن لمن نعمل الحكاية
دي بنعملها لتقوية اللغة الألمانية فبعض الناس عندما يتعلم بعض المفردات الجديدة
في اللغة الألمانية يسارع إلى ترجمتها بالعربية والبعض لا. فبعرف ناس معاي
في الفصل لمن نتكلم بنتكلم بالألماني لكن نسبة استخدامنا لهذه اللغة غير متساوية.
فصديقي إذا أراد أن يسأل الأستاذ في حصة العلوم مثلا لا يجد المفردات العلمية بالعربي
فيعجز عن طرح السؤال باللغة العربية ويطرحه باللغة الألمانية.وبعضنا حتى في حصة
الألماني يطرحو الأسئلة بالعربي وبعرف برضو ناس أصحابي أتو
إلى ألمانيا وعمرهم 6 سنين الآن بتعلمو اللغة العربية وبقرو في مدرسة ألمانية
بطبيعة الحال. وبرضو ناس من نفس حينا جو لي ألمانيا في نفس العمر ودخلو
المدرسة العربية واتعلموا جزء من الألماني بحيث لا يضعف على لغة العربية
وهسع مقيمين في السودان.أنا مثلا مشيت قريت في السودان صف سادس وسابع
وتامن صحي في سادس واجهتني صعوبات كبيرة وكل ما ليها بتتقلص لمن وصلت
ثامن كَوَن أني درست من ثاني حتى خامس في ألمانيا لم يكن له إلا آثار موجبة جدا
وهكذا فحيث لا يمكن أن تحكم وتقول(أولاد المغتربين فاقدين هوية). فمثلا هسع يكون
الهـــــــــــــــــــــــلال لاعب ضد المريـخ منكن تطلع في الحلة تسأل ليك زول تقول
ليهو هلالابي ولا (مع الخيانة) يقول ليك ولا واحد بينما يكون عدد كيبر من المغتربين
حتى في آوروبا بشجع الفريق الفي السودان أكتر من فريق مدينته العايش فيها.

ahmed1994 & eisi

تحياتي احمد وeisi
سعيده جدا بتجربتكم .وذي ماقلت ياحمد اليدو ف الويه ماذي اليدو في النار
امكن المشكله التي تواجهنا وغالبيه اخري هي سبب تسليط الضوء علي هذي الحاله..
اعترف اني اخطات في اختيار العنوان (جيل فاقد للهويه) امكن شويه عباره حاده لكن اكيد ان الامر يستدعي
فليس كل ابناء المغتربين تتوفر لهم ظروف كظروفكم تمكنهم من اجاده اللغتين والالمام بالهويتين
وحتي الزيارات الدوريه للوطن مامتاحه للكل لعده اسباب الماديه في مقدمتها..
طيب لو غيرنا للعنوان وقارنا بين سابيات وايجابيات الاغتراب لابناء المغتربين..
هل ايجابيات الغربه ترجح كفه السلبيات بالنسبه لكلم.؟؟
ليكن استطلاع راي وسط ابناء المغتربين..نعرف رايكم ونستفيد من تجاربكم وكيف اندمجتم في المجتمع الغربي وحافظتم علي انتماؤكم العربي..
واخيرا تحياتي ولكم العتبي حتي ترضو ان كان في مقالي قسوه عليكم لاتنسو اني منكم

[ام الانبياء]

يا أم الأنبياء
أنا أؤكد ليكي انو كلامك ده مش مبني على أي أسس من الصحة
بالعكش لأنو أبناء المغتربين نسبة انوتكون عندهم هوية أكبر من نسبة
المش مغتربين بداية بتلاقوا بكتير من العرب التانيين ومش بكونوا
محصورين بين السودانيين والتلفزيون
ده غير اللغة سواء كانت انجليزي أو فرنسي أو ألماني
فمثلًا أنا
أنا مولودة في ألمانيا وكل أخواني كده وحاصلة على الجنسية كمان
بس جواز أمي البثبت إني سودانية مع ذلك لو سألني زول أنا من
أي بلد بقول السودان وفي غيري الكتير والكتير في بلدان تانية.
لكن بالنسبة لي الإغتراب كله إيجابيات

ويا ريت لكل الجاوبو على الموضوع ووافقوك على الكلام ده يراجعو نفسهم
لأنو أنا حاليا بعرف ألماني و إنجليزي و العربي بالتأكيد بجيدو
باتفان فياريت تسحبي كلامك ده لأنو ما بقرب للحقيقة أصلًا و لأنو إحنا ما عندنا أي فقدان هوية
سواءا كنا ما بنعرف عربي أوما بنعرف

