المظــهر يــازوووووووووووووول

[جنتل مان]

موضوع المظهر العام عندنا كسودانيين مفقود تماماً دون مجامله او مكابرة بس بالجد ياجماعه مظهر السودانيين دايما مخجل فإن السوداني للأسف أخر اهتماماته المظهر وذلك طبعا بفلسفة انو ياخي انسي دي بلدنا حتى في أنواع السيارة أقدم السيارات وبالمناسبة مالي ضعف الإمكانيات بس دايما المقولة المعروفة شوف ليك عربيه بآلف ألفين مشي بيها حالك اصلو دي بلدك وطبعا لو قست الموضوع بالجنسيات الاخره حتلقي فرق ماعادي في المظهر بالكامل من لبس وهندام وسيارات والغريب في الموضوع انو السودانيين أكتر الشعوب إقامة خارج السودان .وللآسف طبعا المظهر عكس حاجات كتيره بدون مايشعرو هم منها:
• أول حاجه المظهر اثر في تحديد الراتب للسوداني
• وأثر حتى في طريقة معاملة السوداني ( في النهاية سوداني ) بمعني يقبل بأي شئ
• وبالتالي أثر في رؤية الجنسيات الأخره للسودان بشكل عام
المهم بالجد الناس تناقش الموضوع دا مع بعضها بكل شفافية وبدون إنفعال ومكابرة بس بالجد الموضوع شايك جداً والله المستعااااااااااان.

[ibn batoota]

الأخ جنتل مان

الظاهره فعلا موجوده وتحتاج وقفه,,قبل كده إتطرقت الاخت سارونا لنفس الموضوع

من خلال موقف شاهدته,,

انا ما ح إتكلم من ناحية نوع السياره وقيمتها,,, ولكن ح إتكلم من ناحية المظهر والسلوك

من ناحية المظهر فعلا هناك عدم مبالاه من البعض وليس الكل في الإهتمام بالملبس,,,

قبل كده شاهدته سوداني داخل علي إنتر فيو لي وظيفه مرموقه بث للاسف مظهرو

كان بدل كأنو ماشي السوق جلابية وشبشب مع إنو الكانو معاهو إتفوقو عليه من ناحية المظهر فقط وليس

التأهيل والكفأءه,,,

الشي التاني السلوك مثلا كما ذكرت من قبل سارونا تلقي الواحد داخل مكان عام أو مرفق حكومي

وخاتي سفه دقار لوري :D والعجب لما يتكلم وهو سافي لووووول


بالمناسبة ياجنتل الظواهر دي متفشية في السعودية أكتر من غيرها ,,,,

وده كوم والسوق الشعبي الفي ميناء جده كوم حدث ولا حرج كتييير من الظواهر السالبة

[ود المسالمة]

الحكاية دي مش عند المغتربين بس حتي في السودان تجد عدم اهتمام باللبس او المظهر العام
تجد مثلا مدير لابس بنطلون والقميص بالخارج والالوان غير متناسقة وتحت شبشب
ده نقول عليه شنو كدي امشي المنطقة الصناعية تلقي العمال لابسين هدوم مقطعه عديل تسال ده شنو
يقولواليك دي هدوم الشغل
انا كان عندي جدي عنده ورشة بالمنطقة الصناعية قالوا كان بيلبس بدله كاملة وعندما يسالوه ليه
انت بتلبس كدا للشغل وانت شغال حداد كان بيقول النعمة التي انا فيها من الشغل ده ليه ما البس ليه
احسن اللبس
وهنا بسال من المسئول عن مظهرنا جوابي كلنا مسئولين وعلينا كلنا نتحرك في الحته دي عشان نشوف
جمال بلدنا وجمال انفسنا
مره وانا ماشي في الطريق العام شاهدت سوداني لابس الجلابية البيسموها جلابية بيت ماشي ويتقدل في الطريق نزلت من العربية وشلت معاي يد العفريته وقلت ليه انت سوداني قال ايوي قلت ليه طيب لابس الجلابية دي في الشارع ليه فقال انا كنت نائم وصحيت هسع وماشي اجيب حاجة من الدكان فقلت ليه ارجع غير هدومك وامشي للدكان رده علي انت مالك ومالي هنا رفعت يد العفريته عشان اضربه بها
قام صاحبنا فقه البيرك وجري جري شديد اه يقولوا عليه شنو

