مســـــــــــــــــــدار + مســــــــــــــدار

[احمدكزمه]

مرحبتين حباب اهلنا ناس النمة
شوقنا لي البلد كتير وشوقا جمة
ساكين القرش دايرين نشوف العملة
درب المال صعب يخليك تعضي النملة

[waya]

يا الدرعل قمر السماء إتشابالك
فرت بسمك البرق اللمع ضؤالك
سألتك بالذي خلق العفاف وجمالك
يالسمحة ام عجن سيدنا يوسف خالك

[معتبر]

صعيد الباتا عند التكس شفت سماح

سماح لا دهب لا حنة لا أرياح

جمالو طبيعي من الفالق الأصباح

سوي در من شوق الجمال مرتاح

[waya]

ﺷﻦ ﺑﺘﺴﻮﻱ ﻓﻲ ﺍﻟﺤﻤﻮ ﻭﺍﻟﺠﻨﻮﻥ ﺍﻟﺠﻮﻛﻪ
ﻻ ﺯﻭﻟﻦ ﺑﺤﻦ ﻭﻻ ﺣﺘﻲ ﻫﻢ ﻛﺘﻠﻮﻛﻪ
ﺍﻟﺒﺘﺒﻊ ﻗﻠﻮﺏ ﺍﻟﻤﻦ بعد ﻏﺸﻮﻭﻭﻭﻛﻪ
ﻏﻴﺮﻣﺮﺍﻟﻌﺬﺍﺏ ﻭﺍﻟﺪﻣﻌﻪ ﺷﻦ ﺍﺩﻭﻭﻛﻪ

[معتبر]

الخيل والمعوز القفرن بي هويده

جلوسن مالفو ما بتجد علي جديدة

وقت غنيت وقلت هادي البنية فريده

من في الكون عموم بسلاها ماها بليدة

[waya]

وااااا حسرتا كان فلتت بعدها الحوشه

رايقه ورافله في النعمة ومرشرش حوشه

الملآئمين دموووعي وكبدتي المنهوشه
ما شافوها بي توب الزفاف في الكوشه

[waya]

ﺳﻤﺢ ﺍﻟﺰﻭﻝ ﻭﻛﺖ ﻳﺤﻔﻆ ﺟﻤﻴﻞ
ﺍﺧﻮﺍﻧﻮ ...
ﺳﻤﺢ ﺍﻟﺰﻭﻝ ﻭﻛﺖ ﻳﻤﺴﻚ
ﻋﻠﻴﻬﻮ ﻟﺴﺎﻧﻮ ...
ﺳﻤﺢ ﺍﻟﻔﻲ ﺍﻟﺴﻤﺢ
ﺗﻠﻘﺎﻫﻮ ﻋﻼ ﻣﻜﺎﻧﻮ ...
ﺳﻤﺢ ﺍﻟﺒﻲ
ﺍﻟﻀﻴﻮﻑ ﻋﺎﻣﺮ ﺩﻭﺍﻡ
ﺩﻳﻮﺍﻧﻮ ....

[waya]

ﺳﻤﺤﻪ ﺍﻟﺒﺖ ﻭﻛﺖ ﺗﺴﻤﻊ ﻛﻼﻡ ﻭﺍﻟﻴﻬﺎ ...
ﺳﻤﺤﻪ ﺍﻟﺮﺍﻳﻘﻪ ﺗﻠﻘﺎﻫﻮ ﺍﻟﻌﻔﺎﻑ ﻛﺎﺳﻴﻬﺎ...
ﺳﻤﺤﻪ ﺍﻟﻔﻲ ﺍﻟﺪﻏﺶ ﻗﺎﻣﺖ ﻗﻠﺖ ﺑﻜﺮﻳﻬﺎ ...
ﺳﻤﺤﻪ ﺍﻟﺒﺖ ﻭﻛﺖ ﻋﺎﺩﺍﺗﻨﺎ ﻣﺎﺗﺨﻠﻴﻬﺎ ...

[waya]

بي عزة نفس حسيت وزدت زيادة

حسيت بي كبر فرسة وثبات وسيادة

أنا الخلاني إتبختر وأخلاف العادة

مدروع الرسن حررم بشوفو جدادة

[waya]

بريق الوجهو بي ندر الوجاهه مكرم

مذكور بالسماح ما قالو صره وطرم

قلبي الرايدو من نظراتو أضحي مورم

ممكون في الدواخل وبره بره مخرم

[waya]

ميزاب الجمال دففق جمالو وتررع
في الزول النسيق الجسمو خلقة مفررع
الزاهد الجمال لابس تقاهو إتوررع
الشيب والشباب في شوك غرامو إتزررع

[waya]

اصلك ما بتشوفي رزم حناني وريدي

شوفك بالمزاج وتقولي زي ماتريدي

حلف بالله ياجلكــوز دماي ووريدي

اسمك عاملو باسويردي البيحمي بريدي

[omar babikir]

طول يا ليل واسرد لي المتلنا حكاوي
كيف الشوق بعافر في قلوبنا وإلاوي
من البعدو وكر في حشانـــــا بلاوي
نظرة عينو تمرض وفر بسيمو يداوي

هيييييييييييع عفيت منك

[waya]

الزول الدخل قلبي وكواهــو ووسمـو

اي نقاش مقارنه بين جميلات حسمو

المولاهو بي سمح المحاسن رسـمـو

نمي الفوقو تريان بي حلاتو ودسمو

.

[waya]

الليل سلا سيفو .وشال حرابو وصررا

واقف للنعـاس قاطع طريق بي برره

كان النوم جا تاوق للموايـق مَـره

ينهرو نهرة الطـير تلقا حـالا فـررا

[waya]

ياالزعلانة لامن صـوتا عامل بحة

في عدم السؤال عن حالا كيف الصحّه

بسألك انتي يا الذكــــري الكتابا اتمححّا

ليه ماطريتي موت قلبي الغرق في الوحة

[waya]

لوراح الكلام قـــــــدرك معلا وثاابت

حبك في القليب متل النجــــايل نابت

يا الريدك قياس قلبي و مقاسو الظابت

انتي ملايكة ولاعقاب ملوك يابت؟

[waya]

عصفـور الأماني الكان مؤانس صوتو

اعلن حظي في نشرة حداشر موتو

لو كان تركو طار خلاهو حي في فوتو

كان أبقى الامل عايشلي رغم خفوتو

[لبيب]

[align=center]ياليل انطويت بالهم على ناس ياما
وناس بافرحة ياليل كنت ليها علامة
كم وصلت ياليل للأحبة سلاما
فيك ياليل تواصل و فيك عتاب و ملامة [/align]

[waya]

الله خلقنا نحن النية مابنعوسة

وان بقت الرجالة سنون بنبقي ضروسة

الطامة البتنزل غيرنا مي متروسة

ادبا فينا حامينا الفتن مانكوسة