يــــــــــامهجة القلب الأكيدة ياندى
يامن تركتى قلبى بدماءه متضرجـــــــا
رحماك فى قلباً بات بسهمك مســـــــددا
والذكر ماينفــــــك عنك دوما منشــــــــدا
يارمز كـــــل الحب ياولع الصبـــــــــــا
قد اصطفيتك دون خلق الله مُت فيكٍ تصببـــــــــــا
والعين تزرف ف الصباح وف المساء الادمعا
ماذا صنعت ؟؟ هل كنت يوما مذنبــــا؟؟
لاتصمتى .... خير من الصمت ان تكون معاتبـــــــــــا
رباه هذا العشق فى جسدى يحرق انه نار الجوى
ولكن سالت الله .........ان لى اللهى مطلبـــــــــا
ان ياندى بنت عبد الله تكون بلبلىَ ... المتغرداااا
ان تزيد تقرباااا ... بعد تغربـــــــــــــا
تالله ياهذى .......... انى اليك محاربـــــــــــا
الكريم حد الوصف :
شاعرنا الغالى عز الدين
يسلمووو على الروعه
وخليك معانا والفرقه تختانااااا
كن بخير
اختي شهد الكلام اسعد الله الكرام اليك مني تحيةملؤها الود واحترام
نعم اشكر الظروف التي حملت خُطاي وجعلت الطريق الي رحابكم سالكة
وسعيدة كتير العوامرة بأن احد ابنائها صار مقبولا لديكم ولكن دعيني قبل ان
اغادر هذا البوست اشارككم الدهشة والمتعة بفضل ماكتبتم وابدعتم ولنا لقاء
صباحك ينثر وروداً في طريق العشاق سيدي ....!! اولاً :استميحك العذر لتأخرى
ثانياً :قد يطول الشرح والتوضيح عن:
مدى حروفك التى أعادت صياغة الرؤى ..
بوشاح ليلتك المقمره ..
بكثيراً من البياض ..
وبكثير من العذوبه ..
نص يفوح بجمال المعاني ورودا ..
وحرف رائع ..
احتل مساحة شاسعة من الابداع ..
تستفيض المشاعر فتتدفق وتمتلئ الشرايين..
كان إحساسكِ نشيداً يناشد صفحات منتدى الشعر
اخى الغالى عزالدين محمد كم أنت مبدع و رائع بهذه الكلمات
فلا تحرمنا من سماع كل ما هو جديد لكِ
الله يسلمك أنتِ ومحبينكِ من كل سوء وتقبل تحياتي القلبية من الرياض مقرونه بالمودة والمحبة والإخاء والسلام,
صباحك ينثر وروداً في طريق العشاق سيدي ....!! اولاً :استميحك العذر لتأخرى
ثانياً :قد يطول الشرح والتوضيح عن:
مدى حروفك التى أعادت صياغة الرؤى ..
بوشاح ليلتك المقمره ..
بكثيراً من البياض ..
وبكثير من العذوبه ..
نص يفوح بجمال المعاني ورودا ..
وحرف رائع ..
احتل مساحة شاسعة من الابداع ..
تستفيض المشاعر فتتدفق وتمتلئ الشرايين..
كان إحساسكِ نشيداً يناشد صفحات منتدى الشعر
اخى الغالى عزالدين محمد كم أنت مبدع و رائع بهذه الكلمات
فلا تحرمنا من سماع كل ما هو جديد لكِ
الله يسلمك أنتِ ومحبينكِ من كل سوء وتقبل تحياتي القلبية من الرياض مقرونه بالمودة والمحبة والإخاء والسلام,
اخي ورفيقي استارو: تسعد هذه المساحة المتواضعة بأن ترفع لك التحية والتمام وترقص علي
رتم وايقاع الجراري والمردوم وإن شئت سيرة فرحة ونشوانة بهذه الإطلالة التي تعني لي الكثير
جزيل الشكر والعرفان علي هذه الكلمات الطيبات التي اوردتها وقد نافست القصيد المُقفي وهنا اخي
العزيز استميحك عزرا فحصيلتي من الكلمات قد نضبت قبل ان اقول فيك ما يفيك حقك ولكن لنا عبر
صدقنى محريه فيك دائما تهدينا من الكلام أعزبه
ومن المشاعر أرقها ومن الأحاسيس أرهفها و هذه
القصيدة حبة لؤلؤة من عقد لؤلؤ منثوره حباته فى
ردهات المنتدى .
بمناسبة هذة القصيدة الجميلة جمال هذه الأيام المباركه
تقبل تحياتى القلبيه وكل سنه وانت طيب وربنا يحقق الأمانى
(همسة) ودمت بألف عافيه
صدقنى محريه فيك دائما تهدينا من الكلام أعزبه
ومن المشاعر أرقها ومن الأحاسيس أرهفها و هذه
القصيدة حبة لؤلؤة من عقد لؤلؤ منثوره حباته فى
ردهات المنتدى .