تحياتي احمد وeisi

سعيده جدا بتجربتكم .وذي ماقلت ياحمد اليدو ف الويه ماذي اليدو في النار
امكن المشكله التي تواجهنا وغالبيه اخري هي سبب تسليط الضوء علي هذي الحاله..
اعترف اني اخطات في اختيار العنوان (جيل فاقد للهويه) امكن شويه عباره حاده لكن اكيد ان الامر يستدعي
فليس كل ابناء المغتربين تتوفر لهم ظروف كظروفكم تمكنهم من اجاده اللغتين والالمام بالهويتين
وحتي الزيارات الدوريه للوطن مامتاحه للكل لعده اسباب الماديه في مقدمتها..
طيب لو غيرنا للعنوان وقارنا بين سابيات وايجابيات الاغتراب لابناء المغتربين..
هل ايجابيات الغربه ترجح كفه السلبيات بالنسبه لكلم.؟؟
ليكن استطلاع راي وسط ابناء المغتربين..نعرف رايكم ونستفيد من تجاربكم وكيف اندمجتم في المجتمع الغربي وحافظتم علي انتماؤكم العربي..
واخيرا تحياتي ولكم العتبي حتي ترضو ان كان في مقالي قسوه عليكم لاتنسو اني منكم

[ahmed1994]

والله ما قدرت أقرا ولا كلمة

[eisi]

أنا قدرت أقرأ

لكن بصعوبة
وأنا بوافك spanisheyes (كالعادة)
في كل كلمة

انتو ليه بتحسسونا اننا أغراب
احنا سودانيين زيكم لكن بس لأن الظروف
خلتنا نبعد

لكن ده ما معناه انو احنا أقل منكم أو أي حاجة تانية

[ام الانبياء]

والله ما قدرت أقرا ولا كلمة

i
سعيده جدا بتجربتكم .وذي ماقلت ياحمد اليدو ف الويه ماذي اليدو في النار
امكن المشكله التي تواجهنا وغالبيه اخري هي سبب تسليط الضوء علي هذي الحاله..
اعترف اني اخطات في اختيار العنوان (جيل فاقد للهويه) امكن شويه عباره حاده لكن اكيد ان الامر يستدعي
فليس كل ابناء المغتربين تتوفر لهم ظروف كظروفكم تمكنهم من اجاده اللغتين والالمام بالهويتين
وحتي الزيارات الدوريه للوطن مامتاحه للكل لعده اسباب الماديه في مقدمتها..
طيب لو غيرنا للعنوان وقارنا بين سابيات وايجابيات الاغتراب لابناء المغتربين..
هل ايجابيات الغربه ترجح كفه السلبيات بالنسبه لكلم.؟؟
ليكن استطلاع راي وسط ابناء المغتربين..نعرف رايكم ونستفيد من تجاربكم وكيف اندمجتم في المجتمع الغربي وحافظتم علي انتماؤكم العربي..
واخيرا تحياتي ولكم العتبي حتي ترضو ان كان في مقالي قسوه عليكم لاتنسو اني منكم

[شمس الغربه]

السلام عليكم ورحمة الله وبركاته
أختي العزيزة / أم الأنبياء......
[align=center]
]

وبارك الله فيك

]

تحياتي وتقديري[/font][/size][/align][/b][/color]

[شمس الغربه]

السلام عليكم ورحمة الله وبركاته
أخيتي الغالية / ام الأنبياء .........
والله بجد موضوعك روووعه وتستاهلي كل الشكر عليه
لأنك أثرت نقطة مهمه جدا جدا
جزاك الله كل خير


واسمحي لي برأي المتواضع هذا
أولا ذكر بعض الأعضاء الكرام بارك اله فيهم ان فقدان الهوية لايتعلق فقط بالوطن وانما بالعروبة جمعاء وبالدين الأسلامي ولكي تنتمي الى وطنك ليس شرطا ان تكون مغترب ولاغيرو.
وأضيف عليه :
المواطنة انتساب جغرافي، والهوية انتساب ثقافي. المواطنة انتساب إلى أرض معينة، والهوية انتساب إلى معتقدات وقيم ومعايير معينة.
فمثلا يعني يجي مغترب من أمريكا وأولادو مابعرفوا يتكلموا عربي هل ده معناتو هم فاقدين للهوية؟؟؟
ماعندنا في السودان ناس الدينكا والفلاته والغرب لغتهم غير العريبة فهل هم فاقدين للهوية؟؟؟
وعندنا في السودان ناس ماعارفين كم عدد ولايات السودان؟؟ وجاهلين بجغرافيته أيضا فهل هم فاقدين للهوية؟؟وفيهم اللي يبحث عن لقمة العيش ولين المعيشه ورغدها بأي وسلية كانت فهل هم فاقدين للهوية؟؟




