اغنية عند سماعها او ترديدها نتالم

[امال الناس]

من قلبي من اجل المحبة وهبت ليك شعر الغزل

[العمرابى]

اشيل الريد واشيل ودو واشيل نفحات عبير وردو
واشيلك في القليب نوار جميل ناير وفاق حدو

مسافر سفرة المشتاق تخلي وراي ريدي بعيد
علي البعد اعاني بعاد كتير الشوق بدون تحديد
وراي ما بعرف الحاصل اريت الهاني يبقي سعيد
الون ليهو كل الشوق وارسلو ليهو باقة عيد
اشيل الريد واشيل ودو واشيل نفحات عبير وردو
واشيلك في القليب نوار جميل ناير وفاق حدو

احملو كل نسمة تفوت توادع الغربة كل صباح
واحس في رجعة الانسام شعور احبابي كم ترتاح
امل راجيهو من بدري يتوج قلبي بالافراح
واعيد فرحا بيرقص كون واطرز في خيالي وشاح
اشيل الريد واشيل ودو واشيل نفحات عبير وردو
واشيلك في القليب نوار جميل ناير وفاق حدو

معطر بي شذي الياسمين عشان احبابي صار فواح
وما هاميني اصبح وين ولو في البعد القي جراح
كفاية احس بانو سعيد واعرف اني زول مرتاح
ولو كان قلبو قاسي علي قساوتو تلاقي مني سماح

[امال الناس]

أنا أصلي يا عقد النجوم

في الريدة زي ساقية جحا

والكفة في ميزان هواك

صعبان علي أرجحا



*******



أنا روحي بين أفراح و همّ

شوفيها كيف متأرجحا

كل زادي في درب العمر

مصلاية في ضل الضحى

وأسامي لما الليل يجن

امسك حروفا اسبّحا

وانا في هواك درويش وحيد

وسنيني فايتا مروّّحا



*******



شايل شرافتي مع العصير

ارسم خطوطا وامسحا

انا لي حبيب حتى النسيم

لو زار خدودو يجرحا

لو طيفو زارني مع الكرى

يسعد رويحتي يفرحا

وريدتي البشيلا حجا وجحاب

في الهمسة ماني موضحّا

لكن عيوني وقت تريد

ما ريدا دايماً فاضحا

[امال الناس]

فايت ومتناسينا

رسل بسماتك لينا

صدقني أنت رزين

وبسماتك حلوة وزينا

يا فايت .....



فايت ونظراتنا وراك

شايل قلوبنا معاك

إيه السبب في جفاك

بالله بس ورينا

يا فايت.....



رسلنا ليك نلومك

ده كلو خايفين من لومك

سيب الزعل وهمومك

وما تشمت الناس فينا

يا فايت ....



لو كنت زعلان حاول

ببسمة لينا تجامل

أعرف شعورك وبادل

وبحلمك شويه علينا

يا فايت.....

[امال الناس]

عواطف

امنتك عواطفي وخنت الامانة

حطمت في دقيقة احلامنا ومنانا



يا ناسي المحنة يا ناكر هوانا

رجع لي امانتي وشوف لو تلقى تاني

عواطف او محنة زي عطفي وحناني



لو تعرف يا اسمر معنى الشوق و ناره

كنت تنوح وتسهر اسير المو وحساره

تدوق ظلم الليالي وتقول الحب جناية

ودنياك تبقى حسرة وعذاب من غير نهاية



تعال كلمني مرة وانت تعلل معنى بعدك

انا راجيك لعلك وانت ترحم وتطرا وعدك

تنسيني المظالم وقلبي تزيل شجونو

واقول للناس حبيبي غرامي حلف يصونو

[امال الناس]

انتي لو داير بكاي الف اهلا يا دموع

مهما القي النار في دربك برضي اشتاق للرجوع

اصلي عايش كل منايا القي في حبك مصير

وانسي في عينيك شقايا وانسي تعذيب الضمير

برضي اوصل لى نهايه تروى ليك عمرى القصير

لى هناى تكتب بدابة حلوة زى ضحكة صغير

كنتا عايش طول سنيني فى دروب مليانه هم

كنتا بشعر يا حبيبي إني مخلوق للألم

لو تصدق إنو عمرى أصلو في يوم ما ابتسم

إلا يوم ما شفتك انتي وكنتا لى اجمل نغم

انتى لو رضيان تسيبني ابقي في دربك وحيد

يسعدك انك تشوفني كل يوم في هم جديد

انا برضي بى حكمك علىّ مهما فى جورك تزيد

ابقي بي حرمانى راضى ى هواك اموت شهيد

[امال الناس]