بمناسبة هذة القصيدة الجميلة جمال هذه الأيام المباركه
تقبل تحياتى القلبيه وكل سنه وانت طيب وربنا يحقق الأمانى
(همسة) ودمت بألف عافيه
اخي هامس كل عام وانتم بخير ولك الحب كله علي هذه الكلمات التي تعطر
بها مساحتي التي تتألق بمرورك وتتعلق به الا تبارح قبل ان تنشر اريجك
ربنا يسمع ويحقق كل الدعوات الطيبات برجوع كل الطيور المهاجرة
للوطن الجميل والناس الجميلة وتنصلح بيهم وليهم البلد ونرضى بالقسمه
لو قليله ما أصلو العمر نهار وليلة.
ibn batoota كتب:[align=center]يارب يعود كل غائب وينسي احزانو التقيله
ويتهني بي قرب الحبايب وبي ملاقات الخليله
وينسي تعب الغربه ديك ويبدا ايامو العديله
وتاني ما يشوف اغتراب ويلقي في الوطن البديله
حبيبنا عزالدين نتمني لي كل غائب طالت غربتو
يرجع لي ارض الوطن سالم غانم
وانت اولهم
لك التحيه[/align]
يسمع منك المولى ياسر فوق سماواتو التقيلــــه
بكره تنصلح بلدنا ويرجع الحلوين للناس الحليله
أدنوك والرويس تبقى ذكرى فى النفوس جميلــه
فيها إتعلمنا وإن شاء الله نلقا فى بلدنا بديلـــــه
ربنا يسمع ويحقق كل الدعوات الطيبات برجوع كل الطيور المهاجرة
للوطن الجميل والناس الجميلة وتنصلح بيهم وليهم البلد ونرضى بالقسمه
لو قليله ما أصلو العمر نهار وليلة.
(همسة) ليك الف سلام وتحيه
نعم اخي هامس نسأل الله ان يعزّنا في بلدنا وتعود الطيور المهاجرة كي تغرد مرة اخري علي جنبات
البيادر والتقي ومشكور علي تفاعلك الدائم مع مشاركاتي والله لايحرمني منك ايها الرائع0
هامس كتب:يسمع منك المولى ياسر فوق سماواتو التقيلــــه
بكره تنصلح بلدنا ويرجع الحلوين للناس الحليله
أدنوك والرويس تبقى ذكرى فى النفوس جميلــه
فيها إتعلمنا وإن شاء الله نلقا فى بلدنا بديلـــــه
(همسة) يديك العافيه
البلد محتاجه لينا ولي سواعدنا الفتيله
نبني ونعمر بلدنا مافي شيتا مستحيله
نأخد الخبرات ونرجع وبرضو نقبل بالقليله
مافي وطنا ببقي وطنك غير بلادك بتمشي وتجيلا
كُنا ياعهد الصبا كُنا زي طير التِقي كُنا ديمة بنلتقي
وكُنا في الزمن الصعب نحن ديمة بنتلقي نحن يازمن الصبا
كنا ياعهد الصبا كنا مابنعرف دموع كنا في الحِلة الشموع
والسعد شايلو السحاب كنا بنزور القباب في المسيد او شيخ وروع
******
كان زمان همي الوحيد انو احفظ للنشيد
وكانت احلامي الصغيرة انو احفظ كل سيرة
شان يصفّق ليك فصلك وما يقولو عليك بليد
ولما نرجع للبيوت نمشي للدبُل الهناك
يوم نشّرك ويوم نعوم ويوم نفرّق ويوم نحوم
ساعة نلعب بالحجار وساعة نقضيها في هذار
******
كنا مابنحسب زمن لسة ماعرفنا المِحن
حكاية النيمة والسمبّر هناك الشُلة بطمبّر
نخطط للعب بعدين
ولما المغرب إتصلي وربك في السماء إتجلي
تجيني وصية من فتحو اوعة ما تمشي الحفير
فيها ليك شركاً كبيروالجريمة ياعزيزي قالوا
دقيت النزير
ونحن كلمناك خلاص غير تطيع مافيش مناص
سيما الخِصم البشير
ولو محمد كان معاك جيبوا في بيتنا وتعال
والبشير يوم جانا داخل والحقارة الفيها رافل
مافي زول كاسلوا نعال الله ياعهد الصبا
يدندن ديمة قسم الله دوب يادوب ولازم نرضي بالمكتوب
ونحن صغار وماعارفين عسي وعلّ ويجينا الكيريقول
ياناس ونجري نفِر ويدندن تاني قسم الله
ولما القمرة تتبرج وتطلع في السماء وتكمل يعز النوم
ونتسامر معانا نجوم ونمشي نلملم الحدّود ويمضي الليل
ونتفرق ولي يوم بكرة نتحرّق واريت الدنيا لو دامت
رحل خلانا قسم الله ونجم السعد قد فلّ
تفرّق كل اقراني وبقت ماساتي في الحلة