[spanisheyes]

اخي والله صدقتا القول حتا هنا في ليبيا
اخر اهتماماتهم المظهر راكبين اقدم السيارات
وساكنين اسوأ البيوت مع انهم بيدهم يسكنو احلي
ويركبو احسن لاكن تقول شنو السوداني بس اهم شئ
عندو الفلسفة ما بيهمو مظهرو والله عكس حاجات سيئه
كتير انو السوداني متخلف وانو السوداني مفلس وما عندو الياكلو
عشان كدا ما بيحترموهم ابدا والله مرات في السوق لمن نمشي نلقي واحد لابس
عرًاقي وقاعد بيو في المحل حقو يعني منظر ما بيشرف ولا بتلقي واحد جاي مناسبة
بي هدوم الورشه والزيت فيو ويقعد ياكل مع الناس يعني ما ممكن بس في حاجة انا بقدرها
في السودانين وبعتز بيهاانو السوداني مهما كان كرامتو فوق كلو شئ ودا شفتو في سودانين
كتير هنا ما بسمحو بالاهانة

[ahmed1994]

[grade="D2691E 000000 A0522D"]نحن ومعظم الأسر السودانية هنا لمن جات كانت متبعة المبدأ ده
يشترو أكعب بفش(نحن ماشين قريب)يسكنو في أسوأ البيوت(نحن كم سنة وماشين)
العدة والأجهزة الكهربائية(يعني نحن حنشيلها معانا؟!)

لكن هسع الأولاد في سننا بقو يوعو وما يخلو أمهاتهم تسيطر عليهم
وبقو يأثرو في أهلهم
الحمدلله الظاهرة دي ما متفشية عندنا [/grade]

[سالى]

جنتال مان والله صدقته

[طناش]

وكما ذكرتم وللاسف هذا هو حال الكثير من أخوانا السودانين
المغتربين وغير المغتربين وخصوصا في الدول العربيه عامه ..
ولكم التحيه
ويسلموووووووو يا جنتل ..

[فنونة]

قدرك منو يا سيدنااااااااااااااااا
الكل وافقك في موضوعك وفي حتة انو السودانيين ماعندهم هندام واهتمام بي حالهم.....بس على فكرة ما كلهم في كمية مظلومة زييييييي انا لبيسة:D ............نرجع للجد انا معاك في انو الاغلبية زي ما قلتا....من راسهم لي اقدامهم كيرليس.....ودي نختها في البال.
الاسباب شنو البتخلي السودانين عموما" بالشكل ده:
انا البيحرني انو تلقى في ناس مستويات عالية وجيوبهم مليانة لم تشوف شكلهم ما بتصدق, بتقول ديل جايين من ياتو زقاق.
بخل الله اعلم................خايفين من الحسد اللهم اعلم.

المظهر ليهو اثار كتيرة اهمها واقلها تخلو غيرنا ياخد صورة حلوة عننا كسودانيين.
بي الشكل ده: على طول حنفظل في مخيلة العالم انو السوداني= قبيح+ متخلف+وشيييييييييييييين
والفكر ده البخلوهم يعاملونا باحتقار

طولتا عليك يا جنتولة. .............وتسلم كتير على موضوعك المهم الاكتر من رائع
فتحتا لينا باب من مواجعنا وخليتنا نفضفض

[جنتل مان]

طيب شباب مشكورين شديد على التعقيب والمرور ..... بس بالجد الموضوع داا معذبني شديد واي واحد المفروض يحاول يوعي الناس الحولو ويوريهم ياجمااااااااااااااااااعه عيب كدا المظهر هو من اهما الاشياء البتحدد شخصيت الانسان ومستوي الفهم بتاع الانسان وعلى العموم الموضع بتاع المظهر جا فوق رؤسنا نحنا او فوق رؤس السودانين وطبعا المظهر هو الخلا الناس تستهتر بالسوداني وتحاول تضغطو في اي شئ بي حس انو سوداني وخلاص وبيقبل باي شئ طبعا لانو اخخخخخخخ..... خلاص كفايه بس الموضوع مؤولم لاني شوفتا نماذج تخجل وشكرا مره تانيه ,,,,,,,