عمرى ما غنيت قصيد ولا عزفت نغم جميل

واصلو ماهزت مشاعرى صور جمال وعيون كحيل

الليله بس ايه الحصل يا قلبى حار بى الدليل

انا بقيت اجيب انظم شعر انا واغنى الحان للخليل



انا عمرى ما عرفت الهوى ولا سحرنى جمال عيون

ولا حركت فينى العواطف اهوى فى درب الشوق

اتحجر الاحساس فى ذاتى وكنت بغير ما اكون

الليله بدل حالى زول ..زول ببدى اسمو بحرف نون





انا عمرى ما غنيت قصيد ولا عزفت نغم جميل

واصلو ماهزت مشاعرى صور جمال وعيون كحيل

الليله بس ايه الحصل يا قلبى حار بى الدليل

انا بقيت اجيب انظم شعر انا واغنى الحان للخليل



اخضر فى دنياى ربيع ازهارو نبتت فى الجفاف

بدت بشاير الخير تجول تتحدى ايامى العجاف

كل الحصل لمحة عيون من ربة الصون والعفاف

خليتنى بقيت اسير غرام لا عاشو بيت لا زيو شاف

من غيرى يستاهل هواك...من زى قلبو عليك بخاف





انا عمرى ما غنيت قصيد ولا عزفت نغم جميل

واصلو ماهزت مشاعرى صور جمال وعيون كحيل

الليله بس ايه الحصل يا قلبى حار بى الدليل

انا بقيت اجيب انظم شعر انا واغنى الحان للخليل

[امال الناس]

طال انتظارى فى ليلة السبت

يا حلوة العينين يا انت

انسيتى وعدك باللقاء هنا

كم مرة بالله اوعدتك..

لاتفه الاسباب .. فاتنتى

ولابسط .. الاسباب فاتنتى

كم جئت امس وكم تعللتى

لو قلتى انك لست اتيه

اسكتى فى النيران لو قلتى

عبر المدى .. عينى مشردة

ترعى خيالك ربما جئت

تتهامس الاشواق اتيه

وتصيح بى الاوهام .. لن تاتى



هل ابلغوك وشاية كذبا

يا حلوتى عنى فصدقتى

ام هل خفت اعين العازلين لنا بالحى ترقبنا

فا حجمتى

ام ان مكروها الم بك

لا .. قدر المولى تاخرتى

فتصورى ما بات يعصف بى

من عاصفا اشعلته انت

وجمعت باقات الزهور هنا

ولكم .. بازهارى تزينتى

القيتها بجوار مقعدنا الخالى

حزينا اذ تخلفتى

وبكى المساء الوردى

وارتعشت كل النجوم .. عشية السبت



وحملت .. اشواقى وعدت بها

متلفحا بالليل .. والصمت

[امال الناس]

صدفة غريبة لقيتو الليلة

بعد غيابو ليالي طويلة



صدفة غريبة جانا الزاير

بثغرو الباسم وجهو الناير

بحنانو وعطفو وشوقو الظاهر

والامل القرب ليوم باكر

والنور الفجر دربي بشاير

بحب واماني وعاطفة نبيلة



لقيتو لسه الشوق في عينيو

حسيت بالرعشة في ايديهو

لو شفتو الخجل الكسا خديهو

والبسمة الحلوة ودلالو وتيهو

بيقولو عذابي شوية عليهو

ليالي تاني برضو قليلة



حبيبي حبو في الوجدان

تضمو ضلوعي بشوق وحنان

وطيفو معاي في كل مكان

يسقي فؤادي الهوى الوان

واطرب روحي بالالحان

وعشانو بشوف الدنيا جميلة

[امال الناس]