باختصار:
الحقيقه المره هو رغم ان لكل شي ضد ومقابل مثلا يوجد الطيب ويوجد الشرير يوجد الكريم ويوجد البخيل، ويوجد من هو فاقد للهوية بتاتا ومن هو العكس.
الا انه في السنون الأخيرة التصقت بالمغتربين السودانيين صفات التصاقا اوصبحت محصوره بهم دون باقي الفئات والشرائح الأخرى في مجتمعنا، والأسباب مجهوله أو بحالات بسيطه تعمم على كل المغتربين.


وبانتظار ردك أحر من الجمر، ودمتي بود
مالي الا ان أقول رد الله غربتنا واحسن الله خاتمتنا
وبارك الله فيك أخيتي،
تحياتي وتقديري

[sisi]

[mark=000099]كلام eisi صاح وبعدين إنت يا أم الأنبياء ما شفت البلد البرة فكيف تحكم[/mark]

[sisi]

]كلام eisi صاح وبعدين إنت يا أم الأنبياء ما شفت البلد البرة فكيف تحكمي

[banota 7nona]

انا بقول احمد كلامه صح

[ahmed1994]

انا بقول احمد كلامه صح

مشكوووورة يا بطوطة حنونة

]كلام eisi صاح وبعدين إنت يا أم الأنبياء ما شفت البلد البرة فكيف تحكمي

إنت السألك منو في زول ناداك ما تمشي منتدى الألعاب
عليك الله شوف شافعة عمرها 10 سنين عايزه تتفلسف لينا وإنت منو القال أنها ما شاقت البلد البرا
إنت لو تعبت نفسك وأهدرت من وقتك البتضيعيو في الفلاش جيمس وضغطي على ملف أم الأنبياء حتعرفي أنها ما في السودان !!!!!!

[ahmed1994]

أنا أؤكد ليكي انو كلامك ده مش مبني على أي أسس من الصحة بالعكش

have not you heard something called beeing colite

[صلاح يحيى سليمان]

العضوة الكريمة ام الانبياء...!!

تحية طيبة....!

كما ذكر العديد من المتداخلين على المشاركة ...بمدى اهميتها...اسفت جدا
لعدم دخول اعضاء معينين كنت اتمنى ان يدخلوا عليها وان يفيدوا الاخرين
بتجاربهم مع الغربة.....وفقدان الهوية ( نعم فقدان الهوية السودانية الاصيلة).

المشكلة فى رائى مشكلتنا نحن الاباء والامهات...وليست مشكلة اولادنا
وبناتنا...وصدقينى مهما وفرنا لهم سبل وطرق التواصل مع الوطن(السودان)
لا يمكن ان نقدم لهم ما نطمع فيه وهو قليله.....!

نحن خرجنا من بلادنا ..كل واحد باسبابه وطموحاته...ناس عاقلين واعين بما
نفعل ومقتنعين.......ولكن ....اولادنا .......ذنبهم شنو؟؟؟؟؟؟

تعلمت من تجاربى والسنين الطويلة هنا فى اوربا....ان فقدان الهوية الام هى
اول خطوة تبدأ بها حياتك هنا.... رضيت او ابيت....!!

اما الغربة وعيشة الغربة....فدى خسارة العمر ومضيعة السنين.........!!!
ومقلب كبييييييييييييييييييييييير......!!!

بس اولادنا ديل ذنبهم ايه؟؟؟؟؟
( وبالتاكيد حا يجوا يوم يحاسبونا عليها.....!!!)

وشكرا

[رفيع الشأن]

مشكورة يا غالية على الموضوع

بس في النهاية لو لفينا ودرنا حنلقى انو الاجابه حتكون بالاجماع انو الظروف هي البتحكم الشخص للاغتراب

اما بالنسبة للاولاد بيئه المجتع الحولهم والعايشين فيه هي البتأثر عليهم وبالذات لو كانوا مولودين خارج السودان ( العلم في الصغر كالنقش على الحجر )

انا ما حبب اطول في الكلام لانو الشباب الصراحع وفوا وتموا وماخلو اي حاجه وشايف انو موضوع مفروغ منه ومهما حاولتي تفتشي على حلول ما حتلقي لانو لسع في اجيال جايه اكثر واكثر

[ام الانبياء]

sorry for late in relaing to all
who agred and the others who did agred.
i understand you arguement
thank you againe