[دلع]

الصراااحة موضوعك فالصميييييييييم

واانا كتيير بشوووف ناااس تنحرج من لبسهم الصرااحة

المظهر هو الخلا الناس تستهتر بالسوداني

كلامك دا ميـــ100ــة

يسلممووو

[جنتل مان]

الصراااحة موضوعك فالصميييييييييم

واانا كتيير بشوووف ناااس تنحرج من لبسهم الصرااحة



كلامك دا ميـــ100ــة

يسلممووو

شكرا على المرور ياراقيه وتسلمي شديد والموضوع يحرق الواحد عديل كدا بس قسمتنا ونحاول نغيرا

[سمرة وحلوة]

سلام اولا احب اشكرك على فتح موضوع زي كدا وثاني شي في الدولة الي انا فيها الشعب نفسو لبسهم قمة في الروعة لكن اذا اخذنا السودانيين الله يستر في واحد يشتغل في السفارة ومنصبه كبير يعني شخص مرموق بس تعالوا شوفوا اللبس كلو علبة الوان القميص (ازرق مع احمر مع بنفسجي ومزيج من الالوان ) والبنطلون لون تاني بصراحة انا انقهر بس اسكت لكن (الوالدة) كل بعد كم شهر تنزل دبي وتشتري من هناك موديلات وحتى (الوالد) وأخوي قمة في الاناقة لكن اشوف ناس سودانيين مثلا ماشي فندق وتكون في عزومة يكون لابس مثلا شبشب مع بنطلون ما مكوي وقميص كأنوا طالع من خشم بقرة .
ويسلمو ع الموضوع

[abode]

ياخوانا نحنا والله مع جنسيات تانيه قمه في المظهر الخارجي لكن يمكن زي ما قلتوا في ناس اصلا هم من السودان جايين من بيئات ما عندها اقل اهتمام بمظهرا حتى بعد ما يتغربوا برا من السودان وخاصه البجوا جداد في جده بتلقاهم عند الوكالات سبحان الله اما انسان يكون في منصب ويكون مبهدل دا بطبعه بكون هو كده ودا الشي البغيظ . بس زي ما قلت في النهايه نحنا احسن من اجناس تاني بكتير في المظهر ودي بشهادة اهل البلد.

[سودانية صريحة]

شكلوا كده الموضوع مؤرقك شديد يا اخ جنتل،طيب أسمع هنا اللي حيرفع ليك الضغط والسكري:

معانا واحد هنا بيلبس لحد أسي ملابسوا بتاعت السبعينات ،

شكلوا كده ما قادر يفارق عصره الذهبي.

[hennover]

السلام عليكم
بصراحه موضوع المظهر في السودان عامتا عامل للسودن قمه في الحساسيات والنفسيات
يعني حتى في الجامعات الواحد لو لابس لبس قد يكون فيهو جزءمن الشياكه او الاناقه الكل بيعاين ليهو زي اللي فيهو حاجه غلط حتى بيخللي الزول يشك في نفسو

بس في نظري المشكله دايما في طبيعة الزول اللي عاش فيهااو المكان للي ترعرع فيهو او حتى الطبيعه اللي من حولو

الموضوع اللي اخترتو قمه في الاهميه والله وانا اشكرك من صميم قلبي علي طرحك للموضوع ده لانو السودان مفتقر لمواضيع زي دي

[فجر]