اغالب دمعى واتصبر
واقول يالله صبرنى
على فراقك يا اغلى الناس
سواد حظى الملازمنى
مساهر وطرفى جافا النوم
اقول لو مرة طيفو يزور
اشوفو وطلعتو تفرح
تضوى سماى احلا بدور
اعيش لو لحظة بقربو
مناى اللحظة تبقى دهور
عظيم فيهو الدلال خايل
حبييبى الكلو نور فى نور
انا الحافظ ودادو سنين
انا الماخنت عهد الريد
انا الصابر عليك ياهم
وانا الوافى وهواى فريد
زمااااااان قالو الغرام قسمة
حقيقة القسمة بالايد
مصيرو الحى يعود تانى
ويهل فى سمانا اجمل عيد

[امال الناس]

ما تهتمي للأيام ظروف بتعدي..
طبيعة الدنيا زي الموج تجيب وتودي..
ما تهتموا للايام..

وما تهتمي أصلو الناس حياتا ظروف ..
بتتعود تغير كل خط مألوف..
مصير الزول حياتو ياما فيها يشوف..
وفي دنيانا بنلاقي الفرح والخوف..
وما تهتموا للايام..

مصير الزول عشان يفتح طريق يادوب ..
بكون زادو البشيلو معاهو شوق مشبوب..
عشان يلقا إنتصارو يا زمن محبوب..
يضوق المرة ويتوشح بي صبر أيوب ..
ومهما تظلم الأيام ضياها الفال ..
وما تهتمي للأيام ظروف بتعدي

[امال الناس]

بتخيلك كل ما الصباح طل وبدا
بتخيلك في زرقة السما والمدى
كل ما الغروب لون خواطري و هدهدا
وكل ما ابتهجت وبلل اعماقي الندى

بتخيلك يا كرنفال حزني المضى
لما النجوم تغفى وتنوم
وانكسر خاطري و يموت فيني الرضا
بتخيلك زحمة فرح تملك حواسي و تبهجا
ونجدة غريق يتلاشى في جوف الدجى
لا قربو ساحل لا جزر لا طوق نجا

بتخيلك لمة صغار ونسة و حجى
و قمراً طلع ضو الدساتر و مهرجا
بتخيلك في كل شي لمن ابالغ وانتشي
لما تظلمني الخطى وابا المشي

[امال الناس]

من هسه وبقيت تنسى
دلايل الريد وكت تظهر
وحاتك ما بتدسى
شفنا عيونا بي عينيك
وما عدينا لي مرسى
شقى وغرق مشاعرنا
بحر أمواجوا ما بترسى
زمان كنت الحنان سيدو
وزمان ما كان بتتوصى
شقي البمسك درب ريدك
وراك قليبو بنقصى
تعال ناجينا حجينا
وأحكي عن الغرام قصة
قلوبنا صداها غطاها
زمن محتاجة لي لمسة

[امال الناس]

كم شفت من مجهول مصير

وشفت ياما شفت كم

انا شفت ناس ظالمين كثير

بس أنت أظلم من ظلم

انا تانى ما بندم عليك

اصلو الندم بيفيد شنو ؟!

ولمتين انا اترجى فيك

الزيى كان رادك منو ؟!

لكن طباعك يا ضنين

لكن طباعك ما بتلين

جفوة ونفور وعذاب وسنين

وعمرو قلبك ما رحم

انا شفت ناس ظالمين كثير

بس انت اظلم من ظلم

**

يا دنيا ياما فيك ناس

بتقابل الريد بالجفا

يا دنيا ياما فيكى ناس

اتعلمت قل الوفا

ويا دنيا ياما فيكى ياما

وياما فيكى وبس كفى

آه من جفاك .. خليت شنو

انا شان رضاك

يا العمرو قلبك ما رحم

انا شفت ناس ظالمين كثير

بس انت اظلم من ظلم

[امال الناس]

وجايى تفتش الماضى ؟

خلاص الماضى ولىَّ زمان ،

وجفت مقلتى الباكية ..

ونامت من سنين أحزان ،

وجاى تفتش الماضى ؟



**

أرجع بالزمن مرة وأتذكر حكايتى معاك ..

تلاقى القصة – جد – مره

هل راعيت شعور مضناك؟!