عشان الدنيا حِنية بياض القلب والنية وكان الحوش
مجرتق ديمة باللمة وغنوة فال وسر زغرودة الرحمة
يوم البوش
وحاجة العافية في اللمات كبيرة الحوش وحاج التوم
اريت الدنيا لو بدوم يقرقع في السبح بالليل باع الدنيا
باع النوم ود حماد داس الدنيا بالبرطوش وربح البيع
وسيد الاُمة ليهو شفيع
******
ولكل من يقرأ الكلام ارفعوا عني الملام فلربما عزّ القصيد
لكنني في غربيتي اكتب واحاكم خاطري لِما ياتُري
الانه هو ماتبقيّ لذاكري من ذكرتي؟
ياليتني اقدراترجم آهتي ياليتني أُرجِع عقارب ساعتي
واعيش في عهد الصبا وارسم ملامح صورتي بأناملي
واعيش انيس مع اسرتي وارشف معاهم قهوتي
وازرع هناك شُجيرتي والثم واضاحك طفلتي
******
هذي الخواطر سادتي هي في الضياع وسادتي
هي في الحقيقة والخيال ترسم ملامح صورتي
لو كنتُ في عهد الصبا توجتُّ يوم قرأتي
كان تبدلّ كل شئ ولوليّ عهد ضآءلتي
لكني بالفال السمح والعيشة في مدن الملح
بسرق سويعات الفرح واطلي في قلبي الجرح
واكتب علي لوح القدر سر العذاب المُستتر
عن النصيب عن القِسم عن الرجوع عن الضجر
عن الدُعاش عن الرُشاش عن السباليق والمطر
ام احكي عن فرح الرُعاة لما القطن واللوز مرق
لمان كريت إتأخرت والراعي قال عندي الخبر
شيل السخيل مبروك ضكر الليلة مايوم اللباء
شوف المعيشة بسيطة كيف حارس لبينة واقلّبا
******
واروح للشلة بي غادي ونقصد كلنا النادي
واسمع امي بتنادي تعال ياخويا إتعشي
تشيل فانوسة تضاري وتقصد عمتي الجارة
تشحد ليها خُمارة وتتأسف عشان باب التُكل
فاتح وكلبا فوق هناك قارح
واقول حجينا حبوبة وتبني القصة بي فصولة
تخط الطوبة فوق طوبة ولما الليل يجن ويصن
اسمع دقة النُوبة
سريري هناك بعيد مجدوع يغازل في ملايتو نسيم
وادوزن في نغيماتي واجافي النوم واسمع رمية
واسمع رمية الدوباي وصوت نُقارة في الكمبو
******
واتذكر واتصبر جحافل ليل خُطاها ترز
ونتجمع صغار وكبار وحادي القافلة بت العز
ونثرب نبري دقاقة صحيح الحاجة خناقة
واهي الاقدار مابترحم يوم تلقي ويوم تعدم
وتمضي زمرة الاخيار وكنا الدنيا مابنعرف
غير الضحكة والإلفة ونصبح كلنا ونمسي
وساعة الحارة نتلفي وهم الناس سترة حال
وراحة بال لاتقصير ولا كُلفة
وحلت لعنة الغربة وبقت دنياي في كُربة
وفي الديوان كلام الناس برا إحساس
عشان الهجرة قد طلت ليالي الاُنس قد ولت
بقيت في الحلة وحداني تمرد فيّ وجداني
وضاعت مني امالي وصارت سلوتي احزاني
اكيد الشلة يوم حاتعود ونسعد بالسمر تاني
******
واهي الايام تلف وتدور ناس مطحونة في الباجور
تبيع تيرابة شان تاكل تقابض لي سداد النور
ويومة طويل شهور في شهور
وناس مغرورة في دِينة تدوس وتزيد ملاينة
حياتم صاخبة وزينة ويا اللديتم ادينا واستر حال
الهي ايدينا ممدودة انعم قربّ العودة قناعة النفس محمودة
وبين امالنا والاقدار فسحة العمر محدودة
الاعزاء هناك عبارات محلية جدا وسف اقوم بتوضيحها اذالزم الامر
الدبُل: مجري مائي يحيط بقرية كتير العوامرة يعني جدول
الباجور: المشروع
نثرب: نخرج بالليل بالابقار او نمشي نتابع الحاصدات في القمح
الكير: اسم لاحد اخوالنا بالقرية اسمه حمد
الشباب الذين وردت اسماؤهم في القصيدة هم بعض رفقاء الطفولة
الكمبو: مجمع تسكن في بعض القبائل الافريقية في الكتير
النقارة: نوع من الايقاعات الافريقة اشبه بالنوبة
النيمة: شجرة كانت تتوسط الحارة والسمبر نوع من الطيور المهاجرة وعندما يصل الي النيمة
ندرك ان الخريف علي الابواب
تطمبر هو اشتقاق من اسم لعبة اسمها طمبرت
كريت: اسم يطلق علي الغنم