يؤمن البعض بالمثل العامي القائل "كل على ذوقك والبس على ذوق الناس". ويرى الكثيرون أن المظهر وطريقة اللباس قد تؤثر في محيطهم الاجتماعي، بينما يتناقض ذلك جلياً لدى بعض شعوب صناعة الموضة.
تختلف الأذواق في شتى مجالات الحياة. ويعتبر الكثيرون أن اختيار الملبس يشكل انعكاساً لذوق الإنسان. وتعد الأناقة من أبجديات النجاح والقبول لدى الشعوب والمجتمعات المختلفة، وهناك من يعتقد جازما أنها مظاهر خارجية لا تتعدى الحد البصري للآخرين، حالها حال نباتات الزينة، التي توضع لتزيين المكان، والتي قد تكون باهظة الثمن أحيانا، لكن يمكن الاستغناء عنها. وتبقى هناك شعوب يسيطر عليها حب الأناقة والذوق الرفيع رغم حاجتها الماسة للمال، وشعوب أخرى يسيطر عليها حب جمع المال وتوفيره رغم حاجتها المّاسة الأناقة، واستخدام هذا المال لتحسين ذوقها
اما شعبنا فهو يماك المال ولكن لايملك الاستعداد حتى لتحسين مظهروا ولو عاوزين تشوفوا البهدله بالجد تعالوا السعوديه وشوفوا براكم ::
الغريبه لما اكون ماشيه فى الشارع انا وزميلتى دايما باعلق واقول ليها الزول ده تبعنا يعنى سودانى لكن استغربت لما صحبتى يوم سالتنى وبزعل انت ليه مصره دايما اى زول مبهدل ومشحفر يبقى ابن البلد بصراحه انا ماكنت ماخده بالى من النقطه دى لكن لما ركزت لقيت ان فعلا اغلب ابنا ءبلدنا مشحفرين ومبهدلين يعنى انا ما باتبلى عليهم فبقيت اشك فى صحبتى وانها محتاجه فعلا لطبيب عيون::D

[SNGAM]

السلام عليكم ورحمة الله وبركاتة

الحقيقة كلام فى محلة تلاقى سودانيون بمظهر غير لائق فى اماكن عامة شىء مؤسف حقا ولكن لاينطبق على الكل فهناك سودانيون مظهرهم يرفع الراس وهناك سودانيون يتكبرون على اى حال موضوع المظهر يترتب على سلوكيات الشخص لاينبق على الكل نتمنى من الاخوة مراعاة المظهر لانها عنوان الحقيقى للشعوب مشكور للطرح


SNGAM

[اسامه خضر محمد على]

حقيقه مظهرنا تعباااااان شديد ويفترض نراعى الحته دى

[waya]

السلام عليكم
الأخ جنتل .. والاخوة الكرام
من وجهة نظري التأثير السلوكي وبعض التقاليد والعادات لبعض السودانيين مستمد من الطبيعة الصحراوية الجافة والقروية .. بالاضافة إلى الطقس الحار , ( الجلباب السوداني هو الزي الرسمي للدولة ,, ولعموم الشعب)
اهتمام الفرد السوداني التمسك بالتراث البسيط , والتدين الصوفي الذي يفرض البساطة في اللباس والمأكل وطريقة التعامل ..
أنا شخصيا عندما أكون في القرى وأنظر لحالة الناس الطبيعية بكون مبسوط ومرتاح ( لأنو الكل يمكلك اشياء أكبر من المظهر الخارجي .. عزة النفس .. الكرامة .. الاخلاق الحميدة ..وووووو)
أما في دول الاختراب .. احيانا الطبع يغلب التطبع .. ولكن على كل انسان الاهتمام بمظهره بما يليق بدون اسراف وبدون خيلاء
وأنا لا أقبل أن يقيمني أي شخص كان بمظهري .. في جميع نواحي التعامل
ويوم أتيت للعمل , كنت انسان عادي جدا .. البس بنطلون وقميص نظيف كاي شخص عاااااااااادي
وقدم معي في المعاينة أناس يلبسون البدل والكرافيتات .. وإنما الامخاخ خالية ..!
اذا الحكم يأتي على قلة ربما تكون جاهلة فكريا ودينيا ( النظافة من الايمان ) فاذا كان الشخص نظيف ولباسه لا يشذ عن الملبس العادي كفاية جدا .. أما غير ذلك فاليرحمهم الله

[أبعاج]

بصراحه كده !! الشكلو مبشتن كان هنا فى الغربه أو كان فى السودان !! برضو حيكون مبشتن !!
لان، المظهر سلوك أجتماعى !! فالانسان الذى يهتم بمظهره ! يكون كذلك فى أى مكان وأى زمان
ياأخونا البلد لمت ! أشكال ما كان يجب أن تخرج من السودان أصلا !! لانهم بيسيؤا لسمعة البلد
والله أنا لاقيت سودانى بفتش فى الكوش لعلب البيبسى الفارغه !! وكمان لابس جلابيه !! يأخى الجابرك شنو للبشتنه دى ؟؟؟ ماتمشى البلد أحسن ليك ؟؟؟؟؟