كلما تزيدنى فى هجرك

أقول ليك زيدنى ما أحلاك

لا شفع التوسل فيك .. ولا حرمانى يوم هماك

وجاى تفتش الماضى ؟

وجيت تترجى بالدمعات...

أسامحك أنسى أغفر ليك ؟

جفف دمعك الغالى ..

مسامحك وما عشان عينيك..

عشان تتعلم الغفران..

وتصفح لو زمن جار بيك

وحاول لو قدرت كمان

تقدر رقة الحابيك

وجاى تفتش الماضى ؟

وعزة نفسى مابيه على

أسلم قلبى ليك تانى..

سنين الهجر بيناتنا

وحاجات تانية حاميانى

ولو رجع الحنين وعاود

وليك من تانى ودانى

ولو مكتوب ليَّا تانى أحب

بحب إنسان يكون تانى

[امال الناس]

كلما سألت عليك يقولوا مشغوله


ايه شاغلك عنى ورينى يا زوله


مالسكه لي دربك طوالى مقفوله


وان تهت في حبك تبقى انت مسئوله


رسلت ليك انسان جاب ليك


جواب منى


وضحت فيهو كتير


وشرحت كيف انى


محتاج ومشتاق ليك


يا ملهمه فنى


رد الخطاب ما جاء


خيبت لي ظنى


ما انت من اهلى


ومن جيرتى وناسي


شمتى فينى الناس


جرحتى احساسي


كان العشم القاك بس


قلبك القاسى


حرج على قلبى واجح

[العمرابى]

سالت عليك بقايا الليل
وقت ترحل
عشان فجر جديد
سالت عليك شمس باكر
قبل تشرق
سألت عليك
كل الطيور
ساعه الهجره
سالت عليل
النيل وقت أعلن رجوعو لي وطن في عينيك مرسومو
وكيفن عاد
ما أسال
وانت النور
وأنت ظلامو

[امال الناس]

من هسه وبقيت تنسى
دلايل الريد وكت تظهر
وحاتك ما بتدسى
شفنا عيونا بي عينيك
وما عدينا لي مرسى
شقى وغرق مشاعرنا
بحر أمواجوا ما بترسى
زمان كنت الحنان سيدو
وزمان ما كان بتتوصى
شقي البمسك درب ريدك
وراك قليبو بنقصى
تعال ناجينا حجينا
وأحكي عن الغرام قصة
قلوبنا صداها غطاها
زمن محتاجة لي لمسة

[امال الناس]

رسل لي جناحك لي يوم ما بزيدو
اسافر بيه وامشي لي زولي البريدو
ابل في الشوق في قربو وجيش الهم ابيدو

لو جاك يوم عزولنا وشوش ليك خايف
عايزك تابا لي وتحرمني الجناح
عارفو حسود و جاهل وما بدور لي نجاح

لو قال ليك بسرقو وبمشي بعيد و ينجع
يسكن جم حبيبو وما منظور دة يرجع
بحلف ليك بربي و قوتك عيشة عيشة
ارجع ليك جناحك كامل ريشة ريشة
و ما بسرق جناحك وما بكتم صراحك
لي لحظات فريدة وعايز يوم اعيشا

[امال الناس]

انا شفت الملاك ..
بأيدي سالمتوا..
بهرني بنورو ..
خلاني مأسورو ..
إن ضعت في بحورو ..
أنا عقلي فارقتوا ..

لو طلاك صباحوا ..
او ضماك جناحوا ..
حقيقة القلب بشفى ..
وتاني تطيب جراحوا ..
كمان لو شفته لونوا ..
سحرو الفي عيونوا ..
تدور ترحل في كونوا ..
من حسنو ولطافتوا ..

الراقي في وسامتوا ..
مرسومه ابتسامتو ا..
تفوق البدر صورتوا ..
أية الحسن هامتوا ..
دلال من غير تعالي ..
رقه وزوق مثالي ..
زي الدر بلالي ..
في أصلو وداعتوا..

من يوم ما ليقيتوا ..
كل الفات نسيتوا ..
في قلبي اصطفيتوا ..
دون الناس هويتوا ..
صار لحياتي معنى ..
في أحلامي جنه ..
بس الحظ تجنى ..
شال قلبي وسعادتوا ..
انا شفت المــــــــــــــــــــــــــلاك